The Nepalese Version of the Suśrutasaṃhitā, Uttaratantra 27-38: Kumāratantra

Published in 2020 by The Suśruta Project (https://sushrutaproject.github.io) in The University of Alberta.

Physical description
Language/Script
  • śa and sa not distinguished.
  • ba and va not distinguished.

[Uttaratantra 25-35 Kumāratantra (Adhyāyas 27-37 of the vulgate)]

[Adhyāya 25, (Kumāratantra 1), Adhyāya 27 in the vulgate]

Draft based on MS K.
athāto navagrahavijñānīyam adhyāyaṃ vyākhyāsyāmaḥ ||
cf. 1938 ed. 6.27.1
bālagrahāṇām vijñānaṃ sādhaṇāṃ cāpy anantaraṃ |
utpattiṃ kāraṇāṃ caiva suśrutaikamanā śṛṇu |
cf. 1938 ed. 6.27.3
skandagrahas tu prathamaḥ skandāpasmāra eva ca |
śakunī revatī caiva pūtanā cāndhapūtanā |
cf. 1938 ed. 6.27.4
pūtanā śītanāmā ca tathaiva mukhamaṇḍikā |
navamo naigameṣaś ca yaḥ pitṛgrahasaṃjñitaḥ ||
cf. 1938 ed. 6.27.5
dhātrīmātroś caupacārāparadvāñ
chaucabhraṣṭaṃ maṅgalācārahīnāṃ |
trastāṃ bhītāṃ tritāñs tarjitān vā
pūjā hi syur ete kumārāṃ |
cf. 1938 ed. 6.27.6
aiśvaryasthāste na śakyam viśanto deaṃ draṣṭuṃ mānuṣair viśvarūpā |
āptaṃ vākyaṃ samyagīkṣyābhidhāsye liṅgānyeṣāṃ yāni deheṣu tāni |
cf. 1938 ed. 6.27.7
stabdhākṣaḥ kṣatavasagandhikaḥ stanadviḍ vakrāsyo hatacaraṇekapatranetraḥ |
udvignaḥ salulitacakṣuralparogī skandārtto bhavati ca gāḍhamuṣṭivardhā |
cf. 1938 ed. 6.27.8
niḥsaṃjña bhavati punarlabhet ca sañjñaṃ saṃrabdhaḥ karacaraṇaiś ca nṛtyatīva |
viṇmūtrasṛjati vinadya jṛmbhamāṇaṃ phenāñś ca sṛjati ca tatsakhābhipannaḥ ||
cf. 1938 ed. 6.27.9
srastāṃgo bhayacakito vihaṃgagandhā sā srāvavraṇaparipīḍitaḥ samantāt |
sphoṭaiś ca pracitatanuḥ sadāhapākair niḥsaṃjño bhavati śiśuḥ kṣataḥ śakunyā ||
cf. 1938 ed. 6.27.10
raktāsyo haritamalobhipāṇḍudehaḥ śyāvo vā jvaramukhapākavedanārttaḥ |
mṛdrīte vyāthitatanuś ca karṇanāsāṃ revatyā bhṛśamatipīḍitaḥ kumāraḥ ||
cf. 1938 ed. 6.27.11
srastāṅgaḥ svapiti sukhaṃ dinarātrau vinnāṃ sṛjati ca kākatulyagandhiḥ |
chardyārto hṛṣitatanūruhaḥ kumāras tṛṣṇālur bhavati ca pūtanāgṛhītaḥ ||
cf. 1938 ed. 6.27.12
yo dveṣṭi stanam atisārakāsahikkāc charddirvā jvarasahitābhir ardyamānaḥ |
durvarṇāḥ satatam athāpi cāmlagandhītaṃ yād upahatamandhapūtanāyāḥ |
cf. 1938 ed. 6.27.13
ākrandatyati cakitas tu vepamānaḥ saṃlīnaḥ svapiti ca yasya cāntra kūjāḥ |
srastāṅgo bhuśamatisāryate yaḥ syāttaṃ kuryād bhiṣagathaśītapūtanārtaḥ |
cf. 1938 ed. 6.27.14
mlānāṅgaḥ surucirapāṇipādavakro vahvāśī kaluṣasirāvṛtodaro yaḥ |
saṃsṛṣṭaḥ śiśurathavakrumaṇḍikāyāḥ sodvego bhavati ca vastumūtragandhaḥ ||
cf. 1938 ed. 6.27.15
yaḥ phenām vamati vināmyate ca madhye sodvego vihasati cordhvamīkṣamānaḥ |
jvaryec ca pratatamatho vasāśragandhī sajñeyo bhavati hi naigameṣadaṣṭaḥ ||
cf. 1938 ed. 6.27.16
dhātrīstanadvidviṣṭava āviṣṭo muhyate muhuḥ |
taṃ bālaṃ na cirādvanti grahaḥ sampūrṇalakṣaṇaṃ ||
cf. 1938 ed. 6.27.17
viparītamataḥ sādhyaṃ cikitsedacirārditaṃ |
gṛhaṃ purāṇahaviṣābhyajya bālaṃ śucau śuciḥ |
cf. 1938 ed. 6.27.18
sarṣapā prakiret tatra tailadīpañ ca kārayet |
sadā sannihitañ cātra juhuyāddhvyavāhanaṃ |
cf. 1938 ed. 6.27.19
sarvaranauṣadhīn vījāgandhapuṣpair alaṅkṛtāṃ |
agnaye kṛttikābhyaś ca svāhā svāheti saṃtataṃ |
cf. 1938 ed. 6.27.20
namas skandāya devāya grahādhipataye namaḥ | śirasā tv ābhivande haṃ pratigṛṇhīṣva me baliṃ | nīrujānirvvikāraś ca śiśurvāś ca jayatām iti ||
cf. 1938 ed. 6.27.21
kumāre || 1 || 0 ||

[Adhyāya 26, (Kumāratantra 2), Adhyāya 28 in the vulgate]

Draft based on MS K.
athātaḥ skandagrahapratiṣedham adhyāyaṃ vyākhyāsyāmaḥ ||
cf. 1938 ed. 6.28.1
skandagrahopasṛṣṭānāṃ kumārāṇām praśasyate |
vātaghnadrumapatrāṇāṃ ḥ kvāthaḥ pariṣecane |
cf. 1938 ed. 6.28.3
teṣāṃ mūleṣu siddhañ ca tailamabhyañjane hitaṃ |
aśvagandhasurāmustākotaryām api ceṣyate |
cf. 1938 ed. 6.28.4
siddhaṃ sarppiś ca sakṣīraṃ pānam asyopakalpayet |
devadāruṇi rāsnā ca madhureṣv adrijeṣu ca |
cf. 1938 ed. 6.28.5
sarṣapā sarpanirmokaṃ vacāṃ kākādanī ghṛtaṃ |
uṣṭrājāvigavām vāpi romāṇyuddhūpanaṃ bhavet |
cf. 1938 ed. 6.28.6
somavallīmindravallīṃ śamīvilvāc ca vandakaṃ |
mṛgādanyāś ca mūlāni grathikānyapi dhārayet |
cf. 1938 ed. 6.28.7
raktāni mālyāni tathā patākaṃ raktāṃś ca gandhāṃ vividhāṃś ca bhakṣyāṃ |
ghaṇṭā ca devāya balinnivedya sakukkuṭāḥ skandahate hitāya |
cf. 1938 ed. 6.28.8
snānas trirātran niśi catvare ca kuryāt paraṃśāliyavair nivedya |
gāyatri pūtānibhir ayobhir agnim prajvālayed āhrtibhiś ca dhīmān |
cf. 1938 ed. 6.28.9
rakṣām anupravakṣāmi vālānām pāpanāśanī |
ahanyahani karttavyā yā bhiṣag niratandritaiḥ |
cf. 1938 ed. 6.28.10
tapasān tejasāñ caiva vapuṣāṃ yaśasān tathā |
nidhānaṃ yovyayo devaḥ sa te skandaḥ prasīdatu |
cf. 1938 ed. 6.28.11
grahasenāpatirdevo devasenāpatirvibhuḥ |
devasenāripuharaḥ pātu tvāṃ bhagavāṃ guhaḥ |
cf. 1938 ed. 6.28.12
devadevasya mahataḥ pāvakasya ca yaḥ sutaḥ |
gaṅgomākṛttikānāñ ca sa te śarma prayacchatu |
cf. 1938 ed. 6.28.13
raktamālyām varadharo raktacandanabhūṣitaḥ |
raktadivyavapuḥ śrīmāṃ pātutvāṃ krauñcasūdana iti ||
cf. 1938 ed. 6.28.14
kumāre || 2 || 0 ||

[Adhyāya 27, (Kumāratantra 3), Adhyāya 29 in the vulgate]

Draft based on MS K.
athātaḥ skandopasmārapratiṣedham adhyāyaṃ vyākhyāsyāmaḥ ||
cf. 1938 ed. 6.29.1
vilvaṃ śirīṣaṃ golomī surasādirgaṇaś ca yaḥ |
pariṣeke prayoktavyaḥ skandāpasmāraśāntaye |
cf. 1938 ed. 6.29.3
vastumūtravipakvam tu tailam abhyañjane hitaṃ |
kṣīravṛkṣakaṣāye ca kākolyādau gaṇe tathā |
cf. 1938 ed. 6.29.4
vipaktavyaṃ ghṛtañ cāpi pāṇīyam payasā saha |
cf. 1938 ed. 6.29.5ab
gṛdhrolūkapurīṣāṇi keśāhaste nakhaṃ ghṛtaṃ |
vṛṣabhasya ca romāṇi yojyāny uddhūpane pi ca |
cf. 1938 ed. 6.29.6
anantāṃ kukkuṭīṃ vimvīṃ markaṭīñ cāpi dhārayet |
pakvāpakvāni māṃsāni prasannā rudhiraṃ payaḥ |
cf. 1938 ed. 6.29.7
bhūtodano nivedyaś ca skandāpasmāraṇo vato |
catuṣpathe ca kartavyāḥ snānam asya yatātmanā
cf. 1938 ed. 6.29.8
skandāpasmārasaṃjño yaḥ skandasya dayitaḥ sakhā |
viśākhasaṃjñaḥ saśiṣāḥ śivos tu vitānena iti ||
cf. 1938 ed. 6.29.9
kumāre || 3 || 0 ||

[Adhyāya 28, (Kumāratantra 4), Adhyāya 30 in the vulgate]

Draft based on MS K.
athātaḥ śakunīpratiṣedhaṃ vyākhyāsyāmaḥ ||
cf. 1938 ed. 6.30.1
śakuny ābhiparītasya kāryaṃ vaidhyena dhīmatā |
vetasāmrakapitthānāṃ niḥkvāthaḥ pariṣecane |
cf. 1938 ed. 6.30.3
kaṣāyamadhurais tailaiḥ kāryañjābhyañjanaṃ śiśāḥ |
cf. 1938 ed. 6.30.4ab
vraṇeṣūktāni cūrpathyāni vidhadhīta ca |
cf. 1938 ed. 6.30.5cd
skandagrahadhūpanāni pathyānīha bhavanti ca |
cf. 1938 ed. 6.30.6ab
skandāpasmāraṇamanaṃ ghṛtañ cāpīha pūjitaṃ |
cf. 1938 ed. 6.30.9ab
tilataṇḍulakaṃ malyāṃ haritālam manaḥśīlā |
cf. 1938 ed. 6.30.7cd
balir eṣa karañjais tu nivedyo niyatātmanā |
niḥkuṭo ca prayoktavyam snānam asya yathāvidhiṃ ||
cf. 1938 ed. 6.30.8
antarikṣacarā devī sarvālaṅkārabhūṣitā |
ayomukhī tīkṣṇamukhī devatā te prasīdatu |
cf. 1938 ed. 6.30.10
durdarśanā mahākāyā piṅgākṣī bhairavasvanā |
lambodarīśaṅkukarṇī śakunī te prasīdatām iti ||
cf. 1938 ed. 6.30.11
kumāra || 3 || ❈ ||

[Adhyāya 29, (Kumāratantra 5), Adhyāya 31 in the vulgate: draft edition based on MS K]

athāto revatīpratiṣedhaṃ vyākhyāsyāmaḥ ||
cf. 1938 ed. 6.31.1
aśvagandhājaśṛṅgī ca śārivātha purnarnnavā |
sahavidārī ca tathā kaṣāyaḥ pariṣecane |
cf. 1938 ed. 6.31.3
tailam abhyaṅgane kāyaṃ kuṣṭhe sarjarase tathā |
palaṃ kaṣāyainalade tathā girikadaṃbake |
cf. 1938 ed. 6.31.4
vaṭāś ca karṇṇakakubhadhātakītindūkeṣu ca |
kākolyādau gaṇecāpi pāṇīyaṃ sarpir iṣyate |
cf. 1938 ed. 6.31.5
gṛdhrolūkapurīṣāṇi tathā yavaphalāghṛtaṃ |
cf. 1938 ed. 6.31.6cd
saṃdhyayor ubhayoḥ kāryam etad uddhūpanaṃ śiśā |
varuṇāriṣṭakamayaṃ rumakaṃ saindhavaṃ tathā |
cf. 1938 ed. 6.31.7
dhārayed yāpi satataṃ vacā putrakajīvake |
śuklāḥ sumanaso lājapayaḥ śālyodanaṃ tathā |
cf. 1938 ed. 6.31.8
valin nivedya gotīrthe revatyaiprayatātmanā |
saṃgame ca bhiṣak snānaṃ kuryād dhātrīkumārayoḥ |
cf. 1938 ed. 6.31.9
nānāvastradharādevī citramālyānulepanā |
calatkuṇḍalinī śyāmā revatīte prasīdatu |
cf. 1938 ed. 6.31.10
yām upāsannisatataṃ devyo vividhabhūṣaṇāḥ |
lamvākarālāvinatā tathaiva vahuputrikā |
raivatī śuṣkanāsā ca sā ca devī prasīdatām iti ||
cf. 1938 ed. 6.31.11
kumāra || 3 || ❈ ||

[Adhyāya 30, (Kumāratantra 6), Adhyāya 32 in the vulgate: draft edition based on MS K]

athātaḥ pūtanāpratiṣedhaṃ vyākhyāsyāmaḥ ||
cf. 1938 ed. 6.32.1
kapotavaṃkāharalaḥ varuṇaḥ pāribhadrakaḥ |
āsphotā caiva yojyāḥ syur bālasya pariṣecane |
cf. 1938 ed. 6.32.3
vacā vayaḥ sthā golomī haritālaṃ manaḥ śilā |
kuṣṭhaṃ sarjarasaṃ caiva tailārthe vargam iṣyate |
cf. 1938 ed. 6.32.4
hitaṃ ghṛtan tukākṣīryāḥ siddhaṃ madhurakeṣu ca |
kuṣthatālīsakhadirāḥ rṣapajñane tathā |
cf. 1938 ed. 6.32.5
śaṇanākulakumbhīkā majjāno vadarasya ca |
karkaṭāsthi ghṛtañ cāpi dhūpanaṃ saha sarṣapaiḥ |
cf. 1938 ed. 6.32.7
kākādanīñ citraphalāṃ vimvīṃ guñjāñ ca dhārayet |
matsyodanañ ca kurvīta kṛśaram palalaṃ tathā |
śarāvasampuṭakṛtam valiṃ śūnyagṛhe haret |
cf. 1938 ed. 6.32.8
utsṛṣṭān nābhiṣekaś ca śiśoḥ snapanam iṣyate ||
cf. 1938 ed. 6.32.9ab
malināmvarasamvītā malinārūkṣamūrdhajā |
śūnyāgāśrayādevī dārakaṃ pātu pūtanā iti ||
cf. 1938 ed. 6.32.10
kumāra || 3 || ❈ ||

[Adhyāya 31, (Kumāratantra 7), Adhyāya 33 in the vulgate: draft edition based on MS K]

athātāndhapūtanāpratiṣedhaṃ vyākhyāsyāmaḥ ||
cf. 1938 ed. 6.33.1
tiktakadrumāṇāṃ patraiś ca kvāthaḥ kāryo vasecane |
surā sauvīrakañ kuṣṭhaṃ haritālam manaḥ śilā |
cf. 1938 ed. 6.33.3
tathā sarjarasaṃ cāpi tailārtham apasaṃharet ||
pippalīpippalīmūlaṃ vargam madhurakam madhuḥ |
cf. 1938 ed. 6.33.4
sālaparṇī vṛhatyau ca ghṛtārtham api vuddhimāṃ |
cf. 1938 ed. 6.33.5ab
purīśaṃ kaukkuṭaṃ keśāḥ ścarmma sarvppatvageṣu ca |
jīrṇṇāñ ca bhikṣusaṃghāṭīṃ dhūpanāyopakalpayet |
cf. 1938 ed. 6.33.6
kukkuṭīṃ markaṭīvimvīm anantāś cāpi dhārayet ||
māṃsamāmaṃ tathā pakvaśoṇitañ ca catuḥ pathe|
cf. 1938 ed. 6.33.7
nivedyam antañ ca gṛhe śiśoḥ snapanam iṣyate ||
cf. 1938 ed. 6.33.8
karālapiṃgalā muṇḍā kaṣāyam varadhāriṇī |
devī bālam imaṃ prītā rakṣatām andhapūtanā iti ||
cf. 1938 ed. 6.33.9
kumāra || 7 || ❈ ||

[Adhyāya 32, (Kumāratantra 8), Adhyāya 34 in the vulgate: draft edition based on MS K]

athātaḥ śītapūtanāpratiṣedhaṃ vyākhyāsyāmaḥ ||
cf. 1938 ed. 6.34.1
viṃvīkāpitthaṃ sūrasaṃ tathā vilvapracīvalau |
nandībhallātakañ cāpi pariṣeke vacārayet |
cf. 1938 ed. 6.34.3
vastamūtraṃ gavaṃ mūtramūstañ cāmaradārū ca |
kuṣṭhañ ca sarvagandhañ ca tailārtham avacārayet |
cf. 1938 ed. 6.34.4
rohiṇīsarjakhadirapalāśakakubhatvacaḥ |
niḥkvāthya tasminniḥ kvāthe sakṣīraṃ vipaceddhṛtaṃ|
cf. 1938 ed. 6.34.5
gṛdhrolūkapurīṣāṇi vastagandhāṃ sahāṃ vacāṃ |
nivasya patrāṇi tathā dhūpanārthaṃ prayojayet |
cf. 1938 ed. 6.34.6
dhārayed api guñjāñ ca lamvāṃ kākādanīn tathā |
nadhyāṃ mudgadanaiś cāpi tarpayec chītapūtanāṃ |
cf. 1938 ed. 6.34.7
jalāyaśānte bālasya spanaṃñ copadiśyate |
cf. 1938 ed. 6.34.8cd
mugdodanāśinī devī surāśoṇitapāyinī |
jalāśayaratādevī pātu tvāṃ śītapūtanā iti ||
cf. 1938 ed. 6.34.9
kumāra || || 0 ||

[Adhyāya 33, (Kumāratantra 9), Adhyāya 35 in the vulgate: draft edition based on MS K]

athāto muṇḍikāpratiṣedhaṃ vyākhyāsyāmaḥ ||
cf. 1938 ed. 6.35.1
kapitthavilvau tarkārīvaṃśagandharvahastaka |
kuverākṣī ca yojyāni bālasya pariṣecane |
cf. 1938 ed. 6.35.3
svarasair bhṛṅgavṛkṣāṇāṃ tathaiva hayagandhayā | tailaṃ vasāṃ ca saṃyojya paced abhyañjanaṃ śiśāḥ |
cf. 1938 ed. 6.35.4
madhūlikā payasyā ca tugākṣīdyo gaṇau na ca |
madhuraiḥ pañcamūlyāś ca kanīyasyā ghṛtam pacet |
cf. 1938 ed. 6.35.5
yavāḥ sarjarasaḥ kuṣṭhaṃ sarpiścoddhūpanahitaṃ |
dhārayed api jihvāś ca cāṣavaiḍālasatyajāḥ |
cf. 1938 ed. 6.35.6
varṇakaṃ cūrṇakaṃ mālyamañjanām pārataṃ tathā |
manaḥ śilāṃ copaharet goṣṭhamadhye valiṃ śuciḥ |
cf. 1938 ed. 6.35.7
mantrapūtābhir adbhiś ca tatraiva snapanam bhavet ||
cf. 1938 ed. 6.35.8cd
alaṃkṛtā rūpavatī subhagā kāmarūpiṇī |
goṣṭhamadhyālayā devī pātu tvāṃ mukhamaṇḍikā iti ||
cf. 1938 ed. 6.35.9
kumāra || || 0 ||

[Adhyāya 34, (Kumāratantra 10), Adhyāya 36 in the vulgate: draft edition based on MS K]

athāto naigameṣapratiṣedhaṃ vyākhyāsyāmaḥ ||
cf. 1938 ed. 6.36.1
vilvāgnimanthapūtīkāḥ kāśmaryāḥ pariṣecane |
savījañ cāpi dhānyāmlam pariṣekapraśasyate |
cf. 1938 ed. 6.36.3
priyaṅgu saralānantā śatapuṣpākuṭannaṭaiḥ ||
pacet tailaṃ surātakradadhimastvāmlakāñjikaiḥ |
cf. 1938 ed. 6.36.4
pañcamūladvayakvāthaiḥ kṣīre madhurakeṣu ca |
paced ghṛtañ ca matimāṃ kharjūryā mastakena ca |
cf. 1938 ed. 6.36.5
vacā vayasthā ¦ ¦ ¦ ¦ sahitāṃ jaṭilāṃ cāpi dhārayet |
cf. 1938 ed. 6.36.6ab
tilataṇḍulakaṃ mālyaṃ bhakṣāṃś ca vividhāni ca | kumārapitṛmeṣāya vṛkṣamūle nivedayet |
cf. 1938 ed. 6.36.9
adhastān kṣīravṛkṣasya snapanañ copadiśyate |
cf. 1938 ed. 6.36.10ab
ajānanañ calākṣibhrū kāmarūpī mahāyaśāḥ |
bālaṃ bālapitā devo naigameṣo bhirakṣatām iti ||
cf. 1938 ed. 6.36.11
kumāra || || ❈ ||

[Adhyāya 35, (Kumāratantra 11), Adhyāya 37 in the vulgate: draft edition based on MS K]

athāto grahotpattiṃ vyākhyāsyāmaḥ |
cf. 1938 ed. 6.37.1
atha khalu vatsa suśruta ||
navaskandādayaḥ proktā bālānāṃ ya ime grahāḥ |
śrīmanto divyavapuṣo nārīpuruṣavigrahāṃ ||
cf. 1938 ed. 6.37.3
ete guhasya ra kṛttikomāgniśūlibhiḥ | sṛṣṭāḥ śaravanasthāsya rakṣitasatmatejasā |
cf. 1938 ed. 6.37.4
strīvigrahāgrahā ye tu nānārūpā mayeritāḥ |
devīnāṃ kṛttikānān te bhāgā rājasatāmatāḥ |
cf. 1938 ed. 6.37.5
naigameṣas tu pārvatyāḥ sṛṣṭo meṣānano grahaḥ |
kumāradhāro devasya guhasyātmodbhavasya vai |
cf. 1938 ed. 6.37.6
skandāpasmāraṃ sañjayaḥ so 'gnināgnisamadyutiḥ |
saivaskandasakho nāmnā viśākha iti cocyate |
cf. 1938 ed. 6.37.7
skandaḥ sṛṣṭo bhagavatā devena tripurāriṇā |
bibharti cāparaṃ saṃjñaṃ kumāra iti saṃgrahaḥ |
cf. 1938 ed. 6.37.8
bālalīlādharo yo 'yaṃ devo rudrāgnisambhavaḥ |
mithyā bāleṣu bhavavāṃ na khalv eṣu pravarttate |
cf. 1938 ed. 6.37.9
kumāraskandasāmānyād atra kecid apaṇḍitāḥ |
gṛṇhātīty aparijñānād bruvate dehacintakāḥ |
cf. 1938 ed. 6.37.10
tato bhagavati skande devasenāpatau kṛte |
upatasthur grahās dyute dīptaśaktidharaṃ guhaṃ ||
cf. 1938 ed. 6.37.11
ūcuḥ prāñjalaś caivanaṃ vṛttin no vidhdhātsv iti |
teṣām arthe tataḥ skandaḥ śivaṃ devam acodayat |
cf. 1938 ed. 6.37.12
tato grahāṃ tān uvāca bhagavāṃ bhaganetrahā |
tairyagyonim mānuṣañ ca devañ ca tritayaṃ jagat |
cf. 1938 ed. 6.37.13
parasparopakāreṇa varttate dhāryate tathā |
devamanuṣyāṃ prīṇanti tairyagyonin tathaiva ca |
cf. 1938 ed. 6.37.14
yathākālaṃ pravarttanta uṣṇaṃ varṣahimādribhiḥ |
ijyābalinamaskārair japya homais tathaiva caḥ |
cf. 1938 ed. 6.37.15
samyak prayuktaiś ca naraiḥ prīṇayaṃty atu devatāḥ |
bhāgadheyā vibhaktāś ca śeṣaṃ kiñcin na vidyate |
cf. 1938 ed. 6.37.16
tad yuṣmākaṃ śubhā vṛttiḥ pūjāsv eva bhaviṣyati |
kuleṣu yeṣu nejyaṃte devatāpitaras tathā |
cf. 1938 ed. 6.37.17
vrāhmaṇāḥ sādhavo vāpi guravo 'tithayas tathā
nivṛtta śaucācāreṣu tathā klaśopajīviṣu |
cf. 1938 ed. 6.37.18
utsannabhikṣavaliṣu tathā bhinnagṛheṣu ca |
gṛheṣu yeṣu te bālāms tān hiṃsaṃ dhvamaśaṅkitāḥ |
cf. 1938 ed. 6.37.19
tatra vo vipulā vṛttiḥ pūjā caiva bhaviṣyati |
evaṃ grahāḥ samutpannā bālā hiṃsanti cāpy ataḥ |
cf. 1938 ed. 6.37.20
grahopasṛṣṭā bālās tu duścikitsyatamāḥ smṛtāḥ |
vaikalyam maraṇam cāpi dhruvaṃ skandagrahe nṛṇām iti ||
cf. 1938 ed. 6.37.21
kumārabhṛtye || || 0 ||
cf. 1938 ed. 6.37.21a
skandagrahas tu prathamaḥ skandāpasmāra eva ca ||
śakunī revatī caiva pūtanā cāndha pūtanā |
cf. 1938 ed. 6.37.22
pūtanāśītanāmā ca tathaiva mukhamaṇḍikā |
navamo naigameṣaś ca yaḥ pittagrahasaṃjñitaḥ |
cf. 1938 ed. 6.37.23
prathamagrahaliṅgaṃ ca anta ca grahasambhavaḥ |
sampiṇḍe na hi bālānām adhyā yādamacaiva ca ||
cf. 1938 ed. 6.37.24
samāptaṃ kumārabhṛtyam iti || 0 || 0 || 0 || 0 ||