The Nepalese Version of the Suśrutasaṃhitā, Sūtrasthāna 1-31, based on the Nepalese MSS

Published in 2020-2024 by The Suśruta Project in The University of Alberta.

Siglum: NE

NE

[Sūtrasthāna 1-31]

[Adhyāya 1]

1931 ed. 1.1.1 athāto vedotpattim adhyāyaṃ vyākhyāsyāmaḥ |

1931 ed. 1.1.3 atha khalu bhagavantam amaravaram ṛṣigaṇaparivṛttam āśramasthaṃ kāśirājaṃ divodāsam* aupadhenava vaitaraṇaurabhra puṣkalāvata karavīra gopurarakṣita bhoja suśruta prabhṛtaya ūcuḥ |

Notes▲
- The scribe of the earliest MS, K, added the name dhanvantari in the margin; the scribe of N did not have the name; the scribe of H included it in the text.

1931 ed. 1.1.4 bhagavañ śārīramānasāgantubhir vyādhibhir vividhavedanābhighātopadrutān sanāthān anāthavad viceṣṭamānān vikrośataś ca mānavān abhisamīkṣya manasi naḥ pīḍābhavat |

1931 ed. 1.1.4b teṣāṃ sukhaiṣiṇāṃ rogopaśamārtham ātmanaś ca prāṇayātrārtham āyurvedaṃ icchāma upadiśyamānam | atrāyattam aihikam āmuṣmikañ ca śreyas tad bhagavantam upasannāḥ smaḥ śiṣyatveneti |

1931 ed. 1.1.5 tān uvāca bhagavān svāgatam vaḥ sarva evāmīmāṃsyā adhyāpyāś ca bhavanto vatsāḥ |

1931 ed. 1.1.6 iha khalv āyurvedo nāma yad upāṅgam atharvavedasyoktam anutpādyaiva ca prajāḥ ślokaśatasahasram adhyāyasahasrañ ca kṛtavān svayambhūr alpāyuṣkālpamedhastvañ cālokya narāṇām bhūyo 'ṣṭadhā praṇītavān |

1931 ed. 1.1.7 tad yathā śalyaṃ śālākyaṃ kāyacikitsā bhūtavidyā kaumārabhṛtyam agadatantraṃ rasāyanatantraṃ vājīkaraṇatantram iti |

1931 ed. 1.1.8.1 athāsya pratyekāṅgalakṣaṇasamāsaḥ |

1931 ed. 1.1.8.1a tatra śalyan nāma vividhatṛṇakāṣṭhapāṣāṇapāṃsulohaloṣṭāsthibālanakhapūyāsrāvaduṣṭavraṇāntargarbhaśalyoddharaṇārthaṃ yantraśastrakṣārāgnipraṇidhānaviniścayārthañ ca ṣaṣṭyābhidhānair iti |

1931 ed. 1.1.8.2 śālākyatantran nāmorddhvajatrugatānāṃ vikārāṇāṃ śravaṇanayanavadanaghrāṇādisaṃśritānāṃ vikārāṇām upaśamakaraṇārtham |

1931 ed. 1.1.8.3 kāyacikītsā nāma sarvaśarīrāvasthitānāṃ vyādhīnām upaśamakaraṇārthaṃ jvaraśophagulmaraktapittonmādāpasmārapramehātisārādīnāñ ca |

1931 ed. 1.1.8.4 bhūtavidyā nāma devagandharvayakṣarākṣasapitṛpiśācavināyakanāgagrahopasṛṣṭacetasāṃ śāntikarmabaliharaṇādigrahopaśamanārthaṃ |

1931 ed. 1.1.8.5 kaumārabhṛtyan nāma kumārabharaṇadhātrīkṣīradoṣasaṃśodhanārthaṃ duṣṭastanyagrahasamutthitānāñ ca vyādhīnām upaśamakaraṇārtham |

1931 ed. 1.1.8.6 agadatantran nāma sarpakīṭadaṣṭaviṣavyañjanārthaṃ vividhaviṣavegopaśamanārthañ ca |

1931 ed. 1.1.8.7 rasāyanatantran nāma vayaḥsthāpanam āyurmedhākaraṇaṃ vyādhyupaśamakaraṇārthañ ca |

1931 ed. 1.1.8.8 vājīkaraṇatantran nāma svalpaduṣṭakṣīṇaviśuṣkaretasāṃ śukrāpyāyanaprasādopacayajanananimittaṃ praharṣajananārthañ ca |

1931 ed. 1.1.9 evam ayam āyurvedo 'ṣṭāṅga upadiśyate | atra kasmai kiṃ varṇyatām iti |

1931 ed. 1.1.10 ta ūcur asmākaṃ sarvam eva śalyajñānam alaṅkṛtvopadiśatu bhagavān iti |*

notes▲
- We follow the reading of MSS H and N, pace Harimoto 2013, in spite of the fact that alaṃkṛ[tvā] is a marginal addition in K. K is badly damaged at this point, so it is not completely clear what happend to the manuscript, although it does look as if the word was not included in the text and was added by a different hand. But H is usually a faithful witness to the same text as K, and in this case even N concurs. The use of alaṅkṛtvā in the sense "make accessible" is slightly unusual and probably explains the later banalization to mūla.

1931 ed. 1.1.11 sa uvācaivam astv iti |

1931 ed. 1.1.12 ta ūcur bhūyo 'smākaṃ sarveṣām evaikamatīnāṃ matam abhisamīkṣya suśruto bhagavantaṃ prakṣyati | asyopadiśyamānaṃ vayam apy upadhārayiṣyāmaḥ |

1931 ed. 1.1.13 sa uvācaivam astv iti |

1931 ed. 1.1.14-16 iha khalv āyurvedaprayojanaṃ vyādhyupasṛṣṭasya vyādhiparimokṣaḥ svastharakṣaṇañ ca | āyur asmin vidanty anena vāyur vidyata ity āyurvedaḥ | tasyāṅgavaram āgamapratyakṣānumānopamānair aviruddham ucyamānam upadhārayadhvam |

1931 ed. 1.1.17 etad dhy aṅgaṃ prathamaṃ pradhānaṃ prāg abhihitvād vraṇasaṃrohaṇakaratvād yajñaśiraḥpradhānasandhānāc ca | śrūyate hi yathā purā rudreṇa śiraś chinnam aśvibhyāṃ punaḥ sandhitam iti |

1931 ed. 1.1.18 aṣṭānām api cāyurvedatantrāṇām etad evādhikam āśu kriyākaraṇād yantraśastrakṣārāgnipraṇidhānāt sarvatantrasāmānyāc ca |

1931 ed. 1.1.19 tad idaṃ śāśvataṃ puṇyaṃ svargyaṃ yaśasyam āyuṣyaṃ vṛttikarañ ca |

1931 ed. 1.1.20 tad brahmā provāca tat prajāpatir adhijage tasmād aśvināv aśvibhyām indra indrād ahaṃ mayā tv iha pradeyam arthibhyaḥ prajāhitahetoḥ |

1931 ed. 1.1.21bhavati cātra |*
ahaṃ hi dhanvantarir ādidevo jarārujāmṛtyuharo marāṇāṃ |
śalyam mahac chāstravaraṃ gṛhītvā prāpto 'smi gāṃ bhūya ihopadeṣṭuṃ |

notes▲
- The Nepalese witnesses commonly use the abbreviation "bha" for "bhavati cātra", introducing the next verse.

1931 ed. 1.1.22 tatrāsmin śāstre pañcamahābhūtaśarīrisamavāyaḥ puruṣa ity ucyate | tasmin kriyā so 'dhiṣṭhānaṃ | kasmāt | lokadvaividhyāl loko hi dvividhaḥ* sthāvaro jaṅgamaś ca | dvividhātmaka evāgneyaḥ saumyaś ca tadbhūyastvāt pañcātmako vā | tatra caturvidho bhūtagrāmaḥ saṃsvedajādrijajarāyujāṇḍajasaṃjñaḥ | tasmin puruṣaḥ pradhānas tasyopakaraṇam anyat | tasmāt puruṣo 'dhiṣṭhānaṃ |

notes▲
- The reading of dvividhan might be a corruption of dvividhas, which is a permitted sandhi.

1931 ed. 1.1.23 tadduḥkhasaṃyogā vyādhaya ity ucyante |

1931 ed. 1.1.24 te caturvidhā āgantavaḥ śārīrā mānasā svābhāvikāś ceti | teṣv āgantavo 'bhighātanimittāḥ |

1931 ed. 1.1.25.1 teṣām āgantavo 'bhighātanimittāḥ ||

1931 ed. 1.1.25.2 śārīrās tv annamūlā vātapittakaphaśoṇitavaiṣamyanimittāḥ |

mānasās tu krodhaśokadainyaharṣakāmaviṣāderṣyāsūyāmātsaryalobhādaya icchādveṣanimittāḥ |

1931 ed. 1.1.25.4 svābhāvikās tu kṣutpipāsājarāmṛtyunidrāprakṛtayaḥ |

1931 ed. 1.1.26 ta ete manaḥśarīrādhiṣṭhānā bhavanti |

1931 ed. 1.1.27 teṣāṃ lekhanabṛmhaṇasaṃśodhanasaṃśamanāhārācārāḥ samyak prayuktā nigrahahetavo bhavanti |

notes▲
- kuṭṭha is Prākṛta for "skin disease, leprosy," but this sense does not fit this passage; the word here must refer to an insect or similar creature. In our MSS, kuṭṭha appears to be the transmitted form, possibly Sanskritized to kuṣṭha by the scribe of MS H. It is not obvious how it could be a scribal error for the Vulgate's "kīṭa."

1931 ed. 1.1.31 tatra sthāvarebhyas tvakpatrapuṣpaphalamūlakandakṣīraniryāsasārasnehasvarasāḥ prayojanavantaḥ | jaṅgamebhyaś carmaromanakharudhirādayaḥ |

1931 ed. 1.1.32 pārthivas tu suvarṇarajatādayaḥ |

1931 ed. 1.1.33 kālakṛtās tu pravātanivātātapacchāyātamojyotsnāśītoṣṇavarṣāsu samplavāḥ | kālaviśeṣās tu nimeṣakāṣṭhākalāmuhūrtāhorātrapakṣamāsartvayanasamvatsarayugaviśeṣāḥ |

1931 ed. 1.1.34 svabhāvata eva doṣāṇāṃ sañcayaprakopopaśamapratīkārahetavo bhavanti | prayojanavantaś ca |

bhavanti cātra |
1931 ed. 1.1.35x śārīrāṇāṃ vikārāṇām eṣa vargaś caturvidhaḥ |
prakope praśame caiva hetur uktaś cikitsakaiḥ ||

1931 ed. 1.1.36 āgantavas tu ye rogās te dvidhā nipatanti ha |
manasy anye śarīre ca teṣān tu dvividhā kriyā ||

1931 ed. 1.1.37 śarīrapatitānāṃ tu śārīravad upakramaḥ |
mānasānān tu śabdādir iṣṭo vargaḥ sukhāvahaḥ ||

1931 ed. 1.1.38 evam etat puruṣo vyādhir auṣadhaṃ kriyā kāla iti samāsena catuṣṭayaṃ vyākhyātam bhavati | tatra puruṣagrahaṇāt tatsaṃbhavadravyasamūho bhūtādir uktaḥ tadaṅgapratyaṅgavikalpāś ca tvaṅmāṃsāsirāsnāyvasthisandhiprabhṛtayaḥ | vyādhigrahaṇād vātapittakaphaśoṇitasannipātāgantusvabhāvanimittāḥ sarva eva vyādhayo vyākhyātā bhavanti | oṣadhagrahaṇād dravyarasaguṇavīryavipākānām ādeśaḥ | kriyāgrahaṇāt snehādīni cchedyādīni ca karmāṇy upadiṣṭāni bhavanti | kālagrahaṇāt sarva eva kriyākālādeśaḥ |

1931 ed. 1.1.39 bhavati cātra
bījañ cikitsitasyaitat samāsena prakītam |
saviṃśam adhyāyaśatam asya vyākhyā bhaviṣyati ||

1931 ed. 1.1.40 tac ca viṃśam adhyāyaśataṃ pañcasu sthāneṣu ceti | tatra ślokasthānanidānaśārīracikitsitakalpeṣv arthavaśād vibhajya uttare vakṣyāmaḥ |

1931 ed. 1.1.41 bhavati cātra |
svayambhuvā proktam idaṃ sanātanam
paṭhet tu yaḥ kāśipatiprakāśitam |
sa puṇyakarmā bhuvi pūjito nṛpair
asukṣaye śakrasalokatām iyād iti ||

[Adhyāya 2]

1931 ed. 1.2.1 athātaḥ śiṣyopanayanīyam adhyāyaṃ vyākhyāsyāmaḥ ||

1931 ed. 1.2.3 brāhmaṇakṣatriyavaiśyānām anyatamam anvaya vayaḥ śaurya śaucācāra vinaya śakti bala medhā dhṛti smṛti pratipattiyuktaṃ* tanu jihvauṣṭha dantāgram ṛjuvaktrākṣināsaṃ prasannacittavākceṣṭaṃ kleśasahañ ca śiṣyam upanayet | sa hi guṇavān tasmai deyam ato|| viparītaguṇaṃ nopanayet |

Notes▲
- Emending anvaya against the Nepalese MSS is required to make syntactic sense of the passage. Dr. P. Maas pointed out the parallel with the mention of kula ``family'' as one of the qualifiers for a student, in Carakasaṃhitā 3.8.8.

1931 ed. 1.2.4 śūdram api guṇavantam anupanītam adhyāpayed ity eke | upanayanīyan tu brāhmaṇam praśasteṣu tithikaraṇamuhūrttanakṣatreṣu praśastāyān diśi śucau deśe gocarmamātraṃ sthaṇḍilam upalipya darbhasaṃstaraṇam ahitaṃ kṛtvā puṣpair dhūpair janvair bhankais ca pūjayitvā palāśodumvarabilvānāṃ samidbhir ghṛtam aktābhir dārvīhaumikenāgnim upasamādhāyājyañ juhuyāt | pratidevatam ṛṣibhyaḥ śiṣyaṃ svāhākāraṃṅ kārayet |

1931 ed. 1.2.5 brāhmaṇas trayāṇāṃ rājanyo dvayasyā vaiśyo vaisyasyaiva |

1931 ed. 1.2.6 tato 'gniṃ pariṇīyāgnisākṣikaṃ śiṣyaṃ brūyāt | kāmakrodhalobhamohamānāhaṃkārerṣyāmātsarya pārūṣya paiśunyānṛtālasyāsyayaśasyāni hitvā kāṣāyavāsasā nīcanakharomṇā trirātraṃ śucinā satyabrahmacaryābhivādanapareṇa bhavitavyaṃ | mamānumatasthānagamanaśayanāsanabhojanādhyayanapareṇa bhūtvā matpriyahiteṣu varttitavyam ato 'nyathā varttamānasyādharmmo bhavaty aphalā ca vidyā na ca prākāśyaṃ prāpnuyāt |

1931 ed. 1.2.7 aham vā tvayi samyag varttamāne yady ananyathādarśā syāt tadaiva nāsau bhāgyavidyāphalabhāk ca bhaveyaṃ |

1931 ed. 1.2.7.a yasmād arogavatā dharmmārthakāmamokṣāḥ prāpyante |

1931 ed. 1.2.8 tasmād dvijadaridrasādhvanāthābhyupagatapāśaṇḍasthitānām ātmabāndhavānām ivātmabheṣajaiḥ | pratikartavyam evaṃ sādhu bhavati | vyādhaśākunikapatitapāpakarttṝṇāñ ca na pratikarttavyam evaṃ vidyā prakāśate | mitra dharma kāma yaśāṃsi cāvāpnoti ||

1931 ed. 1.2.9X bhavataś cātra ||

1931 ed. 1.2.9 kṛṣṇāṣṭamī tannidhane 'hanī dve
śuklādaye 'py evam ahar dvisandhyaṃ |
akālavidyutstanayitnughoṣe
svatantrarāṣṭrakṣitipavyathāsu |

1931 ed. 1.2.10 śmaśānayānādhvatanāhaveṣu
tathotsavotpātikadarśaneṣu |
nādhyeyam anyeṣu ca yeṣu viprāṇṇ
ādhīyate nāśucinā ca nityam ||

iti ||

[Adhyāya 3, collation based on MSS K (to 1.3.23) and H (to 1.3.24-end)]

1.3.1 athāto 'dhyayanasampradānīyaṃ vyākhyāsyāmaḥ ||

1.3.3 prāgabhihitaṃ saviṃśamadhyāyaśataṃ pañcasu sthāneṣu ceti || tatra ślokasthāne adhyāyāḥ ṣaṭcatvāriṃśat | ṣoḍaśanidānāni | daśa śārīrāṇi | catvāriśac cikitsitāni | aṣṭau kalpāḥ || bhavanti cātra ||

1.3.4ab vedotpattiḥ śiṣyanayas tathādhyayanadānikaḥ |

1.3.4cd prabhāṣaṇāgraharaṇaḥ | ṛtucaryātha yāntrikaḥ |

1.3.5ab śastrāvacāraṇaṃ yogyā viśikhā kṣārakalpanaṃ |

1.3.5cd agnikarmajalaukākhyāvadhyāyau raktavarṇṇanaṃ |

1.3.6ab doṣadhātumalādyānāṃ vijñānādhyāya eva ca |

1.3.6cd karṇṇavyatha āmapakvamālepo vraṇitāsanaṃ |

1.3.7ab hitāhito vraṇapraśno vraṇāsrāvaś ca yaḥ smṛtaḥ |

1.3.7cd kṛtyākṛtyavidhir vyādhisamuddeśīya eva ca |

1.3.8ab viniścayaḥ śastravidhau pranaṣṭajñānikas tathā |

1.3.8cd śalyoddhṛtir vraṇajñānaṃ dūtasvapnanidarśanaṃ |

1.3.9ab paṃcendriyan tathā chāyā svabhāvādvaikṛtopi ca |

1.3.9cd vāraṇo yuktasenīya āturakramamiśrakau |

1.3.10ab bhūmibhāgo dravyagaṇāḥ saṃśuddhau śamane ca yaḥ |

1.3.10cd dravyādīnāñ ca vijñānaṃ viśeṣe dravyageparaḥ |

1.3.11ab rasajñānaṃ vamanārtham adhyāyo recanasya ca |

1.3.11cd dravadravyavidhis tadvad annapānavidhiḥ śubhaḥ |

1.3.12ab sūcanāt sūtraṇāc caiva sādhanāc cārthasantateḥ |

1.3.12cd ṣaṭcatvārimśad adhyāyaṃ sūtrasthānam pracakṣate ||

1.3.13ab vātavyādhikam arśāmśi sāśmariś ca bhagandaraḥ

1.3.13cd kuṣṭhamehodarā mūḍha vidradhyaḥ parisarpaṇaṃ |

1.3.14ab granthivṛddhikṣudraśūkabhagnāś ca mukharaugikaṃ |

1.3.14cd hetulakṣaṇanirdeśānnidānānīti ṣoḍaśa ||

1.3.15ab bhūtacintārajaḥśuddhir garbhāvakrāntir eva ca |

1.3.15cd garbhasya ca vyākaraṇaṃ śarīrasya ca yat smṛtaṃ |

1.3.16ab pratyekam armanirdeśaḥ sirāvarṇṇanam eva ca |

1.3.16cd sirāvyadho dhamanīnāṃ garbhiṇyā vyākṛtis tathā |

1.3.17ab nirdiṣṭāni daśaitāni śārīrāṇi maharṣiṇāṃ |

1.3.17cd vijñānārthaṃ śarīrasya bhiṣajāṃ yogināmapi ||

1.3.18ab dvivraṇīyo vraṇe sadyo bhagnānāṃ vātarogikaṃ |

1.3.18cd mahāvātikamarśānsi sāśmariś ca bhagandaraḥ |

1.3.19ab kuṣṭhānāṃ mahatāñ cāpi maihikampaiḍikan tathā |

1.3.19cd madhumehicikitsā ca tathā codariṇāmapi |

1.3.20ab mūḍhagarbhacikitsā ca vidrathīnām visarpiṇāṃ |

1.3.20cd granthīnām vṛddhyudaṃśānāṃ tathā ca kṣudrarogikaṃ |

1.3.21ab śūkadoṣacikitsā ca tathā ca mukharogiṇāṃ |

1.3.21cd śophasyānāgatānāñ ca niṣedho miśrakan tathā |

1.3.22ab vyājīkarañ ca yatkṣīṇe sarvābādhaśamo pi ca |

1.3.22cd medhāyuṣkaraṇañ cāpi svabhāvāc ca nivāraṇaṃ |

1.3.23ab nivṛttasantāpakaraṃ kīrtitañ ca rasāyanaṃ |

1.3.23cd snehopayogikaḥ svedāḥ vamane savirecane |

1.3.24ab tayor vyāpaccikitsā ca netrabastivibhāgikaḥ |

1.3.24cd netrabastivibhāgikaṃ | netrabastivipatsiddhis tathā cottarabastikaṃ ||

1.3.25ab nirūhakramasaṃjñañ ca tathaivāturasaṃjñitaṃ |

1.3.25cd dhūmanastovidhiś cogryaś catvāriṃśad iti smṛtāḥ ||

1.3.26ab prāyaścittaṃ praśamanaṃ cikitsā śāntikarmma ca |

1.3.26cd paryāyās tasya nirdeśāc cikitsāsthānam ucyate ||

1.3.27ab annasya rakṣā vijñānaṃ sthāvarasyetarasya ca |

1.3.27cd sarppadaṣṭaviṣaṃ jñānaṃ tasyaiva ca cikitsitaṃ ||

1.3.28ab daundubhir mmūṣikāṇāñ ca kīṭānāṅ kalpa eva ca |

1.3.28cd aṣṭau kalpāḥ samākhyātā viṣabheṣajakalpanāt ||

1.3.29ab saviṃśamadhyāya śatam evam etad udīritaṃ |

1.3.29cd ataḥ paraṃ svanāmnān tu tantram uttaram ucyate ||

1.3.30ab adhikṛtya kṛtaṃ yasmāt tantram etad upadravān |

1.3.30cd aupadravika ityeṣa tasyāgratvān nirucyate ||

1.3.31ab sandhau vartmasu śukle ca kṛṣṇe sarvatra dṛṣṭiṣu |

1.3.31cd saṃvijñānārtham adhyāyāḥ gadānāṃ tu prati prati ||

1.3.32ab cikitsāpratibhāgīyo vātābhiṣyandavāraṇaḥ |

1.3.32cd paittasya śleṣmalasyāpi raudhir asya tathaiva ca ||

1.3.33ab lekharoganirodhaś ca chedyānāṃ vartmadṛṣṭiṣu |

1.3.33cd 1.3.33cd kriyākalpobhighātaś ca tthās tac cikitsitaṃ ||

1.3.34ab ghrāṇotthānāñ ca vijñānaṃ tad gadapratiṣedhanaṃ |

1.3.34cd pratiśyāyaniṣedhaś ca śirogatavijānanaṃ ||

1.3.35ab cikitsā tad gadānāñ ca śālākye tantra ucyate |

1.3.35cd navagrahākṛtijñānaṃ skandasya ca niṣedhanaṃ ||

1.3.36ab apasmāraśakunyoś ca revatyāś ca punaḥ pṛthak |

1.3.36cd pūtanāyās tathāndhāyā maṇḍikā śītapūtanā ||

1.3.37ab naigameṣacikitsā ca grahotpattiḥ sayonijāḥ |

1.3.37cd kumāratantram ity etac chārīreṣu ca kīrttitaṃ ||

1.3.38ab jvarātisāraśoṣāṇāṃ gulmahṛdrogiṇām api |

1.3.38cd pāṇḍūnāṃ raktapittasya mūrcchāyāḥ pānajāś ca ye ||

1.3.39ab tṛṣṇāyāś charddihikkānāṃ niṣedhaḥ śvāsakāsayoḥ |

1.3.39cd svarabhedacikitsā ca krimyudāvartinoḥ pṛthak ||

1.3.40ab vimūcikārācakayormmūtrāghātavikṛcchrayoḥ |

1.3.40cd iti kāyacikitsāyāḥ śeṣam atra prakīrttitaṃ||

1.3.41ab amānuṣaniṣedhaś ca tathāpasmāriko paraḥ |

1.3.41cd unmādapratiṣedhaś ca bhūtavidyā nirucyate ||

1.3.42ab rasabhedāḥ svasthavṛttaṃ yuktayas tāntrikāś ca yāḥ |

1.3.42cd doṣabhedā iti jñeyā adhyāyās tatra bhūṣaṇāḥ ||

1.3.43ab śreṣṭhatvād uttattaraṃ hy etat tantram āhur mmaharṣayaḥ |

1.3.43cd bahvarthaṃ saṅgrahāc chreṣṭham uttaraṃ vāpi paścimaṃ ||

1.3.44ab śālākyatantraṃ kaumāraṃ cikitsā kāyikī ca yāḥ |

1.3.44cd bhūtavidyeti catvāri tantre tūttarasaṃjñite ||

1.3.45ab vyājīkarā cakitsā ca rasāyanavidhis tathā |

1.3.45cd viṣatantraṃ punaḥ kalpāḥ śalyajñānaṃ samantataḥ ||

1.3.46ab ity aṣṭāṅgam idan tantram ādideveprakāśitaṃ |

1.3.46cd vidhinādhītya yuñjānā bhavanti prāṇadā bhuvi ||

1.3.47 etad avasyam adhyeyaṃ adhītya ca karmmāpy avasyam upāsitavyaṃ ubhayajño hi bhiṣagrājārho bhavati || bha ||

1.3.48ab yas tu kevalaśāstrajñaḥ karmmasvapariniṣṭhataḥ |

1.3.48cd sa muhyaty āturaṃ prāpya prāpya bhīrur ivāhavaṃ ||

1.3.49ab yastu karmmasu niṣṇāto dhāṣṭyāc chāstrabahiṣkṛtaḥ |

1.3.49cd sa satsu pūjān nāpnoti vadhañ cārcchati rājataḥ ||

1.3.50ab ubhāv etāv anipuṇāvasam arthau cikitsittaṃ |

1.3.50cd ardhavedadharāvetāvekapakṣāv iva dvijau ||

1.3.51ab oṣadhyo'mṛtakalpās tu śastrāśaniviṣopamāḥ |

1.3.51cd ajñenoupahitās tās yusmāt tam parivarjayet ||

1.3.52ab snehādiṣvanabhijñās tu chedyādiṣu ca karmmasu |

1.3.52cd mārayanti naraṃ lobhāt kuvaidyā nṛpadoṣataḥ ||

1.3.53ab yas tūbhayajño matimān sa samartho'thasādhane |

1.3.53cd āhave karmma nirvvoḍhuṃ dvicakra syandano yathā ||

1.3.54 vatsa yathā adhyeyaṃ tathopadhāraya svocyamānaṃ | atha śucaye kṛtaṃ aṅgalāya kṛtottarāsaṅgāyopasthitāyādhyayanakāle śiṣyāya | yathāśaktito gurur upadiśet padaṃ padaṃ pādaṃ pādaṃ ślokaṃ vā te ca krame yaśa bhūyaḥ sandheyāḥ | evam ekaikaśo ghaṭayed ātmānañ cātra paṭhed adrutam avilaṃbitam ananunāsikaṃ nāvyaktātinipīḍitavarṇṇam akṣibhruvauṣṭhahasttair anataṃ susaṃskṛtaṃ nātyuccair nnātinīcaiḥ sva paṭhet tayor adhīyānayor nna cāntareṇa kaścid vrajed iti ||

1.3.55ab śucir gguruparo dakṣās tandrīnidrāvivarjjitaḥ |

1.3.55cd paṭhann etena vidhinā śiṣyaḥ śāstrāntam āpnuyāt ||

1.3.56ab vāksauṣṭhaverthavijñāne prāgalbhye karmmanaipuṇe |

1.3.56cd tadabhyāse ca siddhau ca yatetādhyayanāntaga iti || 3 ||

[Adhyāya 4, collation]

athātaḥ prabhāṣaṇīyam adhyāyaṃ vyākhyāsyāmaḥ ||

adhigatam apy adhyayanam ananubhāṣitam arthataḥ
kharasya candanabhāra iva kevalaṃ pariśramakaro bhavati ||

tasmāt saviṃśam adhyāyaśatam anupadapādaślokam avasyam anuvarṇitavyaṃ | kasmāt sūkṣmā hi dravyarasaguṇavīryavipākadoṣadhātumalāśayamarmmasirāsnāyusandhyasthivibhāgāḥ | garbhasaṃbhavadravyasamūhavibhāgāś ca | tathā pranaṣṭaśalyoddharaṇavraṇaviniścayabhagnavikalpāḥ | sādhyayāpy apratyākhyeyatā ca vikārāṇām evam ādayaś ca sahasraśo 'nye viśeṣāḥ | ye cintyamānā vimalavipulabuddher api buddhim ākulīkuryuḥ kiṃ punar alpabuddhes tasmād avaśyam anuvarṇayitavyaṃ ||

1.4.6 nāmarthavaśātteṣāntadvidyebhya eva vyākhyāna stre sarvaśāstrāṇāmavarodhaḥ karttum̐ śakya iti || 6 ||

1.4.7 śāstram ekam adhīyāno na vidyāc chāstraniścayaṃ |
tasmād bahuśrutaḥ śāstraṃ vijānīyāc cikitsakaḥ |

1.4.8 śāstraṃ gurumukhodgīrṇṇam ādāyopāsya cāsakṛt |
yaḥ karma kurute vaidyaḥ sa vaidyo nye tu taskarāḥ ||

1.4.9 opadhenavam aurabhraṃ sauśrutam pauṣkalāvataṃ |
śeṣāṇāṃ śalyatantrāṇāṃ mūlāny etāni nirddiśed iti || ||

[Adhyāya 5, collation]

1.5.1 athāto'gropaharaṇīyam adhyāyaṃ vyā ||

1.5.3 trividhaṃ karmma pūrvakarma pradhānakamma paścātkarmeti | tadvyādhim pratyupadekṣyāmaḥ |

1.5.4 asya tu śāstrasya śastrakarmaprādhānyātpūrvaṃ śastrasambhārāne vopadekṣyāmaḥ |

1.5.5 tac ca śastrakarmāṣṭavidham bhavati | tad yathā | chedyaṃ bhedyaṃ lekhyaṃ vedhyam eṣyam āhāryaṃ visrāvyaṃ sīvyam iti

1.5.6 yato 'nyatkarmacikīrṣuṇā pūrvam evopakalpayitavyāni bhavanti | tad yathā yantraśastrakṣārāgniśalākāpicuplotapatrasūtraghṛtamadhupayastailatarpaṇakaṣāyālepanakalkaśītodakavyajanakaṭāhādīni parikarmiṇaś ca snigdhā sthirā balavantaḥ |

1.5.7 tataḥ praśasteṣu tithikaraṇamuhūrttanakṣatreṣu dadhyakṣatānnapānaratnair viprāṃś cārcayitvā kṛtabalimaṅgalasvastivācanaṃ bhuktavantamāturaṃ prāṅmukham upaveśya yantrayitvā marmasirāsnāyusandhyasthidhamanīḥ pariharan nanu lomaṃ śastrannidadhyād āpūyadarśanāt sakṛdevopaharec chastram āśu ca | mahatsv api ca pākeṣu dvyaṅgulatryaṅgulāntaram vā śastrapadam uktaṃ ||

1.5.8 tatrāyato viśālaḥ samaḥ suvibhakta iti vraṇāḥ ||

1.5.8a ekena vā vraṇena na viśuddhyati tatoparāṃ buddhyāpekṣāntaraṃ vraṇāṅkuryāt ||

1.5.9 bha

1.5.9ab āyataś ca viśālaś ca suvibhakto nirāśrayaḥ |

1.5.9cd prāptakālakṛtaś caiva vraṇāḥ karmaṇi śasyate ||

1.5.10ab śauryam āśukriyātīkṣṇaṃ śastram asvedavepathuḥ |

1.5.10cd asammohaś ca vaidyasya śastrakarmaṇi pūjyate ||

1.5.12ab yato yato gatiṃ vidyād utsaṅgo yatra yatra ca |

1.5.12cd tatra tatra varṇaṃ kuryād yathā doṣo na tiṣṭhati ||

1.5.13 tatra bhrūgaṇḍalalāṭākṣipuṭakakṣāvaṃkṣṇeṣu tiryakcheda uktaḥ |

1.5.15 anyathā tu sirāsnāyukṣaṇanād atimātraṃ | vedanācirācca vraṇasaṃroho māṃsakandīprādurbhāvaś ca bhavati |

mūḍhagarbhodarāśmarībhagandaramukharāgeṣvabhuktavatāṃ kurvītaḥ

1.5.17 tataḥ śastramavacārya śītābhiradbhipariṣicyarāturamāśvāsya ca samantātparipīḍyāṃgulyā vraṇamabhimṛjya prakṣālya kaṣāyeṇa plotenodakam ādāya tilakalkamadhu gāḍhāṃ varttimpraṇidhāya patreṇācchādya kavalikāndatvā bandhanopapādayet | vedanaārakṣoghnair dhūpayitvā

guggulvagarusarjjarasavacāgaurasarpalavaṇanimbapatrājyaśeṣeṇa cāsya prāṇāṃ samālabheta |

1.5.19 udakumbhāccāpo gṛhītvā prokṣayanrakṣākarmma kuryāt ||

1.5.20ab kṛtyānāmparirakṣārtha tathā rakṣobhayasya ca

1.5.20cd rakṣākarmma kariṣyāmi brahmā tadanumanyatāṃ |

1.5.21ab nāgā piśācā gandharvā yakṣarakṣaṃsyathagrahāḥ |

1.5.21cd abhidravanti ye ye tvā brahmādyāḥ ghnantu tāṃ sadā |

1.5.22ab pṛthivyāmantarikṣe ca ye caranti niśācarāḥ |

1.5.22cd dikṣu vāstuni ye cānye pāntu tvā te namaskṛtāḥ |

1.5.23ab pāntu tvāmṛṣayo brahmavidyā rājarṣayas tathā |

1.5.23cd parvatāś caiva nadyaś ca sarvāḥ sarve ca sāgarāḥ |

1.5.24ab agnī rakṣatu te jihvāṃ prāṇaṃ vāyus tathaiva ca |

1.5.24cd somo vyānam apānante parjanyaḥ parirakṣatu |

1.5.25ab udānam vidyutaḥ pāntu samānaṃ stanayitnavaḥ |

1.5.25cd balamindro balapatir matim vācaspatis tathā |

1.5.26ab kāmānte pāntu gandharvāssatvamindrobhirakṣatu |

1.5.26cd prajñānte varuṇo rājā samudro nābhimaṇḍalaṃ |

1.5.27ab cakṣuḥ sūryo diśaḥ śrotraṃ candramā pātu te manaḥ |

1.5.27cd nakṣatrāṇi sadā rūpaṃ chāyām pātu niśā tava |

1.5.28ab retastvāpy āyayaṃtvāpo romāṇy auṣadhayas tathā |

1.5.28cd ākāśaṅkhāni te pātu dehan tava vasundharā |

1.5.29ab vaiśvānaraḥ śiraḥ pātu viṣṇus tava parākramaṃ |

1.5.29cd pauruṣam puruṣaśreṣṭho brahmātmānaṃ bhruvau dhruvaḥ |

1.5.30ab etā dehe viśeṣeṇa tava nityā hi devatāḥ |

1.5.30cd etāstāḥ satataṃ pāntu diśantu ca nirāmayaṃ |

1.5.33ab etair vedātmakair mantraiḥ | kṛtyavyādhivināśanaiḥ |

1.5.33cd mayaivaṃ kṛtarakṣastvandīrghamāyuravāpnuhi ||

1.5.34 tataḥ kṛtarakṣakarmamāturamagāram praveśyācārikam upadiśet

1.5.35 tatastṛtīyehani vimucyaivameva badhnīyānna cainaṃ tvaramāṇoparedyurmokṣayet

1.5.36 dvitīyadivasamokṣaṇād vigrathito vraṇaḥ cirād upasaṃrohatyugrarukta bhavati ||

1.5.37 ata urdhvaṃ doṣakālabalādīn avekṣya kaṣāyālepanabandhāhārād vidadhyān

1.5.38 na cainaṃ tvaramāraṇaḥ sāntardoṣaṃ rohayet | sa hy alpenāpyapacāreṇābhyantaramutsaṅgaṅkṛtvā bhūyo vikaroti |

1.5.39ab tasmāt suśuddhaṃ bahirabhyantarataś ca vraṇaṃ saṃrohayet |

1.5.39cd rūḍhe py ajīrṇṇavyāyāmavyavāyādīn vivarjjayet ||

1.5.39cd1 bha ||

1.5.40ab hemante ca vasante ca śiśire cāpi mokṣayet |

1.5.40cd tryahā dvyahāc charadgrīṣmavarṣāsv api ca buddhimāṃ |

1.5.41ab atipātiṣu rogeṣu nekṣetainaṃ vidhiṃ bhiṣak |

1.5.41cd pradīptād gāravacchīghraṃ tatra kuryātpratikriyāṃ |

1.5.42ab yā vedanāśastranipātajātā tīvrā śarīre pratanoti jantoḥ |

1.5.42cd ghṛtena sā śāntim upaiti neti || hya ||

[Adhyāya 6]

1931 ed. 1.6.1 athāto ṛtucaryāṃ vyākhyāsyāmaḥ ||

1931 ed. 1.6.3 kālo hi bhagavān svayambhur anādimadhyanidhano 'tra rasavyāpatsampattayo jīvitamaraṇe ca manuṣyāṇām āyatte sa sūkṣmām api kalān na līyata iti kālaḥ | saṅkalayati kalayati vā bhūtānīti kālaḥ |

1931 ed. 1.6.4 tasya saṃvatsarātmano bhagavān ādityo gativiśeṣeṇa nimeṣakāṣṭhākalāmuhūrttāhorātrapakṣamāsartvayanasaṃvatsarayugapravibhāgaṃ karoti |

1931 ed. 1.6.6 tatra māghādayo dvādaśa māsāḥ saṃvatsaraḥ | dvimāsikam ṛtuṅ kṛtvā ṣaḍṛtavo bhavanti || te ca śiśiravasantagrīṣmavarṣāśaraddhemantāḥ | teṣaṃ tapastapasyau śiśiraḥ | madhumādhavau vasantaḥ | śuciśukrau grīṣmaḥ nabhonabhasyau varṣā | iṣorjau śarat | sahassahasyau hemanta iti |

1931 ed. 1.6.7 ta ete śītoṣṇavarṣavātalakṣaṇāḥ | candrādityayoḥ kālavibhāgakaratvād ayane dve bhavataḥ | dakṣiṇam uttarañ ca | tayor dakṣiṇam varṣāśaraddhemantāḥ teṣu bhagavān āpyāyate somaḥ | amlalavaṇamadhurāś ca rasā balavanto bhavanti | uttarottarañ ca sarvaprāṇināṃ balam abhivarddhate | uttaraṃ śiśiravasantagrīṣmāḥ | teṣu bhagavān āpyāyate rkaḥ | kaṭutiktakaṣāyāś ca rasā balavattarā bhavanti | uttarottaraś ca prāṇinām balam parihīyate ||

1931 ed. 1.6.8 bhavati cātra ||

1931 ed. 1.6.8ab somaḥ kledayate bhūmiṃ sūryaḥ śoṣayate punaḥ |

1931 ed. 1.6.8cd tāv ubhāv api saṃśritya vāyuḥ pālayati prajāḥ ||

1931 ed. 1.6.9 atha khalv ayane yugapat saṃvatsaro bhavati | te dve ayane varṣasaṃvatsaraḥ parivatsaraḥ iḍāvatsaraḥ vatsara ity evaṃ pañca pañca varṣāṇi || te pañca yugam iti saṃjñāṃ labhante sa eṣa nimeṣādir yugaparyantaḥ kālaś cakravat parivarttamānaḥ kālacakra ity ucyate |

1931 ed. 1.6.9a evaṃ dakṣiṇāyane rātrir vyākhyātā ||

1931 ed. 1.6.10 iha tu varṣāśaraddhemantavasantagrīṣmaprāvṛṣaḥ ṣaḍṛtavo bhavanti | doṣopacayaprakopapraśamanimittaṃ | te tu bhādrapadādyair dvimāsike naivaṃ vyākhyātāḥ | tadyathā | bhadrapadāśvayujau varṣāḥ kārttikamārgaśīrṣau śarat | pauṣamāghau hemantaḥ | phālgunacetrau vasantaḥ | vaiśākhajyeṣṭhau grīṣmaḥ | āṣāḍhaśrāvaṇau prāvṛḍ iti ||

1931 ed. 1.6.11 tatra varṣāsv auṣadhyas taruṇyo lpavīryā āhāratvam upagatā vidahyante | āpaś cāpraśāntāḥ kṣitimalaprāyās tāstūpayujyamānā nabhasi meghāvatate jalapraklinnāyāṃ bhūmau klinnadehānāṃ dehināṃ śītavātavarṣaviṣṭambhitāgnīnāṃ vidahyante | sa vidāhāt pittasañcayam āpādayanti | sa sañcayaḥ śaradi praviralameghe viyaty upaśuṣyati paṅke 'rkakiraṇapravilāyitaḥ paittikāṃ vyādhīṃ janayati | tā evauṣadhyaḥ kālapariṇāmāt pariṇatavīryā balavatyo hemante bhavanti | āpaś ca praśāntāḥ snigdhā atyarthaṃ gurvyastā upayujyamānāḥ mandakiraṇatvād bhānos satuṣāraupaṣṭambhitadehānāṃ dehinām avidagdhāḥ snehād gauravād upalepitvāc ca śleṣmaṇas sañcayam āpādayanti | sa saṃcayo vasante 'rkakiraṇapravilāyitaḥ śleṣmikāṃ vyādhīṃ janayati | tā evauṣadhyau grīṣmaniḥsārā rūkṣā atimātralaghvyo bhavaty āpaś ca tā upayujyamānāḥ tatra śaraddhemantayor madhyasamam ahorātraṃ yugapac cādhimāsakau bhavataḥ | viṃśatikāṣṭhāś caikanimeṣārdhaś ca dinapariparivṛddhir uttarāyaṇe | sūryapratāpopaśoṣitadehānāṃ dehināṃ raukṣyāl laghvāc ca vāyoḥ sañcayam āpādayanti | sa sañcayaḥ prāvṛṣi cātyarthaṃñ jalopaklinnāyāṃ bhūmau cātiklinnadehānāṃ dehināṃ śītavātavarṣerito vātikān vyādhīn janayati | evam eṣāṃ doṣāṇāṃ sañcayaprakopahetur uktaḥ |

In the 1931 ed. of the vulgate, the text numbering skips from 1.61.11 to 1.6.13, omitting 1.6.12. In the 1938 ed. the vulgate tatra varṣāhemanta ... nirharaṇaṃ kartavyam is numbered 1.6.12 (not 1.6.13) and the numbers are one more than the 1931 ed. from there to the end of the adhyāya.

1931 ed. 1.6.13 tatra varṣāhemantagrīṣmeṣu sañcitānān doṣāṇāṃ śaradvasantaprāvṛṭsu ca prakupitānāṃ nirharaṇaṃ |

1931 ed. 1.6.14 tatra paittikānāṃ vyādhīnāṃ hemante vyupaśamaḥ | śleṣmikāṇāṃ nidāghe vātikānāṃ śaradi | svabhāvatas tv ete sañcayaprakopaśamā vyākhyātāḥ ||

1931 ed. 1.6.16 tatrāvyāpanneṣv ṛtuṣv avyāpannā oṣadhayo bhavanty āpaś ca | tās tūpayayujyamānāḥ prāṇāyurbalavīryaujaskaryo bhavanti |

1931 ed. 1.6.17 tāsām punar vyāpado 'dṛṣṭakāritāni śītoṣṇavātavarṣāṇi | khalu viparītāny auṣadhīr vyāpādayanty āpaś ca |

1931 ed. 1.6.18 tāsām upayogād vividharogaprādurbhāvo marako vā bhavati |

1931 ed. 1.6.20 kadācid avyāpanneṣv api kṛtyābhiśāparakṣaḥkrodhād adharmair uṣasyante janapadāḥ | viṣauṣadhipuṣpagandhena vā vāyunopanītena | kāsaśvāsapratiśyāyaśirorogajvarair upatapyante prajāḥ grahanakṣatracaritair vā | śayanāsanayānavāhanamaṇiratnopakaraṇagarhitalakṣaṇaprādurbhāvair vā

1931 ed. 1.6.21 jāto 'tra | parityāga śānti prāyaścitta bali maṅgala japa homopahārejyāñjali namaskāra tapo niyama dayā dāna dīkṣābhyupagama devatā brāhmaṇa guru parair bhavitavyam evaṃ sādhu bhavati ||

1931 ed. 1.6.21a bhavati cātra

1931 ed. 1.6.38 svaguṇair api yukteṣu viparīteṣu vā punaḥ |
viṣameṣv api vā doṣā kupyanty ṛtuṣu dehinām iti || ||

[Adhyāya 7, collation]

1.7.1 athāto yantravidhim adhyāyaṃ vyākhyāsyāmaḥ ||

1.7.2a tvahyaṃ sasandhiśrotaḥ snāyvasthikoṣṭhagataśalyāddharaṇārtham upadiśyate |

1.7.3 yantraśatam ekottaram atra hastayantram eva pradhānatamaṃ yantrāṇām avagaccha tadadhīnatvād yantrakarmaṇāṃ |

1.7.4 tatra manaḥ śarīrābādhakarāṇi śalyāni teṣāmāharaṇopāyo yantrāṇi

1.7.5 tāni ṣaṭprakārāṇi bhavanti | tad tyathā | svastikayantrāṇi | sandamśayantrāṇi | tāḍayantrāṇi | nāḍīyantrāṇi | śalākāyantrāṇi | upayantrāṇi ceti ||

1.7.6 tatra caturvimśati svastikayantrāṇi | dve sandamśayantre | dve eva tāḍayayantre || viṃśatirnāḍyaḥ aṣṭāviṃśati śalākāḥ | pañcaviṃśati rupayantrāṇīti |

1.7.7 tāni prāyaśo lohāni bhavanti | tat pratirūpakāṇi vā tad alābhe

1.7.8 tatra nānāprakārāṇāṃ vyāḍānām mṛgapakṣiṇām mukhair mukhāni yantrāṇāṃ prāyaśaḥ sadṛśāni bhavanti | tasmāt sārūpyād āgamād upadeśād anyatra darśanāt | yuktitaś ca kārayet

1.7.9ab samāhitāni yantrāṇi | kharaślakṣṇamukhāni ca |

1.7.9cd sudṛḍhāni surūpāṇi | sugrahāṇi ca kārayet ||

1.7.10 svastikayantrāṇyaṣṭādaśāṅgulāni | siṃhavyāghratarakṣvṛkṣakadvīpimārjjāraśṛgālamṛgervārukākakaṅkakuraracāsabhāsa śaśaghātyulūkacīrillaśyenagṛddhrotkrosabhṛṅgarājāñjalikakarṇṇāvabhañjananandīmukhamukhāni | masūrākṛtibhiḥ kīlair avabaddhāni | mūleṅkuśavadāvṛttavāraṅgāni | asthividaṣṭaśalyoddharaṇārtham upadiśyante |

1.7.11 sanigrahānugrahau sandaṃśau ṣoḍaśāṅgulau | tvaṅmānsasirāsnāyugataśalyoddharaṇārtham upadiśyete |

1.7.12 tāḍayantre dve |dvādaśāṅgule matsyanālakavadekanāladvike karṇṇanāsāsrotogataśalyoddharaṇārtham |

1.7.13 nāḍīyantrāṇy anekaprakārāṇy anekaprayojanāny anekatomukhāny ubhayatomukhāni | srotogatagalaśalyoddharaṇārthaṃ kriyāsaukaryārtham ācūṣaṇārthaṃ rogadarśanārthañ ca | tāni srotodvārapariṇāhāni yathāyogadīrghāṇi bhavanti | tatra bhagandarārśor budavraṇabastyuttarabastimūtravṛddhidakodaradhūmaniruddhaprakaśasanniruddhagudayantrāṇy alābūśṛṅgayantrāṇi copariṣṭād vakṣyāmaḥ |

1.7.14 śalākāyantrāṇy api nānāprakārāṇi nānāprayojanāni yathāyogapariṇāhapradīrghāṇi bhavanti | teṣāṅ gaṇḍūpadaśarapuṅkha | sarppahanu | baḍiśamukhe dve dve | eṣaṇavyūhanacālanāharaṇārtham upadiśyante | masūradalamātramukhe dve kiñcid ānatāgre srotogataśalyoddharaṇārtham ṣaṭkārppāsakṛtoṣṇīṣṇāṇi | pramārjanakriyāsu | kṣārauṣadhapraṇidhānārthantrīṇi darvyākṛtīni khallamukhāni | jāmbvaṃkuśavadanāny agnikarmāṇi trīṇi triṇi | nāsārbudaharaṇārthamekaṃ kolāsthidalamātraṃ khallatīkṣṇoṣṭhaṃ | añjanārthamekaṃ kalāyaparimaṇḍalamubhayato mukulāgraṃ | mūtramārgaviśuddhyarthamekaṃ mālatīpuṣpavṛntāgrapramāṇaparimaṇḍalamiti ||

1.7.15 upayantrāṇy api rajjuveṇikācarmāntarvalkalalatāvastrāṣṭhīlāṣmantakamudgarapāṇipādatalāṅgulijihvādantanakhamukhabālāśmaśākhā ṣṭhīvanapravāhaṇaharṣāmaskārttagatāni kṣārāgnibheṣajāni ceti ||

1.7.16ab etāni dehe sarvasmiṃ dehasyāvayave tathā

1.7.16cd sandhau koṣṭhe dhamanyā ca yathāyogaṃ prayojayet ||

1.7.17 yantrakarmāṇi tu duṣṭavraṇabandhanavyañjanavarttanabhrāmaṇapīḍanatāḍananivaraṇavivaraṇasīvaṇamārgaśodhanavikarṣaṇāharaṇāñchanonnamanavirecabhañjanonmathanacūṣaṇaiṣaṇadāraṇaṛjūkaraṇaprakṣālanapradhamanapramārjanāni caturviṃśati bhavanti ||

1.7.18ab svabudhyā vibhajed yantrayantrakarmāṇi buddhimān |

1.7.18cd asaṅkhyeyavikalpatvāc chalyānām iti niścayaḥ ||

1.7.19 tatrātisthūlam asāram atidīrgham atihrasvam agrāhivakraṃ śithilam atyunnataṃ mṛdukīlaṃ mṛdupāśaṃ mṛdumukham iti dvādaśayantradoṣāḥ ||

1.7.20ab etair doṣer vimuktaṃ tu yantram aṣṭādaśāṃgulaṃ |

1.7.20cd praśastaṃ bhiṣajā jñeyaṃ taddhi karmasu yojayet ||

1.7.21ab dṛśyaṃ siṃhamukhādyais tu gūḍhaṃ kaṅkamukhādibhiḥ |

1.7.21cd śalyaṃ svastikayantrais tu nirharet tad bhiṣak chanaiḥ ||

1.7.22ab vivarttate sādhvavagāhate ca gṛhṇāti gṛhyoddharate ca yasmāt |

1.7.22cd tasmāt smṛtaṅ kāṅkamukhaṃ pradhānaṃ sthāneṣu sarveṣv avikāri yac ceti || || ṅ ||

[Adhyāya 8, collation]

1931 ed. 1.8.1 athātaḥ śastrāvacāraṇīyam adhyāyaṃ vyākhyāsyāmaḥ |

1931 ed. 1.8.3 ekaviṃśatiḥ śastrāṇi bhavanti | tad yathā | maṇḍalāgrārdhamaṇḍalāgra- karapatra- vṛddhipatra- nakhaśastra- mudrikotpalapatrakādhyardhadhāra- sūcī- kuśapatrāṭāmukha śarārīmukhāntarmukha- trikurcaka- kuṭhārikā- vrīhimukhārā- vetasapatra- baḍiśadantaśaṅkveṣaṇya iti |

1931 ed. 1.8.4 tatra maṇḍalāgram ardhamaṇḍalāgrakarapatrāṇi cchedane lekhane copadiśyante | vṛddhipatra nakhaśastra mudrikotpalapatrakādhyardhadhārāṇi bhedane cchedane copayujyante | sūcī kuṭhārikā vrīhimukhārā vetasapatrāṇi vedhane | eṣaṇy eṣaṇe | anulomāḥ karīrāḥ śastravṛttāś ca | sūcī baḍiśadantaśaṅkuś cāharaṇe | kuśapatrāṭāmukhaśarārimukhāntarmukhatrikurcakāni visrāvaṇe | sūcī sīvyana ity aṣṭavidhaḥ śastrāṇāṃ karmaṇy upayogo vyākhyātaḥ |

1931 ed. 1.8.5 teṣāṃ yathāyogaṃ grahaṇam | karmasv eṣa śastragrahaṇasamāsaḥ | vṛddhipatran tu vṛntaphalasādhāraṇe bhāge gṛhṇīyāt | bhedanāny evaṃ sarvāṇi | vṛddhipatravad ardhamaṇḍalāgraṃ kiñcid uttānapāṇinā lekhane bahuśo 'vacārya vṛntāgreṇa visrāvaṇāni | viśeṣeṇa tu bālavṛddhasukumārabhīrunārīṇāṃ rājñāṃ rājamātrāṇāṃ vā trikurcakena visrāvayet | talapracchādita vṛntāgram aṅguṣṭhapradeśinībhyāṃ vrīhimukham | kuṭhārikāṃ vāmahastagṛhītapucchāṃ dakṣiṇahastāṅguṣṭhāvaṣṭabdhayā madhyamayāṅgulyā nihanyāt | tatra karapatrārāvetasapatrabaḍiśadanta śaṅkveṣaṇīr mūle pradeśinīprayuktam |

1931 ed. 1.8.6 mudrikāsadṛśaṃ nakhākāraśastramukhañ caturvedhanaṃ sūkṣma ḍorāvabaddhaṃ mudrikāśastraṃ teṣān nāmabhir evākṛtayaḥ prāyeṇa vyākhyātāḥ |

1931 ed. 1.8.7-8 tatra nakhavardhanaiṣaṇyāv aṣṭāṅgulyau sūcyo vakṣyante | śeṣāṇi tu ṣaḍaṅgulāni tāni sugrahāṇi sudhārāṇi surūpāṇi sulohāni sudhautāni samāñcitamukhāni ceti śastrasampat |

1931 ed. 1.8.10 tatra dhārā bhedanānāṃ māsūrī | lekhanānām ardhamāsūrī | vedhyānāṃ visrāvaṇānāñ ca kaiśikī | chedanānām ardhakaiśikī |

1931 ed. 1.8.11 baḍiśadantaśaṅku cānatāgre | tīkṣṇakaṇṭakaprathamayavapatramukhī yavapatrā eṣaṇī gaṇḍūpadākāramukhī ceti |

1931 ed. 1.8.9 tatra vakraṃ kuṇṭhaṃ khaṇḍaṃ kharadhārātisthūlam atyalpam atidīrgham atihrasvam ity aṣṭau śastradoṣāḥ | ato viparītaguṇam ādadyād anyatra karapatrāt | tad dhi kharadhāram asthicchedanārtham |

1931 ed. 1.8.13 teṣān niśānī ślakṣṇaśilikā dhārāsampādanārthaṃ śālmalīphalakaṃ ceti ||

1931 ed. 1.8.14 bhavanti cātra ||

yadā suniśitaṃ śastraṃ romavāhi susaṃsthitam |
sugṛhītam pramāṇena tadā śastraṃ nipātayet ||

1931 ed. 1.8.15-16 anuśastrāṇi tvakkṣāra sphaṭika kāca kuravinda jalaukāgni nakhapatrāṇi
śiśūnāṃ śastrabhīrūṇām anuśastrāṇi yojayet |
tvakkṣārādicaturvargaṃ bhedye cchedye ca buddhimān |

1931 ed. 1.8.17 āhārye cchedye bhedye ca nakhaṃ śakyeṣu yojayet |
vidhiḥ pravakṣyate paścād agnikṣārajalaukasāṃ |

1931 ed. 1.8.18 ye syur mukhagatā rogā netravarmagatāś ca ye |
gojī śephālikā śākapatrair visrāvayet tu tān ||

1931 ed. 1.8.19 śastrāṇy etāni matimān śuddhaśaikyāyasāni tu |
kārayet karaṇaprāptaḥ karmāra karmakovida iti ||

[Adhyāya 9, collation]

1931 ed., 1.9.1 athāto yogyāsūtrīyam adhyāyaṃ vyā ||

1931 ed., 1.9.3 adhigatasarvaśāstram api śiṣyaṃ yogyāṃ kārayet | cchedyādiṣu snehādiṣu karmapatham upadiśet | bahuśrutopyakṛtayogaḥ karmasvayogyo bhavati |

1931 ed., 1.9.4 tatra puṣpaphalālāvutrapuservārukaprabhṛtiṣu cchedyaśeṣāṃ darśayet | utkartanāpakarttanāni copadiśet | dṛtibastiprasevakapūrṇeṣu bhedyayogyāṃ | saromṇi carmātate lekhyasya | mṛtapaśumahiṣāsvaśirāsūtpalanāleṣu vedhyasya | ghuṇopahatakāṣṭhaveṇunalanāḍīśuṣkālābumukheṣveṣyasya | panasabimbīphalamajjāmṛtapaśudanteṣvāhāryasya sūkṣmaghanavastrāntamṛducarmāntayoḥ sīvyasya | mṛduvadhramāṃsapesyutpalanāleṣu ca karṇṇasandhibandhanayogyām | pustamayapuruṣāṃgapratyaṅgeṣu bandhanayogyāṃ | ghaṭālāvumukheṣu bastivraṇabastipīḍanayogyāṃ | netrapraṇidhānabastipīḍanayoriti || bha ||

1931 ed., 1.9.5ab evam ādiṣu medhāvī yogyākarmaṇyaśeṣataḥ |

1931 ed., 1.9.6cd yasya yasyeha sādharmyaṃ tatra yogyāñ ca kārayet ||

[Adhyāya 10, collation]

1931 ed., 1.10.1 athāto viśikhānupraveśanīyaṃ vyā ||

1931 ed., 1.10.3 adhigatatantreṇopāsitatantrārthena dṛṣṭakarmaṇā kṛtayogyena śāstrārthannigadatā rājānujñātena vaidyena viśikhācaritavyā | nīcanakharomṇā śucinā śucivastraparihitena chatravatā sopānatkenānuddhataveṣeṇa sumanasā kalyāṇābhivyāhāreṇākuhakena bandhubhūtena bhūtānāṃ sahāyavatā |

1931 ed., 1.10.4 tato dūtanimittaśakunamaṅgalānulomyenāturagṛhamāgamyopaviśyāturamabhipaśyet spṛśetpṛcchec ca tribhiretairvijñāno pāyaiḥ | dīrghamāyuṣolpāyuṣo veditavyā |

1931 ed., 1.10.5 tatra dṛṣṭvā yau varṇṇavaikṛticchāyāṃ cāturasya bhiṣagjānīyāt | spṛṣṭvā śītoṣṇādīṃ sparśaviśeṣā viparītāviparītāṃ jvaraśophādīṃ | pṛṣṭvā deśaṃ kālaṃ jātisāmyamātaṅkamutpatti vedanāsamucchrāyo balābalamagniṃ vātamūtrapurīṣāṇāmapravṛttipravṛttiṃ ceti ||

1931 ed., 1.10.6 bha ||

1931 ed., 1.10.6ab mithyādṛṣṭvā vikārā hi dū

1931 ed., 1.10.6cd ś ca mohayeyuścikitsakaṃ ||

1931 ed., 1.10.6ef tasmāt parīkṣyaḥ satataṃ bhiṣajā siddhimicchatā |
yuktito vyādhayaḥ sarve pramāṇairdarśanādibhiḥ ||

1931 ed., 1.10.7 evam abhisamīkṣya sādhyāṃ sādhayed yāpyāṃ yāpayed asādhyānnopakrāmet | parivatsaroṣitāṃś ca vikārām prāyaśaḥ parivarjjayet |

1931 ed., 1.10.8 tatra sādhyā api vyādhayaḥ prāyaśo duścikitsā bhavanti | śrotriyanṛpatistrībālavṛddhabhīrudurbalavaidyavidagdhavyādhigṛhakadaridrakṛpaṇakrodhanānātmavatāt ||

1931 ed., 1.10.9 bhavanti cātra ||

1931 ed., 1.10.9ab strībhiḥ sahāsyaṃ saṃvāsa parihāsañ ca varjayet |

1931 ed., 1.10.9cd dattaṃ tābhir na gṛhṇīyād annād anyad bhiṣa deti ||

1931 ed., 1.10.9.ef vedotpattiśiṣyadīkṣādānam adhyayanasya ca |

1931 ed., 1.10.9.ef1 prabhāṣaṇañ cāgraharaṃ ṛtucaryā tathaiva ca |

1931 ed., 1.10.9.gh yantraṃ śastrāvacārañ ca yogyāsūtrīyam eva ca |

1931 ed., 1.10.9.gh1 viśikhānupraveśañ ca proktaṃ vai prathamo daśa ||

[Adhyāya 11, collation]

1931 ed., 1.11.1 athātaḥ kṣārapākavidhimadhyāyaṃ ||

1931 ed., 1.11.3 anuśastrebhyaḥ kṣāraḥ pradhānatamo bhavati | cchedyabhedyalekhyakaraṇādviśeṣakriyāvacāraṇāc ca |

1931 ed., 1.11.4 tatra kṣaraṇātkṣaṇaṇādvā kṣāraḥ |

1931 ed., 1.11.5 nānauṣadhisamavāyāttridoṣaghnaḥ | śuklatvāt saumyas tasya saumyasyāpi sato dahanapacanadāraṇaśaktiraviruddhā | sakhalvāgneyauṣadhibhūya kaḥ | uṣṇastīkṣṇaḥ pācano vilāyanaḥ | śodhano ropaṇaḥ stambhanollekhanakrimyāmakaphaviṣamedasām upahantā puṃstvasya cātisevitaḥ |

1931 ed., 1.11.6 sa dvividhaḥ pratisāraṇīyaḥ | pānīyaśca

1931 ed., 1.11.7 tatra pratisāraṇīyaḥ | kuṣṭhakiṭibhadadrumaṇḍalakilāsabhagandarārśorbudaduṣṭavraṇanāḍīcarmakīlatilakālakanacchavyaṅgabāhyakrimiviṣādiṣu copadiśyate | saptasu ca mukharogeṣūpajihvopakuśadantavaidarbhamedajoṣṭhaprakopeṣu trisṛṣu ca rohiṇīṣu eteṣv evānuśastrapātanam uktaṃ ||

1931 ed., 1.11.8 pānīyas tu gulmādarāgnisaṃgājīrṇṇānāhaśarkarāśmaryabhyantarakrimiviṣāśassu copayujyate ||

1931 ed., 1.11.10 tasya vistāro 'nyatra

1931 ed., 1.11.11 athetaraṃ cikīrṣuḥ | śaradi śucir upavasan praśastadeśajātam anupahataṃ madhyamavayasaṃ kālamuṣkakam adhivāsyāparedyuḥ pātayitvā kaṇḍasaḥ prakalpya nivātadeśe citiṅ kṛtvā tilanālair ādīpayet | athopaśānte 'gnau tad bhasma pṛthag gṛhṇīyāt bhasmaśarkarāś ca || athānenaiva kalpena kuṭajapalāśāśvakarṇṇapāribhadrakabibhītakāragvadhatilvakārkasnuhyāpāmārganaktamālavṛṣakadalīcitrakendrayavṛkṣāsphotāśvamārakasaptacchadāgnimanthāḥ | catasraḥ kośātakyaḥ samūlaphalaśākhāpatrān dahet tataḥ kṣāradroṇam udakadroṇaiḥ ṣaḍbhir āloḍya mūtraiś ca yathoktair mahati kaṭāhe śanaiś śanair davyāvaghaṭṭayan vipacet sa yadā bhavaty acchoraktas tīkṣṇaḥ picchilaś ca tam ādāyetaraṃ saṃsṛjya punar api pākāyādhiśrayet tata eva ca kṣārodakakuḍavamadhyardha kṛtvāpanayet tataḥ kaṭaśarkarābhasmaśarkarāś ca | kṣīrapakaśaṃkhanābhīr agnivarṇṇāḥ kṛtvāyase pātre tasmiṃ kṣārodake 'bhiṣicya | piṣṭvā tathaiva ca

1931 ed., 1.11.13 pratīvāpo yathālābhaṃ dantīcitrakalāṅgalīpūtīkapravāḍatālapatrīviḍasauvarcikākanakakṣīrīhiṃguvacātiviṣāśuktīḥ ślakṣṇacūrṇṇaṅ kṛtvā nidadhyāt |

1931 ed., 1.11.11a satatamapramattaś ca darvyāvaghaṭāyaṃ vipacet | sa yathā nātisāndro nātidravaś ca bhavati tathā prayateta | athainam āgatapākam avatāryānuguptam āyase kumbhe nidadhyāt |

1931 ed., 1.11.15 kṣīṇabale ca kṣārodakamāvapedbalakaraṇārthaṃ ||

1931 ed., 1.11.16 bha ||

1931 ed., 1.11.16ab naivātitīkṣṇo na mṛduḥ śuklaḥ ślakṣṇoti picchilaḥ |

1931 ed., 1.11.16cd aviṣyandī śivaḥ śīghraḥ kṣāro hyaṣṭaguṇaḥ smṛtaḥ |

1931 ed., 1.11.17ab atyuṣṇamatipaicchilyamatitaikṣṇyavisarpitā |

1931 ed., 1.11.17cd atyarthaṃ mārdavaṃ śaityamatyarthaṃ sāndrameva ca | hīnauṣadhyavipakvatvaṃ kṣāradoṣā na ca smṛtāḥ ||

1931 ed., 1.11.18 tatra kṣārasādhyavyādhiṃ vyādhitam upaveśya nivātāsambādhe deśe agropaharaṇīyoktopasaṃbhārasaṃbhṛtatanoḥ | anyatamamavaghṛṣyāvalikhya pracchayitvā vā śalākayā kṣāraṃ pratisārya vākchatamātram upaikṣeta |

1931 ed., 1.11.19ab tasmiṃ nipatite vyādhau kṛṣṇatā dagdhalakṣaṇaṃ |

1931 ed., 1.11.19cd tatrāmlavargaḥ samanaḥ sarpirmadhusamāyutaḥ |

1931 ed., 1.11.20ab atha ca sthiramūlatvātkṣāradagdhanna dīryate |

1931 ed., 1.11.20cd idamālepanantatra śīghra samavacārayet |

1931 ed., 1.11.21ab amlakāñjikabījānāṃ tilām madhukameva ca |

1931 ed., 1.11.21cd prapiṣya samabhāgāni tenaivamanulepayet |

1931 ed., 1.11.22ab tilakalkaḥ samadhuko ghṛtākto vraṇalepanaḥ ||

1931 ed., 1.11.22cd rasenāmlena tīkṣṇena vīryoṣṇena tathaiva ca |

1931 ed., 1.11.23ab āgneyenanāgni sadṛśaḥ kathaṃ kṣāra praśāmyati |

1931 ed., 1.11.23cd evaṃ cen manyase vatsa procyamānaṃ śṛṇuṣva me |

1931 ed., 1.11.23ef amlavarjyā rasāṃ kṣāre sarvāneva vibhāvayet |

1931 ed., 1.11.24ab kaṭuka thā |

1931 ed., 1.11.24cd amlena saha saṃyuktaḥ sutīkṣṇo lavaṇo rasaḥ |

1931 ed., 1.11.25ab mādhūryam āśu vrajati tīkṣṇabhāvañ ca muñcati |

1931 ed., 1.11.25cd mādhūryayogānna dahedagniragnirivāplutaḥ ||

1931 ed., 1.11.26 tatra samyagdagdhe vikāropaśamo lāghavamanāsrāvaś ca | hīne todakaṇḍūjāḍyāni vyādhivṛddhiś ca | atidagdhe dāhapākaśramāṅgamadaklamāḥ | pipāsāmaraṇāñ ceti |

1931 ed., 1.11.27 kṣāradagdhavraṇañ ca yathādoṣaṃ yathāvyādhiṃ copakrameta |

1931 ed., 1.11.28 athā kṣārakṛtyā bhavanti | durbalabālasthivirabhīrusarvāṅgaśūnodarīgarbhiṇīṛtumatīpravṛddhajvarīpramehīrūkṣakṣatakṣīṇatṛṣṇāmūrcchopadrutaklībā uddhṛtodvṛttaphalayonyaśca

1931 ed., 1.11.29 tathā marmasirāsnāyusandhitaruṇāsthisevanīgalanābhinakhāntarasepasrotaḥ svalpamāṃsapradeśeṣvakṣṇoś ca na dadyādanyatra varmarogāt |

1931 ed., 1.11.30 tatra kṣārasādhyeṣv api vyādhiṣu śūnagātramasthiśūlinamannadveṣiṇaṃ hṛdayasandhipīḍopadrutañ ca kṣāro na sādhayati ||

1931 ed., 1.11.31 bha ||

1931 ed., 1.11.31ab viṣāgniśastrāśanimṛtyutulyaḥ kṣāro bhavatyalpamatiprayuktaḥ |

1931 ed., 1.11.31cd satvapramattena sadā prayukto rogānnihanyādacireṇa ghorāniti ||

[Adhyāya 12, collation]

1931 ed., 1.12.1 athāgnikarmavidhiṃ ||

1931 ed., 1.12.3 kṣārādagnirgarīyāṃ kriyāsu vyākhyātastaddagdhānāṃ rogāṇāmapunarbhavāt | svedaśastrakṣārairasakyānāṃ tatsādhanāc ca |

1931 ed., 1.12.4 athaimāni dahanopakaraṇāni bhavanti | pippalyajāśakṛdgodantaśaraśalākājamvvoṣṭhetaralohakṣaudraguḍasnehādīni | tatra pippalyajāśakṛdgodantaśaraśalākāḥ stvaggatānāṃ | jamvvoṣṭhetaralohāḥ māṃsagatānāṃ | kṣaudraguḍasnehāḥ sirāsnāyusandhyasthigatānā |

1931 ed., 1.12.5 tatrāgnikarma sarvartuṣu kuryād anyatra śaradgrīṣmābhyāṃ | tatrāpyātyayikegnisādhye vyādhau tatpratyanīkaṃ vidhiṃ kṛtvā

1931 ed., 1.12.6 sarvavyādhiṣvṛtuṣu ca picchilamannambhuktavataḥ |

1931 ed., 1.12.7 tatra dvividhamagnidagdhamāhureke | tvagdagdhaṃ māṃsadagdhañ ca | iha tu sirāsnāyuṣu sandhyasthiṣv api na pratiṣiddhogniḥ |

1931 ed., 1.12.8 tatra śabdaprādurbhāvo durgandhatā tvaksaṃkocaś ca tvagdagdhe | kapotavarṇṇatālpaśvayathuvedanatā śuṣkasaṃkucitavraṇatā ca māṃsadagdhe | kṛṣṇonnatavraṇatā srāvasannirodhaśca sirāsnāyudagdhe rūkṣatāruṇatākarkaśasthiravraṇatā ca sandhyasthidagdhe ||

1931 ed., 1.12.9 tatra śirorogādhimanthayorbhrūlalāṭaśaṅkhadeśeṣu dahedvartmarogeṣvārdranaktakapraticchannāndṛṣṭiṃ kṛtvā vartmaromakūpāṃ |

1931 ed., 1.12.10 tvaṅmāṃsasirāsnāyusandhyasthigatamugrarujau vāyau | duṣṭavraṇamucchitakaṭhinamāṃsagagranthyarbudāpacīgalagaṇḍagṛddhrasīmasakagulmodara bhagandarārśasandhiślīpadacarmakīlatilakālakasirācchedanāḍīśoṇitātipravṛttiṣu cāgnikarma kuryāt |

1931 ed., 1.12.11 tatra valayabindurerekhāpratisāraṇāñceti dahaṇaviśeṣāḥ ||

1931 ed., 1.12.12 bha ||

1931 ed., 1.12.12ab rogasya saṃsthānamavekṣya dhīmāṃnarasya marmāṇi balābalañ ca |

1931 ed., 1.12.12cd vyādhintathartuñ ca samīkṣya samyak tato vyavasyedbhiṣagagnikarma ||

1931 ed., 1.12.13 tatra samyagdagdheṣu madhusarpirabhyaṅgaḥ ||

1931 ed., 1.12.14 athemāni pariharetpittaprakṛtimantaḥ śoṇitaṃ | bhinnakoṣṭhamanuddhṛtaśalyaṃ bālavṛddhabhīrudurbalamanekavyādhipīḍitamasvedyāṃś ca ||

1931 ed., 1.12.15 ata ūrddham itarathā dagdhaṃ vakṣyāmaḥ tatra snigdhaṃ rūkṣañ cāśrityadravyam agnir dahati | atisantapto hi snehaḥ sūkṣmamārgānusāritvāt tvagādīnanupraviśyāśu dahati | tasmātsnehadagdhedhikā rujā bhavati |

1931 ed., 1.12.16 tatra pluṣṭaṃ durdagdhaṃ samyagdagdhamatidagdhamiti caturvidhamagnidagdhambhavati | tatra yadvivaṇṇamuṣyatetimātraṃ tatpluṣṭaṃ | yatrotptisphoṭanā tīvradāhadoṣavedanā cirāccopaśāmyati taddurdagdhaṃ | samyagdagdhamanavagāḍhaṃ pakvatālavarṇṇaṃ susaṃsthitaṃ pūrvalakṣaṇasaṃyuktaṃ ca | atidagdhe tu māṃsāvalaṃbanaṃ gātraviśleṣaḥ sandhivaiguṇyaṃ sirāsnāyusandhyasthivyāpādanaṃ jvaradāhapipāsāmūrcchāścopadravā bhavanti | sa krimiścet vraṇaścāsya cireṇoparohatyuparūḍhaś ca vivarṇṇo bhavati | tadetaccaturvidhamagnidagdhalakṣaṇamānupūrvyoktaṃ pūrvakarmaprasādhakaṃ bhavati ||

1931 ed., 1.12.17 bha ||

1931 ed., 1.12.17ab agninā kopitaṃ pittaṃ bhṛśañjantoḥ pradhāvati |

1931 ed., 1.12.17cd tatastenaiva vegena raktañcāpyupadīryate |

1931 ed., 1.12.18ab tulyaviryepyubhe hyete rasato dravyatastathā |

1931 ed., 1.12.18cd tenāsya vedanāstīvrā prakṛtyā ca vidahyate |

1931 ed., 1.12.19ab sphoṭāḥ śīghraṃ prajāyante jvarastṛṣṇā ca bādhate ||

1931 ed., 1.12.19cd dagdhasyopaśamārthāya cikitsā sampravakṣyate |

1931 ed., 1.12.20ab pluṣṭasyāgnipratapanaṃ kāryamuṣṇantathauṣadhaṃ |

1931 ed., 1.12.20cd śarīre svinnabhūyiṣṭhe svinaṃ bhavati śoṇitaṃ |

1931 ed., 1.12.21ab prakṛtyā hyudakaṃ śītaṃ skandayatyathaśoṇitaṃ |

1931 ed., 1.12.21cd tasmāt sukhayati hyuṣṇa na tu śītaṃ kathañcanaḥ |

1931 ed., 1.12.22ab śītāmuṣṇāñ ca ca durdagdhe kriyāṃ kuryāttataḥ punaḥ |

1931 ed., 1.12.22cd ghṛtālepanasekāṃstu śītānevāsya kārayet ||

1931 ed., 1.12.23ab samyagdagdhe tu kākṣīrīplakṣacandanagairikaiḥ |

1931 ed., 1.12.23cd sāmṛtaiḥ sarpiṣāyuktairālepaṃ kārayedbhiṣak ||

1931 ed., 1.12.24ab grāmyānūpaiḥ sajalajaiḥ piṣṭair māṃsaiś ca lepayet |

1931 ed., 1.12.24cd pittavidradhivaccainaṃ praśāntyoṣmāṇamācaret |

1931 ed., 1.12.25ab atidagdhe tu śīrṇṇāni māṃsāny uddhṛtya śītalāṃ

1931 ed., 1.12.25cd kriyāṅ kuryāc cūrṇṇakāle śālitaṇḍulakaṇḍanaiḥ |

1931 ed., 1.12.26ab tindukyās tv akkaṣāyair vā mṛdubhṛṣṭair upācaret |

1931 ed., 1.12.26cd vraṇaṅ guḍūcīpatrair vā cchādayed athacodakaiḥ |

1931 ed., 1.12.27ab kriyāṅ kuryāc ca nikhilāṃ bhiṣakpittavisarpavat ||

1931 ed., 1.12.29cd athedānīṃ dhūmopahatavidhānaṃ vakṣyāmaḥ |

1931 ed., 1.12.30ab śvasity ādhmāti cātyarthaṃ kāsatekṣavate bhṛśaṃ |

1931 ed., 1.12.30cd cakṣuṣaḥ paridāhaś ca rāgaś caivopajāyate |

1931 ed., 1.12.31ab sadhūmakaṃ niśvasiti ghreyam anyan na veti ca |

1931 ed., 1.12.31cd tathaiva ca rasāṃ sarvāṃ smṛtiś cāsopahanyate |

1931 ed., 1.12.32ab tṛṣṇādāhajvaraś cetaḥ sīda

[Adhyāya 13]

[NB: Based on H alone up to v. 22 and collated against the 1938 edition, not the 1931 one.]

1 (1938 ed. 1.13.1) athāto jalāyukādhyāyaṃ vyākhyāsyāmaḥ ||

2 (1938 ed. 1.13.3) nṛpāḍhya sukumāra bāla sthavira bhīru nārīṇām anugrahārthaṃ paramasukumāro 'yaṃ śoṇitāvasecanopāyo 'bhihito jalaukasaḥ ||

3 (1938 ed. 1.13.4) tatra vātapittakaphaduṣṭaśoṇitaṃ yathāsaṃkhyaṃ śṛṅgajalaukālābubhir avasecayet | sarvvāṇi sarvvair vā visrāvyaṃ ||*

Notes▲
- The 1931 and 1938 editions of the vulgate report an insertion at this point, although they report it differently. Ḍalhaṇa reported variant readings at this point in the text.

4 (1938 ed. 1.13.5) bhavanti cātra ||
snigdhaṃ ślakṣṇaṃ sumadhuraṃ gavāṃ śṛṅgaṃ prakīrttitaṃ |
tasmād vātopasṛṣṭe tu hitan tad avasecane ||

5 arddhacandrākṛti mahattanu saptāṅgulāyataṃ |
pracchite dāpayet pūrvvam āsyenācūṣayed balī || *

Notes▲
- The 1938 edition of the vulgate (p. 55, note 4) reports the insertion of this verse after 1.13.5 at this point. Ḍalhaṇa also reported this reading.

6 (1938 ed. 1.13.6) śītādhivāsā madhurā jalaukā vārisaṃbhavā |
tasmāt pittopasṛṣṭe tu hitās tā avasecane ||

1938 ed. 1.13.7 kaṭurūkṣañ ca tīkṣṇañ ca alābu parikīrttitaṃ |*
tasmāc chleṣmopasṛṣṭe tu hitan tad avasecane ||

notes▲
- The hiatus between ca and alābu is required for correct metre.

1938 ed. 1.13.8 tatra pracchite tanu basti paṭalāvanaddhena śṛṅgeṇa śoṇitam avasecayet | ācūṣaṇād antarddīptenālābunā |

1938 ed. 1.13.9 jalam āsām āyur ity ato jalāyukāḥ || oko nivāso jalam āsām oka ity ato jalaukasaḥ ||

1938 ed. 1.13.10 tā dvādaśa | saviṣāḥ ṣaṭ | tāvantya eva nirvviṣāḥ |

1938 ed. 1.13.11 kṛṣṇā karburā alagardā indrāyudhā sāmudrikā govandanā ceti | tāsv añjanavarṇṇā pṛthuśīrṣā kṛṣṇā nāma | varmimatsyavad āyatā cchinnonnatakukṣiḥ karburā nāma | romaśā mahāpārśvā kṛṣṇamukhā alagardā nāma | indrāyudhavad ūrddhvarājī citrā indrāyudhā nāma | īṣadasitapītikā vicitrapuṣpākṛticitā sāmudrikā nāma | govṛṣaṇavad adhobhāge dvidhābhūtākṛtir aṇumukhī govandanā nāma | tābhir daṣṭe daṃśe śvayathur atimātraṃ kaṇḍūmūrcchā jvaro dāhaś charddir iti liṅgāni bhavanti || tatra mahāgadaḥ pānālepanādiṣūpayojyaḥ | indrāyudhādaṣṭam asādhyam ity etāḥ saviṣāḥ sacikitsitā vyākhyātāḥ ||

1938 ed. 1.13.12 atha nirvviṣāḥ | kapilā piṅgalā śaṅkumukhī mūṣikā puṇḍarīkamukhī sāvarikā ceti | tatra manaḥśilārañjitābhyām iva pārśvābhyāṃ pṛṣṭhe snigdhamudgavarṇṇā kapilā nāma | kiñcidraktā vṛttakāyā piṅgalyāśugā piṅgalā nāma | yakṛdvarṇṇā śīghrapāyinī dīrghamukhī śaṅkumukhī nāma | mūṣikākṛtivarṇṇāniṣṭagandhā mūṣikā nāma | mudgavarṇṇā puṇḍarīkatulyavaktrā puṇḍarīkā nāma | padmapatravarṇṇāṣṭādaśāṅgulapramāṇā sāvarikā nāma | sā paśvarthe tv aviṣā vyākhyātāḥ ||

1938 ed. 1.13.13 tāsāṃ yavanapāṇḍyasahya potanādīni kṣetrāṇi bhavanti | tāsāṃ mahāśarīrā balavatyaḥ śīghrapāyinyo mahāśanā nirviṣāś ca viśeṣeṇa bhavanti |

1938 ed. 1.13.14 tatra saviṣakīṭadardduramūtrapurīṣakothajātāḥ kaluṣeṣv ambhaḥsu ca saviṣāḥ | padmotpala kumuda saugandhika śaivāla kotha jātā vimaleṣv ambhaḥsu ca nirvviṣāḥ ||

1938 ed. 1.13.15 bhavati cātra ||
kṣetreṣu vicaranty etāḥ salilāḍhyasugandhiṣu |
na ca saṅkīrṇṇacāriṇyo na ca paṅkeśayāḥ smṛtāḥ ||

1938 ed. 1.13.16 tāsāṃ grahaṇam ārdracarmaṇānyair vā prayogair gṛhṇīyāt* |

Emendation▲
- The transmitted Nepalese reading gṛhītvā is hard to construe unless taken over to the start of the next paragraph. However, then it would sit uneasily before atha, which seems to demarcate the start of different procedural stages.

1938 ed. 1.13.17 athaitā nave mahati ghaṭe sarastaḍākodakapaṅkān āvāpya nidadhyāt | bhakṣārthañ cāsām upaharet | śevālaṃ vallūram odakāṃś ca kandānś cūrṇīkṛtya śayyārthe tṛṇam odakāni patrāṇi tryahāt tryahāc cāsāṃ jalabhaktan dadyāt | saptarātrāt saptarātrād ghaṭam anyaṃ saṅkrāmayet ||

1938 ed. 1.13.18 bhavati cātra |
sthūlamadhyāḥ parikliṣṭās tanvyaś cākṣetrajāś ca yāḥ |
agrāhiṇyo 'lpapāyinyaḥ saviṣāś ca na poṣayet ||*

notes▲
- The vulgate edition notes "other readings" that correspond to those in the the Nepalese witnesses for tanvyaś cākṣetrajāś ca yāḥ and poṣayet.

1938 ed. 1.13.19 atha jalaukāvasekasādhyavyādhiṃ vyādhitam upaveśya saṃveśya vā virūkṣya tam avakāśaṃ mṛdgomayacūrṇṇair yad yat sarujaṃ syād | atha jalaukasaḥ sarṣaparajanī pradigdha gātryaḥ salilasarakamadhyasañcāriṇī vigatamalāḥ kṛtvā rogaṅ grāhayet |* atha na gṛhṇatyāḥ kṣīrabinduṃ śoṇitabinduṃ vā nidadhyāt | śastrapadāni vā kurvīta | athaivam api na gṛhṇīyāt anyāṅ grāhayet |

notes▲
- Note the irregular sandhi of f. pl. -sañcāriṇī.

1938 ed. 1.13.20 yadā niviśate 'śvakhuravad ānanaṅ kṛtvonnāmya ca skandhaṃ evañ jānīyād gṛhṇātīti | athainām ārdraplotāvacchannāṅ kṛtvā dhārayet ||

1938 ed. 1.13.21 atha daṃśe toda kaṇḍū prādur bhāvāj jānīyāc chuddham ādadātīti | tām apanayet | atha śoṇitagandhena na muñcet mukham asyāḥ saindhavacūrṇenāvakiret |

1938 ed. 1.13.22 athaināṃ śāli taṇḍula kāṇḍana praliptān taila lavaṇābhyaktamukhīṃ vāmahastagṛhītapucchān dakṣiṇahastāṅguṣṭhāṅgulībhyāṃ śanaiḥ śanair anulomamārjjayann ā mukhād vāmayec ca yāvat samyagvānteti | samyagvāntā salilasarake nyastā bhoktukāmā satī cared | yā sīdati na ceṣṭate sā durvvāntā punaḥ samyag vāmayet | durvāntāyās tu indrapado nāma vyādhir asādhyo bhavati |

Notes▲
- The vulgate, third edition, reports the reading of this verse in a Nepalese witness, probably H: aprahṛṣṭaśiraḥpādakāyenodveṣṭate sakṛt | yā coṣṇaṃ kurute tāpaṃ tasyām indramadaḥ smṛtaḥ (Ācārya 1938: 58, n. 4).
- A version of the third pāda of this verse appears as the last sentence of 1.13.22 in the vulgate edition (Ācārya 1938: 58).

23 aprahṛṣṭaśiraḥ pāti kāyenodveṣṭate sakṛt |
yā coṣṇaṃ kurute toyaṃ tasyām indrapadaḥ smṛtaḥ ||*
athaināṃ pūrvvavat sannidadhyāt |

24 (1938 ed. 1.13.23) śoṇitasya ca yogāyogam avekṣya jalaukāmukhaṃ madhunāvaghaṭṭayet | badhnīta vā kaṣāyamadhurasnigdhaśītaiś ca pradehaiḥ pradihyād iti ||

25bhavati cātra ||
pītamātre jalaukābhir ghṛtena pariṣecayet |
śoṇitasthāpanīyaiś ca śoṇitaṃ pariṣecayet

26 (1938 ed. 1.13.24) kṣetrāṇi grahaṇañ cāpi poṣaṇaṃ sāvacāraṇam |
jānīyād yo jalaukānāṃ sa rājñaḥ karttum arhati ||

[Adhyāya 14]

1931 ed. 1.14.1 athātaḥ śoṇitavarṇṇanīyaṃ vyākhyāsyāmaḥ ||

1931 ed. 1.14.3 pāñcabhautikasya caturvidhasyāhārasya ṣaḍrasopetasya dvividhavīryasyāṣṭavidhavīryasya vā anekaguṇopayuktasyāhārasya samyakpariṇatasya yas tejoguṇabhūtaḥ sāraḥ paramasūkṣmaḥ sa rasa ity ucyate | tasya hṛdayaṃ sthānaṃ | sa hṛdayāc caturviṃśatir dhamanīr anupraviśyordhvagā daśa daśa cādhogāminyaś catasras tiryaggāḥ kṛtsnaṃ śarīram ahar ahas tarpayati jīvayati yāpayati vardhayati cādṛṣṭahaitukena karmaṇā | tasya śarīram anusarato 'numānād gatir upalakṣayitavyā kṣayavṛddhihetukī || tasmiṃ sarvaśarīrāvayavadoṣadhātumalāśayānusāriṇi rase jijñāsā kim ayaṃ saumyas taijasa iti | sa khalu dravatvād anusaraṇe snehanajīvanatarpaṇadhāraṇādibhir viśeṣaiḥ saumya ity avagamyate |

1931 ed. 1.14.4 sa khalv āpyo raso yakṛtplīhānau prāpya rāgam upaiti ||

1931 ed. 1.14.5 bha ||
rañjitās tejasā tv āpaḥ śarīrasthena dehināṃ |
avyāpannāḥ prasannena raktam ity eva tad viduḥ ||

1931 ed. 1.14.6 rasād eva striyāṃ raktam ṛtusaṃjñaṃ pravartate dvādaśād vardhate varṣād yāti pañcāśataḥ kṣayaṃ |

1931 ed. 1.14.7 ārttavaṃ śoṇitaṃ tv āgneyam āhuḥ |

1931 ed. 1.14.8 agnīṣomīyatvād garbhasya pāñcabhautikatvam apare jīvaṃ raktam āhur ācāryāḥ ||

1931 ed. 1.14.9 || bha ||
visratā dravatā rāgaḥ spandanan tanutā tathā |
pṛthivyādiguṇās tv ete dṛśyante śoṇite yataḥ |

1931 ed. 1.14.10 rasād raktaṃ tato māṃsaṃ māṃsān medaḥ pravarttate medaso 'sthi tato majjā majjā śukraṃ tataḥ prajāḥ ||

1931 ed. 1.14.11 tatraiṣān dhātūnām annapānarasaḥ prīṇayitā bhavati ||

1931 ed. 1.14.12 bhavati cātra ||
rasajaṃ puruṣaṃ vidyād rasaṃ rakṣeta yatnataḥ | annapānaprayogeṇa āhāreṇa suyantritaḥ

1931 ed. 1.14.13 tatra rasa gatau dhātur ahar ahar gacchatīti rasaḥ |

1931 ed. 1.14.14 pañcaviṃśati kalāśatāni* | caturaśītiś ca nava ca kāṣṭhā ekaikasmin dhātāv avatiṣṭhante | evam māsena rasaḥ śukrībhavati strīṇāñ cārttavam iti ||

notes▲
- The reading of H here resembles the vulgate.

1931 ed. 1.14.15 bhavataś cātra || aṣṭādaśasahasrāṇi saṃkhyā hy asmin samuccaye | kalānān navatiś cāpi svatantraparatantrataḥ || rase gativiśeṣo 'yaṃ mandāgner avasānikaḥ | anayaivoditāgneś ca vijñeyaḥ kālasaṃkhyayā ||

1931 ed. 1.14.16 sa śabdārcijalasantānavad aṇunā viśeṣeṇānusaraty evaṃ śarīraṃ kevalaṃ

1931 ed. 1.14.17 vyājīkaraṇyas tv auṣadhyaḥ svaguṇabalotkarṣād virecanavad upayuktāḥ śukraṃ virecayanti ||

1931 ed. 1.14.18 yathā hi puṣpamukulastho gandho na śakyam ihāstīti vaktuṃ | naiva nāstīti | atha cāsti satām bhāvānām utpattir iti kṛtvā kevalaṃ tu saukṣmyān nābhivyajyate | sa eva vivṛtakesare puṣpe kālāntareṇābhivyakto bhavati | evam bālānām api vayaḥpariṇāmāc chukraprādurbhāvo bhavati | romarājyārttavādiś ca viśeṣo nārīṇām |

1931 ed. 1.14.19 sa evānnaraso 'bhivṛddhānāṃ paripakvaśarīratvād aprīṇano bhavati |

1931 ed. 1.14.20 ta ete śarīradhāraṇād dhātava ity ucyante |

1931 ed. 1.14.21 teṣāṃ kṣayavṛddhī śoṇitanimitte | tasmāt tad adhikṛtya vakṣyāmaḥ || tatra saphenilam aruṇaṃ kṛṣṇam paruṣan tanu śīghragamaskandi ca vātaduṣṭaṃ | nīlam pītaṃ haritaṃ śyāvaṃ visramaniṣṭam pipīlikāmakṣikāṇāñ ca pittena | gairikodakaprakāśaṃ snigdhaṃ śītaṃ bahalaṃ picchilaṃ visrāvi māṃsapeśīsamaprabhañ ca śleṣmaṇā | sarvalakṣaṇayuktaṃ sannipātena | pittavad raktenātikṛṣṇañ ca | dvidoṣaliṅgasaṃsṛṣṭaṃ dvidoṣaṃ |

1931 ed. 1.14.22 indragopakaprakāśam asaṃhatam avivarṇṇañ ca prakṛtistham iti jānīyāt ||

1931 ed. 1.14.23 visrāvyān anyatra vakṣyāmaḥ ||

1931 ed. 1.14.24 athāvisrāvyāḥ | sarvāṅgaśophaḥ kṣīṇasya cāmlabhojananimittaḥ | pāṇḍurogyarśasyudariśoṣigarbhiṇīnāñ ca śvayathavaḥ |

1931 ed. 1.14.26 tatra ṛjv asaṃkīrṇṇaṃ sūkṣmaṃ samam anavagāḍham anuttānam āśu śastrañ ca pātayet |

1931 ed. 1.14.26a hṛdaya basti guda nābhi kakṣyavaṅkṣaṇākṣi kūṭa pāṇi pādatalāṃś ca varjayet |

1931 ed. 1.14.26b pūyagarbhāṃ punar yathoktair evopacaret |

1931 ed. 1.14.27 tatra durviddhe śītavātayor asvinne bhukte ca skannatvāc choṇitan na sravati | alpaṃ vā sravati ||

1931 ed. 1.14.28 bhavati cātra |
vāta viṇ mūtrasaṃgeṣu madamūrcchāśrameṣu ca |
nidrābhibhūte śīte vā nṛṇān nāsṛk sraved iti ||

1931 ed. 1.14.29 tad duṣṭaśoṇitam anirhriyamāṇaṃ vyādhivṛddhiṃ karoti |

1931 ed. 1.14.30 atyuṣṇātisvinnātividdheṣv ajñasrāvitam atipravarttate | tad atipravṛttaṃ śirobhitāpam āndhyatimiraprādurbhāvan cānukṣayākṣepakampapakṣāghātam ekāṅgavikāraṃ hikkākāsaṃ śvāsaṃ pāṇḍurogaṃ maraṇaṃ vāśu karoti |

1931 ed. 1.14.31 tan nātiśīte nātyuṣṇe nāsvinne nātitāpite yavāgūṃ pratipītasya śoṇitaṃ mokṣayed bhiṣak ||

1931 ed. 1.14.32ab-cd samyag gatvā yadā raktaṃ svayam evāvatiṣṭhate śuddham evam vijānīyāt samyag visrāvitañ ca tat |

1931 ed. 1.14.33ab-cd lāghavaṃ vedanāśāntir vyādhivegaparikṣayaḥ | samyagvisrāvite liṅgaṃ prasādo manasas tathā ||

1931 ed. 1.14.34ab-cd tvagdoṣā granthayaḥ śophā rogāḥ śoṇitajāś ca ye | raktamokṣaṇaśīlānāṃ na bhavanti kadācana ||

1931 ed. 1.14.35 atha khalv apravarttamāne | elāśītaśivaḥ kuṣṭhatagarapāṭhābhadradāruviḍaṃgacitrakatrikaṭukāgāradhūmaharidrārkkāṃkuranaktamālaphalair yathālābhaṃ tribhiś caturbhiḥ | samastair vā lavaṇapragāḍhair vraṇamukham avagharṣayed evaṃ sādhu vahati ||

1931 ed. 1.14.36 athātipravṛtte lodhramadhukapriyaṅgupattāṅgagairikarasāñjanaśaṅkhaśuktiyavamāṣagodhūmasarjarasacūrṇṇair anārdrair vraṇamukham avacūrṇṇyāṅgulyagreṇāvapīḍayet | sālasarjarjunārimedagranthidhavadhanvanatvagbhir vā cūrṇṇīkṛtābhiḥ kṣaumeṇa vadhyāsitena samudraphenena lākṣācūrṇṇair vā yathoktair bandhanadravyair gāḍhaṃ badhnīyāt | vyadhānantaraṃ punar vyadhayet | śītācchādanabhojanāgārapariṣekaiḥ | śītair ālepaiḥ pradehair vopacaredagninā vā dahed yathoktaṃ kākolyādikvāthaṃ vā śarkarāmadhumadhuraṃ pāyayet | eṇahariṇorabhraṃmahiṣaśaśavarāhāṇāṃ vā rudhiraṃ kṣīrayūṣaṃ rasaiś cāśnīyāt | upadravāṃś ca yathoktān upacaret ||

1931 ed. 1.14.36a bhava ||

1931 ed. 1.14.37ab-cd dhātukṣayāt srute rakte mandaḥ sañjāyate nalaḥ | pavanaś ca paraṃ kopaṃ yāti tasmāt prayatnataḥ |

1931 ed. 1.14.38ab-cd tan nātiśītairlaghubhiḥ snigdhaiḥ śoṇitavardhanaiḥ | īṣadamblair anamblair vā bhojanaiḥ samupācaret ||

1931 ed. 1.14.39ab-cd caturvidhaṃ yad etad dhi rudhirasya nivāraṇaṃ | sandhānaṃ skandanaṃ caiva pācanaṃ dahanaṃ tathā ||

1931 ed. 1.14.40ab-cd vraṇaṃ kaṣāyaḥ sandhatte raktaṃ skandayate himaṃ | tathā sampācayed bhasma dāhaḥ saṅkocayet sirāṃ ||

1931 ed. 1.14.41ab-cd askandamāne rudhire sandhānāni prayojayet | sandhānair bhrāśyamāne tu pācanaiḥ samupācaret ||

1931 ed. 1.14.42ab-cd kalpair ebhis tribhir vaidyaḥ prayateta yathāvidhiḥ | asiddhimatsu caiteṣu dāhaparama iṣyate |

1931 ed. 1.14.43ab-cd saśeṣadoṣe rudhire na vyādhir ativarttate | na śeṣaṃ sthāpayet tasmān na ca kuryād atikriyāṃ |

1931 ed. 1.14.44ab-cd dehasya rudhiraṃ mūlaṃ rudhireṇaiva dhāryate |

1931 ed. 1.14.44ef tasmād rakṣed dhi rudhiraṃ rudhiraṃ jīva ucyate ||

1931 ed. 1.14.45ab-cd srutaraktasya sekādyaiḥ śītaiḥ prakupitenile śophaṃ satodaṃ koṣṇena sarpiṣā pariṣecayed iti || 14 ||

[Adhyāya 15, collation]

1.15.1 athāto doṣadhātumalakṣayavṛddhiṃ vyā ||

1.15.3 doṣadhātumalamūlaṃ hi śarīraṃ | tasmātphalalakṣaṇameteṣām upadhārayaś ca |

1.15.4.1 tatra spandanodvahanapūraṇavivekadhāraṇalakṣaṇo vāyuḥ pañcadhā pravibhaktaḥ śarīrantantrayati |

1.15.4.2 rāgaḥ paktistejaūṣmakṛtpittaṃ |

1.15.4.3 sandhisaṃśleṣaṇasnehanaropaṇabṛṃhaṇaḥ śleṣmā |

1.15.6 bastikledakṛn mūtraṃ | prāṇavāyvagnidhāraṇāvaṣṭambhakṛt purīśaṃ | svedaḥ kledayati |

1.15.7 garbhalakṣaṇamārttavaṃ | stanyaṃ stanāpīnajananajīvanam iti |

1.15.8 tatra vidhivat parirakṣaṇaṃ kurvīta ||

1.15.9 ataḥ sarveṣāṃ kṣayalakṣaṇaṃ vyākhyāsyāmaḥ | tatra vātakṣaye mandaceṣṭatā alpavāktvamalpapraharṣo mūḍhasañjñatā ca | pittakṣaye mandoṣmāgnitāniṣprabhatā ca | śleṣmakṣaye rūkṣatāntardāhaāmāśayetarāśayaśūnyatāśirasaś ca |

1.15.10 tatra svayonivardhanāny eva pratīkāraḥ ||

1.15.11 rasakṣaye hṛdayapīḍā kampaḥ śoṣaḥ śūnyatā tṛṣṇā ca | śoṇitakṣaye tvakpāruṣyam amlaśītaprārthanā sirāśaithilyañ ca || māṃsakṣaye sphiggaṇṇḍauṣṭhopasthoruvakṣaḥ kakṣaśuṣkatā dhamanīnāñ ca śaithilyaṃ | medakṣaye plīhābhivṛddhiḥ sandhiśūnyatā raukṣyaṃ meduramāṃsaprārthanā ca | asthikṣaye asthiśūlo dantanakhabhaṃgāraukṣyañ ca | majjākṣaye lpaśukratā parvabhedo sthitodaḥ śūnyatā | śukrakṣaye meḍhravṛṣaṇavedanāśaktir maithune cirād vā prasekaḥ praseke cālpaśukraraktadarśanaṃ |

1.15.13 purīṣakṣaye hṛdayapārśvapīḍā saśabdasya ca vāyor ūdhvagamanaṃ kukṣau sañcaraṇaṃ ca mūtrakṣaye bastitodo lpamūtratā ca || atrāpi svayonivardhanadravyopayogaḥ || svedakṣaye stabdharomakūpatā sparśavaiguṇyaś ca tatrābhyaṅga svedopayogaś ca ||

1.15.14 ārttavakṣaye yathocitakālādarśanamalpatā vā yonivedanā ca | tatra saṃśodhanamāgneyānāñ ca dravyānām upayogaḥ || stanyakṣaye stanayo mlānatā stanyāsambhavaś ca | tatra śleṣmavardhanadravyopayogaḥ || garbhakṣaye garbhāspandanamanunnatakukṣitā ca | tatra prāptabastikālāyāḥ kṣīrabastiprayogo medhyān na prayogaś ca ||

1.15.15 ata ūrdhvamatipravṛddhānāṃ doṣadhātūnāṃ lakṣaṇam upadekṣyāmaḥ tatra vātavṛddhau kārśyaṃ kārṣṇyaṃ gātrasphuraṇatā uṣṇakāmatā nidrānāśolpabalatvaṃ gāḍhavarcasvatā ca || pittavṛddhau pītāvabhāsatā santāpaḥśītakāmitvamalpanidratā mūrcchā balahāniḥ pītaviṇmūtratvañ ca || śleṣmavṛddhau śauklyaṃ śaithyaṃ sthairyaṃ gauravam agnisādas tandrā nidrā sandhyati śliṣṭatā ca ||

1.15.16 rasotipravṛddho hṛdaye kledaṃ prasekañ cāpādayati | raktaṃ raktāṅgākṣitāṃ || māṃsaṃ sphiggaṇḍauṣṭhopasthorubāhujaṅghāsu vṛddhiṃ gurugātratāñ ca | medaḥ snigdhāṅgatāmudarapārśvavṛddhiṃ kāsaśvāso daurgandhyañ ca || asthyadhyasthīny adhidantāṃś ca || majjā sarvāṅganetragauravaṃ || śukraṃ śukrāśmariti prādurbhāvaṃ ||

1.15.17 purīśamāṭopaḥ kukṣau śūlañ ca || mūtraṃ muhurmuhuḥ pravṛttiṃ todañ ca || svedaḥ kaṇḍū daurgandhyañ ca ||

1.15.18 stanyaṃ stanayor atipīnatvaṃ muhurmuhuḥ pravṛttim atitodañ ca || ārttavamaṅgamardo daurbalyañca

1.15.19 + teṣāṃ kṣapaṇamaviruddhaiḥ kriyāviśeṣaiḥ kurvīta balakṣayaṃ

1.15.21 ata ūrdhvam anuvyākhyāsyāmaḥ || rasādīnāṃ śukrāntānāṃ dhātūnāṃ yat paran tejas tat khalv ojas tad eva balam ity ucyate | śāstrasiddhāntāt

1.15.22 tatra balena sthiropacitamāṃsatā sarvaceṣṭāsvapratighātaḥ svaravarṇṇaprasādo bāhyābhyantarāṇāṃ ca karaṇānām ātmakāryapratipattir bhavati ||

1.15.23 bha ||

1.15.23ab ojaḥ somātmakaṃ snigdhaṃ śītaṃ ślakṣṇaṃ sthiraṃ saraṃ |

1.15.23cd viviktaṃ mṛdu mṛtsnañ ca prāṇāyatanam uttamaṃ ||

1.15.24ab dehaḥ sāvayavastena vyāpto bhavati dehinām |

1.15.25 abhighātāt kṣayāt kopāddhyānācchokācchramāt kṣudhaḥ |

1.15.25ab ojaḥ saṃkṣīyate dehe dhātugrahaṇaniḥsṛtaṃ ||

1.15.26-27 tatra visraṃso vyāpatkṣaya iti liṅgāni bhavanti | sandhiviśleṣo gātrāṇāṃ sadanaṃ doṣacyavanakriyāsannirodhaś ca visraṃse | stabdhatā gurugātra tā śopho varṇṇabhedo glānis tandrā nidrā vyāpanne | māṃsakṣayo mohaḥ pralāpo maraṇam iti ca kṣīṇo |

1.15.31 tatra visraṃse vyāpanne ca kriyāviśeṣairaviruddhairbalamadhyāyayet mūḍhasaṃjñamitarañ ca varjjayet |

1.15.34ab yasya dhātukṣayādvāyuḥ sañjñākarmma vināśayet

1.15.34cd prakṣīṇañ ca balaṃ yasya tau na śaktau cikitsituṃ ||

1.15.35 rasanimittameva sthaulyaṅkārśyañ ca | tatra śleṣmalāhārasevitodhyaśanaśīlasyāvyāyāmino divāsvapnaratasya āma evānnaraso madhurataraś ca śarīramanukramamāṇotisnehānmedo janayati | medasotipravṛddhatvādvāṭharyamāpādayati | tamativaṭharaṃ kṣudrasvāsapipāsākṣutsvapnasvedadaurgandhyakrathanagātrasādagagadatvāni kṣipramevāviśanti | saukumāryātmedasaḥ sarvakriyāsvasamarthatvaṃ bhavati | kaphaphamedoniruddhamārgatvāccālpavyavāyo bhavati | āvṛtamārgatvād eva ca śeṣā dhātavo nāpyāyante 'tyarthamatolpaprāṇo bhavati | pramehapiḍakājvarabhagandaravidradhivātavikā ṇārāmanyatamaṃ prāpya maraṇam upayāti | sarva eva cāsya rogā balavanto bhavanti | kasmād āvṛtamārgatvāt srotasāmatas tasyotpattihetuṃ parihared utpanne tu śilājatuguggulamūtratriphalāloharajorasāñjanamadhuyavamudgakoradūṣoddālakādīnāṃ virūkṣaṇacchedanīyānāṃ dravyāṇāṃ vidhivad upayogo vyāyāmalekhanabastyupayogaś ceti ||

1.15.36 tatra punar vātalāhārasevinotivyavāyavyāyāmādhyayanacintābhayaśokarātrijāgaraṇapipāsākṣutkṣayālpāsanaprabhṛtibhir upaśoṣito rasadhātuḥ śarīram anukramamāṇaulpatvān na prīṇāyati tasmād atikārśyaṃ bhavati | sotikṛśaḥ kṣutpipāsāśītoṣṇavātavarṣābhārādāneṣv asahiṣṇurvātarogaprāyolpaprāṇaḥ kriyāsu ca bhavati | kā plīhodarāgnisādagulmaraktapittānām anyatamaṃ prāpya maraṇam upayāti sarva eva cāsya rogā balavanto bhavanti | kasmād alpaprāṇatvād atas tasyotpattihetum pariharet | utpanne tu payasyāśvagandhāvidārīvidārigandhāśatāvarīnāgabalānāṃ madhurāṇāṃ manyāsāṃ cauṣadhīnāṃ vidhivadupayogaḥ | kṣīradadhighṛtamāṃsaśāliṣaṣṭikayavagodhūmānāṃ ca divāsvapnabrahmacaryāvyāyāmabṛṃhaṇabastyupayogaś ceti |

1.15.37 yaḥ punar ubhayasādhāraṇāny upasevate tasyānnarasaḥ śarīram anukramamāṇaḥ samāndhātūnupacinoti samadhātutvān madhyaśarīro bhavati | sarvakriyāsu ca samarthaḥ kṣutpipāsāśītoṣṇavātavarṣātapasaho balavāṃś ca bhavati saḥ | satatamanupālayitavya iti ||

1.15.38 bha ||

1.15.38ab dvāv apy etau vigahitau sadā sthūlakṛśau narau |

1.15.38cd śreṣṭho madhyaśarīras tu kṛśaḥ sthūlā tu pūjitaḥ |

1.15.39ab doṣaḥ prakupito dhātūṃ kṣapayaty āmatejasā |

1.15.39cd iddhaḥ svatejasā vahnir ukhāgatam ivodakaṃ ||

1.15.40ab vailakṣaṇyāc charīrāṇām asthāyitvāt tathaiva ca |

1.15.40cd doṣadhātumalānāṃ tu parimāṇān na vidyate |

1.15.41ab eṣāṃ samatvaṃ yac cāpi bhiṣagbhir abhidhīyate |

1.15.41cd na tat svāsthyād ṛte śakyaṃ vaktum anyena hetunā |

1.15.42ab doṣādīnān tu samatām anumānena lakṣayet |

1.15.42ef prasannātmendriyaṃ jñātvā puruṣantatra buddhimāṃ |

1.15.43cd kṣapayed bṛṃhayec cāpi doṣadhātumalāṃ bhiṣak |

1.15.43ef tāvad yāvad arogaḥ syād etat sāmyasya lakṣaṇaṃ |

1.15.44ab samadoṣaḥ samāgniś ca samadhātumalakriyaḥ |

1.15.44cd prasannātmendriyamanāḥ svastha ity abhidhīyate || ṇḍohū ||

[Adhyāya 17, collation]

1.17.4 vātapittakaphaśoṇitasannipātāgantukani raruṇaḥ kṛṣṇo vā paruṣo mṛdur anavasthitastodādayaś cātra vedanāviśeṣo bhavanti | pittaśvayathuḥ pītaḥ sarakto vā śīghrānusārīmṛdur dāhādayaś cātra vedanāviśeṣo bhavanti | śleṣmaśvayathuḥ pāṇḍuḥ śuklo vā kaṭhinaḥ snigdho mandānusārī kaṇḍvādayaś cātra vedanāviśeṣo bhavanti | sannipātaśvayathuḥ sarvadoṣaliṅgaviśeṣopetaḥ | pittavac choṇitajotikṛṣṇaś ca | pittaraktalakṣaṇaś cāgantur lohitāvabhāsaś ca |

1.17.5 sa yadā bāhyābhyantaraiḥ kriyāviśeṣairna śakyate praśamayituṃ kriyāviparyayād bahutvād vā doṣāṇāṃ pākayābhimukho bhavati tasyāmasya pacyamānasya pakvasya ca lakṣaṇam ucyamānam upadhārayaś ca | tatra mandoṣmatā tvaksāvarṇyan sthairyaṃm alparujatālpaśophatā cāmalakṣaṇam uddiṣṭaṃ || sūcībhir iva nistudyate daśyata iva ca pipīlikābhiś chidyate bhidyata iva ca śastreṇa tāḍyata iva ca daṇḍenabhiḥ pīḍyata iva ca pāṇinā ghaṭyata iva cāṃgulyā dahyate pacyata iva cāgnikṣārābhyāṃ mūṣā coṣaparidāhāś ca bhavanti | vṛścikaviddha iva ca sthānāsanaśayaneṣu na śāntim upaiti | ādhmātabastir ivātataś ca śopho bhavati tvagvaivarṇyaṃ śophābhivṛddhirjvaro dāhaḥ pipāsā bhaktā ruciś ca pacyamānaliṅgaṃ || vedanopaśāntirnirlohitālpaśophatā ca balīprādurbhāvaḥ tvakparipoṭanaṃ nimnadarśanam aṅgulyāvapīḍite bastāvivacodakasañcaraṇaṃ pūyasya prapīḍayaty ekam antam ante cāvapīḍite muhur muhus todaḥ kaṇḍūranunnatatā vyādher upadravaśāntir bhaktābhikāṅkṣā ca paripakvaliṅgaṃ ||

1.17.6 kaphajeṣu khalu rogeṣu gambhīrānugatatvād abhighātajeṣu ca keṣucid asamastam pakvalakṣaṇaṃ dṛṣṭvā pakvam apakvam iti manyamāno bhiṣaṅ moham upaiti | tatra hi tvaksavarṇṇatā śītaśophatālparujatāśmavac ca ghanatā na tatra moham upeyāt |

1.17.7 bha ||

1.17.7ab āmam vidahyamānañ ca samyak pakvañ ca yo bhiṣak |

1.17.7cd jānīyāt sa bhaved vaidyaḥ śeṣās taskaravṛttayaḥ ||

1.17.8ab vātād ṛte nāsti rujā na pākaḥ pittād ṛte nāsti kaphāc ca pūyaḥ |

1.17.8cd tasmāt samastāḥ paripākakāle pacanti śophaṃ traya eva doṣāḥ ||

1.17.8ef narte rujā vātam ṛte ca pittaṃ pākaḥ kaphaś cāpivinā na pūyaḥ |

1.17.8gh tasmād vipākaṃ paripākakāle prayānti śophās tribhir eva doṣaiḥ ||

1.17.9ab kālāntareṇābhyuditan tu pittaṃ kṛtvā vaśe vātakaphau prasahya |

1.17.9cd pacaty ataḥ śoṇitam eva pāko matopareṣāṃ viduṣāṃ dvitīyaḥ ||

1.17.9ef dravyāṇāñ candanādīnāṃ dagdhānāṃ śvetatā yathā |

1.17.9gh tadvat pittoṣmaṇā dagdhaṃ rakta pūyam ihocyate ||

1.17.10 tatrāmacchede sirāsnāyuvyāpādanaṃ śoṇitātipravṛttiḥ vedanāprādurbhāvovadaraṇam anekopadravadarśanaṃ kṣatavidradhir vā bhavati | sa yadā tu bhayamohābhyāṃ pakvam apakvam iti manyamānaḥ ciram upekṣate vyādhiṃ vaidyaḥ | sa gambhīrānugato dvāram alabhamānaḥ pūyaḥ svamāśayam avadāyotsaṅgaṅ kṛtvā nāḍīñ janayitvā bhavaty asādhyaḥ ||

1.17.11 bha ||

1.17.11ab yaśchinatyāmamajñānādyaś ca pakvamupekṣate |

1.17.11cd śvapacāviva sasyaścettāvaniścitakāriṇau ||

1.17.12ab prākchastrakarmaṇaśceṣṭaṃ bhojayedāturaṃ bhiṣak |

1.17.12cd pāneyaṃ pāyayetmadyaṃ tīkṣṇaṃ yo vedanāsahaṃ ||

1.17.13ab na mūrchaty annasaṃyogān mattaḥ śastraṃ na budhyate |

1.17.13cd tasmād avaśyam bhoktavyaṃ rogeṣūkteṣu karmaṇi ||

1.17.14ab prāṇo hy ābhyantaro nṛṇām bāhyaprāṇaguṇānvitaḥ |

1.17.14cd dhārayaty avirodhena ucchrayam pāñcabhautikaṃ ||

1.17.15ab yo hy utthitolpo yadi vā mahāṃbhyāt kriyāṃ vinā pākam upaiti śophaḥ |

1.17.15cd viśālamūlo viṣamaṃ vidagdhaḥ sa kṛcchratāṃ yāty avagāḍhadoṣaḥ ||

1.17.16ab ālepavisrāvaṇaśodhanais tu samyakprayuktair yadi nopaśāmyet |

1.17.16cd śīghraṃ vipacyet samam alpamūlaḥ sampiṇḍitaś coparicālpadoṣaḥ

1.17.17ab kakṣaṃ samāsādya yathā ca vahnir vāyv īritaḥ sandahati prasahya |

1.17.17cd tathaiva pūyopyaviniḥsṛto hi mānsaṃ sirāsnāyu ca khādatīha ||

1.17.18ab ādau vimlāpanaṃ kuryāt dvitīyam avasecanaṃ |

1.17.18cd tṛtīyam upanāhaṃ tu caturthīṃ pāṭanakriyāṃ |

1.17.19ab pañcamaṃ śodhanaṃ vidyāt ṣaṣṭhaṃ ropaṇam iṣyate |

1.17.19cd ete kramā vraṇasyoktās saptamaṃ vaikṛtāpaham iti || ṇḍāṇya ||

[Adhyāya 18, collation]

1.18.1 athāta ālepavraṇabandhavidhi vyākhyāsyāmaḥ ||

1.18.3 ālepana ādya upakrama eṣa sarvaśophānāṃ sāmānyataḥ pradhānatamaś ca tamprati pratirogam vakṣyāmaḥ |

1.18.4 tatra pratilomam ālimpen nānuloma | pratilome hi samyag auṣadham avatiṣṭhate | praviśati ca romakūpais tasya pramāṇaṃ māhiṣārdracarmāt sedham upadiśanti |

1.18.5 na ca śuṣkam upekṣitavyam anyatra pīḍayitavyāt | śuṣkam apārthakaṃ rujākaraś ca bhavati |

1.18.6 ālepapradehayor antaram ālepaḥ śītas tanur aviśoṣī viśoṣī vā | pradehas tūṣṇaḥ śīto vā bahalobahuviśoṣī ca | tatra raktapittaprasādakṛdālepaḥ | śodhano ropaṇaḥ śophavedanāpagamaś ca tasyopayogaḥ kṣatākṣateṣu yastu kṣateṣūpayujyate sa bhūyaḥ kalka iti saṃjñāṃ labhate | nirudhyālepanasaṃjñaḥ tenāsrāvam anirodho mṛdupūtimāṃsāpakarṣaṇam antardoṣatā śurvraṇaśuddhiś ca bhavati |

1.18.12 na cālepanaṃ rātrau prayuñjīta śaityāt tu śleṣmaṇaḥ ūrdhvavivṛtaromakūpatvādūṣmānir eti ||

1.18.12ab avidagdheṣu śopheṣu hitam ālepamanam bhavet |

1.18.12cd yathā svadoṣaśamanaṃ dāhakaṇḍūrujāpahaṃ ||

1.18.12ef marmadeśeṣu ye rogā guhyeṣv api sadā nṛṇāṃ |

1.18.12gh saṃśodhanāya teṣān tukuryād ālepanaṃ bhiṣak ||

1.18.16 ata ūrdhvavraṇabandhanadravyāṇy upadekṣyāmaḥ | kṣaumakārpāsikāvikadukūlakauśeyapatrorṇṇacīnapaṭṭacarmāntarbalkalalatāvidalarajjābālatūlasantānikālāhādīny athāvyādhiṃ kālaś cāvekṣyopayogaḥ | pramāṇataś ceṣām ādeśaḥ |

1.18.17 kośadāma śākhāsu grīvāmeḍhramūtolīmaṇḍalasthavikāyamalakakhaṭvācīnavivandha vitānagophaṇāḥ pañcāṅgī ceti caturdaśabandhaviśeṣāḥ | teṣān nāmabhir evākṛtayaḥ prāyeṇa vyākhyātāḥ |

1.18.18 tatra kośaṃ jaṅghāṅguliparvasu vidadhyāt | dāmam asamvādheṅge sa

[Adhyāya 19, collation]

1.19.1 || athāto vraṇitopāsanīyam vyākhyāsyāmaḥ ||

1.19.3 atha vraṇitasya prathamam evāgāram anvicchet || praśastavāstusuni viṣṭaṃ śucyavātātapañca |

1.19.4 apraśastavāstunigṛhe sambādhe 'śucinyātape
cātivāte ca rogāḥ syuściraṃ śārīramānasāḥ |

1.19.5 tasmiñ chayanam asambādhaṃ svāstīrṇaaṇaṃ manojñam prākchīrṣan saśastraṅ kurvvīta |

1.19.6 sukhaceṣṭāpracāraḥ syāt | svāstīrṇṇe śayane vraṇī
prācyādiśi sthito devās tat pūjanārthan tataḥśiras

1.19.7 tasmin suhṛdbhir anukūlaiḥ priyamvadair upāsyamāno yatheṣṭamāśīteti ||

1.19.8 bha ||

1.19.8a suhṛdo vikṣipanty āśu kathābhir vvraṇavedanāḥ |
āśvāsayanto bahuśaḥ svanukūlāḥ priyamvadāḥ ||

1.19.9 na ca divānidrāvaśagaḥ syād

1.19.11 utthāsamvesanaparimārjjanādiṣu cātmaceṣṭāsvapramatto vraṇaṃ rakṣet || bha ||

1.19.12 sthānāsanañcaṅkramaṇaṃ divāsvapnan tathaiva ca |
vraṇito na viniṣeveta śaktimān api mānavaḥ ||

1.19.14 gamyānāñ ca strīṇāṃ sandarśanasambhāṣaṇasaṃsparśanāni dūrata eva pariharet || bha ||

1.19.15 strīṇāṃ sandarśanāc chukraṅ kadācid balitaṃ sravet |
grāmyadharmmakṛtān doṣān so 'saṃsargge 'pyavāpnuyāt ||

navadhānyamāṣatilakaśāyakulatthaniṣpāvakaharitaśokāmlalavaṇaguḍapiṣṭavikṛtaśuṣkaśākājāvimāṃsaśīto dakadadhidugdhatakraprabhṛtīni pariharet || bha ||

1.19.17 takrānto navadhānyādiryoyamvargga udāhṛtaḥ |
doṣasañjanano hyeṣa vijñeyaḥ pūyavarddhanaḥ ||

1.19.18 madyapañyamaireyāriṣṭāsavamadhusurāvihārām pariharet ||

1.19.19 madyamamlañ ca rūkṣañ ca tīkṣṇamuṣṇañ ca vīryataḥ |
āśukāri ca tatpītaṃ kṣipram vyāpādayed vraṇaṃ ||

vātātaparajodhūmātibhojanāniṣṭaśravaṇadarśanāmarṣaśokaviṣamaśayanāsanarātrijāgaraṇātmakṣikādibhiś cābādhām pariharet ||

1.19.21 vraṇitasyopataptasya kāraṇair eva mādibhiḥ |
kṣīṇaśoṇitamāṃsasya bhuktaṃ samyag na jīryati ||

1.19.22 ajīrṇaaṇāt pavanādīnāṃ vibhramobalavān bhavet |
tataḥ śopharujāśrāvadāhapākānavāpnuyāt ||

1.19.23 sadā ca nīcanakharomṇāśucināśucivāsasāśāntimaṅgaladevatābrāhmaṇagurupareṇabhavitavyaṃ || tat kasya hetoḥ hiṃsāvihārāṇi tu rakṣānsipaśupatikuberakumārānucarāṇi mānsaśoṇitapratvāt kṣatajanimittam vraṇitam upa sarppanti satkārārthañ jighāṃsūni vā kadācid bhavanti ||

1.19.24 teṣāṃ satkārakāmānām prayatetāntarātmanā |
dhūpamālyopahārām̐ś ca bhakṣām̐ś caivopahārayet ||

1.19.25 te tu santarppitā ātmavanna hiṃsyus tasmāt satatam atandritajanaparivṛto nityadīpodakaśastrasragdāmālaṅkṛta veśmani sampan maṅgalamano 'nukūlāḥ kathāḥ śṛṇvannāsīta ||

1.19.26 sampatmaṅgalayuktābhiḥ kathābhiḥ prītamānasaḥ |
āsāvān vyādhimokṣāya kṣipraṃ sukham avāpnuyāt ||

1.19.27 ṛksāmayajurbhir mmantrairaparaiś cāśīrvvādair upādhyāyabhiṣajāś ca sandhyayo rakṣāṅkuryuḥ ||

1.19.28 sarṣapāriṣṭapatrābhyāṃ sarppiṣālavaṇena ca |
dvirahnaḥ kārayed rūpaṃ saptarātramatandritaḥ ||

1.19.29 chattrāticchattralāṅgulīñ jaṭilāṃ brahmacāriṇīṃ | lakṣmīguhāmatiguhāvacāmativiṣāntathā || śatavīryāṃ saha sravīryāṃ siddhārthām̐ś cāpi dhārayet || bha ||

1.19.31 anena vidhānā yuktam ārād eva niśācarāḥ |
vanaṃkesariṇākrāntaṃ varjjayanti mṛgā iva ||

1.19.33 bālośīrair vraṇambījair nna ca nam parighaṭūyet |
na tuden na ca kaṇḍūyāc chayānaḥ paripālayet ||
jīrṇaśālyodanaṃ snigdhamalyamuṣkan dravottaraṃ |
bhuñjāno jāṅgalair mmāsaiḥ śīghraṃ vraṇam apohati ||
taṇḍulīyakajīvantī suniṣarṇṇakavāstukaiḥ |
bālamūlakavārttākī paṭolaiḥ kāravallakaiḥ ||

1.19.34 sadāḍimaiḥ sāmalakair ghṛtabhṛṣṭaiḥ sasaindhavaiḥḥ |
anyair eva ṅguṇair vvāpi mudgādīnāṃ rasena vā ||

1.19.35 divā na nidrā vaśago nivātagṛhagocaraḥ |
vraṇī vaidyavase tiṣṭhac chīghraṃ vraṇam apohati ||

tau ca ruk ca divāsvāpāt tāś ca mṛtyuś ca maithunāt ||

1.19.37 evaṃ vṛttasamācāro vraṇī sampadyate sukhī |
āyuś ca dīrgham āpnoti dhanvantarivaco yathā ||

[Adhyāya 20, collation]

1.20.1 || athāto hitāhitīyaṃ vyākhyāsyāmaḥ ||

1.20.3 yadvāyoḥ pathyan tatpittasyāpathyam ity anena hetunā na kiñcidravyam ekāntena hitamahitam vāstīti kecid ācāryā bruvate || taṃ tu na samyak | iha khalu dravyāṇi svabhāvataḥ saṃyogataś ca ekāntahitāni ekāntā hitāni hitāhitāni ca bhavanti ||

1.20.4 tatraikāntāhitāni jātisātmyatvāt | salilaghṛtadugdhvaudanaprabhṛtīni | ekāntāhitāni tu dahanapacanamāraṇādiṣu pravṛtttānyagnikṣāraviṣādīni saṃyogatastvaparāṇi viṣatulyāni bhavanti | hitāhitāni tu yadvāyoḥ pathyan tatpittasyāpathyamiti

1.20.5 etaddvitvānna sarvvavraṇināmayamāhārārthe vargga upadiśyate | raktaśāliṣaṣṭikāṅgukamukundakapāṇḍukakalama nīvārodravoddālakaśyāmākavāḥ || eṇahariṇakuraṅgāmṛgamātṛkāsvadaṃṣṭrīkrakaralāvatittirikapiñjalavarttīrakavarttakāḥ || mudgavanamasūramukuṣṭhahareṇaavāḍhakīsatīnāḥ || cillīvāstūkasuniṣarṇṇakajīvantī taṇḍulīyakamaṇḍūkaparṇṇāḥ | gavyaṃ ghṛtaṃ saindhavadāḍimāmalakamity eṣa varggaḥ sarvvavraṇinyaḥ sāmānyataḥ pathyatamaḥ |

1.20.6 tathā brahmacaryanivātaśayaṇoṣṇodakādivāsvapnāvyāyāmādhūmasevā ca ekāntaḥ pathyatamāni |

1.20.7 ahitāni prāgupadiṣṭāni | hitāhitāni tu yadvāyoḥ pathyantatpittasyāpathyam iti ||

1.20.8 saṃyogatastvaparāṇi viṣatulyāni bhavanti | vallīphalajavakakarīraāmlaphalalavaṇakulatthapiṇyāka tailaśuṣkaśākamadyajāmvajāṅgalacilimilimatsyagodhāvarāhānacaikadhyamaśnīyāt | payasā prākpayaso 'nte vā payasaḥ |

1.20.17 taratamayogayuktāṃś ca | bhāvānatirūkṣam atisnigdham atyuṣṇam atiśītam evamādīn vivarjjayet | na madhunoṣṇaṃ | noṣṇa noṣṇārtto | na madhunātilakalkenopotakāṃ | na pippalīmatsyavesayā | priyaṅgvanuliptena pāyasamaśnīyāt ||

1.20.18 bha ||

1.20.18a viruddhāny evam ādīni vīryato yāni kānicit |
tāny ekāntāny eva śeṣam vidyād hitāhitaṃ || bha ||

1.20.19 vyādhimindriyadaurbbalyam maraṇ vā niyacchati |
viruddharasavīryāṇi bhuñjāno 'nātmavān naraḥ ||

1.20.20 yatkiñcid doṣamutkleśya bhuktaṃ kāyān na nirharet |
rasādiṣu rasārthatvāt tad vikārāya kalpate ||

1.20.21 viruddhāśanajānrogān pratihanti virecanaṃ |
vamanaṃ śamanam vāpi pūrvvam vā hitasevanaṃ ||

1.20.22 sātmyato 'lpatayā vāpi dīptāgnes taruṇasya ca |
snigdhavyāyām iva linām viruddham vitatham bhaved iti ||

1.20.22a || kṣāram agniñ jalāyuś ca tathā śoṇitavarṇṇanaṃ |
doṣadhātumalañ caiva karṇṇatāḍanam eva ca ||
āmapakveṣaṇīyañ ca ālepanavidhin tathā |
vraṇitopāsanīyañ ca viruddhānnena viṃśatiḥ ||

dvitīyo daśa || thaṃ ||

[Adhyāya 21, collation]

1.21.31 nagatasya vātavat kriyāvibhāgaḥ ||

1.21.32 evaṃ prakṣubhitānāṃ prasaratāṃ vimārgagamanam āṭopo dhūmāyanam arocakaś charddir iti liṅgāni bhavanti | tatra tṛtīyaḥ kriyākālaḥ ||

1.21.33 ata ūrddhvaṃ sthānasaṃśrayam vakṣyāmaḥ | evaṃ khalu prasṛtās tāṃs tāñ charīrapradeśān āgamya tāṃs tān vyādhīñ janayanti | taṃ prati pratirogaṃ vakṣyāmaḥ | te yadodar dhayaḥ sanniveśaṅ kurvanti te gulmavṛdhyudarāgnisaṅgānāhavisūcikātīsāraprabhṛtīñ janayanti || bastigatāḥ pramehāśmarīmūtrāghātamūtradoṣaprabhṛtīn || gudagatās tu bhagandarārsaprabhṛtīn || meḍhragatās tu parivarttikāpadaṃśaśūkadoṣaprabhṛtīn || vṛṣaṇagatā vṛṣaṇavṛddhīn || ūrddhvajatrugatā ūrddhvagā galagaṇḍāpacīprabhṛtīn || tvaṅmānsasoṇitagatāḥ kṣudrarogān kuṣṭhādīṃ visarpāṃś ca || māṃsagatā granthyapacyarbudagalagaṇḍālajīprabhṛtīn || asthigatā vidradhyanuśayīprabhṛtīn || pādagatāḥ ślīpadavātasoṇitaprabhṛtīn || sarvagatāḥ jvaraśukradoṣasarvāṅgarogaprabhṛtīn || evam anyeṣv api sthāneṣu rogāṇāṃ doṣasanniveśaṃ jānīyāt || teṣām evam abhisanniviṣṭānām pūrvarūpaprādurbhāvo bhavati | tatra caturthaḥ kriyākālaḥ ||

1.21.34 ata ūrddhvaṃ vyādhidarsanam vakṣyāmaḥ || sophārbudagranthividradhivisarpādīnāṃ pravyaktalakṣaṇatā jvarātīsāraprabhṛtīnāñ ca | tatra pañcamakriyākālaḥ ||

1.21.35 ata ūrddhvam asyāvadīrṇṇasya vraṇabhāvam āpannasya ṣaṣṭhaḥ kriyākālaḥ || jvarātīsāraprabhṛtīnāñ ca dīrghakālānubandhaḥ | tatrāpratikriyamāṇo sādhyatām upaiti ||

1.21.36 bhavati cātra ||

1.21.36ab sañcayañ ca prakopañ ca prasaraṃ sthānasaṃśrayaṃ |

1.21.36cd vyaktim bhedañ ca yo vetti doṣāṇāṃ sa bhaved bhiṣak ||

1.21.37ab sañcaye pahṛtā doṣā labhante nottarā gatīḥ |

1.21.37cd te tūttarāsu gatiṣu bhavanti balavattarāḥ ||

1.21.38ab sarvair bhāvais tṛbhir vāpi dvābhyām ekena vā punaḥ |

1.21.38cd saṃsarge kupitaḥ kruddhaṃ doṣaṃ doṣo nudhāvati ||

1.21.39ab saṃsarge yo garīyāṃ syād upakramyaḥ sa vai bhavet |

1.21.39cd śeṣadoṣāvirodhena sannipāte tathaiva ca ||

1.21.40ab vraṇe tu yasmād rūḍhe pi vraṇavastu na naśyati |

1.21.40cd ādehadhāraṇāj jantor vraṇas tasmān nirucyata iti || 21 || ❈ || ||

[Adhyāya 22, collation]

1.22.1 athāto vraṇāsrāvavijñānīyam vyā ||

1.22.3 tvaṅmānsasirāsnāyvasthisandhikoṣṭhamarmāṇy aṣṭau vraṇavastūni bhavanti | atra sarvavraṇasanniveśaḥ ||

1.22.4 tatrādyaikavastusanniveśī tvagbhedī vraṇaḥ sūpacaro bhavati | śeṣās tv āsrāvā vijñeyāḥ | ya evam uttiṣṭhanty avadīvyante ca |

1.22.5 āyataś caturasro vṛttas tripuṭaka iti vraṇākṛtisamāsaḥ | viśeṣatas tu vikṛtākṛ𑑛tayo durupakramā bhavanti ||

1.22.6 sarva eva vraṇāḥ kṣipraṃ saṃrohanty ātmavatāṃ subhiṣagbhiś copakrāntāḥ | anātmavatāṃ majñaiś copakrāntāḥ praduṣyanti pravṛdvatvād doṣāṇāṃ |

1.22.7 tatrātisamvṛto vivṛtaḥ kaṭhinotimātram atimṛdur utsannovasannaḥ śītotyuṣṇaḥ kṛṣṇaraktapītaśuklādivarṇṇaiṣv apy arthavarṇṇaḥ pūtimāṃsa𑑛 sirāsnāyupratipūrṇṇaḥ pūtipūyāśrāvī ūnmārgy utsaṅgy amanojñadarśanagandhotyarthavedanāvān dāhapākarāgakaṇḍūśophapiṭakopadrutotyarthaduṣṭaśoṇitasrāvī dīrghakālānubandhī ceti duṣṭavraṇaliṅgāni || tatra doṣocchrāyam avekṣya yathāsvaṃ prakurvīta ||

1.22.8 atha sarvāsrāvām vakṣyāmaḥ | tatra ghṛṣṭāsu chinnāsu vā tvakṣu tvaksphuṭite bhinnevadārite vā salilaprakāśo bhavaty āsrāvaḥ kiñcid visraḥ pītāvabhāsaś ca | māṃsagate tu sarpiḥ prakāśaḥ sāndraḥ svetaḥ picchilaś ca | sirāgatas tu sadyaś chinnāsu sirāsu raktātipravṛttiḥ pakvāsu ca toyanāḍībhir ivāgamanaṃ pūyasya āśrāvaś cātra tanur vicchinnaḥ sapheno vasāpratimaḥ saraktaś ca | snāyugatas tu snigdho ghanaḥ siṃghaṇakapratimaḥ saraktaś ca | asthigatas tu asthiny abhihate sphuṭite bhinnevadārite vā doṣabhakṣitatvāc chuktidhautam ivābhāti asthiniḥsāraś ca bhavati | āsrāvaś cātra tanur vicchinno majjāmiśraḥ sarudhirasnigdhaś ca sandhigatas tu pīḍyamāno na pravarttate | tathākuñcanaprasāraṇonnāmanavināmanoskāsanapradhāvanaiḥ sravati | āsrāvaś cātra tanur vicchinnaḥ picchilovalambī sarudhironmathitaś ca bhavati | koṣṭhagatas tu mūtrapurīṣapūyarudhirodakāni sravati | marmagatas tu nocyate tvagādiṣv evāvaruddhatvāt ||

1.22.11 atha sarvavraṇavedanām vakṣyāmaḥ || todanabhedanacchedanatāḍanāvamanthanāyāmanavikṣepaṇacumucumāyananirddarśanāvabhañjanasphoṭanavidāraṇotpāṭanakampanavividhaśūlaviśleṣaṇavikiraṇapūraṇastambhanaśvapanākuñcanāṅkuśikāḥ sambhavanti | vividhā vā yatra muhurmuhur vedanā āgacchanti tam vātikam iti vidyāt | ūṣācoṣaparidāhadhūmāyanāni yatrāṅgārāvakīrṇṇam iva vedanā sarujaṃ tīkṣṇasampātipacyate yatra coṣmābhir vṛddhir bhavati kṣate kṣārāvasiktavac ca yatra vedanāviśeṣāḥ ghotāta m paittikam iti viṃdyāt | pittavad raktasamutthañ jānīyāt | viśeṣo raktado raktasrāvaś ca bhavati | kaṇḍūrgurutvaṃ suptatā svedolpavedanatvaṃ stambhaḥ śaityañ ca yatra taṃ ślaiṣmikam iti vidyāt | yatra sarvavedanāsamutpattis taṃ sānnipātikam iti vidyāt ||

1.22.12 ata ūrddhvaṃ sarvavarṇṇām vakṣyāmaḥ | bhasmakaposthivarṇṇaḥ paruṣoruṇavarṇṇaḥ kṛṣṇa iti mārutajasya | nīlaḥ śyāvo haritaḥ pītaḥ kṛṣṇo raktaḥ piṅgala iti pittaraktasamutthayoḥ | śvetasnigdhaḥ pāṇḍur iti śleṣmajasya | sarvavarṇṇopetaḥ sānnipātika ||

1.22.13 bhavati cātra ślokaḥ ||

1.22.13ab na kevalaṃ vraṇeṣūkto vedanāvarṇṇasaṅgrahaḥ

1.22.13cd sarvaśophavikāreṣu vraṇaval lakṣayed bhiṣag iti || 22 || ❈ ||

[Adhyāya 23, collation]

1.23.1 athātaḥ kṛtyākṛtyavidhiṃ vyā ||

1.23.3 tatra vayasthānāṃ dṛḍhānāṃ prāṇavatāṃ satvavatām ātmavatāñ ca sucikitsyā vraṇā bhavanti || ekaikasmin vā puruṣe yatraitad guṇapañcakaṃ bhavati tasya khalu sādhanīyatamāḥ tatra vayasthānāṃ pratyagradhātutvād āśu vraṇasaṃroho bhavati | dṛḍhānāṃ sthirabahumāṃsatvāc chastram a

[Adhyāya 24]

[collation based on N (1.24.1–7) and K (1.24.7–12).]

1931 ed. 1.24.1 athāto vyādhisamuddeśīyaṃ vyākhyāsyāmaḥ ||

1931 ed. 1.24.3 dvividhā vyādhayaḥ śastrasādhyāḥ snehādikriyāsādhyāś ca | tatra śastrasādhyeṣu snehādikriyā na pratiṣidhyate snehādikriyāsādhyeṣu śastrakarma na kriyate ||

1931 ed. 1.24.4 asmiṃs tu śāstre sarvatra sāmānyāt sarveṣāṃ vyādhīnāṃ yathāsthaulyenāvarodhaḥ kriyate | prāgabhihitaṃ tadduḥkhasaṃyogād vyādhir iti || tac ca duḥkhaṃ trividhaṃ | ādhyātmikam ādhibhautikam ādhidaivikam iti | tac ca duḥkhaṃ saptavidhe vyādhāv upanipatati | saptavidhās tu vyādhayaḥ | tad yathā ādibalapravṛttāḥ | janmabalapravṛttāḥ | doṣabalapravṛttāḥ | saṃghātabalapravṛttāḥ | daivabalapravṛttāḥ | svabhāvabalapravṛttāḥ | iti ||

1931 ed. 1.24.5 tatrādibalapravṛttā nāma śukraśoṇitadoṣānvayāḥ | kuṣṭhārśaḥprabhṛtayaḥ | te 'pi dvivividhā mātṛjāpitṛjāś ca || janmabalapravṛttā nāma ye mātur apacārāt paṅgujaḍajātyandhamūkabadhiraminminavāmanaprabhṛtayo jāyante te dvividhā rasakṛtā dauhṛdāpacārakṛtāś ca || doṣabalapravṛttā nāma ya ātaṅkāpacārakṛtās te dvividhāḥ | śārīrā mānasāś ca ||

1931 ed. 1.24.5x kālabalapravṛttā nāma ye śītoṣṇavātavarṣāprabhṛtibhiḥ samutpannās te 'pi dvividhā vyāpannā avyāpannāś ca ||*

notes▲
- In A this passage comes after 1.24.6, before daivabalapravṛttā ….

1931 ed. 1.24.6 saṃghātabalapravṛttā nāma ya āgantava ādhibhautikās te dvividhāḥ | durbalasya balavadvigrahāc chastrādikṛtāś ca |

1931 ed. 1.24.7 daivabalapravṛttā nāma ya aupasargikā dvividhā abhicārābhiśāpābhiṣaṅgajāḥ || svabhāvabalapravṛttā nāma kṣutpipāsājarāmṛtyunidrāprabhṛtaya iti | te 'pi dvividhā rakṣakṛtā arakṣakṛtāḥ | rakṣakṛtaḥ kālakṛtaḥ | arakṣakṛto 'kālakṛtaḥ || atra sarvatra vyādhyuparodhaḥ |

1931 ed. 1.24.8 sarveṣāṃ ca vyādhīnām vātapittaśleṣmāṇa eva mūlaṃ | talliṅgatvād dṛṣṭaphalatvād āgamāc ca paśyāmaḥ | yathā hi kṛtsnaṃ vikārajātaṃ vaiśvarūpyeṇa vyavasthitaṃ | satva rajas tamāṃsy avyatiricya varttante | evam eva kṛtsnaṃ vikārajātaṃ vaiśvarūpyeṇāvasthitaṃ | avyatiricya vātapittaśleṣmāṇo varttante | doṣadhātumalasaṃsargād āyatanaviśeṣān nimittataś caiṣāṃ vikalpo bhavati | doṣadūṣiteṣv atyarthañ ca dhātuṣu saṃjñā bhavati || rasajo 'yaṃ raktajo 'yaṃ māṃsajo 'yaṃ medojo 'yaṃ asthijo 'yaṃ majjajo 'yaṃ śukrajo 'yaṃ vyādhir iti ||

1931 ed. 1.24.9 aśraddhārocakapipāsāṅgamardajvarahṛllāsātṛptigauravapāṇḍurogasrotorodhakārśyavairasyāṅgasādāḥ | akālapalitatimiradarśanarasadoṣajā vikārāḥ || kuṣṭhavisarpapiṭakās tilakālakanacchavyaṅgamasakanīlikākoṭhaplīhagulmavidradhyarśo 'rbudāsṛgdararaktapittaprabhṛtayo raktadoṣāt || gudamukhameḍhrapākāś cādhimāṃśārbbudārsopajihvopakuśagalaśuṇḍikāmāṃśasaṃghātoṣṭhaprakopagalagaṇḍagaṇḍamālāprabhṛtayo māṃsadoṣāt || granthivṛddhigalagaṇḍārbbudoṣṭhaprakopamadhumehātisthaulyaprabhṛtayo medodoṣāt || adhyasthidantāsthitodaśūlādayo 'sthidoṣāt || tamodarśamūrcchābhramapārśvagauravahṛcchūlasthūlamūlorujambheti majjadoṣāt || klaibyam apraharṣaś ca śukradoṣāt || tvagdoṣaḥ saṅgo 'tipravṛrttir vā malānāṃ malāyatanadoṣāt || indriyāṇāṃ ayathā pravṛttir apravṛttir vā indriyāyatanadoṣād ity eṣa samāso vistaraṃ nimittāni caiṣām pratirogam vakṣyāmaḥ ||

1931 ed. 1.24.10 bhavati cātra ||

1931 ed. 1.24.10ab kupitānāṃ hi doṣāṇāṃ śarīre paridhāvatāṃ |

1931 ed. 1.24.10cd yatra saṅgaḥ savaiguṇyād* vyādhis tatropajāyate ||

notes▲
- Ḍalhaṇa pointed out that others read svavaiguṇyād (instead of khavaiguṇyād).

1931 ed. 1.24.11 bhūyo 'tra jijñāsate | kim vātapittaśleṣmāṇāṃ jvarātisārādīnāṃ ca nityaṃ saṃsleṣaḥ paricchedo veti | yadi nityaṃ saṃśleṣaḥ syān nityāturā eva sarvaprāṇinaḥ syuḥ | athāpi anyathābhāvo vātādīnāṃ jvarādīnāṃ cānyatra varttamānasyānyasya liṅgaṃ na bhavatīti | kṛtvā vātādayo jvarādīṇāṃ mūlānīti tan na || atrocyate || doṣān pratyākhyāya jvarādayo na bhavanti | atha ca nityaṃ sambandhaḥ | yathā hi vidyudvātāsanivarṣaṇyākāśaṃ pratyākhyāya na bhavanti | satyapyākāse kadācic ca na bhavanti | atha ca nimittato bhavanti | taraṅgabudbudādayaś codakaviśeṣāḥ | evam vātādīnāṃ jvarādīnāñ ca na nityasaṃśleṣo na vicchedaḥ śāśvatikaḥ | atha ca nimittataḥ | tebhya evotpattir iti ||

1931 ed. 1.24.12ab vikāram parimāṇañ ca saṃkhyā caiṣāṃ pṛthak pṛthak |

1931 ed. 1.24.12cd vistareṇottare tantre sarvā bādhāṃ pracakṣmaha iti || ||

[Adhyāya 25, collation]

1931 ed. 1.25.1 athāto 'ṣṭavidhaśastrakarmīyam adhyāyaṃ vyākhyāsyāmaḥ ||

chedyās tu bhagandarārśorbudaduṣṭavraṇanāḍīcarmakīlatilakālackamedogranthiśleṣmanimittāś cāmas tathā māṃsasirāsnāyukothamāṃsakandīmāṃsāsthigatam api ca śalyam uttavaḥ śataponako jactumaṇir valmīkamadhūṣodhimāṃsaḥ māṃsasaṃghātagalaśuṇḍikā ity evamādayo vikārāḥ ||

⸤bhedyās tu sarvajamṛte vidradhyanuśayī pramehapiṭakā granthayaś ca visarpāś cāditas trayas trayo vṛcddhayaś ca vidārikāvamanthau puṣkarikānāḍyastanarogāś ca sahopadaṃśaiḥ śophāś cāsarvasarāḥ prāyaśaḥ kṣudrarogās tathā tāclupuppuṭatuṇḍikerīgilāyuprabhṛtayo ntaḥ pūyaśalyāḥ pañca medaḥsamutthā aśmarīheto⸤r bastiś ca ||

1931 ed. 1.25.9ab lekhyāś catasro rohiṇyaḥ kilāsamupajihvikā |
medojo dantavaidarbho granthirvartmādhijihvikā ||

1931 ed. 1.25.10ab arśāṃsi maṇḍalaṃ māṃsakandī māṃsonnatis tathā |
vedhyāḥ sirā bahuvidhā mūtravṛddhirdakodaram ||

1931 ed. 1.25.11ab eṣyā nāḍyaḥ saśalyāś ca vraṇā unmārgiṇaś ca |
āhāryāḥ śarkarāstisro dantakarṇamalo 'śmarī ||

1931 ed. 1.25.12ab śalyāni mūḍhagarbhāś ca varcaś ca nicitaṃ gude |
srāvyā vidradhayaḥ pañca bhaveyuḥ sarvajādṛte ||

1931 ed. 1.25.13ab kuṣṭhāni vāyuḥ sarujaḥ śopho yaś caikadeśajaḥ |
pālyāmayāḥ ślīpadāni viṣajuṣṭaṃ ca śoṇitam ||

1931 ed. 1.25.14ab arbudāni visarpāś ca granthayaś cāditas tu ye |
trayas trayaś copadaṃśāḥ stanarogā vidārikā ||

1931 ed. 1.25.15 suṣiro galaśālūkaṃ kaṇṭakāḥ kṛmidantakaḥ |
dantaveṣṭaḥ sopakuśaḥ śītādo dantapuppuṭaḥ ||

1931 ed. 1.25.16 pittāsṛkkaphajāś cauṣṭhyāḥ kṣudrarogāś ca bhūyaśaḥ |
sīvyā medaḥsamutthāś ca bhinnāḥ sulikhitā gadāḥ ||

kapṇagranthir alpapāliḥ karṇṇasadyo vraṇaś ca yaḥ || śirolalācṭākṣikṛṭakarṇṇeṣv anāsāgaṇḍakṛkāṭikā| bāhūdarasphiṃkpāyuprajananamuṣkādiṣu pradeseṣv acaleṣu mā(From folio )nsavatsu ca śīvyet | jānukurparajaṃghādiṣu pracaleṣv alpamāṃseṣu na sīvyet | vāyunirvāhinontulohitaśalyācḥ saviṣāṃś ca tatra vāsīvyaṃ vraṇam abhis amīkṣyacelāsthipāṃsutṛṇaromaśuṣkaraktādīny apohotkṛtyākṛṣya yathāsthānaṃ sthāyayitvā snāyucsūtravālānāṃmanyatamena sīvyet | saṇāṣmantakamūrvātaśīnāṃ vā valkalaiḥ | sūcyas tutisu upadiśyante | dvya⸤ṅgulātryaṅgulādhanuvakrebhi | tatra māṃsaleṣv avakāseṣu tryasrāḥ sīnvyasthiscalpamāṃseṣu ca dvyaṅgulāvṛttāpatkācmāsamayor marmasu ca dhanuvaccakrārdhatṛtīyāṃguleti | redharsvāṇakātūnasevanyāveṃllitakaṃ rajagranthibandhañceti | samāsena secanavikaclpāḥ | teṣān nāmabhir evākutayaḥ prāyeṇa vyākhyātāḥ teṣāṃ prahāram āsādyopayogāṃ vudvyāvekṣya na cātisanni⸤kṛṣṭāṃ viprakṛṣṭām alpagrāhiṇīm vā sūcīprotayet | evaṃ vedanāvaluñcanam bhavati || bhavacti cātra ślokaḥ | dūre nipatitābādhaṃ sannikṛṣṭaviluñcanaṃ | alpagrahān tadvad eva vraṇe kuryād atas tyajet | samyak sīvitam avekṣya madhucghṛtayutair añjaranemadhukalodhrapriyaṅgusallakīphalarasāñjanakṣaumamasīcūrṇṇaiḥ pratisārya bandhenopacare⸤ta || bhavanti cātra ||

1931 ed. 1.25.17 sadyovraṇāś ca ye caiva calasandhivyapāśritāḥ |
na kṣārāgniviṣair juṣṭā na ca mārutavāhinaḥ ||

1931 ed. 1.25.18 nāntarlohitaśalyāś ca teṣu samyagviśodhanam |
pāṃśuromanakhādīni calamasthi bhavec ca yat ||

1931 ed. 1.25.19 ahṛtāni yato 'mūni pācayeyurbhṛśaṃ vraṇam |
rujaś ca vividhāḥ kuryustasmād etān viśodhayet ||

1931 ed. 1.25.20 tato vraṇaṃ samunnamya sthāpayitvā yathāsthitam |
sīvyet sūkṣmeṇa sūtreṇa valkenāśmantakasya vā ||

1931 ed. 1.25.21 śaṇajakṣaumasūtrābhyāṃ snāyvā bālena vā punaḥ |
mūrvāguḍūcītānair vā sīvyed vellitakaṃ śanaiḥ ||

1931 ed. 1.25.22 sīvyed gophaṇikāṃ vā'pi sīvyed vā tunnasevanīm |
ṛjugranthimatho vā'pi yathāyogamathāpi vā ||

1931 ed. 1.25.23 deśe 'lpamāṃse sandhau ca sūcī vṛttā'ṅguladvayam |
āyatā tryaṅgulā tryasrā māṃsale vā'pi pūjitā ||

1931 ed. 1.25.24 dhanurvakrā hitā marmaphalakośodaropari |
ity etās trividhāḥ sūcīs tīkṣṇāgrāḥ susamāhitāḥ ||

1931 ed. 1.25.25 kārayenmālatīpuṣpavṛntāgraparimaṇḍalāḥ |
nātidūre nikṛṣṭe vā sūcīṃ karmaṇi pātayet ||

1931 ed. 1.25.26ab dūrādrujo vraṇauṣṭhasya sannikṛṣṭe 'valuñcanam ||

1931 ed. 1.25.27 atha kṣaumapicucchannaṃ susyūtaṃ pratisārayet |
priyaṅgvañjanayaṣṭyāhvarodhracūrnaiḥ samantataḥ ||

1931 ed. 1.25.28 śallakīphalacūrnṇair vā kṣaumadhyāmena vā punaḥ |
tato vraṇaṃ yathāyogaṃ baddhvā+ācārikam ādiśet ||

1931 ed. 1.25.29 etad aṣṭavidhaṃ karma samāsena prakīrtitam |
cikitsiteṣu kārtsnyena vistaras tasya vakṣyate ||

1931 ed. 1.25.30 hīnātiriktaṃ tiryak ca gātracchedanamātmanaḥ |
etāś catasro 'ṣṭavidhe karmaṇi vyāpadaḥ smṛtāḥ |

1931 ed. 1.25.31 ajñānalobhāhitavākyayoga
bhayapramohair aparaiś ca bhāvaiḥ |
yadā prayuñjīta bhiṣak kuśastraṃ
tadā sa śeṣān kurute vikārān ||

1931 ed. 1.25.32 taṃ kṣāraśastrāgnibhir auṣadhaiś ca
bhūyo 'bhiyuñjānam ayuktiyuktam |
jijīviṣur dūrata eva vaidyaṃ
vivarjayed ugraviṣāhitulyam ||

1931 ed. 1.25.33 tad eva yuktaṃ tv atimarmasandhīn
hiṃsyāt sirāḥ snāyum athāsthi caiva |
mūrkhaprayuktaṃ puruṣaṃ kṣaṇena
prāṇair viyuñjyādathavā kathaṃcit ||

1931 ed. 1.25.34 bhramaḥ pralāpaḥ patanaṃ pramoho
viceṣṭanaṃ saṃlayanoṣṇate ca |
srastāṅgatā mūrcchanam ūrdhvavāta
s tīvrā rujo vātakṛtāś ca tās tāḥ ||

1931 ed. 1.25.35 māṃsodakābhaṃ rudhiraṃ ca gacchet
sarvendriyārthoparamas tathaiva |
daśārdhasaṃkhyeṣv api hi kṣateṣu sāmānyato marmasu liṅgam uktam ||

1931 ed. 1.25.36 surendragopapratimaṃ prabhūtaṃ
raktaṃ sraved vai kṣatataś ca vāyuḥ |
karoti rogān vividhān yathoktāṃś
chinnāsu bhinnāsv athavā sirāsu ||

1931 ed. 1.25.37 kaubjyaṃ śarīrāvayavāvasādaḥ
kriyāsv aśaktis tumulā rujaś ca |
cirād vraṇo rohati yasya cāpi
taṃ snāyuviddhaṃ manujaṃ vyavasyet ||

1931 ed. 1.25.38 śophātivṛddhis tumulā rujaś ca
balakṣayaḥ parvasu bhedaśophau |
kṣateṣu sandhiṣv acalācaleṣu syāt
sandhikarmoparatiś ca liṅgam ||

1931 ed. 1.25.39 ghorā rujo yasya niśādineṣu
sarvāsv avasthāsu na śāntir asti |
tṛṣṇā'ṅgasādau śvayathuś ca rukṣaḥ
tam asthividdhaṃ manujaṃ vyavasyet ||

1931 ed. 1.25.40 yathāsvam etāni vibhāvayeyur
liṅgāni marmasv abhitāḍiteṣu |
sparśaṃ na jānāti vipāṇḍuvarṇo
yo māṃsamarmaṇy abhitāḍitaḥ syāt ||

1931 ed. 1.25.41 ātmānamevātha jaghanyakārī śastreṇa yo hanti hi karma kurvan |
tamātmāvānātmahanaṃ kuvaidyaṃ vivarjayed āyurabhīpsamānaḥ ||

1931 ed. 1.25.42 tiryakpraṇihite śastre doṣāḥ purvamudāhṛtāḥ |
tasmāt pariharan doṣān kuruyācchastranipātanam ||

1931 ed. 1.25.43 mātaraṃ pitaraṃ putrān bāndhavānapi cāturaḥ |
apyetānabhiśaṅketa vaidye viśvāsameti ca ||

1931 ed. 1.25.44 visṛjatyātmanā+ātmānaṃ na cainaṃ pariśaṅkate |
tasmāt putravadevainaṃ pālayed āturaṃ bhiṣak ||

1931 ed. 1.25.45 dharmārthau kīrtim ity arthaṃ satāṃ grahaṇam uttamam |
prāpnuyāt svargavāsaṃ ca hitamārabhya karmaṇā ||

1931 ed. 1.25.46 karmaṇā kaścidekena dvābhyāṃ kaścittribhis tathā |
vikāraḥ sādhyate kaścic caturbhir api karmabhiḥ ||

iti suśrutasaṃhitāyāṃ sūtrasthāne 'ṣṭavidhaśastrakarmaṇyo nāma pañcaviṃśo 'dhyāyaḥ ||

[Adhyāya 26, collation]

1931 ed. 1.26.1 athātaḥ pranaṣṭaśalyavijñānīyam adhyāyaṃ vyākhyāsyāmaḥ ||

1931 ed. 1.26.3 śala śvala āśugamane dhātuḥ tasya śalyam iti rūpam ||

1931 ed. 1.26.4 tad dvividhaṃ śārīram āgantukaṃ ca ||

1931 ed. 1.26.5 sarvaśarīrābādhakaraṃ śalyaṃ tadihopadiśyata ity ataḥ śalyaśāstram ||

1931 ed. 1.26.6 tatra śārīraṃ romanakhādi dhātavo 'nnamalā doṣāś ca duṣṭāḥ āgantv api śārīraśalyavyatirekeṇa yāvanto bhāvā duḥkham utpādayanti ||

1931 ed. 1.26.7 adhikāro hi lohaveṇuvṛkṣatṛṇaśṛṅgāsthimayeṣu tatrāpi viśeṣato loheṣveva viśasanārthopapannatvāllohasya lohānām api durvāratvād aṇumukhatvād dūraprayojanakaratvāc ca śara evādhikṛtaḥ | sa dvividhaḥ karṇī ślakṣṇaś ca prāyeṇa vividhavṛkṣapatrapuṣpaphalatulyākṛtayo vyākhyātā vyālamṛgapakṣivaktrasadṛśāś ca ||

1931 ed. 1.26.8 sarvaśalyānāṃ tu mahatāmaṇūnāṃ vā pañcavidho gativiśeṣa ūrdhvamadho 'rvācīnastiryagṛjur iti ||

1931 ed. 1.26.9 tāni vegakṣayāt pratighātād vā tvagādiṣu vraṇavastuṣv avatiṣṭhante dhamanīsroto 'sthivivarapeśīprabhṛtiṣu vā śarīrapradeśeṣu || 1931 ed. 1.26.10 tatra śalyalakṣaṇam ucyamānam upadhāraya | tat tu dvividhaṃ sāmānyaṃ vaiśeṣikaṃ ca | śyāvaṃ piḍakācitaṃ śophavedanāvantaṃ muhurmuhuḥ śoṇitāsrāviṇaṃ budbudavad unnataṃ mṛdumāṃsaṃ ca vraṇaṃ jānīyāt saśalyo 'yam iti | sāmānyam etal lakṣaṇam uktam | vaiśeṣikaṃ tu tvaggate vivarṇaḥ śopho bhavaty āyataḥ kaṭhinaś ca māṃsagate śophābhivṛddhiḥ śalyamārgānupasaṃrohaḥ pīḍanāsahiṣṇutā coṣapākau ca peśyantarasthe 'py etad eva coṣaśophavarjaṃ sirāgate sirādhmānam sirāśūlaṃ sirāśophaś ca snāyugate snāyujālotkṣepaṇaṃ saṃrambhaś cogrā ruk ca srotogate srotasāṃ svakarmaguṇahāniḥ; dhamanīsthe saphenaṃ raktam īrayann anilaḥ saśabdo nirgacchaty aṅgamardaḥ pipāsā hṛllāsaś ca asthigate vividhavedanāprādurbhāvaḥ śophaś ca asthivivaragate 'sthipūrṇatā'sthitodaḥ saṃharṣo balavāṃś ca sandhigate 'sthivacceṣṭoparamaś ca koṣṭhagata āṭopānāhau mūtrapurīṣāhāradarśanaṃ ca vraṇamukhāt marmagate marmaviddhāvac ceṣṭate | sūkṣmagatiṣu śalyeṣv etāny eva lakṣaṇāny aspaṣṭāni bhavanti ||

1931 ed. 1.26.11 mahānty alpāni vā śuddhadehānām anulomasanniviṣṭāni rohanti viśeṣataḥ kaṇṭhasrotaḥsirātvakpeśyasthivivareṣu doṣaprakopavyāyāmābhighātājīrṇebhyaḥ pracalitāni punarbādhante ||

1931 ed. 1.26.12 tatra tvakpranaṣṭe snigdhasvinnāyāṃ mṛnmāṣayavagodhūmagomayamṛditāyāṃ tvaci yatra saṃrambho vedanā vā bhavati tatra śalyaṃ vijānīyāt styānaghṛtamṛccandanakalkair vā pradigdhāyāṃ śalyoṣmaṇā+āśu visarati ghṛtam upaśuṣyati vā lepo yatra tatra śalyaṃ vijānīyāt māṃsapranaṣṭe snehasvedādibhiḥ kriyāviśeṣair aviruddair āturam upapādayet karśitasya tu śithilībhūtam anavabaddhaṃ kṣubhyamāṇaṃ yatra saṃrambhaṃ vedanāṃ vā janayati tatra śalyaṃ vijānīyāt koṣṭhāsthisandhipeśīvivareṣv avasthitam evam eva parīkṣeta sirādhamanīsrotaḥsnāyupranaṣṭe khaṇḍacakrasaṃyukte yāne vyādhitam āropyāśu viṣame 'dhvani yāyād yatra saṃrambho vedanā vā bhavati tatra śalyaṃ jānīyāt asthipranaṣṭe snehasvedopapannānyasthīni bandhanapīḍanābhyāṃ bhṛśam upācared yatra saṃrambho vedanā vā bhavati tatra śalyaṃ jānīyāt sandhipranaṣṭe snehasvedopapannān sandhīn prasaraṇākuñcanabandhanapīḍanair bhṛśam upācaret yatra saṃrambho vedanā vā bhavati tatra śalyaṃ vijānīyāt marmapranaṣṭe tv ananyabhāvān marmaṇām uktaṃ parīkṣaṇaṃ bhavati ||

1931 ed. 1.26.13 sāmānyalakṣaṇam api ca hastiskandhāśvapṛṣṭhaparvatadrumārohaṇadhanurvyāyāmadrutayānaniyuddhādhvagamanalaṅghanaprataraṇaplavanavyāyāmair jṛmbhodgārakāsakṣavathuṣṭhīvanahasanaprāṇāyāmair vātamūtrapurīṣaśukrotsargair vā yatra saṃrambho vedanā vā bhavati tatra śalyaṃ jānīyāt ||

1931 ed. 1.26.14 bhavanti cātra |

1931 ed. 1.26.14 yasmiṃs todādayo deśo suptatā gurutāpi ca |
ghaṭṭate bahuśo yatra srūyate tudyate 'pi ca ||

1931 ed. 1.26.15 āturaś cāpi yaṃ deśam abhīkṣṇaṃ parirakṣati |
saṃvāhyamāno bahuśas tatra śalyaṃ vinirdiśet ||

1931 ed. 1.26.16 alpābādham aśūnaṃ ca nīrujaṃ nirupadravam |
prasannaṃ mṛduparyantaṃ nirāghaṭṭamanunnatam ||

1931 ed. 1.26.17 eṣaṇyā sarvato dṛṣṭvā yathāmārgaṃ cikitsakaḥ |
prasārākuñcanān nūnaṃ niḥśalyam iti nirdiśet ||

1931 ed. 1.26.18 asthyātmakaṃ bhajyate tu śalyamantaś ca śīryate |
prāyo nirbhujyate śārṅgam āyasaṃ ceti niścayaḥ ||

1931 ed. 1.26.19 vārkṣavaiṇavatārṇāni nirhrayante tu no yadi |
pacanti raktaṃ māṃsaṃ ca kṣipram etāni dehinām ||

1931 ed. 1.26.20 kānakaṃ rājataṃ tāmraṃ raitikaṃ trapusīsakam |
cirasthānād vilīyante pittatejaḥpratāpanāt ||

1931 ed. 1.26.21 svabhāvaśītā mṛdavo ye cānye 'pīdṛśā matāḥ |
dravībhūtāḥ śarīre 'sminn ekatvaṃ yānti dhātubhiḥ ||

1931 ed. 1.26.22 viṣāṇadantakeśāsthiveṇudārūpalāni tu |
śalyāni na viśīryante śarīre mṛnmayāni ca ||

1931 ed. 1.26.23 dvividhaṃ pañcagatimattvagādivraṇavastuṣu |
viśliṣṭaṃ vetti yaḥ śalyaṃ sa rājñaḥ kartum arhati ||

iti suśrtasaṃhitāyāṃ sūtrasthāne pranaṣṭaśalyavijñānīyo nāma ṣaḍviṃśatitamo 'dhyāyaḥ ||

[Adhyāya 27, collation]

1931 ed. 1.27.1 athātaḥ śalyāpanayanīyam adhyāyaṃ vyākhyāsyāmaḥ ||

1931 ed. 1.27.3 śalyaṃ dvividhamavabaddhamanavabaddhaṃ ca ||

1931 ed. 1.27.4 tatra samāsenānavabaddhaśalyoddharaṇārthaṃ pañcadaśa hetūn vakṣyāmaḥ | tad yathā svabhāvaḥ pācanaṃ bhedanaṃ dāraṇaṃ pīḍanaṃ pramārjanaṃ nirdhmāpanaṃ vamanaṃ virecanaṃ prakṣālanaṃ pratimarśaḥ pravāhaṇaṃ ācūṣaṇaṃ ayaskānto harṣaś ceti ||

1931 ed. 1.27.5 tatrāśrukṣavathūdgārakāsamūtrapurīṣānilaiḥ svabhāvabalapravṛttair nayanādibhyaḥ patati māṃsāvagāḍhaṃ śalyamavidahyamānaṃ pācayitvā prakothā(ā.pā)ttasya pūyaśoṇitavegād gauravād vā patati | pakvamabhidyamānaṃ bhedayed dārayed vā | bhinnamanirasyamānaṃ pīḍanīyaiḥ pīḍayet pāṇibhir vā | aṇūny akṣaśalyāni pariṣecanādhmāpanair bālavastrapāṇibhiḥ pramārjayet | āhāraśeṣaśleṣmahīnāṇuśalyāni śvasanotkāsanapradhamanair nirdhamet | annaśalyāni vamanāṅgulipratimarśaprabhṛtibhiḥ | virecanaiḥ pakvāśayagatāni | vraṇadoṣāśayagatāni prakṣālanaiḥ | vātamūtrapurīṣagarbhasaṅgeṣu pravāhaṇamuktaṃ | mārutodakasaviṣarudhiraduṣṭastanyeṣv ācūṣaṇam āsyena viṣāṇair vā | anulomam anavabaddham akarṇam analpavraṇamukham ayaskāntena | hṛdy avasthitam anekakāraṇotpannaṃ śokaśalyaṃ harṣeṇeti ||

1931 ed. 1.27.6 sarvaśalyānāṃ tu mahatām aṇūnāṃ vā dvāv evāharaṇahetū bhavataḥ pratilomo 'nulomaś ca ||

1931 ed. 1.27.7 tatra pratilomamarvācīnamānayet anulomaṃ parācīnam || 1931 ed. 1.27.8 uttuṇḍitaṃ chitvā nirghātayecchedanīyamukham ||

1931 ed. 1.27.9 chedanīyamukhānyapi kukṣivakṣaḥkakṣāvaṃkṣaṇaparśukāntarapatitāni ca hastaśakyaṃ yathāmārgeṇa hastenaivāpahartuṃ prayateta ||

1931 ed. 1.27.10 hastenāpahartum aśakyaṃ viśasya śastreṇa yantreṇāpaharet ||

1931 ed. 1.27.11 bhavati cātra |

1931 ed. 1.27.11ab śītalena jalenainaṃ mūrcchantam avasecayet |

1931 ed. 1.27.11cd saṃrakṣedasya marmāṇi muhur āśvāsayec ca tam ||

1931 ed. 1.27.12 tataḥ śalyam uddhṛtya nirlohitaṃ vraṇaṃ kṛtvā svedārham agnighṛtaprabhṛtibhiḥ saṃsvedya vidahya pradihya sarpirmadhubhyāṃ baddhvā+ācārikam upadiśet | (? sirāsnāyuvilagnaṃ śalākādibhir vimocyāpanayet śvayathugrastavāraṅgaṃ samavapīḍya śvayathuṃ durbalavāraṅgaṃ kuśādibhir baddhvā |)

1931 ed. 1.27.13 hṛdayamabhito vartamānaṃ śalyaṃ śītajalādibhir udvejitasyāpahared yathāmārgaṃ durupaharamanyato 'pabādhyamānaṃ pāṭayitvoddharet ||

1931 ed. 1.27.14 asthivivarapraviṣṭam asthividaṣṭaṃ vā'vagṛhya pādābhyāṃ yantreṇāpaharet aśakyamevaṃ vā balavadbhiḥ suparigṛhītasya yantreṇa grāhayitvā śalyavāraṅgaṃ pravibhujya dhanurguṇair baddhaikataś cāsya pañcāṅgyām upasaṃyatasyāśvasya vaktrakavike badhnīyāt athainaṃ kaśayā tāḍayed yathonnamayan śiro vegena śalyam uddharati dṛḍhāṃ vā vṛkṣaśākhām avanamya tasyāṃ pūrvavad baddhvoddharet ||

1931 ed. 1.27.15 adeśottuṇḍitamaṣṭhīlāśmamudgarāṇāmnyatamasya prahāreṇa vicālya yathāmārgam eva yantreṇa ||

1931 ed. 1.27.16 (? yantreṇa ) vimṛditakarṇāni karṇavantyanābādhakaradeśottuṇḍitāni purastādeva ||

1931 ed. 1.27.17 jātuṣe kaṇṭhāsakte kaṇṭhe nāḍīṃ praveśyāgnitaptāṃ ca śalākāṃ tayā 'vagṛhya śītābhir adbhiḥ pariṣicya sthirībhūtām uddharet ||

1931 ed. 1.27.18 ajātuṣaṃ jatumadhūcchiṣṭapraliptayā śalākayā pūrvakalpenetyeke || 1931 ed. 1.27.19 asthiśalyamanyadvā tiryakkaṇṭhāsaktamavekṣya keśoṇḍukaṃ dṛḍhaikasūtrabaddhaṃ dravabhaktopahitaṃ pāyayed ākaṇṭhāt pūrṇakoṣṭhaṃ ca vāmayet vamataś ca śalyaikadeśasaktaṃ jñātvā sūtraṃ sahasā tvākṣipet mṛdunā vā dantadhāvanakūrcakenāpaharet praṇudedvā'ntaḥ | kṣatakaṇṭhāya ca madhusarpiṣī leḍhuṃ prayacchettriphalācūrṇaṃ vā madhuśarkarāvimiśram || 1931 ed. 1.27.20 udakapūrṇodaramavākśirasamavapīḍayed dhunīyādvāmayed vā bhasmarāśau vā nikhanedāmukhāt || 1931 ed. 1.27.21 grāsaśalye tu kaṇṭhāsakte niḥśaṅkamanavabuddhaṃ skandhe muṣṭinā'bhihanyāt snehaṃ madyaṃ pānīyaṃ vā pāyayet ||

1931 ed. 1.27.22 bāhurajjulatāpāśaiḥ kaṇṭhapīḍanādvāyuḥ prakupitaḥ śleṣmāṇaṃ kopayitvā sroto niruṇaddhi lālāsrāvaṃ phenāgamanaṃ saṃjñānāśaṃ cāpādayati tamabhyajya saṃsvedya śirovirecanaṃ tasmai tīkṣṇaṃ dadyādrasaṃ ca vātaghnaṃ vidadhyād iti ||

1931 ed. 1.27.23 bhavanti cātra |

1931 ed. 1.27.23ab śalyākṛtiviśeṣāṃś ca sthānānyāvekṣya buddhimān |

1931 ed. 1.27.23cd tathā yantrapṛthaktvaṃ ca samyak śalyamathāharet ||

1931 ed. 1.27.24ab karṇavanti tu śalyāni duḥkhāhāryāṇi yāni ca |

1931 ed. 1.27.24cd ādadīta bhiṣak tasmāt tāni yuktyā samāhitaḥ ||

1931 ed. 1.27.25ab etair upāyaiḥ śalyaṃ tu naiva niryātyate yadi |

1931 ed. 1.27.25cd matyā nipuṇayā vaidyo yantrayogaiś ca nirharet ||

1931 ed. 1.27.26ab śothapākau rujaś cogrāḥ kuryāc chalyam anirhṛtam |

1931 ed. 1.27.26cd vaikalyaṃ maraṇaṃ cā'pi tasmād yatnād vinirharet ||

iti suśrutasaṃhitāyāṃ sūtrasthāne śalyāpanayanīyo nāma saptaviṃśatitamo 'dhyāyaḥ ||

[Adhyāya 28, collation]

1931 ed. 1.28.1 athāto viparītāviparītavraṇavijñānīyam adhyāyaṃ vyākhyāsyāmaḥ ||

1931 ed. 1.28.3ab phalāgnijalavṛṣṭīnāṃ puṣpadhūmāmbudā yathā |

1931 ed. 1.28.3cd khyāpayanti bhaviṣyatvaṃ tathā riṣṭāni pañcatām ||

1931 ed. 1.28.4ab tāni saukṣmyāt pramādād vā tathaivāśu vyatikramāt |

1931 ed. 1.28.4cd gṛhyante nodgatāny ajñair mumūrṣor na tv asaṃbhavāt ||

1931 ed. 1.28.5ab dhruvaṃ tu maraṇaṃ riṣṭe brāhmaṇais tat kilāmalaiḥ |

1931 ed. 1.28.5cd rasāyanatapojapyatatparair vā nivāryate ||

1931 ed. 1.28.6ab nakṣatrapīḍā bahudhā yathā kālād vipacyate |

1931 ed. 1.28.6cd tathaivāriṣṭapākaṃ ca bruvate bahavo janāḥ ||

1931 ed. 1.28.7ab asiddhim āpnuyāl loke pratikurvan gatāyuṣaḥ |

1931 ed. 1.28.7cd ato 'riṣṭani yatnena lakṣayet kuśalo bhiṣak ||

1931 ed. 1.28.8ab gandhavarṇarasādīnāṃ viśeṣāṇāṃ svabhāvataḥ |

1931 ed. 1.28.8cd vaikṛtaṃ yat tad ācaṣṭe vraṇinaḥ pakvalakṣaṇam ||

1931 ed. 1.28.9ab kaṭus tīkṣṇaś ca visraś ca gandhas tu pavanādibhiḥ |

1931 ed. 1.28.9cd lohagandhis tu raktena vyāmiśraḥ sānnipātikaḥ ||

1931 ed. 1.28.10ab lājātasītailasamāḥ kiṃcidvisrāś ca gandhataḥ |

1931 ed. 1.28.10cd jñeyāḥ prakṛtigandhāḥ syur ato 'nyad gandhavaikṛtam ||

1931 ed. 1.28.11ab madhyāgurvājyasumanaḥpadmacandanacampakaiḥ |

1931 ed. 1.28.11cd sagandhā divyagandhāś ca mumūrṣūṇāṃ vraṇāḥ smṛtāḥ ||

1931 ed. 1.28.12ab śvavājimūṣikadhvāṅkṣapūtivallūramatkuṇaiḥ |

1931 ed. 1.28.12cd sagandhāḥ paṅkagandhāś ca bhūmigandhāś ca garhitāḥ ||

1931 ed. 1.28.13ab dhyāmakuṅkumakaṅkuṣṭhasavarṇāḥ pittakopataḥ |

1931 ed. 1.28.13cd na dahyante na cūṣyante bhiṣak tān parivarjayet ||

1931 ed. 1.28.14ab kaṇḍūmantaḥ sthirāḥ śvetāḥ snigdhāḥ kaphanimittataḥ |

1931 ed. 1.28.14cd dūyante vā'pi dahyante bhiṣak tān parivarjayet ||

1931 ed. 1.28.15ab kṛṣṇās tu ye tanusrāvā vātajā marmatāpinaḥ |

1931 ed. 1.28.15cd svalpām api na kurvanti rujaṃ tān parivarjayet ||

1931 ed. 1.28.16ab kṣveḍanti ghurghurāyante jvalantīva ca ye vraṇāḥ |

1931 ed. 1.28.16cd tvaṅmāṃsasthāś ca pavanaṃ saśabdaṃ visṛjanti ye ||

1931 ed. 1.28.17ab ye ca marmasvasaṃbhūtā bhavanty atyarthavedanāḥ |

1931 ed. 1.28.17cd dahyante cāntaratyarthaṃ bahiḥ śītāś ca ye vraṇāḥ ||

1931 ed. 1.28.18ab dahyante bahir atyarthaṃ bhavanty antaś ca śītalāḥ |

1931 ed. 1.28.18cd śaktidhvajarathā kuntavājivāraṇagovṛṣāḥ ||

1931 ed. 1.28.19ab yeṣu cāpy avabhāseran prāsādākṛtayas tathā |

1931 ed. 1.28.19cd cūrṇāvakīrṇā iva ye bhānti vā na ca cūrṇitāḥ ||

1931 ed. 1.28.20ab prāṇamāṃsakṣayaśvāsakāsārocakapīḍitāḥ |

1931 ed. 1.28.20cd pravṛddhapūyarudhirā vraṇā yeṣāṃ ca marmasu ||

1931 ed. 1.28.21ab kriyābhiḥ samyag ārabdhā na sidhyanti ca ye vraṇāḥ |

1931 ed. 1.28.21cd varjayet tān bhiṣak prājñaḥ saṃrakṣannātmano yaśaḥ ||

iti suśrutasaṃhitāyāṃ sūtrasthāne viparītāviparītavraṇavijñānīyo nāmāṣṭaviṃśatitamo 'dhyāyaḥ ||

[Adhyāya 29, collation]

1931 ed. 1.29.1 athāto viparītāviparītasvapnanidarśanīyam adhyāyaṃ vyākhyāsyāmaḥ ||

1931 ed. 1.29.3ab dūtadarśanasaṃbhāṣā veṣāś ceṣṭitam eva ca |

1931 ed. 1.29.3cd ṛkṣaṃ velā tithiś caiva nimittaṃ śakuno 'nilaḥ ||

1931 ed. 1.29.4ab deśo vaidyasya vāgdehamanasāṃ ca viceṣṭitam |

1931 ed. 1.29.4cd kathayanty āturagataṃ śubhaṃ vā yadi vā'śubham ||

1931 ed. 1.29.5ab pākhaṇḍāśramavarṇānāṃ sapakṣāḥ karmasiddhaye |

1931 ed. 1.29.5cd ta eva viparītāḥ syur dūtāḥ karmavipattaye ||

1931 ed. 1.29.6ab napuṃsakaṃ strī bahavo naikakāryā asūyakāḥ |

1931 ed. 1.29.6cd gardabhoṣṭrarathaprāptāḥ prāptā vā syuḥ paramparāḥ ||

1931 ed. 1.29.7ab vaidyaṃ ya upasarpanti dūtāste cāpi garhitāḥ |

1931 ed. 1.29.7cd pāśadaṇḍāyudhadharāḥ pāṇḍuretaravāsasaḥ ||

1931 ed. 1.29.8ab ārdrajīrṇāpasavyaikamalinoddhvastavāsasaḥ |

1931 ed. 1.29.8cd nyūnādhikāṅgā udvignā vikṛtā raudrarūpiṇaḥ ||

1931 ed. 1.29.9ab rūkṣaniṣṭhuravādāś cāpy amāṅgalyābhidhāyinaḥ |

1931 ed. 1.29.9cd chindantas tṛṇakāṣṭhāni spṛśanto nāsikāṃ stanam ||

1931 ed. 1.29.10ab vastrāntānāmikākeśanakharomadaśāspṛśaḥ |

1931 ed. 1.29.10cd srotovarodhahṛdgaṇḍamūrdhoraḥkukṣipāṇayaḥ ||

1931 ed. 1.29.11ab kapālopalabhasmāsthituṣāṅgārakarāś ca ye |

1931 ed. 1.29.11cd vilikhanto mahīṃ kiṃcin muñcanto loṣṭabhedinaḥ ||

1931 ed. 1.29.12ab tailakardamadigdhāṅgā raktasraganulepanāḥ |

1931 ed. 1.29.12cd phalaṃ pakvam asāraṃ vā gṛhītvā'nyac ca tadvidham ||

1931 ed. 1.29.13ab nakhair nakhāntaraṃ vā'pi kareṇa caraṇaṃ tathā |

1931 ed. 1.29.13cd upānaccarmahastā vā vikṛtavyādhipīḍitāḥ ||

1931 ed. 1.29.14ab vāmācārā rudantaś ca śvāsino vikṛtekṣaṇāḥ |

1931 ed. 1.29.14cd yāmyāṃ diśaṃ prāñjalayo viṣamaikapade sthitāḥ ||

1931 ed. 1.29.15ab vaidyaṃ ya upasarpanti dūtās te cāpi garhitāḥ |

1931 ed. 1.29.15cd dakṣiṇābhimukhaṃ deśe tvaśucau vā hutāśanam | ^

1931 ed. 1.29.15ef jvalayantaṃ pacantaṃ vā krūrakarmaṇi codyatam ||

1931 ed. 1.29.16ab nagnaṃ bhūmau śayānaṃ vā vegotsargeṣu vā'śucim |

1931 ed. 1.29.16cd prakīrṇākeśam abhyaktaṃ svinnaṃ viklavam eva vā ||

1931 ed. 1.29.17ab vaidyaṃ ya upasarpanti dūtās te cāpi garhitāḥ |

1931 ed. 1.29.17cd vaidyasya paitrye daive vā kārye cotpātadarśane ||

1931 ed. 1.29.18ab madhyāhne cārdharātre vā sandhyayoḥ kṛttikāsu ca |

1931 ed. 1.29.18cd ārdrāśleṣāmaghāmūlapūrvāsu bharaṇīṣu ca ||

1931 ed. 1.29.19ab caturthyāṃ vā navamyāṃ vā ṣaṣṭhyāṃ sandhidineṣu ca |

1931 ed. 1.29.19cd vaidyaṃ ya upasarpanti dūtāste cāpi garhitāḥ ||

1931 ed. 1.29.20ab svinnābhitaptā madhyāhne jvalanasya samīpataḥ |

1931 ed. 1.29.20cd garhitāḥ pittarogeṣu dūtā vaidyamupāgatāḥ ||

1931 ed. 1.29.21ab ta eva kapharogeṣu karmasiddhikarāḥ smṛtāḥ |

1931 ed. 1.29.21cd etena śeṣaṃ vyākhyātaṃ buddhvā saṃvibhajet tu tat ||

1931 ed. 1.29.22ab raktapittātisāreṣu prameheṣu tathaiva ca |

1931 ed. 1.29.22cd praśasto jalarodheṣu dūtavaidyasamāgamaḥ ||

1931 ed. 1.29.23ab vijñāyaivaṃ vibhāgaṃ tu śeṣaṃ budhyeta paṇḍitaḥ |

1931 ed. 1.29.23cd śuklavāsāḥ śucir gauraḥ śyāmo vā priyadarśanaḥ ||

1931 ed. 1.29.24ab svasyām jātau svagotro vā dūtaḥ kāryakaraḥ smṛtaḥ |

1931 ed. 1.29.24cd goyānenāgatas tuṣṭaḥ pādābhyāṃ śubhaceṣṭitaḥ ||

1931 ed. 1.29.25ab smṛtimān vidhikālajñaḥ svatantraḥ pratipattimān |

1931 ed. 1.29.25cd alaṅkṛto maṅgalavān dūtaḥ kāryakaraḥ smṛtaḥ ||

1931 ed. 1.29.26ab svasthaṃ prāṅmukham āsīnaṃ same deśe śucau śucim |

1931 ed. 1.29.26cd upasarpati yo vaidyaṃ sa ca kāryakaraḥ smṛtaḥ ||

1931 ed. 1.29.27ab māṃsodakumbhātapatravipravāraṇagovṛṣāḥ |

1931 ed. 1.29.27cd śuklavarṇāś ca pūjyante prasthāne darśanaṃ gatāḥ ||

1931 ed. 1.29.28ab strī putriṇī savatsā gaur vardhamānam alaṅkṛtā |

1931 ed. 1.29.28cd kanyā matsyāḥ phalaṃ cāmaṃ svastikaṃ modakā dadhi ||

1931 ed. 1.29.29ab hiraṇyākṣatapātraṃ vā ratnāni sumano nṛpaḥ |

1931 ed. 1.29.29cd apraśānto 'nalo vājī haṃsaś cāṣaḥ śikhī tathā ||

1931 ed. 1.29.30ab brahmadundubhijīmūtaśaṅkhaveṇurathasvanāḥ |

1931 ed. 1.29.30cd siṃhagovṛṣanādāś ca hreṣitaṃ gajabṛṃhitam ||

1931 ed. 1.29.31ab śastaṃ haṃsarutaṃ nṝṇāṃ kauśikaṃ caiva vāmataḥ |

1931 ed. 1.29.31cd prasthāne yāyinaḥ śreṣṭhā vācaś ca hṛdayaṅgamāḥ ||

1931 ed. 1.29.32ab patrapuṣpaphalopetān sakṣīrānnīrujo drumān |

1931 ed. 1.29.32cd āśritā vā nabhoveśmadhvajatoraṇavedikāḥ ||

1931 ed. 1.29.33ab dikṣu śāntāsu vaktāro madhuraṃ pṛṣṭhato 'nugāḥ |

1931 ed. 1.29.33cd vāmā vā dakṣiṇā vā'pi śakunāḥ karmasiddhaye ||

1931 ed. 1.29.34ab śuṣke 'śanihate 'patre vallīnaddhe sakaṇṭake |

1931 ed. 1.29.34cd vṛkṣe 'thavā'śmabhasmāsthiviṭtuṣāṅgārapāṃśuṣu ||

1931 ed. 1.29.35ab caityavalmīkaviṣamasthitā dīptakharasvarāḥ |

1931 ed. 1.29.35cd purato dikṣu dīptāsu vaktāro nārthasādhakāḥ ||

1931 ed. 1.29.36ab punnāmānaḥ khagā vāmāḥ strīsaṃjñā dakṣiṇāḥ śubhāḥ |

1931 ed. 1.29.36cd dakṣiṇād vāmagamanaṃ praśastaṃ śvaśṛgālayoḥ | ^

1931 ed. 1.29.36ef vāmaṃ nakulacāṣāṇāṃ nobhayaṃ śaśasarpayoḥ ||

1931 ed. 1.29.37ab bhāsakauśikayoś caiva na praśastaṃ kilobhayam |

1931 ed. 1.29.37cd darśanaṃ vā rutaṃ cāpi na godhākṛkalāsayoḥ ||

1931 ed. 1.29.38ab dūtair aniṣṭais tulyānāmaś castaṃ darśanaṃ nṛṇām |

1931 ed. 1.29.38cd kulatthatilakārpāsatuṣapāṣāṇabhasmanām ||

1931 ed. 1.29.39ab pātraṃ neṣṭaṃ tathā'ṅgāratailakardamapūritam |

1931 ed. 1.29.39cd prasannetaramadyānāṃ pūrṇaṃ vā raktasarṣapaiḥ ||

1931 ed. 1.29.40ab śavakāṣṭhapalāśānāṃ śuṣkāṇāṃ pathi saṅgamāḥ |

1931 ed. 1.29.40cd neṣyante patitāntasthadīnāndharipavas tathā ||

1931 ed. 1.29.41ab mṛduḥ śīto 'nukūlaś ca sugandhiś cānilaḥ śubhaḥ |

1931 ed. 1.29.41cd kharoṣṇo 'niṣṭagandhaś ca pratilomaś ca garhitaḥ ||

1931 ed. 1.29.42ab granthyarbudādiṣu sadā chedaśabdas tu pūjitaḥ |

1931 ed. 1.29.42cd vidradhyudaragulmeṣu bhedaśabdas tathaiva ca ||

1931 ed. 1.29.43ab raktapittātisāreṣu ruddhaśabdaḥ praśasyate |

1931 ed. 1.29.43cd evaṃ vyādhiviśeṣeṇa nimittam upadhārayet ||

1931 ed. 1.29.44ab tathaivākruṣṭahākaṣṭamākrandaruditasvanāḥ |

1931 ed. 1.29.44cd chardyāṃ vātapurīṣāṇāṃ śabdo vai gardabhoṣṭrayoḥ ||

1931 ed. 1.29.45ab pratiṣiddhaṃ tathā bhagnaṃ kṣutaṃ skhalitam āhatam |

1931 ed. 1.29.45cd daurmanasyaṃ ca vaidyasya yātrāyāṃ na praśasyate ||

1931 ed. 1.29.46ab praveśe 'py etad uddeśād avekṣyaṃ ca tathā+āture |

1931 ed. 1.29.46cd pratidvāraṃ gṛhe vā'sya punaretanna gaṇyate ||

1931 ed. 1.29.47ab keśabhasmāsthikāṣṭhāśmatuṣakārpāsakaṇṭakāḥ |

1931 ed. 1.29.47cd khaṭvordhvapādā madyāpo vasā tailaṃ tilāstṛṇam ||

1931 ed. 1.29.48ab napuṃsakavyaṅgabhagnanagnamuṇḍāsitāmbarāḥ |

1931 ed. 1.29.48cd prasthāne vā praveśe vā neṣyante darśanaṃ gatāḥ ||

1931 ed. 1.29.49ab bhāṇḍānāṃ saṃkarasthānāṃ sthānāt saṃcaraṇaṃ tathā |

1931 ed. 1.29.49cd nikhātotpāṭanaṃ bhaṅgaḥ patanaṃ nirgamas tathā ||

1931 ed. 1.29.50ab vaidyāsanāvasādo vā rogī vā syādadhomukhaḥ |

1931 ed. 1.29.50cd vaidyaṃ saṃbhāṣamāṇo 'ṅgaṃ kuḍyamā staraṇāni vā ||

1931 ed. 1.29.51ab pramṛjyādvā dhunīyād vā karau pṛṣṭhaṃ śiras tathā |

1931 ed. 1.29.51cd hastaṃ cākṛṣya vaidyasya nyasec chirasi corasi ||

1931 ed. 1.29.52ab yo vaidyamunmukhaḥ pṛcchedunmārṣṭi svāṅgamāturaḥ |

1931 ed. 1.29.52cd na sa sidhyati vaidyo vā gṛhe yasya na pūjyate ||

1931 ed. 1.29.53ab bhavane pūjyate vā'pi yasya vaidyaḥ sa sidhyati |

1931 ed. 1.29.53cd śubhaṃ śubheṣu dūtādiṣv aśubhaṃ hy aśubheṣu ca ||

1931 ed. 1.29.54ab āturasya dhruvaṃ tasmād dūtādīn lakṣayed bhiṣak |

1931 ed. 1.29.54cd svapnān ataḥ pravakṣyāmi maraṇāya śubhāya ca ||

1931 ed. 1.29.55ab suhṛdo yāṃ ś ca paśyanti vyādhito vā svayaṃ tathā |

1931 ed. 1.29.55cd snehābhyaktaśarīras tu karabhavyālagardabhaiḥ ||

1931 ed. 1.29.56ab varāhair mahiṣair vā'pi yo yāyāddakṣiṇāmukhaḥ |

1931 ed. 1.29.56cd raktāmbaradharā kṛṣṇā hasantī muktamūrdhajā ||

1931 ed. 1.29.57ab yaṃ vā karṣati baddhvā strī nṛtyantī dakṣiṇāmukham |

1931 ed. 1.29.57cd antāvasāyibhir yo vā+ākṛṣyate dakṣiṇāmukhaḥ ||

1931 ed. 1.29.58ab pariṣvajeran yaṃ vā'pi pretāḥ pravrajitās tathā |

1931 ed. 1.29.58cd muhur āghrāyate yas tu śvāpadair vikṛtānanaiḥ ||

1931 ed. 1.29.59ab piben madhu ca tailaṃ ca yo vā paṅke 'vasīdati |

1931 ed. 1.29.59cd paṅkapradigdhagātro vā pranṛtyet prahasettathā ||

1931 ed. 1.29.60ab nirambaraś ca yo raktāṃ dhārayec chirasi srajam |

1931 ed. 1.29.60cd yasya vaṃśo nalo vā'pi tālo vorasi jāyate ||

1931 ed. 1.29.61ab yaṃ vā matsyo grased yo vā jananīṃ praviśen naraḥ |

1931 ed. 1.29.61cd parvatāgrāt pated yo vā śvabhre vā tamasā+āvṛte ||

1931 ed. 1.29.62ab hriyate srotasā yo vā yo vā mauṇḍyam avāpnuyāt |

1931 ed. 1.29.62cd parājīyeta badhyeta kākādyair vā'bhibhūyate ||

1931 ed. 1.29.63ab patanaṃ tārakādīnāṃ praṇāśaṃ dīpacakṣuṣoḥ |

1931 ed. 1.29.63cd yaḥ paśyed devatānāṃ ca (ā.vā) prakampam avanes tathā ||

1931 ed. 1.29.64ab yasya chardir vireko vā daśanāḥ prapatanti vā |

1931 ed. 1.29.64cd śālmalīṃ kiṃśukaṃ yūpaṃ valmīkaṃ pāribhadrakam ||

1931 ed. 1.29.65ab puṣpāḍhyaṃ kovidāraṃ vā citāṃ vā yo 'dhirohati |

1931 ed. 1.29.65cd kārpāsatailapiṇyākalohāni lavaṇaṃ tilān ||

1931 ed. 1.29.66ab labhetāśnīta vā pakvam annaṃ yaś ca pibet surām |

1931 ed. 1.29.66cd svasthaḥ sa labhate vyādhiṃ vyādhito mṛtyum ṛcchati ||

1931 ed. 1.29.67ab yathāsvaṃ prakṛtisvapno vismṛto vihatas tathā |

1931 ed. 1.29.67cd cintākṛto divā dṛṣto bhavanty aphaladās tu te ||

1931 ed. 1.29.68ab jvaritānāṃ śunā sakhyaṃ kapisakhyaṃ tu śoṣiṇām |

1931 ed. 1.29.68cd unmāde rākṣasaiḥ pretair apasmāre pravartanam ||

1931 ed. 1.29.69ab mehātisāriṇāṃ toyapānaṃ snehasya kuṣṭhinām |

1931 ed. 1.29.69cd gulmeṣu sthāvarotpattiḥ koṣṭhe mūrdhni śiroruji ||

1931 ed. 1.29.70ab śaṣkulībhakṣaṇaṃ chardyāmadhvā śvāsapipāsayoḥ |

1931 ed. 1.29.70cd haridraṃ bhojanaṃ vā'pi yasya syāt pāṇḍurogiṇaḥ ||

1931 ed. 1.29.71ab raktapittī pibed yas tu śoṇitaṃ sa vinaśyati |

1931 ed. 1.29.71cd svapnānevaṃvidhān dṛṣṭvā prātarutthāya yatnavān ||

1931 ed. 1.29.72ab dadyānmāṣāṃstilāṃllohaṃ viprebhyaḥ kāñcanaṃ tathā |

1931 ed. 1.29.72cd japec cāpi śubhān mantrān gāyatrīṃ tripadāṃ tathā ||

1931 ed. 1.29.73ab dṛṣṭvā tu prathame yāme svapyād dhyātvā punaḥ śubham |

1931 ed. 1.29.73cd japedvā'nyatamaṃ vede brahmacārī samāhitaḥ ||

1931 ed. 1.29.74ab devatāyatane caiva vasedrātritrayaṃ tathā |

1931 ed. 1.29.74cd viprāṃś ca pūjayennityaṃ duḥsvapnāt pravimucyate ||

1931 ed. 1.29.75ab ata ūrdhvaṃ pravakṣyāmi praśastaṃ svapnadarśanam |

1931 ed. 1.29.75cd devān dvijān govṛṣabhān jīvataḥ suhṛdo nṛpān ||

1931 ed. 1.29.76ab samiddham agniṃ sādhūṃś ca nirmalāni jalāni ca |

1931 ed. 1.29.76cd paśyet kalyāṇalābhāya vyādher apagamāya ca ||

1931 ed. 1.29.77ab māṃsaṃ matsyān srajaḥ śvetā vāsāṃsi ca phalāni ca |

1931 ed. 1.29.77cd labhante dhanalābhāya vyādher apagamāya ca ||

1931 ed. 1.29.78ab mahāprāsādasaphalavṛkṣavāraṇaparvatān |

1931 ed. 1.29.78cd āroheddravyalābhāya vyādherapagamāya ca ||

1931 ed. 1.29.79ab nadīnadasamudrāṃś ca kṣubhitān kaluṣodakān |

1931 ed. 1.29.79cd taret kalyāṇalābhāya vyādher apagamāya ca ||

1931 ed. 1.29.80ab urago vā jalauko vā bhramaro vā'pi yaṃ daśet |

1931 ed. 1.29.80cd ārogyaṃ nirdiśettasya dhanalābhaṃ ca buddhimān ||

1931 ed. 1.29.81ab evaṃrūpān śubhān svapnān yaḥ paśyed vyādhito naraḥ |

1931 ed. 1.29.81cd sa dīrghāyur iti jñeyas tasmai karma samācaret ||

iti suśrutasaṃhitāyāṃ sūtrasthāne viparītāviparītasvapnanidarśanīyo nāmaikonatriṃśattamo 'dhyāyaḥ ||

[Adhyāya 30, collation]

1931 ed. 1.30.1 athātaḥ pañcendriyārthavipratipattim adhyāyaṃ vyākhyāsyāmaḥ ||

1931 ed. 1.30.3ab śarīraśīlayor yasya prakṛter vikṛtir bhavet |

1931 ed. 1.30.3cd tat tva riṣṭaṃ samāsena vyāsatas tu nibodha me ||

1931 ed. 1.30.4ab śṛṇoti vividhān śabdān yo divyānām abhāvataḥ |

1931 ed. 1.30.4cd samudrapurameghānām asaṃpattau ca niḥsvanān ||

1931 ed. 1.30.5ab tān svanānnāvagṛhṇāti manyate cānyaśabdavat |

1931 ed. 1.30.5cd grāmyāraṇyasvanāṃś cāpi viparītān śṛṇoti ca ||

1931 ed. 1.30.6ab dviṣacchabdeṣu ramate suhṛcchabdeṣu kupyati |

1931 ed. 1.30.6cd na śṛṇoti ca yo 'kasmāttaṃ bruvanti gatāyuṣam ||

1931 ed. 1.30.7ab yas tūṣṇam iva gṛhṇāti śītamuṣṇaṃ ca śītavat |

1931 ed. 1.30.7cd saṃjātaśītapiḍako yaś ca dāhena pīḍyate ||

1931 ed. 1.30.8ab uṣṇagātro 'timātraṃ ca yaḥ śītena pravepate |

1931 ed. 1.30.8cd prahārān nābhijānāti yo 'ṅgacchedamathāpi vā ||

1931 ed. 1.30.9ab pāṃśunevāvakīrṇāni yaś ca gātrāṇi manyate |

1931 ed. 1.30.9cd varṇānyatā vā rājyo vā yasya gātre bhavanti hi ||

1931 ed. 1.30.10ab snātānuliptaṃ yaṃ cāpi bhajante nīlamakṣikāḥ |

1931 ed. 1.30.10cd sugandhirvā'ti yo 'kasmāt taṃ bruvanti gatāyuṣam ||

1931 ed. 1.30.11ab viparītena gṛhṇāti rasān yaś copayojitān |

1931 ed. 1.30.11cd upayuktāḥ kramādyasya rasā doṣābhivṛddhaye ||

1931 ed. 1.30.12ab yasya doṣāgnisāmyaṃ ca kuryur mithyopayojitāḥ |

1931 ed. 1.30.12cd yo vā rasān na saṃvetti gatāsuṃ taṃ pracakṣate ||

1931 ed. 1.30.13ab sugandhaṃ vetti durgandhaṃ durgandhasya sugandhitām |

1931 ed. 1.30.13cd gṛhṇīte vā 'nyathā gandhaṃ śānte dīpe ca nīrujaḥ ||

1931 ed. 1.30.14ab yo vā gandhān na jānāti gatāsuṃ taṃ vinirdiśet |

1931 ed. 1.30.14cd dvandvānyuṣṇahimādīni kālāvasthā diśas tathā ||

1931 ed. 1.30.15ab viparītena gṛhṇāti bhāvān anyāṃś ca yo naraḥ |

1931 ed. 1.30.15cd divā jyotīṃṣi yaś cāpi jvalitānīva paśyati ||

1931 ed. 1.30.16ab rātrau sūryaṃ jvalantaṃ vā divā vā candravarcasam |

1931 ed. 1.30.16cd ameghopaplave yaś ca śakracāpataḍidguṇān ||

1931 ed. 1.30.17ab taḍittvato 'sitān yo vā nirmale gagane ghanān |

1931 ed. 1.30.17cd vimānayānaprāsādair yaś ca saṃkulamambaram ||

1931 ed. 1.30.18ab yaś cānilaṃ mūrtimantam antarikṣaṃ ca paśyati |

1931 ed. 1.30.18cd dhūmanīhāravāsobhir āvṛtām iva medinīm ||

1931 ed. 1.30.19ab pradīptam iva lokaṃ ca yo vā plutam ivāmbhasā |

1931 ed. 1.30.19cd bhūmim aṣṭāpadākārāṃ lekhābhir yaś ca paśyati ||

1931 ed. 1.30.20ab na paśyati sanakṣatrāṃ yaś cā devīm arundhatīm |

1931 ed. 1.30.20cd dhruvam ākāśagaṅgāṃ vā taṃ vadanti gatāyuṣam ||

1931 ed. 1.30.21ab jyotsnādarśoṣṇatoyeṣu chāyāṃ yaś ca na paśyati |

1931 ed. 1.30.21cd paśyaty ekāṅgahīnāṃ vā vikṛtāṃ vā'nyasattvajām ||

1931 ed. 1.30.22ab śvakākakaṅkagṛdhrāṇāṃ pretānāṃ yakṣarakṣasām |

1931 ed. 1.30.22cd piśācoraganāgānāṃ bhūtānāṃ vikṛtām api ||

1931 ed. 1.30.23ab yo vā mayūrakaṇṭhābhaṃ vidhūmaṃ vahnim īkṣate |

1931 ed. 1.30.23cd āturasya bhavenmṛtyuḥ svastho vyādhimāvāpnuyāt ||

iti suśrutasaṃhitāyāṃ sūtrasthāne pañcendriyārthavipratipattir nāma triṃśo 'dhyāyaḥ ||

[Adhyāya 31, collation]

1.31.1 athātaś cchāyāvipratipattim vyākhyāsyāmaḥ ||

1.31.3ab śyāvā lohitikā nīlāḥ pītikā vāpi dehināṃ |

1.31.3cd abhidravanti yañ chāyā sa parāsur asaṃśayaṃ |

1.31.4ab hrīr apakrāmati yataḥ kāntismṛtidhṛtiśriyaḥ |

1.31.4cd akasmād yaṃ bhajante ca sa parāsur asaṃśayam |

1.31.5ab yasyādharauṣṭhaḥ patitaḥ kṣiptaś cordhan tathottaraḥ |

1.31.5cd ubhau vā jāmbavābhāsau sa parāsur asaṃśayam |

1.31.6ab āraktā daśanā yasya śyāvā vā syuḥ patanti vā |

1.31.6cd khāñjanapratibho vāpi taṃ gatāyuṣam ādiśet |

1.31.7ab kṛṣṇā snigdhāvaliptā vā jihvā śūnā ca yasya vai |

1.31.7cd karkaśā ca bhaved yasya so cirād vijahāty asūn |

1.31.8ab kuṭilā sphuṭitā vāpi śūnā vā yasya nāsikā |

1.31.8cd bhagnā vā sphurate vāpi sa parāsur asaṃśayaṃ |

1.31.9ab saṃkṣipte viṣame stabdhe rakte supte ca locane |

1.31.9cd yasya syātāṃ śrute vāpi sa parāsur asaṃśayaṃ |

1.31.11ab na dhārayati yaḥ śīrṣan nāharanty annam āsyagaṃ |

1.31.11cd ekāgradṛṣṭir mūḍhātmā sa parāsur asaṃśayaṃ |

1.31.12ab balavān durbalo vāpi sammohaṃ yo dhigacchati |

1.31.12cd utthāpyamāno bahuśaḥ sa parāsur asaṃśayaṃ |

1.31.13ab uttānaḥ sarvadā śete | pādau vikurute ca yaḥ |

1.31.13cd viprasāraṇaśīlo vā sa parāsur asaṃśayaṃ |

1.31.14ab śītapādakarocchvāsaḥ chinnaśvāsaś ca yo bhavet |

1.31.14cd kākocchvāsaś ca yo martyaḥ sa parāsur asaṃśayaṃ |

1.31.15ab nidrā na cchidyate yasya yo vā jāgartti sarvadā |

1.31.15cd muhyed vā vaktukāmaś ca pratyākhyeyaḥ sa jānatā |

1.31.16ab parilihed uttaroṣṭham uṅgarāṃś ca karoti vā |

1.31.16cd pretair vā bhāṣate sārdhaṃ sa parāsur asaṃśayaṃ |

1.31.17ab khebhyaḥ saromakūpebhyo yasya raktaṃ pravarttate |

1.31.17cd puruṣasyāviṣārttasya sa parāsur asaṃśayaṃ |

1.31.18ab vātāṣṭhīlā tu hṛdaye yasyordhvam anuyāyinī |

1.31.18cd rujānnavidveṣakarī sa parāsur asaṃśayaṃ |

1.31.19ab ananyopadravakṛtaḥ pādaḥ śophaḥ samutthitaḥ

1.31.19cd puruṣaṃ hanti nārīñ ca mukhajo guhyajo dvayaṃ |

1.31.20ab atīsāro jvaro dhmānaṃ charddiḥ śūnāṅgameḍhratā |

1.31.20cd kāsina svāsino vāpi yasya taṃ kṣīṇam ādiśet |

1.31.21ab svedo dāhaś ca balavāṃ hikkā śvāsaś ca mānavaṃ |

1.31.21cd balavantam api prāṇair viyuñjanti na saṃśayaṃ |

1.31.22ab śyāvā jihvā bhaved yasya savyaṃ cākṣi nimajjati

1.31.22cd mukhaṃ ca jāyate pūtir yasya taṃ parivarjayet |

1.31.23ab netre cāmreṇa pūryete svidyete caraṇau tathā |

1.31.23cd cakṣuś cākulatāṃ yāti yamarāṣṭraṃ gamiṣyataḥ |

1.31.24ab atimātraṃ laghūni syur gātrāṇy atigurūṇi vā |

1.31.24cd yasyākasmāt sa vijñeyo gantā caiva yamālayaṃ |

1.31.25ab paṅkamatsyavasātailaghṛtagandhāś ca ye narāḥ |

1.31.25cd piṣṭagandhāṃś ca ye vānti gatās te yamasādanaṃ |

1.31.26ab yūkā lalāṭam āyānti balin nāśnanti vāyasāḥ |

1.31.26cd yeṣāñ cāpi ratin nāsti gatās te yamasādanaṃ |

1.31.27ab jvarātīsāraśophā syur yasyānyonyāvasādinaḥ |

1.31.27cd prakṣīṇañ ca balaṃ yasya na sa śakyaś cikitsituṃ |

1.31.28ab kṣīṇasya yasya kṣuttṛṣṇe hṛdyair mṛṣṭair hitais tathā |

1.31.28cd annapānair nna sāsyete tasya mṛtyur upasthitaḥ |

1.31.29ab pravāhikā śiraḥśūlaṃ koṣṭhaśūlaś ca dāruṇa |

1.31.29cd pipāsā balahāniś ca tasya mṛtyur upasthitaḥ |

1.31.30ab viṣameṇopacāreṇa karmabhiś ca purākṛtaiḥ |

1.31.30cd anityatvāc ca jantūnāṃ jīvitaṃ nidhanam vrajet |

1.31.31ab pretā dūtāḥ piśācāś ca rakṣāṃsi vividhāni ca |

1.31.31cd maraṇīyan naran nityam upasarpanti sarvadā

1.31.32ab tāni bheṣajavīryāṇi pratinighnanti sarvadā |

1.31.32cd tasmān mohāḥ kriyās sarvā bhavantīha gatāyuṣam iti || 31 ||

	Select all
	A Printed edition: Ācārya 1931: Sūtrasthāna 1-31
	K MS Kathmandu KL 699: Sūtrasthāna 1-31
	N MS Kathmandu NAK 1-1079: Sūtrasthāna 1-31
	H MS Kathmandu NAK 5-333: Sūtrasthāna 1-31

<pc>
<abbr>
<add>
<cb>
<choice>
<corr>
<del>
<damage>
<emph>
<ex>
<expan>
<foreign>
<gap>
<head>
<hi>
<l>
<label>
<lb>
<lg>
<milestone>
<note>
<num>
<pb>
<ptr>
<seg>
<unclear>
<g>
<anchor>
<locus>
<metamark>
<orig>
<retrace>
<sic>
<space>
<subst>
<supplied>
<surplus>
<caesura>
<sub>
<sup>
<app>
<lem>
<rdg>
comments

	ignore abbreviation sign ⌜॰⌟
	ignore addition sign
	ignore avagrahas ⌜'⌟
	ignore brackets
	ignore commas
	ignore daṇḍas
	ignore empty śirorekhā ⌜¯⌟
	ignore exclamation mark ⌜!⌟
	ignore explicit hiatus ⌜_⌟
	ignore hyphens and dashes
	ignore line fillers ⌜¦꣹𑑛𑑎⌟
	ignore middot ⌜·⌟
	ignore numbers
	ignore puṣpikās ⌜꣸❈⌟
	ignore periods/ellipses
	ignore question mark
	ignore quotation marks
	ignore colon
	ignore semi-colon
	ignore slashes

	filter geminated t
	filter geminated consonants after r
	filter geminated m after h
	filter geminated aspirated consonants
	filter ṭh written as ṭ (some scripts)
	filter final nasal variants
	filter internal nasal variants
	filter visarga āḥ variants
	filter visarga aḥ before voiced consonants
	filter visarga aḥ before vowels
	filter other visarga variants
	filter internal visarga variants
	filter Vedic visarga variants
	filter final au/āv
	filter selected final anusvāra variants
	filter all final anusvāra variants (Malayālam, etc.)
	filter sth written as sch (some scripts)
	filter kcch/kś
	filter cch/ch/cś/tś
	filter final t + voiced syllable
	filter final t + n/m
	filter final t + c/j
	filter sya,tra,ma before iti
	filter a a/ā
	filter -ena,-sya + u-
	filter i i/ī
	filter ā + iti
	filter e/a + i
	filter i/y + vowel
	filter l and ḻ
	filter pṛṣṭhamātrā e (Devanāgarī)
	filter pṛṣṭhamātrā ai (Devanāgarī)
	filter pṛṣṭhamātrā o (Devanāgarī)
	filter pṛṣṭhamātrā au (Devanāgarī)
	filter b written as v (some scripts)
	filter dbh written as bhd (some scripts)
	filter śa written as sa (some scripts)
	filter valapalagilaka (Telugu)

The Nepalese Version of the Suśrutasaṃhitā, Sūtrasthāna 1-31, based on the Nepalese MSS

[Sūtrasthāna 1-31]

[Adhyāya 1]

[Adhyāya 2]

[Adhyāya 3, collation based on MSS K (to 1.3.23) and H (to 1.3.24-end)]

[Adhyāya 4, collation]

[Adhyāya 5, collation]

[Adhyāya 6]

[Adhyāya 7, collation]

[Adhyāya 8, collation]

[Adhyāya 9, collation]

[Adhyāya 10, collation]

[Adhyāya 11, collation]

[Adhyāya 12, collation]

[Adhyāya 13]

[Adhyāya 14]

[Adhyāya 15, collation]

[Adhyāya 16]

[Adhyāya 17, collation]

[Adhyāya 18, collation]

[Adhyāya 19, collation]

[Adhyāya 20, collation]

[Adhyāya 21, collation]

[Adhyāya 22, collation]

[Adhyāya 23, collation]

[Adhyāya 24]

[Adhyāya 25, collation]

[Adhyāya 26, collation]

[Adhyāya 27, collation]

[Adhyāya 28, collation]

[Adhyāya 29, collation]

[Adhyāya 30, collation]

[Adhyāya 31, collation]

saktumIva

User Tools

The Nepalese Version of the Suśrutasaṃhitā, Sūtrasthāna 1-31, based on the Nepalese MSS

[Sūtrasthāna 1-31]

[Adhyāya 1]

[Adhyāya 2]

[Adhyāya 3, collation based on MSS K (to 1.3.23) and H (to 1.3.24-end)]

[Adhyāya 4, collation]

[Adhyāya 5, collation]

[Adhyāya 6]

[Adhyāya 7, collation]

[Adhyāya 8, collation]

[Adhyāya 9, collation]

[Adhyāya 10, collation]

[Adhyāya 11, collation]

[Adhyāya 12, collation]

[Adhyāya 13]

[Adhyāya 14]

[Adhyāya 15, collation]

[Adhyāya 16]

[Adhyāya 17, collation]

[Adhyāya 18, collation]

[Adhyāya 19, collation]

[Adhyāya 20, collation]

[Adhyāya 21, collation]

[Adhyāya 22, collation]

[Adhyāya 23, collation]

[Adhyāya 24]

[Adhyāya 25, collation]

[Adhyāya 26, collation]

[Adhyāya 27, collation]

[Adhyāya 28, collation]

[Adhyāya 29, collation]

[Adhyāya 30, collation]

[Adhyāya 31, collation]

Page Tools

saktumIva