|| śrīgopījanavallabho vijayatetarām ||_ || oṁ namaḥ śrībhagavatpāṇinikātyāyanapataṃjalibhyaḥ ||_

iha padārthāṣṭakavicāraparatvād vākyapadīyasya prathamakāṇḍena prayojanādipadārthe nirṇīte 'naṃtarakāṇḍopapāditopapattibhir vākya⸤tadarthayor anvākhyeyasthitalakṣaṇayoḥ padārthayor nirṇītattvād upakārakāpoddhārarūpaḥ padavicāraḥ prakramyate || tatra niyatavikalpo yathābhiprāyam apoddhāra i⸤ti yathāsaṃbhavaṃ padabhedānupadi|śati ||_

vākyasyaiva niraṃśa¦⸤sya vācakattvād aṃtarā padapratipattir vibhrama iti kim asattyapadavyutpādanenety āśaṃkāpoddhṛttyaiva vākyebhya ity āha | apoddhṛttya kalpanābuddhyā pṛthak_ padaṃ niṣkṛṣya ⸤akhaṇḍavākyavyuttpattāv upāyaḥ | padavyuttpattir vākyavādināṃ | akhaṇḍapadavyuttpattāv iva parikalpitarūpaprakṛtipratyayāgamādeśādivyuttpattiḥ padavādi¦⸤nāṃ | ānaṃtyād dhi vākyānāṃ svārasyenāśakyā vyuttpattiḥ kartum iti sadṛśapadadvārakaṃ tadupapattir itty arthaḥ |

ubhayor api cāpoddhṛtasyāsatyatvaṃ samānaṃ | tathā hi | a⸤niyatānupūrvvī|ke yathārtha kalpitānvayavyatirekanibandhano vākyavādināṃ padāpoddhāraḥ | evaṃ padavādināṃ śāstreṇānvayavyatirekanimittārthāpoddhāravaśaḥ ⸤prakṛtipratyayāpoddhāraḥ | yad āha vākyakāraḥ | siddhaṃ tv anvayavyatirekābhyām iti | tatra bhinnatvaṃ sāmānyaṃ dvidhettyādiko viśeṣa iti vidhārthe dhāpratyayopapattiḥ ⸤| prakāśo hi vidhārthaḥ | sa ca sāmānyasya bhedako viśeṣaḥ | sa ca sādṛśyam eva sarvatra prakāraḥ | kaiścid iṣyata ity ekīyaṃmatam | kaiścid iti vacanād bhede pi tu prakā⸤rākhyā | kaiścid abhyupagamyata iti coktaṃ | yadi cātra buddhirūpaprakalpitaṃ sādṛśyam eva vidhārthaḥ | jñānapratibiṃbitasya hi1 bāhyād abhyupagamamyānukāritvena sādṛśyaṃ Lsarvatra prakārārthaḥ saṃkalpitasadṛśasyābāhyasya nirvarttanād vākyāc cāpodhriyamāṇasya padasya vākyārthāṃtarāparikalpanayārthavata evāpoddhāro yuktaḥ | arthāpo¦⸤ddhāra eva hi padāpoddhārasya nimittaṃ | animitte hi tasmin varṇāpoddhārasyāpi prasaṃgāt teṣām api vyutpādyatā syāt |

vākyārthaś ca sthitalakṣaṇo niraṃśaḥ kārako⸤tkalīnaśarīrakriyāsvabhāvaḥ | tatra cāṃśāṃśakalpanayāpoddhāre kārakātmā kriyātmā ca vibhāgārha iti siddhasādhyalakṣaṇāṃśadvayaviṣayaḥ padāpoddhāro dvi¦⸤vidhaḥ | nāmākhyātarūpaḥ prāthamakalpikaḥ | śaktiśaktimator abhedāt kārakātmā siddharūpo ṃśaḥ | yady api ca nāmapadānāṃ pratyayārthasya saṃkhyādeḥ śābdaṃ prādhā¦⸤nyaṃ | tathāpy arthataḥ prādhānyatipadikārthasya jātyāṃkuritasyaiava dravyasyaiva prādhānyaṃ siddharūpasya | saṃkhyākārakaśaktīnāṃ tadāśrayatvād anayor eva ca nāmākha⸤khyātayor viśeṣatvān nipātopasargakarmapravacanīyalakṣaṇaḥ padabhedo ṃtarbhavati |

tathā hi | siddhārthābhidhāyi nāmapadam iti tadarthagataṃ viśeṣaṃ dyotayannipā⸤tas tatraivāṃtarbhavati | siddhaṃ hy arthaṃ sākṣād dhābhidadhātu | tadgataṃ viśeṣaṃ vā prakāśayatu | siddhārthāt sākṣād vābhidadhā neyato bhedaḥ | svarādayas tu kecit sattvapradhānā ⸤eveti te pi nāmapadam eva | ye tu hirugādayaḥ pṛthak_kriyāpradhānās teṣām ākhyāte ṃtarbhāvaḥ | na hi tiṅaṃtam evākhyātaṃ | kriyāpradhānasya sarvasyaiva tallakṣaṇatvā¦⸤t | ata evopasargakarmapravacanīyapadāny apy ākhyātapadam eva | sādhyārthaviśeṣadyotanāt | evaṃ nipāto pi | tadgatabhedāṃtaravivakṣāyāṃ tu nipāto⸤pasargayor api kaiścit pṛthak_karaṇam | tathā hi asty evāpoddhāre rthamātrādviśeṣo nayoḥ | na hy etau sākṣād arthaṃ vadataḥ | api tu tadgataviśeṣadyotakā⸤v iti vācakābhyāṃ nāmākhyātābhyāṃ pravibhaktau siddhasādhyārthaviṣayaviśeṣadyotakatvān nipātānāṃ sādhyaikaniyatatvāc copasargāṇāṃ parasparato bhedaḥ | ⸤karmapravacanīyās tu kriyāviśeṣopajanitasaṃbaṃdhāvachedahetava iti saṃbaṃdhaviśeṣadyotanadvāreṇa kriyāviśeṣaprakāśanād upasargeṣv evāṃtarbhavantīti ⸤caturddhaiva kaiścit padaṃ bhinnaṃ |

sākṣāt_ kriyāviśeṣaprakāśanābhāvāt tad api paṃcamaṃ padam iti kaiścit | tathā hi | karma proktavaṃtaḥ karmapravacanīyā iti ati¦Lkrāṃtakriyākhyātalakṣaṇasya vyāpārasyātra saṃbhavo na tu varttamānasyety upasargebhyo bhedaḥ | kriyāgataviśeṣadyotanapūrvakaṃ hi saṃbaṃdhāvachedanam atra varttamāna⸤m | tathā hi | sarvaḥ saṃbaṃdhaḥ kriyākṛtaḥ | upakārakriyocitatvāt tasya | kriyām aṃtareṇa upakārābhāvāt | tatra kvacit kriyāśabdaḥ śrūyate kvacin na śrūyate | tatra¦ ⸤śrauta eva saṃbaṃdhaviśeṣāvasāyaḥ | tad yathā | mātuḥ smarati mātuḥ smṛtaṃ | sarpiṣo jānīta ityādau kriyā hi svabhāvād eva kriyāṃtaravyavadhānam aṃtareṇa dravyaiḥ ⸤saṃyujyate | yasmān mātāpitṛviṣaye pravarttate 'vatiṣṭhate vā tasmān mātāpitṛsaṃbaṃdhīdaṃ smaraṇam iti kriyākārakabhāvapūrvaka evāyam api saṃbaṃdha iti¦ ⸤varṇayaṃti |

aśrute tu kriyāpade dvayī gatiḥ | kvacit saṃbaṃdhasvarūpamahimnaiva kriyāpekṣasiddheḥ pratiniyatakriyākārakabhāvapūrvakatvaṃ śeṣasaṃbaṃdhasya vinai⸤va karmapravacanīyam avagamyate | tad yathā | upagor apatyaṃ vṛkṣasya śākhetyādāv apatyāpatyavatsaṃbaṃdho janikriyānimitto vayavāvayavisaṃbaṃdhaś ca sthitikriyāni⸤mitta ityādi | kvacit tu saṃbaṃdhānāṃ pratiniyatakriyāpūrvakatvāvadhāraṇe nāsti sāmarthyaṃ | tad yathā | rājñaḥ puruṣa ity atra svasvāmibhāvo bharaṇādyaneka⸤kriyānimitta ity evāvagamyate | kriyāviśeṣo nāvadhāryate tannimittabhūtaḥ | tathā ca bhāṣyaṃ | yad etat svaṃ nāma caturbhiḥ prakārair bhavati | bharaṇād apakramaha⸤raṇāt krayaṇād yāñcayeti | dānādīnāṃ tv anyatamāvinābhāvāt kriyānumīyata eva | kvacit tv avinābhāvinī kriyāpi na pratīyate | tathā caivaṃ jātīyake¦ ⸤viṣaye karmapravacanīyo niyataviśiṣṭakṛkriyākṛtatvaṃ saṃbaṃdhasya viśeṣam avagamayati | tad uktam | janayitvā kriyāṃ kāṃcit saṃbaṃdho vinivarttate | śrūya¦⸤māṇe kriyāśabde saṃbaṃdho jñāyate kvacit || sa copajātaḥ saṃbaṃdho vinivṛtte kriyāpade | karmapravacanīyena tatra tatra niyamyata iti | niyamas tasya niya⸤takriyājanitatvaṃ | tathā hi | śākalyasya saṃhitām anu prāvarṣad iti yo yaṃ saṃhitāpravarṣaṇayor hetuhetumadbhāvalakṣaṇaḥ saṃbaṃdhaḥ sa niyatakriyājanita i⸤ty anunā vedyate | anuniśamyetty atrānor niśamayatikriyāsāhacaryopaladhber iha saṃpāṭharūpatvāt saṃhitāyās tadanumānasyaucittyāt | tatra kriyāvacanatvam aLsyānyatra dṛṣṭaśakter na kalpyaṃ |

dyotyārthaniṣṭhaṃ ca dyotakatvam iti tad api kriyāpadāprayogād atra nāsti | na ca kriyāpadākṣepakatvaṃ | yathā prādeśaṃ viparilikhatīty atra ⸤ca lekhanakriyānupapatter mimātikriyākṣepakatvaṃ | kārakavibhaktir hy atra prādeśam iti dvitīyeti yuktas tatsamucitakriyākṣepaḥ | iha tu saṃhitām iti śaiṣi⸤kī vibhaktir iti kathaṃ kriyākṣepaḥ | kriyākārakayor eva parasparam ākṣepyākṣepakabhāvasyāvinābhāvena nyāyyatvāt | tad yathā | praviśa piṃḍīm ityādau nāpi saṃbaṃdha¦⸤vācitvam atrāmoḥ vibhaktyaiva tadabhidhānād iti saṃbaṃdhāvachedasya pratyāyako nānyaḥ saṃbhavatīti pāriśeṣyād anor atra sāmarthyam adhyavasīyate | tad uktaṃ | kriyā¦⸤yā dyotako nāyaṃ saṃbaṃdhasya na vācakaḥ | nāpi kriyāpadākṣepī saṃbaṃdhasya tu bhedaka iti | bhedako viśeṣako dyotaka ity arthaḥ | ayam atra bhāvaḥ | yad ananyathāsi¦⸤ddhaṃ tatrānor vyāpārakalpanā yuktā | yat punar anyathārthasāmarthyādinā sidhyati | na tatra tasya śaktiḥ kalpayituṃ pāryata iti padāntarāṇām arthāntaranive⸤śāt saṃbaṃdhaviśeṣasya | tato navagatasya karmapravacanīyatā siddhā viṣayatā siddhā | nanu ca yad atrādhikyaṃ vākyārthaḥ sa iti kriyāviśeṣajanitatvalakṣaṇaḥ ⸤saṃbaṃdhasyāvachedo vākyārthaḥ kim iti na kathyate | anos tu paścādbhāvamātravṛttitvam eveti |

atrocyate | ihādhikyaṃ vākyārthatvenocyamānaṃ padārthapṛ¦⸤ṣṭhapātitvenānusaraṇīyam | na tu padārthollaṃghanena tattadvākyopāttasya hi sādhyasya vā viśeṣyasya copāttair eva sādhanair viśeṣaiś ca saṃsargas tatrādhikyam_ ⸤tad yathā | gāṃ śuklām ānaya | nīlotpalam iti ca | ata evocyate | āśrayāśrayiṇor vākyān niyamas tv avatiṣṭhata iti | itthaṃ cānupāttasyaiva padārthasya ⸤vākyārthāt pratītir nāstīti na saṃbaṃdhāvachedo trāpadārtho vākyārthaḥ śakyate kalpayitum iti karmapravacanīyaviṣaya evāyam | yad vakṣyati | nimi⸤ttaniyamaḥ śabdāt saṃbaṃdhasya na gṛhyate | karmapravacanīyais tu svaviśeṣe varudhyate iti | atra ca darśanadvayam | svarūpeṇaiva saṃbaṃdhāntaravilakṣaṇaḥ ka⸤rmapravacanīyena saṃbaṃdho vachidyate | kriyāviśeṣajanitatvena veti | tatra svarūpeṇāvachede viśeṣakriyājanitatvapratītiḥ saṃbaṃdhiviśeṣatāparyāLlocanālabhyā | tathā hi | adhibrahmadatte paṃcālā ity atrati svasvāmibhāvo yaṃ saṃbaṃdha ity adhinā vedyate | brahmadattaś ca svāmīśvaraḥ paṃcālāś ca jana⸤padaḥ svam iti | tayoḥ saṃbaṃdhinoḥ | paripālanakarādānādikriyāprabhāvita eva saṃbaṃdho nyāyya ity avagamyate | evam abhimanyur arjjunataḥ pratīti¦ ⸤pratinā sādṛśyalakṣaṇo yaṃ saṃbaṃdha iti dyotyate | sa punaḥ saṃbaṃdhisvarūpaparyālocanamād atra saṃpraharaṇādikriyākṛta ity avagamyate | itthaṃ ca śāka⸤lyasya saṃhitām anu prāvarṣad ity atrāpi hetuphalabhāvo nāmāyaṃ saṃbaṃdha ity etāvaty evāyam anur viśrāmyati | pāṭhaviśeṣarūpatvāt saṃhitāyā niśamana⸤kriyāvagatiḥ | śabdaśravaṇena hi devo varṣad iti saṃbaṃdhamahimno viśiṣṭakriyāprabhāvitvam avasīyate | kecid iyān anor eva vyāpāra ity āhuḥ |

svarūpāva⸤chede pi ca kriyāyāḥ kāryabhūtasaṃbaṃdhāpekṣayātītakarmatvāt karma proktavaṃta ity arthaḥ | samaṃ nety eva vastunaḥ kriyāphalasyaiva saṃbaṃdhasya prakāśanāt | yathā ⸤tu tatrabhavat_bhartṛhares tatra tatrābhiprāyo lakṣyate | tathā nimittaviśeṣāvacheda eva karmapravacanīyakṛta iti rāddhāntaḥ | adhibrahmadatte paṃcālā iti ⸤paripālanakriyātirohitatvaṃ svasvāmibhāvasyādhinā vyajyate | abhimanyur arjjunataḥ pratīty atra parājayakṛto nukāryānukaraṇabhāvaḥ pratinā prakā⸤śyata ityādi sarvatra yojyaṃ | sustutam atistutam ityādau tu suḥ pūjāyām atir atikramaṇe cetyādinā karmapravacanīyasaṃjñādhikārikī svārthanirapekṣaivo⸤pasargasaṃjñāpravarttate | bādhanāya pravarttate | yathoktam | karmapravacanīyatvaṃ kriyāyoge vidhīyate | ṣatvādivinivṛttyarthaṃ svatyādīnāṃ hi dharmmaṇām iti ⸤ārthena tu rūpeṇa vibhāge prastute kriyāviśeṣāvadyotakatvād upasargapade svatyādir aṃtarbhavatīti nāvyāptiḥ | tad evaṃ vākyād apoddhriyamāṇasya padasyā¦⸤poddhārārthaviśeṣāśrayeṇa yathāsaṃbhavaṃ bhedo niraṃśakavākyavyutpattyupāyabhūtaḥ pradarśitaḥ | ata eva svādipadaṃ vākyavyutpatyanaṃgatvāchāstre saṃketitaṃ su⸤baṃtaṃ padaṃ vyutpatyupāyabhūtaṃ neha gaṇanārhaṃ | prakṛtipratyayavad iti dṛṣṭāṃtapakṣanikṣiptam iti nāvyāptiḥ | padāt kilāsāv apoddhāro na vākyāt |

tad itthaṃ paLdāpoddhāre pradarśite tadarthasyāpoddhṛtasya siddhasādhyarūpadvayayogino matabhedena svarūpopadarśanārtham āha ||

arthadvāreṇa padaṃ parīkṣyata iti darśanabhedena prathamam apoddhārapadārthavicāraḥ | tathā hi sa⸤rveṣām api śabdānāṃ padarūpāṇāṃ nāmākhyātādisvabhāvānāṃ jātivādimate jātir evārtho na dravyam | dravyavādimate tu dravyam eva na jātiḥ | dvitīyena vā⸤śabdena padārthāntaraṃ sūcitaṃ jātiviśiṣṭadravyābhidhānam iti | ata eva tad eva saṃkalanārūpaṃ padārthav iti sphuṭīkṛtam | anyathā vārthe prakrānte cārtho⸤pasaṃhāro nopapadyate | tadvad abhidhāne tv anabhidhānaṃ tāvadvayor api samānam | viramya vyāpārābhāvāc chabdasya | ārthas tu jātidravyayor guṇabhāvaḥ | yad vā prādhā⸤nyenaiva bhinnaviṣayatayā pāṇinidarśane jātidravye śabdenābhidhīyete ity ayam atra pakṣaḥ padārthau ity uktaḥ | tatra nāmadasya gaur ity āder gotvādijātir⸤niyatakriyāviṣayasādhanaikārthasamavetasaṃkhyājātiviśeṣabhāvam sāpannā abhidheyā, anāśrayāyāṃ anupapatteḥ | sāmarthyāt pratītaṃ dravyam

evam ākhyātapa⸤dasyāpi vibhinnakriyākṣaṇasamavetābhinnābhidhānapratyayahetukriyā jātiviṣayā sākṣād vācakaśaktiḥ | kārakādijātis tv atra guṇabhūtā | nāma⸤padagatayā ca kakārakajātyādi kriyājātir ākhyātapadagatā vyaktidvāreṇa samanvayam eti | dravyajātis tv ekārthasamavāyāt sādhanaśaktidvā⸤reṇa kriyāyogam anubhavati | saṃkhyājātir apy ekārthasamavāyāt svavyaktyātmanā śaktidvareṇa kriyāmukhenaiva kriyānvayam etīti sarvapadārthasamanvayopapa⸤ttau kalpane vākyārthaḥ | yathā cotkṣepaṇādikṣaṇair asamasamayabhāvibhir apy āvṛttyotkṣepaṇatvādijātir abhivyajyate| tathā 'dhiśrayaṇādibhiḥ kriyā⸤kṣaṇaiḥ pacatyādikriyājātir iti vicārayiṣyate | vyaktidvārakaṃ cāsyā nityāyā api sādhyatvam ucyate |

upasargādibhir apy atra darśane nāmākhyātasaha⸤bhāvī | tadarthasya viśeṣāvadyotakatvāj jātipadārtha eva | viśeṣasya viśiṣṭaviśrāntasyaivāvasāyāt karmapravacanīyo 'pi saṃbandho jātiniṣṭha eva | guLṇaśabdānām api śuklādīnāṃ guṇajātir vācyā | saṃjñāśabdānām api ḍitthādiśabdānāṃ jātiśabdatvaṃ samarthayiṣyate |

tad itthaṃ vājapyāyanācāryamatena sārvatrikī⸤ jātipadārthavyavasthopapadyate | vyāḍimate tu sarvaśabdānāṃ dravyam arthas tasyaiva sākṣāt kriyāsamanvayopapatter vākyārthāntargatayā codanāviṣayatvāt | yathāhaco⸤ — ekajātisamanvayavaśena cātra saṃketopapattiḥ | anabhidhīyamānāpi jātir upalakṣaṇīkriyate | śabdārthe yathā gṛhādau kā⸤ kādiḥ | ākhyāte 'pi ca sādhanādhāradravyaprādhānyaṃ vyāḍimate | devadattaḥ pacatīti dravyeṇaiva sākṣāt saṃbandhopapatteḥ | kriyā tu guṇabhūtā | ātra vyāpārāviśiṣṭaṃ⸤hi dravyam ākhyātārthaḥ | idaṃ tad iti sarvanāmapratyavamarśayogyaṃ cātra dravyam iti sārvatrikīyaṃ vyavasthā tathā ca vakṣyati | dravyadharmā padārthe tu sarvo⸤'rtha ucyate | ata ev ca śuklādīnām api dravyapadārthatā siddhā | tattad upādhivyavacchinnaṃ vā brahma dravyaśabdavācyam | sarvaśābdānāṃ viṣaya iti vakṣyata e⸤va | vyaktiparyāyo vā dravyaśabda iti jātivyaktivikalpena sarvaśabdaviṣayah | tathā ca sarvaśabdānām iti abhidhānāt padād apy apoddhare pratyayarūpasyāpi⸤ śabdasya yathāyogaṃ kriyākārakasaṃkhyādi | apoddhārapadārthajātivyaktibhedena samāmnataḥ | ubhayasyāpi va śabdāt pratiter ubhayaṃ padārthaḥ | guṇapradhā⸤bhāvabhedāśrayas tu matavikalpaḥ | nityatvopavarṇanam ca siddheśabdārthasaṃbandha ity atra bhāṣye | yasmiṃs tattvaṃ na vihanyata iti |dravyasyāpinityatvaṃ pravā⸤hanityatayā | śabdāt sadaiva vā pratiteḥ

tad evam etad anaṃtarakāṇḍe darśanadvayam upapāditam iti yathāsaṃbha⸤vaṃ pratinidhiś ciṃtyatitaḥ | idānīṃ jātau śabdenābhidhīyamānāyāṃ tatra jātyaṃtarābhāvān nirmitā śabdasya pravṛttir āyetety āśaṃkyopapādayitum āha ||

|| svā asādhāraṇī ātmīyā gośabdatvādikā | na tu sakalaśabda¦⸤sādhāraṇī śabdatvādiḥ | evaṃ cāsādhāraṇatvena viśeṣaṇatayā saṃbaṃdhāvyabhicāraḥ | gośabdasyārthajātyā saṃbaṃdhavyabhicāre pīti sva jātir eva mukhyam abhidheyam i⸤ty uktaṃ bhavati | tathā ca vākyakāraḥ | na vā śabdapūrva|ko hy arthe saṃpratyaya iti | ata evāvyabhiracāriṇyāḥ svarūpajāter arthajāter abhidhāne pi śabdasya nāṃtarīya⸤kam abhidhānam iti prathamam ity āha | yadabhedena yatpratipattiḥ | tad avaśyaṃ tatra pratipattavyam ity etāvatātra prāthamyaṃ na tu krameṇābhidhānāt | yad vā | saṃbaṃdhavyutpa¦⸤ttikālāpekṣayā prāthamyaṃ | tathā hi | saṃbaṃdhavyutpattikāle rthajātyā nāsti saṃbaṃdhaḥ | tathātve vācakatvena tatra viniyogo 'narthakaḥ syāt | arthasya pratipannatvā¦⸤d iti so rthas tāvat tena śabdena na pratipannaḥ | yadi tv asvajātyabhidhānaṃ tadānīṃ na syāt | tadānarthakatvād vibhaktiyogo na syād iti prāk_ saṃjñinābhisaṃbaṃdhāt_ ⸤saṃjñā rūpapadārthikety uktaṃ bhavati | svaṃ rūpaṃ svā jātir vā darśanabhedena kathyate | sarvair iti svarūpaparair arthaparaiś ca | tasyā eva svarūpaparatayā vyavahārāt | tathā¦⸤vyutpannair api śabdair avinābhāvāc chabdasvarūpeṇāvasthitā jātiḥ pratipadyate | arthasya kṛdity eva śabdasvarūpābhedenāvabodhe pi yathāpratipāditakrameṇa ⸤śrayeṇa tataḥ svajātipratyāyanād anaṃtaram arthajātīnāṃ gotvādīmām ātmasu tasyā śabdatvajāteḥ samāropasya kalpanā | na paramārthaḥ | śabdavivarttatvenā⸤rthasya śabdāt tattvato bhedābhāvāt |

yad vā | saṃbaṃdhavyutpattikāle gaur ayam artha ity arthajātyā śabdajāter atyaṃtabhedāt sāmānādhikaraṇyānyathānupapattyābhedādhyāropaḥ ka¦⸤lpyate | yathā gaur bāhīka iti | anyathā saṃketasyaiva karttum aśakyatvāt | yathā cāyam anādir apauruṣeyo vācyavācakabhāvaḥ | tathādhyāropo pi | anyathā vācyavācakabhā⸤va eva na ghaṭeta | yathā bauddhasya dṛśyavikalpārthaikākāro bhedānadhyavasāyalakṣaṇaḥ | na tu yathā gaur bāhīka ity atra puruṣechayādhyāropaḥ | vyavahāraśabdārthayoḥ sadaivā⸤bhedāvasāyāt katham iyaṃ prativarṇam anabhivyaktāsādhāraṇa jātir asamasamayabhāvibhir varṇair abhivyajyata iti cet | yathotkṣepaṇatvādijātir iti brūmaḥ | tathā hi ⸤pratyekaṃ karmakṣaṇānām upavyaṃjakatve pi yat prathamotkṣepakṣaṇakṣaṇaḥ | sa paramāṇumātravadeśākrameṇa mātmarūpatvāt | bhramaṇasārūpyavaśād anavadhāryamāṇa ekaiko bhe¦⸤da ekaiko samartho niyatajātyabhivyaṃjana iti kṣaṇāṃtaram apekṣate | na ca tasya bhramaṇakṣaṇād viśeṣo nāsti | upakramam adyotkṣipāmīty evaṃ prayatnajanitatvāt | evaṃ go⸤śabdam uccārayāmīty evaṃ prayatno yady api gānagaganaśabdajanakāt prayatnād anya eva hetur bhedādya gakārayor api bheda eva | tathāpi sādṛśyād asau duravadhāra iti vyaṃjako pi san_ ⸤prathamo dhvanir asphuṭam abhivyanaktīty āvarttamāno pi viśadatarasāmānyaviśeṣābhivyakto hetuḥ | yadāvayavaprakrama|baṃdhaḥ prakrameṇopalakṣyo bhavati | atha śabdajāti⸤viśeṣopādhiyuktā vyavahārā avatiṣṭhaṃte | tadānīm asāhacaryāt parasparāvachedavaśena vilakṣaṇatayā9 pratibhāsanāt | yathā ca ślokaḥ sakṛt paṭhyamāno nāvadhāryate | abhyāsena tu sphu⸤ṭāvabhāsaḥ | tathā caramacetasi cakāsti ratnatattvavat_ sphoṭatattvaṃ | prathamākṣareṇa hi jāter ābhāsamātraṃ janyate | taduttarottaravarṇakalāpena tu sphuṭatarasphuṭatamapariche⸤dādhānaṃ | saṃsmāraviśeṣotpādane dvāreṇābhivyaktiviśeṣasya rabhatatvādau dṛṣṭeḥ | tasmāc chabdād arthaṃ pratipadyāmaha iti vyavahārād varṇānām arthāvasāyajanaka¦⸤tvānupapatteḥ | prakriyānaṃgasya | prathamakāṃḍa eva vihitattvān ni||rayayavakaṃ pratyāyakaṃ śabdatattvaṃ jātivyaktibhedena bhinnasphoṭasvabhāvam evāṃgīkāryaṃ | gaur ayam artha iti ⸤ca vācakābhedena vācyapratīteḥ | tadadhyāsacarcitavapur vyavavahāryo rthaḥ | tatra ca svarūpasya vācyatā | prathamakāṇḍa eva nirṇītā | iha tu saṃbaṃdhasamuddeśe pi nirṇeṣyate |

abhidhālakṣaṇavyāpāratvam eva vyaktayati ||

|| jātau padārthe iti pakṣāvachedaṃ karoti | atra hi pakṣe sarva eva śabdo jātivācīty abhyupagaṃtavyaṃ | bhavatu ⸤vā mā bhūj jātiṣu | jātiśabdais tu jātir vyatiriktayā jātyaikasvabhāvaivāpekṣyate | pratyāyyatvenāṃgīkriyate | svālakṣaṇyena hi vastūnāṃ bhedaḥ spraṣṭuṃ na śakyate | sa⸤tve pi rūpāveśena saṃbaṃdhavyutpattau śabdasya vācakatvāt | tathā ca jātīnām itaretarabhedo vastu sattābhidhīyate | api tv abhedakalpanena tā abhidhīyaṃte | abhedaś ca sa⸤sāmānyam iti siddham ekaśabdatvam | jātaya iti |

sarvaśabdaviṣayatvam evābhivyanakti ||_

sarvabhāveṣu sadrūpaṃ sāmānyam anugataṃ | abhāvasyāpi buddhyākāreṇa nirūpaṇān mahāsattayāvina⸤yāviyogāt_ | prātipadikamātravācyā sattā | tad uktaṃ prātipadikārthaḥ satteti | dhātor api sādhanādhīnalabdhajanmasu kriyāvyaktiṣu samavetā | yathopādhyupagṛhīta¦⸤nānātvāt sattaivābhidheyadhāyakam āpadyate | siddhasādhyarūpārthadvayātmanāṃ ca tasyā eva vṛttes tadapararāśyabhāvāt sarvaśabdaviṣayatvaṃ sattāyāḥ | pratyayabhāgenākṣa⸤py atra yathāyathaṃ saṃkhyākārakādyupādhiviśiṣṭā sattaivābhidhīyate | sā codayavyayarahitatvān nityā satpratyayasya sarvadānuvṛtteḥ |

ete sattāmātrasyātmano maha¦⸤taḥ ṣaḍ viśeṣapariṇāmā yat paraṃ viśeṣebhyo liṅgamātraṃ mahattattvaṃ | tasminn ete sattāmātre mahaty ātmany avasthāya vivṛddhikāṣṭhām anubhavati | pratisaṃsṛjyamānāś ca tasmi⸤nn eva sattāmātre mahaty ātmany avasthāya yat tan niḥsaktāsattā sadasad avyaktam aliṃgaṃ tasmin pratiyaṃtīty evaṃ buddhimattvaṃ mahacchabdavācyam ādyaṃ | jagatkāraṇaṃ nirdiṣṭa¦⸤m ity ato naṃtarasya vikāraṇagrāmasya kāraṇarūpānugamāt sattārūpatvam aviruddham iti sattārūpaṃ sarvajagadākhyātaṃ mibhivatīti sattādvaitavādaḥ | sāṃkhyana⸤yenāpy upabṛṃhitaḥ | evaṃ ca sarvaśabdavācyā sattā śabdapravṛttinimittabhūteti yathāyathaṃ bhinnopādhibhāvapratyayābhidheyā saiva | nanv evaṃ gotvam iti prakṛtipratyayayo⸤r ekārthatāprasaṅgaḥ | naitat | upādhibhedena sattāyā bhedāt | prātipadikena gavāśrayāyās tasyā abhidhānaṃ pratyayena tu niṣkṛṣṭāśrayasya sāmānyasyābhidhety a⸤doṣaḥ | prakṛtyarthanimittaś ca bhāvapratyayabheda iti na sāṃkaryaprasaṃgaḥ |