This is an old revision of the document!

Working edition of the Suśrutasaṃhitā, kalpasthāna, based on the Nepalese MSS

Published in 2020 by The Suśruta Project (https://sushrutaproject.org) in The University of Alberta.

Siglum: SP

SP

[Adhyāya 1]

1 athāto 'nnapānarakṣākalpaṃ vyākhyāsyāmaḥ ||

2 yathovāca bhagavān dhanvantariḥ ||

3 divodāsakṣitipatis tapodharmabhṛtāṃ varaḥ |
suśrutapramukhāñ chiṣyāñ śaśāsāhata śāsanaḥ ||

4 ripavo vikramākrāntāḥ sve vā syuḥ kṛtyatāṅ gatāḥ |
sisṛkṣavaḥ krodhaviṣaṃ vivaraṃ prāpya tādṛśam ||

5 viṣair hiṃsyur akiñcijjñaṃ nṛpatiṃ duṣṭacetasaḥ |

6 tasmād vaidyena satataṃ viṣād rakṣyo narādhipaḥ ||

7 yasmāc cānityacittatvam aśvavat prathitaṃ nṛṣu |
tasmān na viśvased rājā kadācid api kasya cit ||

8 kulīnaṃ dhārmikaṃ snigdham akṛśaṃ satatotthitam |

11 mahānase niyuñjīta vaidyan tadvidyapūjitam ||

12 praśastadigdeśakṛtaṃ śucibhāṇḍam mahacchuciḥ |

13 parīkṣitastrīpuruṣaṃ bhavec cāpi mahānasam ||

17 mahānasikavoḍhāraḥ saupodanika pūpikāḥ ||

18 bhaveyur vaidyavaśagā ye cāpy anye 'tra kecana |
iṅgitajño manuṣyāṇāṃ vākceṣṭāmukhavaikṛtaiḥ ||

19 jānīyād viṣadātāram ebhir liṅgaiś ca buddhimān |
vivakṣur muhyate pṛṣṭo nottaraṃ pratipadyate ||

20 apārthaṃ bahusaṅkīrṇaṃ bhāṣate cāpi mūḍhavat |
hasaty akasmād aṅgulīḥ sphoṭayed vilikhed mahīm ||

21 vepathuś cāsya bhavati trastaś cānyo 'nyam īkṣate |
vivarṇavaktro dhyāmaś ca nakhaiḥ kiñcic chinaty api ||

23 vartate viparītaś ca viṣadātā vicetanaḥ |

25 dantakāṣṭhe 'nnapāne ca tathābhyaṅge 'valekhane |
utsādane parīṣeke kaṣāye sānulepane ||

26 srakṣu vastreṣu śayyāsu kavacābharaṇeṣu ca |
pādukāpādapīṭheṣu pṛṣṭheṣu gajavājinām ||

27 viṣajuṣṭeṣu cānyeṣu nasyadhūmāñjanādiṣu |
lakṣaṇāni pravakṣyāmi cikitsāñ cāpy anantaram ||

28nṛpabhaktād balin dattaṃ saviṣaṃ bhakṣayanti ye |
tatraiva te vinaśyanti makṣikāvāyasādayaḥ |

29hutabhuk tena cānnena bhṛśañ caṭacaṭāyate |
mayūrakaṇṭhapratimo jāyate cāpi duḥsahaḥ |

30cakorasyākṣivairāgyaṃ jāyate kṣipram eva tu |

31dṛṣṭvānnaṃ viṣasaṃsṛṣṭaṃ mriyate jīvajīvakaḥ |
kokilaḥ svaravaikṛtyaṃ kroñcas tu madam arcchati |

32hṛṣyen mayūras tūdvigne krośete śukasārike |
haṃsaḥ kṣvelati : kṣveḍati cātyarthaṃ kūjate bhṛṅgarājakaḥ |

kṣvelati kṣveḍati

33 pṛṣato : pṛṣato visṛjaty asraṃ muñcate viṭ ca markaṭaḥ |

pṛṣato pṛṣato

34cdupakṣiptasya cānnasya bāṣpeṇordhvam udīyatā |

35hṛtpīḍā bhrāntanetratvaṃ śiroduḥkhañ ca jāyate |
tatra nasyāñjane kuṣṭhaṃ lāmajjaṃ naladaṃ madhuḥ |

36cdhṛdi candanalepaś ca tathā sukham avāpnuyāt |

37pāṇiprāptaṃ pāṇidāhaṃ nakhaśātaṅ karoti ca |
tatra pralepaḥ śyāmendra gopa somotpalāni ca |

38sa cet pramādān mohād vā tad bhuṃkte bhojanaṃ yadi |
tato 'syāṣṭhīlavaj jihvā jāyate 'rasavedanī |

39tudyate dahyate cāpi śleṣmā cāsya prasicyate |
tatra bāṣperitaṃ karma yac ca syād dantakāṣṭhikaṃ |

40mūrchāṃ chardiṃ romaharṣam ādhmānaṃ dāham eva ca |
indriyāṇāñ ca vaikṛtyaṃ kuryād āmāśayaṃ gataṃ |

41tatrāśu madanālābubimbīkośātakīphalaiḥ |
chardanaṃ dadhyudaśvidbhyām athavā taṇḍulāmbunā |

42 dāhaṃ mūrcchām atīsāraṃ tṛṣṇām indriyavaikṛtaṃ |
āṭopaṃ pāṇḍutāṃ kārśyaṃ kuryāt pakvāśayaṃ gataṃ

43 tatra nīlīphalaṃ śreṣṭhaṃ sasarpiṣkaṃ virecanaṃ |
dadhnā dūṣīviṣāriś ca peyo madhusamāyutaḥ |

44 dravadravyeṣu sarveṣu kṣīramadyodakādiṣu |
bhavanti vividhā rājyaḥ phenabudbudajanma ca |

45 chāyāś cātra na dṛśyante dṛśyante yadi vā punaḥ |
bhavanti vikṛtāś chidrās tanvyo vā vikṛtās tathā |

46śākasūpānna māṃsāni klinnāni virasāni ca |
sadyaḥ paryuṣitānīva vigandhīni bhavanti ca |

47gandhavarṇṇarasair hīnāḥ sarve bhakṣyāḥ phalāni ca |
pakvāny āśu prakuthyante pākam āmāni yānti ca |

48viśīryante kūrcakas tu dantakāṣṭhagate viṣe |
jihvādantauṣṭhamāṃseṣu śvayathuś copajāyate |

49athāsya dhātakīpuṣpa jambvāmrāsthi harītakaiḥ |
sakṣaudraiḥ pracchite śophe kartavyaṃ pratisāraṇaṃ |

50athavāṅkollamūlāni tvacaḥ saptachadasya vā |
śirīṣamāṣakā vāpi kartavyaṃ pratisāraṇaṃ |

51jihvānirlekhakavalau dantakāṣṭhavad ādiśet |
picchalo bahalo 'bhyaṅgo vivarṇaś ca viṣānvitaḥ |

52sphoṭā janmarujāsrāvas tvakpākaḥ sveda eva ca |
dāraṇañ cāpi māṃsānām abhyaṅge viṣadūṣite |

53tatra śītāmbusiktasya kartavyam anulepanaṃ |
candanan tagaraṃ kuṣṭham uśīraṃ veṇupatrikā |

54somavalyamṛtā śvetā padmaṃ kālīyakan tathā |
kapittharasapatrābhyāṃ pānam etac ca pūjyate |

55utsādane parīṣeke kaṣāye sānulepane |
śayyāvastratanutreṣu vidyād abhyaṅgavad bhiṣak |

56keśaśātaḥ śiroduḥkhaṃ khebhyaś ca rudhirāgamaḥ |
granthijanmottamāṅge ca viṣajuṣṭe 'valekhane |

57tatra pralepo bahuśo bhāvitā kṛṣṇamṛttikā |
ṛkṣapittaghṛta śyāmāpālindī taṇḍulīyakaiḥ |

58gomayasvaraso vāpi hito vā mālatīrasaḥ |
raso mūṣikakarṇyā vā dhūmo vāgārasaṃjñitaḥ ||

59śiro 'bhyaṅgaḥ śirastrāṇaṃ snānam uṣṇīṣam eva ca |
srajaś ca viṣasaṃsṛṣṭāḥ sādhayed avalekhavat |

60mukhālepe mukhaśyāvaṃ yuktam abhyaṅgalakṣaṇaiḥ |
padminīkaṇṭaka prakhyaiḥ kaṇṭakaiś copacīyate |

61tatra kṣaudraghṛtaṃ pānam ālepaś candanaṃ ghṛtaṃ |
payasyā madhukā phañjī bandhujīvaḥ punarṇṇavā ||

62asvāsthyaṃ kuñjarādīnāṃ lālāsravaṇam eva ca |
yātuś ca sphoṭanāsrāvau muṣka meḍhra gudeṣv atha |

63tatrābhyaṃgavad ācaṣṭe yātrivāhanayoḥ kriyāṃ |
śoṇitāgamanaṃ khebhyaḥ śiroruk kaphasaṃsravaḥ |

64nasyadhūmagate liṅgam indriyāṇāñ ca vaikṛtaṃ |
tatra sarpir gavādīnāṃ dugdhaiḥ sātiviṣaiḥ śṛtaṃ |

65nasyaṃ pānañ ca vihitaṃ śītaṃ samadayantikaṃ ||
gandhahānir vivarṇṇatvaṃ puṣpāṇāṃ mlānatā tathā |

66jighrataś ca śiroduḥkhaṃ vāripūrṇṇe ca locane |
tatreṣṭaṃ bāṣpikaṃ karma mukhālepe ca yat smṛtaṃ ||

67karṇṇatailagate śrotre vaikṛtyaṃ śophavedanā |
karṇṇaśrāvaś ca tatrāśuḥ kartavyaṃ pratipūraṇaṃ |

68svaraso bahuputrāyāḥ saghṛtaṃ kṣaudrasaṃyutaṃ |
somavalkarasaś cāpi suśīto hitam iṣyate |

69aśrūpadeho dāhaś ca vedanādṛṣṭivibhramaḥ |
añjane viṣasaṃsṛṣṭe bhaved āndhyam athāpi vā |

70tatra sadyo ghṛtaṃ peyaṃ tarpaṇe ca samāgadhaṃ |
añjanaṃ meṣaśṛṅgasya niryāso varuṇasya ca |

71kapitthameṣaśṛṅgābhyām puṣpam bhallātakasya ca

72śophaḥ svāpas tathā srāvaḥ pādayoḥ sphoṭajanma ca |

73bhavanti viṣaduṣṭābhyāṃ pādukābhyāmasaṃśayaṃ |
upānatpādapīṭhāni pādukābhyāṃ prasādhayet |

74bhūṣaṇāni hatārcīṃṣi na vibhānti yathā purā |
svāni sthānāni hanyuś ca dāhapākāv adāruṇaiḥ |

75pādukābhūṣaṇeṣūktam abhyaṃgavidhim ācaret |
viṣopasargau vāṣpādirbhūṣaṇānto ya īritaḥ |

76upadravāṃs tatra vīkṣya vidadhīta cikitsitaṃ |
mahāsugandham agadaṃ yaṃ pravakṣyāmi tambhiṣak |

77pānālepananasyeṣu vidadhītāñjaneṣu ca ||
virecanāni tīkṣṇāni kuryātpracchardanāni ca |

78śirāś ca vyadhayet prāptā prāptaṃ visrāvaṇaṃ yadi |
mūṣikājaruhā vāpi haste vaddhā tu bhūpateḥ |

79karoti nirviṣaṃ sarvamannaṃ viṣasamāyutaṃ |
hṛdayāvaraṇaṃ nityaṃ kuryāc ca mitramadhyagaḥ |

80pived ghṛtam ajeyākhyam amṛtaṃ cāpy anūktavān |
sarpiḥ kṣaudraṃ dadhipayaḥ pived vā śītalañjalaṃ |

81godhāmayūranakulāṃ pṛṣatā hariṇān api |
viṣaghnānāñ ca satataṃ rasās teṣāṃ pived api |

82godhānakulamāṃseṣu hariṇasya ca vuddhimāṃ |
dadyāt supiṣṭāṃ pālindīṃ madhukaṃ śarkaran tathā |

83śarkarātiviṣe deye māyūre samahauṣadhe |
pārṣate cāpi deyā syuḥ pippalyaḥ samahauṣadhāḥ |

84sakṣaudraḥ saghṛtaḥ śītaḥ nimvayūṣa hitas tathā |
viṣāghnāni ca seveta bhakṣyabhojyāni vuddhimān |

85pippalīmadhukakṣaudraśarkarekṣurasāmvubhiḥ |
chardayed guptahṛdayo yadi pītaṃ bhaved viṣam iti || kalpe 1 ||||

<pc>
<abbr>
<add>
<cb>
<choice>
<corr>
<del>
<damage>
<emph>
<ex>
<expan>
<foreign>
<gap>
<head>
<hi>
<l>
<label>
<lb>
<lg>
<milestone>
<note>
<num>
<pb>
<ptr>
<seg>
<unclear>
<g>
<anchor>
<locus>
<metamark>
<orig>
<retrace>
<sic>
<space>
<subst>
<supplied>
<surplus>
<caesura>
<sub>
<sup>
<app>
<lem>
<rdg>
comments

	ignore abbreviation sign ⌜॰⌟
	ignore addition sign
	ignore avagrahas ⌜'⌟
	ignore brackets
	ignore commas
	ignore daṇḍas
	ignore empty śirorekhā ⌜¯⌟
	ignore exclamation mark ⌜!⌟
	ignore explicit hiatus ⌜_⌟
	ignore hyphens and dashes
	ignore line fillers ⌜¦꣹𑑛𑑎⌟
	ignore middot ⌜·⌟
	ignore numbers
	ignore puṣpikās ⌜꣸❈⌟
	ignore periods/ellipses
	ignore question mark
	ignore quotation marks
	ignore colon
	ignore semi-colon
	ignore slashes

	filter geminated t
	filter geminated consonants after r
	filter geminated m after h
	filter geminated aspirated consonants
	filter ṭh written as ṭ (some scripts)
	filter final nasal variants
	filter internal nasal variants
	filter visarga āḥ variants
	filter visarga aḥ before voiced consonants
	filter visarga aḥ before vowels
	filter other visarga variants
	filter internal visarga variants
	filter Vedic visarga variants
	filter final au/āv
	filter selected final anusvāra variants
	filter all final anusvāra variants (Malayālam, etc.)
	filter sth written as sch (some scripts)
	filter kcch/kś
	filter cch/ch/cś/tś
	filter final t + voiced syllable
	filter final t + n/m
	filter final t + c/j
	filter sya,tra,ma before iti
	filter a a/ā
	filter -ena,-sya + u-
	filter i i/ī
	filter ā + iti
	filter e/a + i
	filter i/y + vowel
	filter l and ḻ
	filter pṛṣṭhamātrā e (Devanāgarī)
	filter pṛṣṭhamātrā ai (Devanāgarī)
	filter pṛṣṭhamātrā o (Devanāgarī)
	filter pṛṣṭhamātrā au (Devanāgarī)
	filter b written as v (some scripts)
	filter dbh written as bhd (some scripts)
	filter śa written as sa (some scripts)
	filter valapalagilaka (Telugu)

User Tools

Working edition of the Suśrutasaṃhitā, kalpasthāna, based on the Nepalese MSS

[Adhyāya 1]

Page Tools

saktumIva