8.1Ltatra bhagavān punar api Candraprabhaṃ Kumārabhūtam āmantrayate sma: tasmāt tarhi Kumāra bodhisatvena mahāsatvenemaṃ samāhim ākāṃkṣātā kṣipraṃ cānuttarāṃ samyaksaṃbodhim abhisaṃboddhukāmena sarvadharmāṇām abhāvasvabhāvajñānakuśalena bhavitavyam.
Edition of Konstanty Régamey
Published in first published Warsaw 1938; first Indian edition Delhi 1990 by Motilal Banarsidass in .
- Siglum: RéEd
This is a transcription from the 1938 edition by Régamey. It is based on four Nepalese manuscripts kept in the Bibliothèque Nationale, Paris, and the Cambridge Library. A = Bibliothèque Nationale, fond sanskrits 144/145; B = Bibliothèque Nationale, fond sanskrits 143; C = Bibliothèque Nationale, fond sanskrits 146; D = University Library, Cambridge, Sanskrit Mss. Add. 916.
More ▾
| Title | Samādhirājasūtra |
| Physical description | |
|---|---|
| Language/Script | Sanskrit in Latin script. |
| Format | book |
| Material | paper |
| History | |
|---|---|
| Date of production | 1938 CE |
| Place of origin | India |
- RéEd
8.2kathaṃ ca kumāra bodhisatvo mahāsatvaḥ sarvadharmāṇām abhāvasvabhāvajñānakuśalo bhavati. iha kumāra bodhisatvena mahāsatvena abhāvasvabhāvā animittā alakṣaṇā anutpannā aniruddhā anakṣarāḥ śūnyā ādiśāntāḥ prakṛtiviśuddhāḥ sarvadharmāḥ prajñātavyāḥ.
8.3yadā ca kumāra bodhisatvena mahāsatvena abhāvasvabhāvā … prakṛtiviśuddhāḥ sarvadharmāḥ parijñātā bhavanti yathābhūtatas tadāyaṃ kumāra bodhisatvo mahāsatvaḥ sarvaLdharmāṇām abhāvasvabhāvajñānakuśala ity ucyate.
8.4sarvadharmāṇām abhāvasvabhāvajñānakuśālo hi kumāra bodhisatvo mahāsatvaḥ sarvarūpaśabdagandharasaspraṣṭavyadharmebhyo na rajyate na duṣyate na muhyate.
8.5tat kasya hetoḥ? tathā hi sa taṃ dharmaṃ na samanupaśyati taṃ dharmaṃ nopalabhate. yo rajyeta, yatra va rajyeta, yena vā rajyeta; yo duṣyeta, yatra vā duṣyeta, yena vā duṣyeta; yo muhyeta, yatra vā muhyeta, yena vā muhyeta, sa taṃ dharmaṃ na samanupaśyati, sa taṃ dharmaṃ nopalabhate
8.6taṃ dharmam asamanupaśyann anupalabhamānaḥ sarvatraidhātukenānadhyyavasito bhavati, kṣipram imam samādhiṃ pratilabhate, kṣiprañ Lcānuttarāṃ samyaksaṃbodhim abhisaṃbudhyate. tatredam ucyate:
8.7
abhāvaḥ sarvadharmā | animittā alakṣaṇā |
anutpannā ’niruddhāś ca |evaṃ dharmān vijñānatha.
8.8
abhāvā ’nakṣarāḥ sarve śūnyāḥ śāntādinirmalāḥ |
ya evaṃ jānatī dharmān | kumārā buddha socyate
8.9
tasmādd hi yo icchi vipañcitām imāṃ | svabhāvasamatāṃ sugatāna mātāṃ
sa bhāvayatu sarvi abhāvadharmāṃ | pratilapsyatīmāṃ jananīṃ jinānāṃ. |