User Tools

Sitemap • Trace: • The Nepalese Version of the Suśrutasaṃhitā, Kalpasthāna, based on the Nepalese MSS

This is an old revision of the document!

Working edition of the Suśrutasaṃhitā, kalpasthāna, based on the Nepalese MSS

Published in 2020 by The Suśruta Project (https://sushrutaproject.org) in The University of Alberta.

  • Siglum: SP
  • SP

[Adhyāya 1]

1 athāto 'nnapānarakṣākalpaṃ vyākhyāsyāmaḥ ||
2 yathovāca bhagavān dhanvantariḥ ||
3 divodāsakṣitipatis tapodharmabhṛtāṃ varaḥ |
suśrutapramukhāñ chiṣyāñ śaśāsāhata śāsanaḥ ||
4 ripavo vikramākrāntāḥ sve vā syuḥ kṛtyatāṅ gatāḥ |
sisṛkṣavaḥ krodhaviṣaṃ vivaraṃ prāpya tādṛśam ||
5 viṣair hiṃsyur akiñcijjñaṃ nṛpatiṃ duṣṭacetasaḥ |
6 tasmād vaidyena satataṃ viṣād rakṣyo narādhipaḥ ||
7 yasmāc cānityacittatvam aśvavat prathitaṃ nṛṣu |
tasmān na viśvased rājā kadācid api kasya cit ||
8 kulīnaṃ dhārmikaṃ snigdham akṛśaṃ satatotthitam |
11 mahānase niyuñjīta vaidyan tadvidyapūjitam ||
12 praśastadigdeśakṛtaṃ śucibhāṇḍam mahacchuciḥ |
13 parīkṣitastrīpuruṣaṃ bhavec cāpi mahānasam ||
17 mahānasikavoḍhāraḥ saupodanika pūpikāḥ ||
18 bhaveyur vaidyavaśagā ye cāpy anye 'tra kecana |
iṅgitajño manuṣyāṇāṃ vākceṣṭāmukhavaikṛtaiḥ ||
19 jānīyād viṣadātāram ebhir liṅgaiś ca buddhimān |
vivakṣur muhyate pṛṣṭo nottaraṃ pratipadyate ||
20 apārthaṃ bahusaṅkīrṇaṃ bhāṣate cāpi mūḍhavat |
hasaty akasmād aṅgulīḥ sphoṭayed vilikhed mahīm ||
21 vepathuś cāsya bhavati trastaś cānyo 'nyam īkṣate |
vivarṇavaktro dhyāmaś ca nakhaiḥ kiñcic chinaty api ||
23 vartate viparītaś ca viṣadātā vicetanaḥ |
25 dantakāṣṭhe 'nnapāne ca tathābhyaṅge 'valekhane |
utsādane parīṣeke kaṣāye sānulepane : sānulepane ||
sānulepane sānulepane
26 srakṣu vastreṣu śayyāsu kavacābharaṇeṣu ca |
pādukāpādapīṭheṣu pṛṣṭheṣu gajavājinām ||
27 viṣajuṣṭeṣu cānyeṣu nasyadhūmāñjanādiṣu |
lakṣaṇāni pravakṣyāmi cikitsāñ cāpy anantaram ||
28nṛpabhaktād balin dattaṃ saviṣaṃ bhakṣayanti ye |
tatraiva te vinaśyanti makṣikāvāyasādayaḥ |
29hutabhuk tena cānnena bhṛśañ caṭacaṭāyate |
mayūrakaṇṭhapratimo jāyate cāpi duḥsahaḥ |
30cakorasyākṣivairāgyaṃ jāyate kṣipram eva tu |
31dṛṣṭvānnaṃ viṣasaṃsṛṣṭaṃ mriyate jīvajīvakaḥ |
kokilaḥ svaravaikṛtyaṃ kroñcas tu madam arcchati |
32hṛṣyen mayūram udvigne krośete śukasārike |
haṃsa kṣvelati cātya⸤rthaṃ kūjate bhṛṅgarājakaḥ |
33pṛṣato visṛjaty aśruṃ muñcate viṣṭā markaṭāḥ |
34upakṣiptasya cānnasya vāṣpaiṇaurvvam udīyatā |
35hṛtpīḍā bhrāntanetratvaṃ śiroduḥkhañca jāyate |
tatra nasyāñjate kuṣṭhaṃ lāmajjaṃ naladaṃ madhuḥ |
36hṛdicandanalepaś ca tathā sukhamavāpnuyāt |
37pāṇiprāptaṃ pā⸤ṇidāhaṃ nakhaśātaṅkaroti ca |
tatra pralepaḥ śyāmendragopasomotpalāni ca |
38sa cetpramādānmohādvā tadbhuṃkte bhojanaṃ yadi |
tatosyāṣṭhīlavajjihvā jāyate rasavedanī |
39tudyate dahyate cāpi śleṣmā cāsya prasicyate |
tatra vāṣperitaṃ karma yac ca syād dantakāṣṭhikaṃ |
40mūrcchāṃ cha⸤rdiṃ roṣaharṣamādhmānaṃ dāham eva ca |
indriyāṇāñ ca vaikṛtyaṃ kuryād āmāśayaṃ gataṃ |
41tatrāśu madanālāvuvimvīkośātakīphalaiḥ |
chardanaṃ dadhyudaśvibhyām athavā tāṇḍulāmvunā |
42dāhaṃ mūrcchāmatīsāraṃ tṛṣṇām indriyavaikṛtaṃ |
bhūṭopaṃ pāṇḍutāṃ kāryaṃ kuryātpakvāśayaṃ gataṃ
43tatra nīlīphalaṃ śuṣkaṃ sasarpiṣkaṃ virecanaṃ |
dadhnā dūṣīviṣāriś ca peyo madhusapāyataḥ |
44dravadravyeṣu sarveṣu kṣīramadyodakādiṣu |
bhavanti vividhā rājyaḥ phenavadvudajanma ca |
45chāyā cātra na dṛśyante dṛśyante yadi vā punaḥ |
bhavanti vikṛtā chidrās tanvyo vā vikṛtā⸤s tathā |
46śākasūpāṃmāṃsāni klinnāni virasāni ca |
sadyaḥ paryuśitānīva vigandhīni bhavanti ca |
47gandhavarṇṇarasair hīnāḥ sarve bhakṣyāḥ phalāni ca |
pakvānyāśuḥ prakurvante pākamāmāni yānti ca |
48viśīryante kūrcakastu dantakāṣṭhagate viṣe |
jihvādantauṣṭhamāṃseṣu śvayathuś copajāyate |
49athāsya dhātakīpuṣpajam vvāmrāsthiharīkakaiḥ |
sakṣaudraiḥ pracchite śophe kartavyaṃ pratisāraṇaṃ |
50athavāṅkauṇṭhamūlāni tvacaḥ saptachadasya vā |
śirīṣamāṣakāś cāpi kartavyaṃ pratisāraṇaṃ |
51jihvānirlekhakavalau dantakāṣṭhavadādiśet |
picchalo vahulo⸤bhyaṅgo vivarṇaś ca viṣānvitaḥ |
52sphoṭajanmarujāsrāvastvakpākaḥ svedameva ca |
dāraṇañcāpi māṃsānāmabhyaṅge viṣadūṣite |
53tatra sītāmvusiktasya kartavyam anulepanaṃ |
candanantagaraṃ kuṣṭhamuśīraṃ veṇupatrikā |
54somavalyamṛtā śvetā padmaṃ kālīyakan tathā |
kapittharasamū⸤trābhyāṃ pālaṃ tac ca pūjyate |
55utsādane parīṣeke kaṣāye sānulepane |
śayyāvastratanutreṣu vidhyādabhyaṅgavadbhiṣak |
56keśaśātaḥ śiroduḥkhaṃ khebhyaś ca rudhirāgamaḥ |
granthijanmottamāṅge caviṣajuṣṭevalekhane |
57tatra pralepo vahuśo bhāvitā kṛṣṇamṛttikā |
ṛṣyapittaghṛ⸤taśyāmāpālindītaṇḍulīyakaiḥ |
58gomayasvaraso vāpi hito vā mālatī rasaḥ |
raso mūṣikakarṇyā vā dhūmo vāgārasaṃjñitaḥ ||
59śirobhyaṅgaḥ śirastrāṇaṃ snānamuṣṇīṣam eva ca |
srajaś ca viṣasaṃsṛṣṭāḥ sādhayed avalekhanāvat |
60mukhālepe mukhaśyāvaṃ yuktam abhyaṅgala⸤kṣaṇaiḥ |
padminīkaṇṭakaprakhyaiḥ kaṇṭakaiś copacīyate |
61tatra kṣaudraghṛtaṃ pānamālepaś candanaṃ ghṛtaṃ |
payasyā madhukā phañjī vandhujīva punarṇṇavā ||
62asvāsthyam kuñjarādīnāṃ lālāśravaṇam eva ca |
yātuś ca sphoṭameḍhragudeṣv atha |
63tatrābhyaṃgavadāya⸤ṣṭe yātrivāhanayoḥ kriyāṃ |
śoṇitāgamanaṃ khebhyaḥ śirorukkaphasaṃśravaḥ |
64nasyadhūmagate liṅgam indriyāṇāñ ca vaikṛtaṃ |
tatra sarpirgavādīnāṃ dugdhaiḥ sātiviṣaiḥ śritaṃ |
65nasyaṃ pānañca vihitaṃ śītaṃ samadayantikaṃ ||
gandhahānirvivarṇṇatvaṃ puṣpāṇāṃ mlā⸤natā tathā |
66jighrataś ca śiroduḥkhaṃ vāripūrṇṇe ca locane |
tatreṣṭaṃ vāṣpikaṃ karma mukhālepe ca ya smṛtaṃ ||
67karṇṇatailagate śrotre vaikṛtyaṃ śophavedanā |
karṇṇaśrāvaś ca tatrāśuḥ kartavyaṃ pratipūraṇaṃ |
68svaraso vahuputrāyāḥ
somavalkarasaś cāpi suśīto hitamiṣyate |
69aśrūpadeho dāhaś ca vedanādṛṣṭivibhramaḥ |
añjane viṣasaṃsṛṣṭe bhavedāndhyamathāpi vā |
70tatra sadyo ghṛtaṃ peyaṃ tarpaṇe ca samāgadhaṃ |
añjanaṃ meṣaśṛṅgasya niryāso varuṇasya ca |
71kapitthameṣaśṛṅga
72śophaḥ svāpas tathā srāvaḥ pādayoḥ sphoṭajanma ca |
73bhavanti viṣaduṣṭābhyāṃ pādukābhyāmasaṃśayaṃ |
upānatpādapīṭhāni pādukābhyāṃ prasādhayet |
74bhūṣaṇāni hatārcīṃṣi na vibhānti yathā purā |
svāni sthānāni hanyuś ca dāhapākāvadāruṇaiḥ |
75pādukābhūṣaṇeṣūktamabhyaṃga⸤vidhimācaret |
viṣopasargau vāṣpādirbhūṣaṇānto ya īritaḥ |
76upadravāṃstatra vīkṣya vidadhīta cikitsitaṃ |
mahāsugandhamagadaṃ yaṃ pravakṣyāmi tambhiṣak |
77pānālepananasyeṣu vidadhītāñjaneṣu ca ||
virecanāni tīkṣṇāni kuryātpracchardanāni ca |
78śirāś ca vyadhayetprāptā⸤ prāptaṃ visrāvaṇaṃ yadi |
mūṣikājaruhā vāpi haste vaddhā tu bhūpateḥ |
79karoti nirviṣaṃ sarvamannaṃ viṣasamāyutaṃ |
hṛdayāvaraṇaṃ nityaṃ kuryāc ca mitramadhyagaḥ |
80pivedghṛtamajeyākhyamamṛtaṃ cāpy anūktavān |
sarpiḥ kṣaudraṃ dadhipayaḥ pivedvā śītalañjalaṃ |
81godhāmayū⸤ranakulāṃ pṛṣatā hariṇānapi |
viṣaghnānāñca satataṃ rasāsteṣāṃ pivedapi |
82godhānakulamāṃseṣu hariṇasya ca vuddhimāṃ |
dadyātsupiṣṭāṃ pālindīṃ madhukaṃ śarkarantathā |
83śarkarātiviṣe deye māyūre samahauṣadhe |
pārṣate cāpi deyā syuḥ pippalyaḥ sama⸤hauṣadhāḥ |
84sakṣaudraḥ saghṛtaḥ śītaḥ nimvayūṣa hitas tathā |
viṣāghnāni ca seveta bhakṣyabhojyāni vuddhimān |
85pippalīmadhukakṣaudraśarkarekṣurasāmvubhiḥ |
chardayed guptahṛdayo yadi pītaṃ bhaved viṣam iti || kalpe 1 ||||

Page Tools