1.20evam ukte bhagavāṃś candraprabhaṃ kumārabhūtam etad avocat_ | ekadharmeṇa kumāra samanvāgato bodhisattvo mahāsattva etān_ guṇān_ pratilabhate kṣipraṃ cānuttarāṃ samyak_saṃbodhim abhisaṃbudhyate |
katamena kumāraikadharmeṇa samanvāgato bodhisattvo mahāsattvaḥ etān_ guṇān_ pratilabhate | kṣipraṃ cānuttarāṃ samyak_saṃbodhim abhisaṃbudhyate | yaduta sarvasattveṣu samacitto bhavati |
atha khalu bhagavāṃs tasyāṃ velāyāṃ candraprabhaṃ kumārabhūtaṃ gāthābhir adhyabhāṣata |
Nepalese manuscript A in edition of Nalinaksha Dutt, collected by Mm. H. P. Sastri
Published in 1941 by Calcutta Oriental Press in Srinagar – Kashmir.
- Siglum: S
This is a transcription from the 1941 edition by Nalinaksha Dutt. It is based on the two Nepalese manuscripts and the one from Gilgit. Manuscript A = Sastri, manuscript B = Hodgson (identical with the one edited by Dās and Vidyābhūshan in 1986, but copied from the manuscript and not from the unreliable edition), manuscript C = Gilgit.
More ▾
| Title | Samādhirājasūtra |
| Physical description | |
|---|---|
| Language/Script | Sanskrit in Devanāgarī script. |
| Format | book |
| Material | paper |
| History | |
|---|---|
| Date of production | 1941 CE |
| Place of origin | India |
- S
1.21ekadharmaṃ samādāya bodhisattvo pavartate |
etān_ guṇān_ sa labhate kṣipraṃ bodhiṃ ca budhyate || v.1.11
1.22na ca kvacit_ pratihanyate ’sya cittam_ apratihatacinta yo bhoti bodhisattvaḥ |
na ca khalu janayati na prayāti pradoṣaṃ labhati yathā parikīrtitān_ viśeṣān_ || v.1.12
1.23samaṃ cittaṃ niṣevitvā vipāko darśitaḥ samaḥ |
samāḥ pādatalā bhonti samaścācāragocaraḥ || v.1.13
1.24samamaviṣamacittu bhāvayitvā apagatadoṣakhilaḥ prahīṇakāṅ_kṣaḥ |
caraṇavaratalāḥ samāsya bhonti paramaprabhāsvara śuddhadarśanīyaḥ || v.1.14
1.25daśadiśita viroci bodhisattvaḥ sphurati śirīya prabhāya buddhakṣetram_ |
yada bhavati sa labdhu śāntabhūmi tada bahusattva sthapeti buddhajñāne || v.1.15
1.26tatra kumāra sarvasattveṣu samacitto bodhisattvo mahāsattvo hitacitto ’pratihatacitto ’viṣamacitta imaṃ sarvadharmasvabhāvasamatāvipañcitaṃ nāma samādhim pratilabhate | katamaś ca kumāra sarvadharmasvabhāvasamatāvipañcito nāma samādhiḥ
1.27yaduta kāyasaṃvaraḥ | vāk_saṃvaraḥ | manaḥsaṃvaraḥ | karmapariśuddhiḥ | ālambanasamatikramaḥ skandhaparijñā | dhātusamatā | āyatanāpakarṣaḥ | tṛṣṇāprahāṇam_ | anutpādasākṣāt_kriyāvatāraḥ | hetudīpanā | karmaphalāvipraṇāśaḥ | dharmadarśanam_ | mārgabhāvanā | tathāgatasamavadhānam_ |
4.1atha khalu candraprabhaḥ kumārabhūta utthāyāsabād ekāṃsam uttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhavagāṃs tenāṃjaliṃ praṇamya bhagavantam etad avocat | pṛccheyam ahaṃ bhagavantaṃ tathāgatam arhantaṃ samaksaṃbuddhaṃ kañcid eva pradeśaṃ sacen me bhagavān avakāśaṃ kuryāt pṛṣṭapraśnavyākaraṇāya |
4.2evam ukte bhagavāṃś candraprabhūtaṃ kumārabhūtam etad avocat | pṛccha tvaṃ kumāra tathāgatam arhantaṃ samyaksaṃbuddhaṃ yad yad evākāṅkasi nityakṛtas te kumāra tathāgatenāvakāśaḥ
4.3evam ukte candraprabhaḥ kumārabhūto bhagavatā kṛtvāvakāśo bhagavantam etad avocat | samādhiḥ samādhir iti bhagavann ucyate | katamasyaitad dharmasyādhivacanaṃ samādhir iti |⸤
evam ukte bhagavāṃś candraprabhaṃ kumārabhūtam etad avocat | samādhiḥ samādhir iti kumāra ucyate | yaduta cittasya nidhyāptiḥ |
4.4anupapattiḥ | apratisandhiḥ | pratisandhijñānam | apahṛtabhāratā | tathāgatajñānam | buddhavṛṣabhitā | rāgacikitsā | doṣavyupaśamaḥ | mohasya prahāṇam | ⸤
yuktayogitā | ayuktavivarjanatā | akuśaladharmacchandaḥ | saṃskārān mokṣakāmatā |
4.5adhyāśayapratipattiḥ | jāgarikāyā āsevanam | prahāṇasyānutsargaḥ | ārakṣā śukladharmāṇām | ⸤
upapattiṣv aviśvāsaḥ | anabhisaṃskāraḥ | karmaṇām ādhyātmikānām āyatanānām amanasikāraḥ | Lbāhyānām āyatanānām asamudācāraḥ |
4.6ātmano ’nutkarṣaṇam | pareṣām apaṃsanatā | kuśaleṣv anadhyavasānam | pṛthagjaneṣv aviśvāsaḥ | ⸤
śīlasya niṣyandaḥ | durāsadatā | mahaujaskatā | ātmajñānam |
4.7acapalatā | īryāpathasampadavasthānam | avyāpādaḥ | apāruṣyam | pareṣv anutpīḍā | mitrāṇām anurakṣaṇā | guhyamantrāṇām ārakṣaṇā | ⸤
avihiṃsā | śīlavatām anutpīḍanā | ślakṣṇavacanatā |
4.8sarvatraidhātuke aniḥśṛtatā | sarvadharmeṣu śūnyatā | ānulomikī kṣāntiḥ | sarvajñajñāne tīvracchandatā
4.9samādhiḥ samādhir iti kumāra ucyate | yā eteṣv evaṃrūpeṣu dharmeṣu pratipattir apratipattiḥ | ayaṃ sa kumāra ucyate samādhir iti |
atha khalu bhagavāṃs tam eva sarvadharmasamatāsvabhāvavipañcitaṃ samādhim udbhāvayan candrapabhasya kumārabhūtasya tasyāṃ velāyām bhūyas yā mātrayā gāthābhigītena vistareṇa samprakāśayati sma |
4.10apāvṛtaṃ me amṛtasya dvāram ācakṣito dharmasvabhāvu yādṛśaḥ |
nidarśitā me upapatti yādṛśī prakāśitā nirvṛti sānuśaṃsā || 1 ||
4.11Lvivarjanīyāḥ sada pāpamitrāḥ kalyāṇamitrāś ca niṣevitavyāḥ |
vaneṣu vastavya gaṇān jahitvā maitraṃ ca cittaṃ sada bhāvanīyam || 2 ||
4.12śuddhañ ca śīlaṃ sada rakṣitavyaṃ dhūteṣu puṣṭiḥ sada vinditavyā |
tyāgaś ca prajñā ca niṣevitavyā | na durlabho eṣa samādhi bheṣyati || 3 ||
4.13tato labhitvā ima śāntabhūmi yasyām abhūmiḥ pṛthu śrāvakāṇām |
pratyakṣabhūtā sugatasya dharma pratilapsyathā buddhaguṇān acintiyān || 4 ||
4.14dṛṣṭvā narān bhājanabuddhimantān tān bodhicittasya samadipetha |
anuttare jñāni pratiṣṭhapitvā na durlabho eṣa samādhirājaḥ || 5 ||
4.15–4.22…
4.23Lasaṃskṛtaṃ saṃskṛtu jñātva vijño nimittasaṃjñāya vibhāvitāya |
so ānimitte bhavati pratiṣṭhitaḥ prajānatī śūnyaka sarvadharmān || 14 ||
4.24yo dharmakāye bhavati pratiṣṭhito abhāva jānāti sa sarvabhāvān |
abhāvasaṃjñāya vibhāvitāya na rūpakāyena jinendru paśyati || 15 ||
4.25–4.30…
4.31Ltathā hi tenāvitatheti jñātā anāgatā āgata dharmaśūnyatā |
so tādṛśe dharmanaye pratiṣṭhito na khidyate citta carantu cārikām || 22 ||
4.32tasmāc chruṇitvā imu ānuśaṃsā janetha chandam atulāya bodhaye |
⸤mā paścakāle paritāyu bheṣyati sudurlabhaṃ sugatavarāṇa darśanam || 23 ||
4.33ahañ ca bhāṣyesya praṇīta dharmaṃ yūyañ ca śrutvāna samācarethāḥ |
bhaiṣajyavantāñ ca gṛhītva āturo apare tu vyādhiṃ na prabhoti ātmanaḥ || 24 ||
4.34…
4.35iti śrīsamādhirāje buddhānusmṛtiparivarto nāma caturthaḥ || 4 ||
6.9kiṃ kāraṇaṃ vucyati kṣānti nāma kathaṃ puno vucyati ānulomikī |
Lsuvivartiso vucyati kena hetunā kathaṃ puno vucyati bodhisattvaḥ || 5 ||
6.10kṣāntyasmi dharma prakṛtau nirātmake nairātmyasaṃjñasya kileśu nāsti |
khaṃ yādṛśaṃ jānati sarva dharmā tasmād iha syā kva tu kṣānti nāma|| 6 ||
6.11ānulomi sarveṣa jināna śikṣate na cāsti dharmaś carate vicakṣaṇaḥ |
na buddhadharmeṣu janeti saṃśayāniyaṃ sa kṣāntir bhavatānulomikī || 7 ||
6.12evaṃ carantasya ya loki mārās te buddharūpeṇa bhaṇeyya vācā |
sudurlabhā bhoti bhavāhi śrāvakā na gṛhṇotī vākyu na co vivartate || 8 ||
6.13Lbodheti sattvān viṣamātu dṛṣṭito na eṣa mārgo amṛtasya prāptaye |
kumārga varjitva pathe sthapeti taṃ kāraṇam ucyati bodhisattvaḥ || 9 ||
6.14kṣamiṣyanūlomapathe sthitasya nairātmyasaṅgāya vibodhitasya |
svapnāntare ’py asya na jātu bhoti asti naro pudgala jīva sattvaḥ || 10 ||
6.15sace mārakoṭyo yatha gaṅgavālukās te buddharūpeṇa upāgamitvā |
bhaṇeyur atyantarikāya jīvā te maṃ vade nāsti nayūyū buddhā || 11 ||
6.16jñānena jānāmy ahaṃ skandhaśūnyakaṃ jñātvā ca kleśehi na saṃvasāmi |
vyāhāramātreṇa ca vyāharāmi parinirvṛto lokam imaṃ carāmi || 12 ||