oṁ namaś śivāya niśśeṣakleśapraśamaśāline |
triguṇagranthidurbhedabhavabandhavibhedine ||
Provisional Edition
Jagaddhara's Bālabodhinī
Edited by Deepro Chakraborty
Published in 2021 by Deepro Chakraborty in Edmonton.
- Siglum: L
This is a provisionary critical edition of the text, currently still under active revision, based on xx manuscript witnesses and four printed sources.
More ▾
| Title | Kātantra |
| Commentary | Bālabodhinī |
| Author | Śarvavarman |
| Commentator | Jagaddhara |
| Physical description | |
|---|---|
| Language/Script | Sanskrit in IAST transliteration. |
| Format | xml |
| Material | digital |
| Extent | 18 sūtras. With commentary. |
| History | |
|---|---|
| Date of production | 2021 AD |
| Place of origin | Edmonton |
- L
[Sandhiprakaraṇa]
[Pāda 1]
diśi diśy amṛtadravaṃ sravantyaḫ
prathayantyaẖ kṛtināṃ dṛśaḫ prasādam |
prathayantyaẖ kṛtināṃ dṛśaḫ prasādam |
viśadāḫ prasaranti yasya gāvas
sa mahātmā jayati dvijādhirājaḥ ||
sa mahātmā jayati dvijādhirājaḥ ||
svasutasya śiśor yaśodharasya
smaraṇārthaṃ vihito mayā śramo 'yam |
smaraṇārthaṃ vihito mayā śramo 'yam |
upayogam iyād yadi prasaṅgād
aparatrāpi tato bhaved avandhyaḥ ||
aparatrāpi tato bhaved avandhyaḥ ||
iha yuktyanugānavadyahṛdyakramadṛbdhāẖ kṛtināṃ harantu vācaḥ |
matijāḍyalavaṃ lavaṅgajātīphalapūtā savilāsam āsṛjantyaḥ ||
||1.1.1|| siddho varṇasamāmnāyaḥ ||
asti siddhakramo varṇānām akārādīnāṃ samāmnāyaḥ pāṭho
mātṛkārūpaḥ | asti ca pāṇininā sve tantre pratyāhārārtham aparathā
sādhitakramaḥ | tatrāniyame prāpte niyamaẖ kriyate iha tantre | siddhakrama
eva varṇapāṭho vakṣyamāṇasvarādisaṃjñānām āśrayatvena grāhyo na sādhitakrama
iti | seyam aniyame niyamaḥ paribhāṣā | akṣarāṇāṃ varṇasaṃjñāpy ata eva
varṇaśabdoccāraṇād boddhavyā | a ā i ī u ū ṛ ṝ ḷ ḹ e ai o au svarāḥ | ka kha
ga gha ṇa ca cha ja jha ña ṭa ṭha ḍa ḍha ṇa ta tha da dha na pa pha ba bha
ma ya ra la va śa ṣa sa ha aṃ aḥ ẖka ḫpa vyañjanāni | prayojanaṃ sarvatra
||
||1.1.2|| tatra caturdaśādau svarāḥ ||
tatra prasiddhe varṇasamāmnāye ādau ye caturdaśa varṇās te
svarasaṃjñā bhavanti | a ā i ī u ū ṛ ṝ ḷ ḹ e ai o au | prayojanaṃ ro re
lopaṃ svaraś ca pūrvo dīrgha ityādi | vīrauti || dātṝjjvāśayatoṣita iti
vaktavye dātḹjvāṣayatoṣita iti bālena śaktivaikalpyād yad apabhāṣitaṃ tad
anyo yadā 'nukaroti bālo dātḹjvāśayatoṣita ity āheti tadānukaraṇe nāsti doṣa
iti smaraṇāt sādhu bhavati | tatsthasya ḹkārasya svarasaṃjñārthaḥ ḹkārasya
pāṭhaḥ | tenātra svarāt parasya jakārasya dvirbhāvaḥ | evaṃ mātḹr ity
abravīc chiśur ityādau svaratve sati ḹkārasya nāmitvān nāmiparo ram iti
ḹkārāt parasya visarjanīyasya rephaḥ | tatraśabda uttaratra
saṃjñāsamāveśārthaḥ svarasamānasaṃjñe krameṇa mābhūtām iti
savarṇādisaṃjñānāṃ tu saṃjñino nirdeśyanta eva ||
||1.1.3|| daśa samānāḥ ||
tatrādāv ity eva | tatra mātṛkārūpe varṇapāṭhe ādau ye daśa
varṇās te samānasaṃjñā bhavanti | a ā i ī u ū ṛ ṝ ḷ ḹ | prayojanam | samānas
savarṇe dīrghībhavati paraś ca lopam ityādi | śivāptiḥ ||
||1.1.4|| teṣāṃ dvau dvāv anyonyasya savarṇau ||
teṣāṃ samānānāṃ madhyād yau dvau dvau varṇau tāv anyonyasya
parasparaṃ savarṇasaṃjñau bhavataḥ | akārasya ākāraḥ savarṇaḥ | ākārasya
akāraḥ savarṇaḥ | evam ikārasya īkāra ityādi | pūrvam eva prayojanam |
samānau varṇau savarṇāv ity anvarthasaṃjñāvijñānād dvayor hrasvayor dvayoś
ca dīrghayor anyonyaṃ sāvarṇyam | tena mamātra dṛḍhāsthetyādau
dīrghaparalopau bhavataḥ |
nanv eka evāsau dvir uccāryate | naitau dvau savarṇau | sati hi bhede dvitvaṃ samānavarṇatvaṃ ca bhavati | yadāhuḥ | yatra kiñ cit sāmānyaṃ kaś cic ca viśeṣas sa viṣayas sadṛśatāyā iti katham atra dvayos savarṇatvam ucyate | yatraiko 'kāra udāttaḥ svarito vā aparas tv anudāttaḥ tatra svarabhedāt sati dvaidhe tāvad eṣa na doṣaḥ | yatrāpy eko 'kāras sānunāsiko dvitīyo niranunāsikas tatrāpi bhedād eva na doṣaḥ | evam ikārādiṣu jñeyam | tathā coktam |
hrasvadīrghaplutatvāc ca traisvaryopanayena ca |
ānunāsikyabhedāc cāpy akāro 'ṣṭādaśātmakaḥ ||
iti | yatra tv abhedas tatrāpi kvacid bhedāropeṇa dvitvaṃ sadṛśatvaṃ ca dṛśyate | yathā yuddhe 'rjuno 'rjuna iva prathitapratāpa ityādau tadvad ihāpi bhaviṣyati | atha vā uccārakālādikṛtas sūkṣmo viśeṣo 'vaśyambhāvī | tam āśritya dvayos savarṇatvaṃ bhaviṣyati | ata eva vyañjanānāṃ samānasthānānāṃ śvāsanādaghoṣādibhede saty api sāvarṇyam | tena vaktā bhaktetyādāv asavarṇe dhuṭi cavargasya kir ucyamānaḫ pṛcchati ujjhatītyādau savarṇe nāsti | evam antassthānām apy ānunāsikyabhinnānāṃ savarṇatvam | tenānusārasyāntassthāyām antaratamas sānunāsika eva parasavarṇo vakṣyate | saym̐yantā savm̐vatsaraḥ talm̐lokam |
ṛdupadhāc cākḷpi cṛter iti kḷpi pratiṣedha ṛkāralkārayor anyonyaṃ sāvarṇyaṃ jñāpayati | sati hi tasmiṃs taparas tatkālasya savarṇasya grāhaka iti mātrikeṇa ṛkāreṇa mātrika eva ḷkāre gṛhīte ṛdupadhāt kṛbvidhīyamāna ḷdupadhād api kḷpi pratiṣedho 'rthavān bhavati | cikḷpsati | kṛpū sāmarthye | ūkāraḥ svaratisūtisūyatidhūñbhya ūdanubandhebhya itīḍvikalpārthaḥ | kṛp | kalpitum icchati | dhātor vā karmaṇa iti san | nakāras sany avarṇasyety arthaḥ | kṛpe ro la iti ṛkāre raśruter laśrutiḥ | kḷpsa iti sannantasya caṇ parokṣeti dvirvacanam | abhyāsasyādivyañjanam iti palopaḥ | svaras savarṇasya grāhaka iti ṛkāreṇa gṛhītasya ḷkārasya akāra ṛvarṇasyety akāraḥ | tasya sany avarṇasyeti itvam | kavargasya cavarga iti kasya caḥ | cikḷpsaśabdāt te dhātava iti dhātusaṃjñāyāṃ satyāṃ vartamānā ti | anvi asandhyakṣaralopaḥ |
nanv eka evāsau dvir uccāryate | naitau dvau savarṇau | sati hi bhede dvitvaṃ samānavarṇatvaṃ ca bhavati | yadāhuḥ | yatra kiñ cit sāmānyaṃ kaś cic ca viśeṣas sa viṣayas sadṛśatāyā iti katham atra dvayos savarṇatvam ucyate | yatraiko 'kāra udāttaḥ svarito vā aparas tv anudāttaḥ tatra svarabhedāt sati dvaidhe tāvad eṣa na doṣaḥ | yatrāpy eko 'kāras sānunāsiko dvitīyo niranunāsikas tatrāpi bhedād eva na doṣaḥ | evam ikārādiṣu jñeyam | tathā coktam |
hrasvadīrghaplutatvāc ca traisvaryopanayena ca |
ānunāsikyabhedāc cāpy akāro 'ṣṭādaśātmakaḥ ||
iti | yatra tv abhedas tatrāpi kvacid bhedāropeṇa dvitvaṃ sadṛśatvaṃ ca dṛśyate | yathā yuddhe 'rjuno 'rjuna iva prathitapratāpa ityādau tadvad ihāpi bhaviṣyati | atha vā uccārakālādikṛtas sūkṣmo viśeṣo 'vaśyambhāvī | tam āśritya dvayos savarṇatvaṃ bhaviṣyati | ata eva vyañjanānāṃ samānasthānānāṃ śvāsanādaghoṣādibhede saty api sāvarṇyam | tena vaktā bhaktetyādāv asavarṇe dhuṭi cavargasya kir ucyamānaḫ pṛcchati ujjhatītyādau savarṇe nāsti | evam antassthānām apy ānunāsikyabhinnānāṃ savarṇatvam | tenānusārasyāntassthāyām antaratamas sānunāsika eva parasavarṇo vakṣyate | saym̐yantā savm̐vatsaraḥ talm̐lokam |
ṛdupadhāc cākḷpi cṛter iti kḷpi pratiṣedha ṛkāralkārayor anyonyaṃ sāvarṇyaṃ jñāpayati | sati hi tasmiṃs taparas tatkālasya savarṇasya grāhaka iti mātrikeṇa ṛkāreṇa mātrika eva ḷkāre gṛhīte ṛdupadhāt kṛbvidhīyamāna ḷdupadhād api kḷpi pratiṣedho 'rthavān bhavati | cikḷpsati | kṛpū sāmarthye | ūkāraḥ svaratisūtisūyatidhūñbhya ūdanubandhebhya itīḍvikalpārthaḥ | kṛp | kalpitum icchati | dhātor vā karmaṇa iti san | nakāras sany avarṇasyety arthaḥ | kṛpe ro la iti ṛkāre raśruter laśrutiḥ | kḷpsa iti sannantasya caṇ parokṣeti dvirvacanam | abhyāsasyādivyañjanam iti palopaḥ | svaras savarṇasya grāhaka iti ṛkāreṇa gṛhītasya ḷkārasya akāra ṛvarṇasyety akāraḥ | tasya sany avarṇasyeti itvam | kavargasya cavarga iti kasya caḥ | cikḷpsaśabdāt te dhātava iti dhātusaṃjñāyāṃ satyāṃ vartamānā ti | anvi asandhyakṣaralopaḥ |
||1.1.5|| pūrvo hrasvaḥ ||
dvau dvāv ity arthavaśāt ṣaṣṭhyantaṃ sambadhyate | dvayor
dvayos savarṇayor yo yaḫ pūrvas sa hrasvasaṃjño bhavati | a i u ṛ ḷ |
prayojanaṃ hrasvo 'mbārthānām ityādi | he amba || saṃjñārthavaśāt kvacil
laghusaṃjñayāpi vyavahāraḥ || nāminaś copadhāyā laghor iti prayojanaṃ veditā
||
||1.1.6|| paro dīrghas svaraḥ ||
hrasva ity arthavaśāt pañcamyantam anuvartate | hrasvād
anyas svaro dīrghasaṃjño bhavati || ā ī ū ṝ ḹ e ai o au | prayojanam |
dīrgham āmisanāv ityādi | vṛkṣāṇām | agnīnām | vāyūnām | nṝṇām ||
sandhyakṣarāṇāṃ dīrghatve prayojanam | ro re lopaṃ svaraś ca pūrvo dīrghaḥ |
rave raśmiḥ | svai rakṣā | go rajjuḥ | dyau ramyā |
||1.1.7|| svaro 'varṇavarjo nāmī ||
||1.1.8|| ekārādīni sandhyakṣarāṇi ||
||1.1.9|| kādīni vyañjanāni ||
||1.1.10|| te vargāḥ pañca pañca pañca ||
||1.1.11|| vargāṇāṃ prathamadvitīyāḥ śaṣasāś cāghoṣāḥ ||
||1.1.12|| ghoṣavanto 'nye ||
||1.1.13|| anunāsikā ṅañaṇanamāḥ ||
||1.1.14|| antaḥsthā yaralavāḥ ||
||1.1.15|| ūṣmāṇāḥ śaṣasahāḥ ||
||1.1.16|| aḥ iti visarjanīyaḥ ||
||1.1.17|| ẖka iti jihvāmūlīyaḥ ||
||1.1.18|| ḫpa iti upadhmānīyaḥ ||
||1.1.19|| aṃ ity anusvāraḥ ||
||1.1.20|| pūrvaparayor arthopalabdhau padam ||
||1.1.21|| vyañjanam asvaraṃ paraṃ varṇaṃ nayet ||
||1.1.22|| anatikramayan viśleṣayet ||
||1.1.23|| lokopacārād grahaṇasiddhiḥ ||
[Pāda 2]
||1.2.1|| samānas savarṇe dīrghībhavati paraś ca lopam ||
||1.2.2|| avarṇa ivarṇe e ||
||1.2.3|| uvarṇe o ||
||1.2.4|| ṛvarṇe ar ||
||1.2.5|| ḷvarṇe al ||
||1.2.6|| ekāre ai aikāre ca ||
||1.2.7|| okāre au aukāre ca ||
||1.2.8|| ivarṇo yam asavarṇe na ca paro lopyaḥ ||
||1.2.9|| vam uvarṇaḥ ||
||1.2.10|| ram ṛvarṇaḥ ||
||
||1.2.11|| lam ḷvarṇaḥ ||