The Nepalese Version of the Suśrutasaṃhitā, Cikitsāsthāna 21-40, based on the Nepalese MSS

[Adhyāya 21] 1938 ed., 4.21.1 athātaḥ śūkadoṣacikitsitaṃ vyākhyāsyāmaḥ || 1938 ed., 4.21.3 vilikhya sarṣapīṃ samyak kaṣāyair avacūrṇṇayet | kaṣāyeṣv eva kurvīta tailañ ca vraṇaropaṇaṃ || 1938 ed., 4.21.4 aṣṭhīlikāṃ jalaukābhir grāhayed bahuśo bhiṣak | tathā cānupaśāmyantīṃ kaphagranthivad uddharet | 1938 ed., 4.21.5 svedayed grathitāṃ śaśvan nāḍīṃ svedena buddhimān | sukhoṣṇair upanāhaiś ca susvinnair upanāhayet || 1938 ed., 4.21.6 kumbhīkāṃ pākam āpannāṃ cchindyāc chodhya ca ropayet || tailena lodhratriphalātindukāmrakṛtena vā || 1938 ed., 4.21.7 jalāyukābhir alajīṅ grāhayet svedayīta ca | kaṣāyais teṣu siddhañ ca tailaṃ ropaṇam iṣyate || 1938 ed., 4.21.8 balātailena siddhena mṛditam pariṣecayet | sarpiḥ snigdhaiś ca madhuraiḥ sukhoṣṇair upanāhayet || 1938 ed., 4.21.9 sammūḍhapiṭakāṃ kṣipraṃ jalaukābhir upācaret | bhitvā paryāgataṃ cāpi lepayen madhusarpiṣā || 1938 ed., 4.21.10 avamanthe gate pākaṃ bhinne tailaṃ vidhīyate | dhavājakarṇṇāśvakarṇṇasallakīkvāthasādhitaṃ || 1938 ed., 4.21.11 kriyām puṣkarikāyāṃ tu śītāṃ sarvāṃ prayojayet || 1938 ed., 4.21.12 sparśahāryāṃ hared raktaṃ madhuraiḥ pradihed api | kṣīrekṣurasasarpirbhiḥ secayec ca suśītalaiḥ || 1938 ed., 4.21.13 uttamākhyāṃ tu piṭakāṃ baḍisenoddhared bhiṣak | uddhṛtya madhusaṃyuktaiḥ kaṣāyair avacūrṇṇayet || 1938 ed., 4.21.14 rasakriyā vidhātavyā likhite śatapośanake | pṛthak parṇyādisiddhañ ca deyan tailam anantaraṃ || 1938 ed., 4.21.15 kriyāṃ prayuñjyāt kuśalaṃ tvakpākasya visarpavat || raktavidradhivac cāpi kriyāṃ śoṇitaje rbude | 1938 ed., 4.21.16 kaṣāyakalkasarpīṃṣi tailacūrṇṇarasakriyāṃ || śodhane ropaṇe caiva vīkṣya vīkṣyāvacārayet | 1938 ed., 4.21.17 hitañ ca sarpiṣaḥ pānaṃ pathyañ cāpi virecanaṃ | hitaḥ śoṇitamokṣaś ca yac cāpi laghu bhojanaṃ || 1938 ed., 4.21.18 arbudam māṃsapākañ ca vidradhiṃ tilakālakaṃ | pratyākhyāya hi kurvīta bhiṣak teṣām pratikriyām iti ||

cicikitsāsthāne 21 || || 0 ||

[Adhyāya 22] 1938 ed., 4.22.1 athāto mukharogāṇāṃ cikitsitaṃ vyākhyāsyāmaḥ || 1938 ed., 4.22.3 caturvidhena snehena madhucchiṣṭayutena vā | vātikebhyañjanakaṃ kāryaṃnāḍīsvedam tathāpi ca | 1938 ed., 4.22.4 oṣṭhaprakope bhiṣajā sālvaṇaṃ copanāhanaṃ | mastiṣke caiva nasye ca tailaṃ vātaharai sritaṃ | 1938 ed., 4.22.5 śrīveṣṭakaṃ sarjarasaṃ gugguluṃ suradāru ca | yaṣṭīmadhukacūrṇṇañ ca hitamatra pralepane | 1938 ed., 4.22.6 pittaraktābhighātotthaṃ jalokābhir upācaret | pittavidradhivac cāpi kriyāṃ kuryād aśeṣataḥ | 1938 ed., 4.22.7 śirovirecanaṃ dhūmaṃ svedaṃ kavaḍadhāraṇaṃ | hṛtaraktaprayoktavyam oṣṭhakope kaphātmake | 1938 ed., 4.22.8 trikaṭuṃ svarjikākṣāraṃ kṣārañ ca yavaśūkajaṃ | kṣaudrayuktaṃ vidhātavyam etac ca pratisāraṇaṃ | 1938 ed., 4.22.9 medoje svedite bhinne śodhite jvalano hitaḥ | priyaṃgulodhratriphalā sakṣaudraṃ pratisāraṇaṃ | 1938 ed., 4.22.10 etad oṣṭhaprakopānāṃ sādhyānāṃ karma kīrttitaṃ || dantamūlagatānāṃ tu rogāṇāṃ karma ucyate | 1938 ed., 4.22.11 śītāde hṛtaraktasya toyanāgarasarṣapān || niḥkvāthya triphalāñ cāpi kuryād gaṇḍūṣadhāraṇaṃ | 1938 ed., 4.22.12 priyaṅgavaś ca mustā ca triphalā ca pralepanaṃ | nasyañ ca siddhaṃ triphalāmadhukotpalapadmakaiḥ || 1938 ed., 4.22.13 dantapuppuṭake kāryaṃ taruṇe raktamokṣaṇaṃ | sa pañcalavaṇaṃ kṣāraṃ sakṣaudraṃ pratisāraṇaṃ 1938 ed., 4.22.14 śirovirekaś ca hito nasyaṃ snigdhaś ca bhojanaṃ || visrāvite dantaveṣṭe vraṇāṃ tu pratisārayet | 1938 ed., 4.22.15 lodhrapatraṅgamadhukalakṣācūrṇṇairmadhūttaraiḥ | gaṇḍūṣe kṣīriṇo yojyāḥ sakṣaudraghṛtaśarkarāḥ || 1938 ed., 4.22.16 kākolyādau daśakṣīrasiddhaṃ sarpiś ca nastataḥ || sauṣirehṛtarakte tu lodhramustarasāñjanaiḥ || 1938 ed., 4.22.18 kṣīre daśaguṇā sarpiḥ siddhaṃ nasye ca pūjitaṃ || kriyāṃ paridare kuryāt śītādoktaṃ vicakṣaṇaḥ | 1938 ed., 4.22.19 saṃśodhyobhayata kāryaṃ śiraścopakuśe hitaḥ | kākodamvarikāgojīpatrair visrāvayed asṛk | 1938 ed., 4.22.20 kṣaudrayuktaiḥ salavaṇaiḥ savyoṣaiḥ pratisārayet | pippalyaḥ sarṣapā śvetāḥ nāgaraṃ naiculaṃ phalaṃ | 1938 ed., 4.22.21 sukhodakena saṃsṛjya kavaḍantasya yojayet || ghṛtaṃ madhurakaiḥ siddhaṃ hitaṃ kavaḍanasyayoḥ | 1938 ed., 4.22.22 śastreṇa dantavaidarbhadantamūlāni śodhayet | tataḥkṣāraṃ prayuñjīta kriyāḥ sarvāś ca śītalāḥ || 1938 ed., 4.22.23 uddhṛtyādhikamāṃsan tu tato gnim avacārayet | krimidantakavac cātra vidhiḥ kāryo vijānatā | 1938 ed., 4.22.24 cchitvād himāṃsaṃ sakṣaudrairimaiś cūrṇṇaiḥ samācaret | vacātejavatīpāṭhāsvarjikāyāvaśūkajaiḥ | 1938 ed., 4.22.25 kṣaudradvitīyā pippalyaḥ kavaḍaś cātrakīrttitaḥ | paṭolanimvatriphalākaṣāyāś cātra dhāvanaṃ | siro virekaś ca hito dhūmovairecanaś ca yaḥ || 1938 ed., 4.22.26ab sāmānyaṃ karma nāḍīnāṃ viśeṣaṃ cātra me śruṇu || 1938 ed., 4.22.27 yaddantamadhijāyeta nāḍīdantaṃ tamuddharet | chitvā māṃsāni śastreṇa yadi noparijo bhavet | 1938 ed., 4.22.28 śodhayitvā dahec cāpi kṣāreṇa jvalanena vā | upekṣite tu daśane gatirhanvasthi dārayet | 1938 ed., 4.22.29 tasmāt samūlaṃ daśanam uddhared bhagnamasthi ca | uddhṛte tūttare dante śoṇitaṃ saṃprasicyate | 1938 ed., 4.22.30ab raktātiyogāt pūrvoktā rogā ghorā bhavanti ca | 1938 ed., 4.22.31ab calam apy uttaman dantam ato nāpahared bhiṣak | 1938 ed., 4.22.32 kaṣāyajātīmadanakaṭukasvādukaṇṭakaiḥ | lodhramañjiṣṭhakhadirayaṣṭyāhvaiś cāpi yat kṛtaṃ | 1938 ed., 4.22.33 tailaṃ saṃśodhane taddhihanyād dantigatāṃ gatiṃ || kīrttitā dantamūleṣu kriyā danteṣu vakṣyate | 1938 ed., 4.22.34 sukhoṣṇaḥ snehakavaḍāḥ sarpiṣastrivṛtasya vā | niryūhaś cānilaghnānāṃ dantaharṣapramardanāḥ | 1938 ed., 4.22.35 snaihikaś ca hito dhūmo nasyaṃ snaihikam eva ca | rasā rasai yavāgvaś ca kṣīrasantānika ghṛtaṃ || 1938 ed., 4.22.36cd ahiṃsandantamūlāni śarkarām uddhared bhiṣak | 1938 ed., 4.22.37 lākṣācūrṇṇair madhuyutais tatastaṃ pratisārayet | danta harṣakriyāś cāpi kuryān niravaśeṣataḥ | 1938 ed., 4.22.38 kapālakaḥ kṛcchratamaḥ tatrāpyeṣā kriyā hitā | jāyed visrāvaṇaiḥ svinnamacalaṃ krimindakaṃ | 1938 ed., 4.22.39 tathāvapīḍair vātaghnaiḥ snehagaṇḍūṣadhāraṇaiḥ | bhadradārvādivarṣābhūr lepaiḥ snigdhaiś ca bhojanaiḥ | 1938 ed., 4.22.40 calam uddhṛtya vā sthānaṃ daheta suṣirasya vā | tato vidārī yaṣṭyāhvaśṛṅgāṭakakaserubhiḥ | 1938 ed., 4.22.41 tailaṃ daśaguṇakṣīrasiddhaṃ nasya ca pūjitaṃ | hanurmokṣasamuddiṣṭāṃ kuryāc cārditavat kriyāṃ | 1938 ed., 4.22.42 phalānyamvlāni śītāmvu rūkṣānnaṃ dantadhāvanaṃ | tathātikaṭhināṃ bhakṣāṃ dantarogī vivarjayet || 1938 ed., 4.22.43 sādhyānāṃ dantarogāṇāñcikitsitam udāhṛtaṃ | jihvāgatānāṃ sādhyānāṃ karma vakṣyāmi siddhayet || 1938 ed., 4.22.44 auṣṭhaprakopenilaje yaduktaṃ prāk cikitsitaṃ | kaṇṭakeṣv anilottheṣu tat kāryaṃ bhiṣajā bhavet | 1938 ed., 4.22.45 pittajeṣu vighṛṣṭeṣu nisṛte duṣṭaśoṇite | pratisāraṇagaṇḍūṣā nasyañ ca madhuraṃ hitaṃ | 1938 ed., 4.22.46 kaṇṭakeṣu kaphottheṣu likhiteṣv asṛjaḥ kṣaye | pippalyādir madhuyutaḥ kāryas tu pratisāraṇaṃ | 1938 ed., 4.22.47 kṛhṇīyāt kavalaṃ cāpi gaurasarṣapasaindhavaiḥ | paṭolanimvavārttākūkṣārayūṣaiś ca bhojayet | 1938 ed., 4.22.48 upajihvān tu saṃlikhya kṣāreṇa pratisārayet | śirovirekagaṇḍūṣa dhūmaiścaināmupācaret || 1938 ed., 4.22.49 jihvāgatānāṃ karmoktaṃ tālavyānāṃ pravakṣyate | aṅguṣṭhāṃgulisaṃdaṃśair gṛhītvā galaśuṇḍikāṃ 1938 ed., 4.22.50ab cchedayet maṇḍalāgreṇa jihvopari tu yat sthitaṃ 1938 ed., 4.22.51 atyādānāt sraved raktaṃ tan nimittaṃ mriyeta saḥ | hīnacchedād bhavec chopho lālā srāvo bhramas tamaḥ | 1938 ed., 4.22.52 tasmād vaidyaḥ prayatnena dṛṣṭakarmā viśāradaḥ | galaśuṇḍikāṃ cchedayitvā kuryāt prāptamidaṃ kramaṃ | 1938 ed., 4.22.53 maricātiviṣāpāṭhāvacākuṣṭhakuṭannaṭaiḥ | kṣaudrayuktaiḥ salavaṇais tatastāṃ pratisārayet || 1938 ed., 4.22.54 vacāmativiṣām pāṭhaṃ rāsnāṃ kaṭukarohiṇīṃ | niḥkvāthyapicumardañ ca kavaḍan tatra yojayet | 1938 ed., 4.22.55 iṅgudīkiṇihīdantīsaralaṃ devadāru ca | pañcāṅgīṅ kārayed varttim etair gandhottarāṃ śubhāṃ | 1938 ed., 4.22.56 tasyā dhūmaṃ pivejjantu dvirahnaḥ kaphanāśanaṃ | kṣārasiddheṣu mudgeṣu yūṣaś cāpy aśane hitaḥ || 1938 ed., 4.22.57 tuṇḍikeryadhruṣo kūrme saṃghāte tālupuppuṭe | eṣa eva vidhiḥ krāyo viśeṣaḥ śastrakarmaṇi | 1938 ed., 4.22.58 tālupāke tu kartavyaṃ vidhāṇaṃ pittanāśanaṃ | snehasvedau tāluśoṣe vidhiś cānilanāśanaḥ | 1938 ed., 4.22.59 kīrttitaṃ tālu jānāntu kaṇṭhyānāṃ karma vakṣyate || sādhyānāṃ rohiṇīnāṃ tu hitaṃ śoṇitamokṣaṇaṃ | 1938 ed., 4.22.60 cchardanaṃ dhūmapānañ ca gaṇḍūṣo nastakarma ca | vātikāṃ tu gate rakte lavaṇaiḥ pratisārayet | 1938 ed., 4.22.61 sukhoṣṇāṃ snehakavalāṃ dhārayec cāpy abhīkṣṇaśaḥ | pattaṅgaśarkarākṣaudraiḥ paittikāṃ pratisārayet | 1938 ed., 4.22.62 drākṣāparūṣakakvātho hitaś ca kavaḍagrahe | agāradhūmamadhukaiḥ kaphajāṃ pratisārayet | 1938 ed., 4.22.63 śvetā viḍaṅgadantīṣu tailaṃ siddhaṃ sasaindhavaṃ | nasyakarmaṇi dātavyaṃ kavaḍaṇca kaphocchraye | 1938 ed., 4.22.64 pittavat sādhayed vaidyo rohiṇīṃ raktasambhavāṃ | visrāvya kaṇṭhasālūkaṃ sādhayet tuṇḍikerivat | 1938 ed., 4.22.65 ekakālaṃ yavānnañca bhuñjīta snigdhamalpaśaḥ | upajihvikavac cāpi śodhayed api jihvikāṃ | 1938 ed., 4.22.66 ekavṛndantu visrāvya vidhiṃ śodhaṇam ācaret || gilāyukāpi yo vyādhistañ ca śastreṇa sādhayet | 1938 ed., 4.22.67 amarmasthaṃ susaṃpakvaṃ bhedayed galavidradhiṃ | vātāṃt sarvasarañ cūrṇair lāvaṇaiḥ pratisārayet | 1938 ed., 4.22.68 tailaṃ vātaharaiḥ siddhaṃ hitaṃ kavaḍanastayoḥ | tatosmai snaihikan dhūmam idaṃ dadyād vicakṣaṇaḥ || 1938 ed., 4.22.69 sālarājādanairaṇḍacāreṅgudimadhūkajāḥ | majjāno gugguludhyāmamāṃsīkālānusārivā | śrīsarjarasaśaileyamadhūcchiṣṭāni cāharet | 1938 ed., 4.22.70 tat sarvaṃ sukṛtaṃ cūrṇṇaṃ snehenāloḍya yuktitaḥ | ṭuṇṭūkavṛttāt sakṣaudrāt matimāṃ tena lepayet | 1938 ed., 4.22.71 eṣa sarvasare dhūmaḥ praśastasnaihikottamaḥ | kaphaghno mārughnaś ca mukharogavināśanaḥ | 1938 ed., 4.22.72 pittātmake sarvasare śuddhakāyasya dehinaḥ | sarvaḥ pittaharaḥ kāryo vidhirmadhuraśītalaḥ | 1938 ed., 4.22.73 pratisāraṇagaṇḍūṣā dhūmaṃ saṃśodhanāni ca || kaphātmake sarvasare kramāṃ kuryāt kaphāpahaṃ | 1938 ed., 4.22.74 pived ativiṣāṃ pāṭhaṃ mustañ ca ca rohiṇī kaṭukākhyāntu kaṭajasya phalāni ca | 1938 ed., 4.22.75 gavāṃ mūtreṇa manujo bhāgāṃ dharaṇasaṃmitāṃ | eṣa sarvāṃ kaphakṛtāṃ rogān yogopakarṣati | 1938 ed., 4.22.76 kṣīrekṣurasagomūtradadhistvamlakāñjikaiḥ | vidadhyāt kavalāṃvīkṣya doṣaṃ tailaghṛtair api | 1938 ed., 4.22.77 rogānāṃ mukhajātānāṃ sādhyānāṅ karma kīrttitaṃ || m api vakṣyāmi rogā ye yatra kīrttitāḥ | 1938 ed., 4.22.78 auṣṭhaprakopo varjyā syur māṃsaraktatridoṣajāḥ | dantamūleṣu varjyau tu triliṃgagatisauṣirau | 1938 ed., 4.22.79 danteṣu ca na sidhyanti śyāvadālanabhañjanāḥ | jihvāgateṣv alāṃsantu tālavyeṣv arvudaṃ tathā | 1938 ed., 4.22.80 svaraghno valayaṃ vṛndaṃ valāsasahacāriṇāṃ | galaughamāṃsatānaś ca śataghnī rohiṇītale | 1938 ed., 4.22.81 asādhyāḥ kīrttitā hyete rogā nava daśaiva ca | teṣucāpi kriyāṃ vaidyaḥ pratyākhyāya samācarediti ||

ci tha2 || ❈ ||

[Adhyāya 23] 1938 ed., 4.23.1 athātaḥ śophacikitsitaṃ vyākhyāsyāmaḥ 1938 ed., 4.23.3 tatra ṣaḍvidhovayavasamutthaḥ śophobhihito lakṣaṇataḥ pratikārataś ca | sarvasaraś ca pañcavidhaḥ | tad yathā | vātapittakaphasaṃnipātaviṣannimittaḥ | 1938 ed., 4.23.4 tatrāpatarpitasyābhyarthamadhvagamanādatimātramabhyaharato vā piṣṭānnaharitaśākalavaṇāni | kṣīṇasya vātimātramamlam upasevato mṛtpaktaloṣṭakaṭaśarkarām upaudakamāṃsasevito vā viruddhāhārasya hastyaśvakṣobhanādāyāsitā doṣā dhātūṃ pradūṣayitvā śophamāpādayantyakhile śarīre | 1938 ed., 4.23.5 tatra vātapittakaphasannipātaśvayathūnām avayavasamutthe śophalakṣaṇāni vyākhyātāni | viṣanimittas tu garopayogāddu ṣṭatoyasevanāt prakuthitodakāvasekāt saviṣasatvasañcūrṇṇanād vā | saviṣamūtrapurīśaśukraspṛṣṭānāṃ vā tṛṇakāṣṭhādīnāṃ saṃsparśāt || sa tu mṛduḥ kṣiprotthām ca lāvalamvī dāhapākaprāyaś ca bhavati || 1938 ed., 4.23.6 doṣāḥ śvayathumūrdhvaṃ hi kurvantyāmāśayāśritāḥ | pakvāśayasthā madhye tu varcasthānagatāstvadhaḥ | 1938 ed., 4.23.7 kṛtsnaṃ dehamanuprāptāḥ | kuryuḥ sarvasaran tathā || yo madhyadeśe śvayathuḥ sa kaṣṭaḥ sarvagaś ca yaḥ | 1938 ed., 4.23.8 ardhāṅgeriṣṭabhūtaṃ syād yaścordhvaṃ parisarpati | śvāsaḥ pipāsācchardiś ca daurvalyaṃ jvara eva ca | 1938 ed., 4.23.9 yasya cānnerucir nāsti śvayathuṃ taṃ vivarjayet | sāmānyato viśeṣāc ca teṣāṃ vakṣyāmi bheṣajaṃ | 1938 ed., 4.23.10 tatra śophinaḥ sarva eva parihareyuḥ |amlalavaṇamadyaguḍadadhivasātailapiṣṭagurūṇi viśeṣeṇa || 1938 ed., 4.23.11 tatra vātaśvayathau trivṛttairaṇḍatailaṃ vā māsam arddhamāsam vā pāyayet | nyagrodhādi siddhaṃ sarpiḥ | pittaśvayathau | āragvadhādisiddhaṃ tailaṃ śleṣmaśvayathau | sannipāśvayathau snuhākṣīrapātratulyaṃ daśabhir amlapātraiḥ | pratisaṃsṛjya dantī dravantī pra tivāyaṃ sarpiḥ pācayitvā pāyayet | viṣanimittamākalpeṣu pratīkāraḥ || 1938 ed., 4.23.12 ata ūrdhvaṃ samānyān yogā vakṣyāmaḥ |tilvakaghṛtacaturthāni yānyuktāni udareṣu tatonyatamam upayujyamānaṃ śvayathūnapahanti | mūrttavarttikriyām vā seveta | navāyasaṃ vāharaharmadhunā | viḍaṅgātiviṣākuṭajaphalabhadradārunāgaramaricānāṃ vā dharaṇamuṣṇāmvunā | trikaṭukakṣārayaścūrṇāni triphalākvāthena | mūtram vā tulyakṣīraṃ | harītakīm vā tulyaguḍām upayuñjīta | devadāruśuṇṭhīṃ vā | guggulum vā mūtreṇa | varṣābhūkaṣāyānupānam vā tulyaguḍaṃ śṛṅgaveraṃ | vyoṣaṃ varṣābhūkaṣāyasiddhena vā | sarpiṣāmudgolumvāṃ bhakṣayet | pippalīmūlacitrakacavyāmayūrakavarṣābhūsiddhaṃ vā kṣīraṃ pivet | sahauṣadhamuraṅgīmūlasiddham vā | trikacukair aṇḍaśyāmāmūlasiddham vā | varṣābhūśṛṃgaveradevadārusiddham vā | tathālāvuvibhītakaphalakalkam vā | pippalīmaricaśṛṅgaverānusiddhena ca mudgayūṣeṇālavaṇenālpaṃ snehaṃ bhojayet | yavagodhūmānnaṃ | vṛkṣakārkanaktamālanimvavarṣābhūkvāthaś ca pariṣekaḥ | sarṣapasauvarcalasaindhavaśārṅge ṣṭābhiś ca pradehaḥ kāryaḥ | yathādoṣañ ca tīkṣṇānivamanavirecanāsthāpanānuvāsanāni satatam upaseveta | svedopanāhau ca | sirāś cābhīkṣṇaṃ śoṇitamavasecayet || anyatrapāṇḍuśophāditi || 1938 ed., 4.23.13 piṣṭānnamamvlaṃ lavaṇāni madyaṃ mṛdaṃ divāsvapnamajāṅgalañ ca | striyo guḍaṃ tailamatho gurūṇi śophaṃ jighāṃsu parivarjayīta ||

ci23|| o ||

[Adhyāya 24] 1938 ed., 4.24.1 athāto 'nāgatābādhacikitsitaṃ vyākhyāsyāmaḥ | 1938 ed., 4.24.3 utthāyotthāyātmavatā svasthenārogam icchatā | yad anuṣṭheyam askannaṃ tat sarvaṃ saṃpravakṣyate ||1|| 1938 ed., 4.24.4 tatrādito dantakāṣṭhaṃ dvādaśāṃgulamāyataṃ | kanīnikāpariṇāham ṛjvagranthim athāvraṇaṃ ||2|| 1938 ed., 4.24.5 ayugmagranthi yaṃ sakṣīrañ ca praśasyate | 1938 ed., 4.24.6 kaṣāyakaṭutiktaṃ vā tat tat khādet prātar utthitaḥ ||3|| madhutrikaṭukāktam vā gomūtreṇāpi bhāvitaṃ | 1938 ed., 4.24.9 tad daurggandhyopadehau tu śleṣmāṇaṃ cāpakarṣati ||4|| 1938 ed., 4.24.10 vaiśadyam anne 'bhiruciṃ saumanasyaṃ karoti ca | snigdhāṃ śuklāṃś ca daśanāṃ jihvāyāpi ca lāghavaṃ ||5|| na cāpigalatālvauṣṭhajihvārogasamudbhavaḥ | 1938 ed., 4.24.11 na khādet mukhaśoṣī tu śvāsahikkāvamīṣu ca ||6|| durbalo 'jīrṇṇabhaktaś ca mūrcchārtto madapīḍitaḥ | 1938 ed., 4.24.12 śirorujāṃrttas tṛṣitaḥ śrānta pānaklamānvitaḥ | arditī karṇṇaśūlī ca dantarogī ca mānavaḥ ||7|| 1938 ed., 4.24.13 jihvānirlekhanaṃ raupyaṃ sauvarṇṇaṃ vārkṣam eva vā | tanmalāpaharaṃ śastaṃ mṛduślakṣṇaṃ daśāṃgulaṃ ||8|| 1938 ed., 4.24.14 mukhavairasya vaigandhyaṃ śophajāḍyāpahaṃ sukhaṃ | dṛḍhīkarañ ca dantānāṃ snehagaṇḍūṣadhāraṇaṃ ||9|| 1938 ed., 4.24.21 tāmbūlapatraṃ sakṣāraṃ pūgaṃ hṛdyaṃ kaphāpahaṃ | 1938 ed., 4.24.22 mukhavaiśadyasaugandhyakāntisauṣṭhavakārakaṃ ||10|| 1938 ed., 4.24.23 pathyaṃ suptotthite bhukte vānte srānte ca mānave | 1938 ed., 4.24.24 rūkṣadurbalamattānām ahitaṃ cāsyaśoṣiṇāṃ ||11|| 1938 ed., 4.24.25 keśabhūmigatānrogāṃ śiro 'bhyaṅgo 'pakarṣati | keśānāṃ mṛdutā snigdhaṃ rukpraśāntiṃ karoti ca ||12|| 1938 ed., 4.24.26 karoti śirasas tṛptiṃ keśānāṃ dṛḍhatām api | santarpaṇaś cendriyāṇāṃ danto 'bhyaṅgas tu mūrdhni tu ||13|| 1938 ed., 4.24.29 keśaprasādhanī keśyā rajojantu malāpahā | hanumanyāśiraḥkarṇṇaśūlaghnaṃ karṇṇapūraṇaṃ ||14|| 1938 ed., 4.24.30 abhyaṅgo mārdavakaraḥ kaphavātanirodhanaḥ | dhāūnām puṣṭijanano mṛjāvarṇṇabalapradaḥ ||15|| 1938 ed., 4.24.31 sekaḥ śramaghnonilahā bhagnasandhiprasādhakaḥ | kṣatāgnidagdhābhihatavighṛṣṭānāṃ rujāpahaḥ ||16|| 1938 ed., 4.24.32 siktasyābhipravardhante yathā puṣpo 'ṅkuras taroḥ | tathā dhātuvivṛddhir hi snehasiktasya jāyate ||17|| 1938 ed., 4.24.33 śirāmukhair lomakūpair dhamanībhiś ca tarpayan | śarīre balam ādhatte sneho vai sādhu yojitaḥ ||18|| 1938 ed., 4.24.34 tatra prakṛtisātmyartudeśadoṣavikāravit | tailaṃ ghṛtam vā matimān yuñjād abhyaṅgasekayoḥ ||19|| 1938 ed., 4.24.35 kevalaṃ tv āmadoṣeṣu na kathañcana yojayet | taruṇajvaryajīrṇṇī ca nābhyaktavyo kadācanaḥ ||20|| 1938 ed., 4.24.36 tathā virakto vāntaś ca nirūḍho yaś ca mānavaḥ | pūrvayoḥ kṛcchratā vyādhyor asādhyatvam athāpi vā | 1938 ed., 4.24.37 śeṣāṇān tadahaḥ proktās tv agnisādādayo gadāḥ ||21|| | 1938 ed., 4.24.39 kāntiḥ śarīropacayo gātrāṇāṃ suvibhaktatā | mṛjātha sthirakāyatvam agnidīptir arogatā ||22|| 1938 ed., 4.24.40 śramaklamapipāsānāṃ sahiṣṇutvam asīdanaṃ | ārogyañ cāpi paramaṃ vyāyāmenopajāyate ||23|| 1938 ed., 4.24.41 na ca vyāyāmasadṛśam anyasthūlāpakarṣaṇaṃ | na ca vyāyāminaṃ martyam ardayanty arayo balāt ||24|| 1938 ed., 4.24.42 na cainaṃ sahasākramya jarā samadhirohati | sthirī bhavati māṃsaś ca vyāyāmābhir atasya vai ||25|| 1938 ed., 4.24.44 vyāyāmaṅ kurvato nityaṃ viruddham api bhojanaṃ | 1938 ed., 4.24.45 vidagdham api dagdham vā nirdoṣaṃ paripacyate ||26|| 1938 ed., 4.24.50 raktapittī kṛśaḥ śoṣī kāsī śvāsī kṣatāturaḥ | 1938 ed., 4.24.51 bhuktavāṃstrīṣu ca kṣīṇo vyāyāmaṃ parivarjayet ||27|| vyāyāmo hi samapathyo balināṃ snigdhabhojināṃ | sa ca śīte vasante ca teṣāṃ pathyatamaḥ smṛtaḥ ||28|| sarveṣv ṛtuṣu sarvair hi martyair ātmahitaiṣibhiḥ | śaktyavenopakarttavyo vyāyamo hanty atonyathā ||29|| hṛdi sthānasthito vāyur yadā nāsāṃ prapadyate | vyāyāmaṃ kurvato jantos tacchaktyavasya lakṣaṇaṃ ||30|| vayo balaṃ dehabalaṃ deśakālam athāpi ca | samīkṣya kuryād vyāyāmaṃ yuktyā śaktyā ca buddhimān ||31|| kṣayastṛṣṇārucicchardiraktapittaśramaklamāḥ | kāsaśoṣajvaraśvāsāś cātivyāyāmasambhavāḥ ||32|| udvarttanaṃ vātaharaṃ kaphamedo vilāpanaṃ | 1938 ed., 4.24.52 sthirīkaraṇam aṅgānāṃ tvakprasādakaraṃ tathā ||33|| sirāmukhaviviktatvaṃ tvakthasyāgreś ca dīpanaṃ | 1938 ed., 4.24.53 udgharṣaṇodanābhyāṃ bhaveyāt āmasaṃśayaṃ | 1938 ed., 4.24.58 tandrāpāpmopaśamanaṃ tuṣṭidaṃ puṣṭivardhanaṃ | raktaprasādanañ cāpi snānam agneś ca dīpanaṃ | 1938 ed., 4.24.62 taccātisārajvaritakarṇṇaśūlārditodiṣu | ādhmātārocakājīrṇṇabhuktavatsu ca garhitaṃ | 1938 ed., 4.24.63 tandrāpāpmopaśamanaṃ prītyojo balavardhanaṃ | svedadaurgandhyavaivarṇyaśramaghnamanulepanaṃ | 1938 ed., 4.24.64 rakṣoghnamatha caujasyaṃ saubhāgyaṃkaram uttamaṃ | 1938 ed., 4.24.65 sumanomvararatnānān dhāraṇaṃ prītivardhanaṃ | mukhālepaṃ dṛḍhaṃcakṣuḥ pīnagaṇḍantathānanaṃ | 1938 ed., 4.24.66 kāntamavyaṅgapiḍakaṃ bhavatyamvujasannibhaṃ | pakṣmalaṃ viśadaṃ kāntam amalojvalamaṇḍalaṃ | 1938 ed., 4.24.67 netram añjanasaṃyogād bhavec cāmalatārakaṃ || yaśasyaṃ svargyam āyuṣyaṃ dhanadhānyābhivardhanaṃ | 1938 ed., 4.24.68 gurudevataviprāṇām pūjanaṃ gotravardhanaṃ | āhāraḥ prīṇanaḥ sadyo balakṛddehadhāraṇaṃḥ | 1938 ed., 4.24.69 smṛtyāyuḥ pakkitejojaḥ satvotsāhābhivardhanaḥ | pādaprakṣālanaṃ pādarogaśramamalāpahaṃ | 1938 ed., 4.24.70 cakṣu prasādajananaṃ rakṣoghnaṃ prītivardhanaṃ | nidrākaro dehasukhaṃ cakṣuṣyaḥ pādarogahā | 1938 ed., 4.24.71 pādatvaṅ mṛdukarttā ca pādābhyaṅgaḥ praśasyate | pādarogaharaṃ vṛṣyam āyuṣya taṃ | 1938 ed., 4.24.72 sukhapracāram aujasyaṃ sadāpādatradhāraṇam | anārogyam anāyuṣyam indriyaghnam adṛṣṭikṛt | 1938 ed., 4.24.73 pādābhyām anupānabhyāṃ nṛṇāñ caṅkramaṇaṃ sadā | pāpmopaśamanaṃ keśanakharomāpamārjanaṃ | 1938 ed., 4.24.74 harṣalāghavasaubhāgyam utsāhakaravardhanaṃ | 1938 ed., 4.24.75 pavitraṃ keśyamuṣṇīśaṃ vātātaparajonudaṃ | chatraṃ vātātaparujo mārutāpaharaṃ śubhaṃ | 1938 ed., 4.24.77 satvotsāhabalasthairyadhairyavīryābhivardhanaṃ | 1938 ed., 4.24.78 avaṣṭambhakarañ cāpi rakṣoghnaṃ daṇḍadhāraṇaṃ | āsyāvarṇṇaśleṣmamedaḥ saukumāryakarī sukhā | 1938 ed., 4.24.79 adhvāvarṇṇaśleṣmamedaḥ saukumāryavināśanaḥ | 1938 ed., 4.24.80 yat tu caṃkramaṇan nātidehapīḍākaraṃ bhavet | tad āyurbalamedhāgnipradam indriyabodhaṇaṃ | 1938 ed., 4.24.81 śramānilaharaṃ vṛṣyaṃ puṣṭinidrādhṛtipradaṃ | sukhaṃ śayyāsanan tasmād viparītamatonyathā | 1938 ed., 4.24.82 vālavyajanamaujasyaṃ makṣikādīnapohati | svedadāhatṛṣāmūrcchāśramaghno vyajanānilaḥ | 1938 ed., 4.24.83 prītinidrākaraṃ vṛṣyaṃ kaphavātaśramāpahaṃ | samvāhanaṃ māṃsaraṃsatvakprasādakaraṃ tathā | 1938 ed., 4.24.84 pravātaṃ raukṣyavaivarṇṇstambhakṛhapaktinut | svedamūrcchāpipāsaghnam apravātamatonyathā | 1938 ed., 4.24.85 sukhaṃ pravātaṃ seveta grīṣme śaradi cāntarā | nivātaṃ hyāyuṣe sevyamārogyāya ca sarvadā | 1938 ed., 4.24.86 ātapapittaraktāgniḥ svedamūrcchātṛṣāpahaṃ | dāhavaivarṇṇyajananasthāyātvetān vyapohati | 1938 ed., 4.24.87 agnirvātakaphastambhī śītavepathunāśanaḥ | āmābhiṣyandaśamano raktapittapradūṣaṇaḥ | 1938 ed., 4.24.88 puṣṭivarṇṇavalotsāhāmagnidīptiratandritāṃ | karoti dhātusāmyañ ca nitrākālaniṣevitā || 1938 ed., 4.24.89 tatrādito nīcanakharomṇā śucivāsasā laghūṣṇīṣacchatropānatkenādarakāriṇā | daṇḍapāṇinā kālahitamitamadhurapūrvābhibhāṣiṇā vandhubhūtena bhūtānāṃ guruvṛddhānumatenānanyamanasā susahāyenopakarttavyaṃ | tadapi na rātrau | na keśāsthikaṇṭakāśmatuṣabhasmotkarakapālāṅgārāmedhyasthānanavalibhūmiṣu | na viṣamendrakīlacatuṣpathasvabhrāṇām upariṣṭāt | 1938 ed., 4.24.90 na rājadviṣṭaparuṣapaiśūnyānṛtāni vadet | devavrāhmaṇaguruvṛddhapitṛparivādāṃś ca | na narendradviṣṭonmattapatitikṣuc ca bhītān upāsīta | 1938 ed., 4.24.91 vṛkṣaparvataprapātaviṣamavalmīkaduṣṭavājini pariharet | pūrṇṇanadīsamudrāviditapalvalasvabhrakūpāvataraṇāni ca bhinna śūnyāgāraśmaśānavijanāraṇyagrāmasevāś ca | grāmaghātakalahaśastrasannipātāgnisambhramavyāḍasarīsṛ paśṛṅgikaṣāṃś ca | 1938 ed., 4.24.92 nāgnivrāhmaṇaprekṣādampatyor antareṇātīyāt | na śavam anuyāyāt | devagovrāhmaṇacaity adhvajarogipatitapāpakarttṛṇāñ ca chāyānnākrāmestaṃ gacchantam udyantam ādityaṃ paśyet | gāṃ dhayantīṃ parasyaṃ vā carantīm parasyai nācakṣīta | nolkāpātātpātendradhanūṣivā | nāgniṃ mukhenopadhamet | nāyo bhūmiṃ vā pāṇipādenābhihanyāt | 1938 ed., 4.24.93 na vegāndhārayet | na vahirbhāgāṃgrāmanagaradevatāyatanaśmaśānapathasalilāśayasannikṛṣṭhān utsṛjen na prakāśaṃ | na vāyvagnisalilasomārkagogurūṃ pratimukham vā | 1938 ed., 4.24.94 na bhūmiṃ vilikhet | nāsaṃvṛtamukhaḥ sadasi śvāsakāsajṛmbhodbhārakṣavathūnna sṛjet | na paryavaṣṭikāvaṣṭambhapādaprasāraṇāni gurusannidhau kuryāt | 1938 ed., 4.24.95 na vā karṇṇanasāsrotodaśanavivarāṇyabhiniṣkuṣṇīyāt | na vejayet keśanakhavastragātrāṇi | na gātravaktranakhavāditraḥ kuryāt | na kāṣṭhaloṣṭhatṛṇādīn abhihanyāt | cchindyād bhindyād vā | 1938 ed., 4.24.96 nātipravātātapam upaseveta | na muktamātrāgnim upāsīta | notkūṭrakāsanālpāsanān dadhy āsīta | na grīvaṃ viṣamaṃ haret | na viṣamapatitakāyaḥ kriyāṃ seved vased bhuñjīta vā | na pratatamudīkṣeta | viśeṣārjjotirbhāskarasūṣmabalabhrāntāni | na bhāraṃ śirasā vahet | na ca svapnajāgaraṇaśayanāsanasthānacaṅkramanayānavāhanapradhāvanalaghanaprataraṇahāsyabhāṣyavyayāyavyāyāmādīn ucitān apy atimātraṃ seveta | 1938 ed., 4.24.97 ucitād apy ahitāt kramaśo virameta | hitam anucitam apy āseveta kramaśaḥ | 1938 ed., 4.24.98 nāvākchirāśayīta | na bhinnapātre bhuñjīta | nāñjalipuṭenāpaḥ pivet | kālahitamitasnigdhamadhuraprāyam āhāraṃ vaidyapratyavekṣitam aśnīyāt | grāmagaṇagaṇikāpatitaśatrubhojanāni pariharet | śeṣāṇy api cāniṣṭarūparasagandhaśabdasparśamānasāni anyān evaṃ guṇān api cāsambhramadattāni tāny api na makṣikāvālopahitāni | nāprakṣālitapāṇipādau bhuñjīta | mūtroccārapīḍito vā | na sandhyayor nāpāśrito nātikālahīnam atimātraṃ veti || 1938 ed., 4.24.102 yasmin yasmin ṛtau ye ye doṣāḥ kupyanti dehināṃ | teṣu teṣu pradātavyā rasās te vijānatā | 1938 ed., 4.24.103 varṣāsu caturo māsāṃ mātrāvadukaṃ pivet | 1938 ed., 4.24.104 uṣṇaṃ himavasante cakāsaṃ grīṣme ca śītalaṃ | hemante ca vasante ca sīdhvariṣṭau piven naraḥ | 1938 ed., 4.24.105 śritaśītaṃ payo grīṣme prāvṛṭkāle rasaṃ pivet | yūṣaṃ varṣati tasyānte prapivec chītalaṃ jalaṃ | 1938 ed., 4.24.106 svastha eva mato nyas tu doṣāhāgadāturāḥ | snehaṃ pippalicūrṇṇena saindhavena ca saṃyutaṃ | 1938 ed., 4.24.107 pived agnivivṛdhyarthaṃ na ca vegāṃ vidhārayet | agnidīptir alaṃ nṛṇāṃ rogānāṃ sramanaṃ prati | 1938 ed., 4.24.108 prāvṛṭcharadvasanteṣu samyak snehādim ācaret | kaphe pracchardanaṃ pitte viro vastir īraṇe | 1938 ed., 4.24.109 śasyate triṣvapihito vyāyāmo doṣanāśanaḥ 1938 ed., 4.24.110 utsargamaithunāhāraśodhane syāt tu tanmanā | necchet pratibhayāṃ prāptuṃ pīḍāśārīramānasīṃ | 1938 ed., 4.24.111 atistrīsaṃprayogāc ca rakṣed ātmānam ātmavān | śoṣakārārśāṃsi śvāsakāśryātipāṇḍutā | 1938 ed., 4.24.112 ativyavāyāj jāyante rogāś cākṣepagādayaḥ | āyuṣmanto mandajarāvapurvarṇṇavalādhikāḥ | 1938 ed., 4.24.113 sthiropacitamāṃsāś ca bhavanti strīṣu saṃyatāḥ | tribhis tribhir ahobhis tu seveta pramamadān naraḥ | 1938 ed., 4.24.114 sarveṣv ṛtuṣu grīṣme tu pakṣāt pakṣād vrajed budhaḥ | rajasvalām akāmāñ ca malinām aprajām api | 1938 ed., 4.24.115 varṇṇavṛddhām vayovṛddhaṃ tathā vyādhiprapīḍitāṃ | hīnāṅgīṃ garbhiṇīṃ dveṣyāṃ yonidoṣasamanvitāṃ | 1938 ed., 4.24.116 sagotrāṃ gurupatnīṃñ ca tathā pravrajitām api | sandhyayoḥ sarvakāle ca nopeyāt pramadān naraḥ | 1938 ed., 4.24.117 gosarge cārdharātre ca tathā madhyandine pi ca | lajjāsamāvahe deśe vivṛte śuddha eva ca | 1938 ed., 4.24.118 kṣudhito vyādhitaś caiva kṣubdhacittaś ca mānavaḥ | prāptamūtrapurīśaś ca pipāsī durbalas tathā | 1938 ed., 4.24.119 tiryagyonāv ayonau ca prāptaśukravidhāraṇaṃ | sgaś ca balavān api varjayet | 1938 ed., 4.24.120 sthitān uttānaśayane viśeṣeṇa tu garhitaṃ | 1938 ed., 4.24.121 krīḍayānyaś ca medhāvī hitārthaṃ parivarjayet | rajasvalāṃ prārasyā niyatātmanaḥ | 1938 ed., 4.24.122 dṛṣṭyāyustejasāṃ hāniradharmaś ca tato bhavet | liṅginīṃ gurupatnīñ ca sagotrām atha parvasu | 1938 ed., 4.24.123 vṛddhāṃ sandhyayoś cāpi garchato jīvitakṣayaḥ | garbhiṇyāṃ garbhapīḍāsyād vyādhitāñ ca balakṣayaḥ | 1938 ed., 4.24.124 hīnāṃgīṃ malināṃ dveṣyāṃ kāmāṃ vandhyām asaṃvṛte | deśe śuddhe ca śukrasya manasaś ca kṣayo bhavet | 1938 ed., 4.24.125 kṣudhitaḥ kṣuvdhacittaś ca madhyāhne tṛṣitobalaḥ | sthitāyaṃ hānim āpnoti śukraṃ vāyuś ca kupyati | 1938 ed., 4.24.126 vyādhitāyāṃ plīhāmayo mūrcchā doṣaś ca jāyate | 1938 ed., 4.24.127 pratyūṣe cārdharātre ca vātapittaprakupyataḥ | tiryagyonāv ayonau ca duṣṭayonau tathaiva ca | 1938 ed., 4.24.128 upadaṃśas tathā vāyoḥ kopaḥ syād retasaḥ kṣayaḥ | uccārite mūtrite ca retasaś ca vidhāraṇe | 1938 ed., 4.24.129 uttāne ca bhavec chīghraṃ śukrārśmaryās tu sambhavaḥ | tasmāt sarvaṃ parihared etal lokadvayāhitaṃ | 1938 ed., 4.24.130 vayor ūpaguṇo py etāṃ kulya kulānvitāṃ | 1938 ed., 4.24.131 abhikāmoptikāmāṃś ca hṛṣṭo hṛṣṭām alaṅkṛtāṃ | seveta pramadān nityaṃ vyājīkaraṇapītavān | 1938 ed., 4.24.132 śarkaropahitāṃ bhakṣyāṃ kṣīrañ cāpi saśarkaraṃ | vyajanaṃ svapnasevā ca vyavāyānte hitāni tu | 1938 ed., 4.24.133 sukhamātraṃ samāsena sadvṛttasyetad īritaṃ | āyur ārogyam artho vā nāsadbhiḥ prāpyate tribhir iti ||

❈

[Adhyāya 25] 1938 ed., 4.25.1 athāto miśrikacikitsitaṃ vyākhyāsyāmaḥ || 1938 ed., 4.25.3 pālyāmayās tu visrāvyā yaḥ uktāḥ prāṅnibodha tāṃ | paripoṭas tathotpādovamantho duḥkhavardhanaṃḥ 1938 ed., 4.25.4 pañcamaḥ parilehī ca karṇṇapālyāṃ gadāḥ smṛtāḥ | saukumāryāc cirotsṛṣṭe sahasābhipravardhite | 1938 ed., 4.25.5 karṇṇaśopho bhavet pālyāṃ sarujaḥ paripoṭavān | kṛṣṇāruṇinibhastavdhaḥ savātāt paripoṭakaḥ | 1938 ed., 4.25.6 gurvābharaṇasaṃyogāt tāḍanod gharṣaṇādibhiḥ | śophaḥ pālyāṃ bhavec chyāvo dāhapākarujanvitaḥ | 1938 ed., 4.25.7 rakto vā raktapittābhyām unmādaḥ sa gado mataḥ | karṇṇaṃ valād vardhayataḥ pālyāṃ vāyuḥ prakupyati | 1938 ed., 4.25.8 sakaphaṃ prāpya kurute śophaṃ stavdhamavedanaṃ | sovamanthaḥ sakaṇḍūko vidāruḥ kaphavātajaḥ | 1938 ed., 4.25.9 vardhamāne tu durviddha kaṇḍūdāharujānvitaḥ śopho bhavati pākaś ca tridoṣo duḥkhavarddhanaḥ | 1938 ed., 4.25.10 kaphāsṛkkrimayaḥ kruddhāḥ sarṣapābhāvicāriṇaḥ | kurvanti pālyāṃ srāviṇyaḥ kaṇḍūdāharujānvitāḥ | 1938 ed., 4.25.11 kaphāsṛkkrimisambhūtaḥ sa visarpānvinatas tanuḥ | lihet saśaṣkuliṃpāliṃ parilehīti sa smṛtaḥ | 1938 ed., 4.25.12 pālyāmayā hy amī ghorā narasyā mithyāhāravihārasya pāliṃ hiṃsyur upekṣitāḥ | 1938 ed., 4.25.13 tasmād āśu bhiṣak teṣu snehādikramamācaret | tathābhyaṅgaparīṣekapradehāsṛg vimokṣaṇaṃ | 1938 ed., 4.25.14 sāmānyato viśeṣāc ca vakṣyāmyabhyañjanaṃ prati | kharamaṃḍariyaṣṭyāhvasaindhavāmaradārubhiḥ | 1938 ed., 4.25.15 supiṣṭaiḥ sāśvagandhaiś ca mūlakāvalgujāphalaiḥ | sarpistailavasāmajjāmadhūcchiṣṭāni cāharet | 1938 ed., 4.25.16 sakṣīrāṇy atha taiḥpāliṃ pradihyāt paripoṭake | mañjiṣṭhātilayaṣṭyāhvasārivotpalapadmakaiḥ | 1938 ed., 4.25.17 salodhraiḥ sakadamvaiś ca valājamvvāmrapallavaiḥ | siddhaṃ dhānyāmvlasaṃyuktaṃ tailamutpādanāśanaṃ | 1938 ed., 4.25.18 tālapatryaśvagandhābhyāṃ saindhavāvalgujāphalaiḥ | tailaṃ kulīragodhābhyāṃ vasayā saha sādhitaṃ | 1938 ed., 4.25.19 saralālāṅgalībhyāñ ca hitam unmanthanāśanaṃ | athāśmantakajamvvāmrapatrakvāthaniṣecitāṃ | 1938 ed., 4.25.20 prapauṇḍīrīkamadhukamañjiṣṭhaṃ rajanīkṛtaiḥ | cūrṇṇair durgandhanai pālintailāktām avacūrṇṇayet | 1938 ed., 4.25.21 cūrṇṇair viḍaṅgalākṣābhyāṃ tailaṃ paktvāvacārayet | svinnāṃ gomayaniḥpiṇḍaiḥ pradihyāt parihike | 1938 ed., 4.25.22 kṛṣṇair viḍaṅger athavā praratrīmūtrapeṣimaiḥ | karaṇjeṅgudibījair vā kuṭajāragvadhāyutaiḥ | 1938 ed., 4.25.23 sarvair vā sārṣapaṃ tailaṃ siddhaṃ maricasaṃyutaiḥ | sanimvapatrairabhyaṅge madhucchiṣṭānvito hitaḥ | 1938 ed., 4.25.24 vyādhikliṣṭāsu pālīṣu tanvīṣu kaṭhināsu ca | puṣṭyartham mārdavārthañ ca kuryād abhyañjanaṃ śubhaṃ | 1938 ed., 4.25.25 lopākānūpajāmajjāvasātailaṃ navaṃ ghṛtaṃ | daśakṣīraṃ pacet samyagāvāpya madhuraṃgaṇaṃ | 1938 ed., 4.25.26 apāmārgāśvagandhā ca tathā lākṣārasaṃ śubhaṃ | atha siddhañ ca pūtañ ca svanuguptan nidhāpayet | 1938 ed., 4.25.27 tenābhyañjāt sadā pāliṃ susvinnām atimarditāṃ | etena pālyo vardhante nirujā nirupadravāḥ | 1938 ed., 4.25.28 mṛdvyaḥ puṣṭāḥ samāḥ snigdhā jāyante bhūṣaṇakṣamāḥ || nīlīpatraṃbhṛṅgarajorjunatvaktṛphalācūrṇṇaṃ sāhacarañ ca puṣpaṃ | śyāmāpuṣpaṃ kṛṣṇapiṇḍītakañ ca sūkṣmañcūrṇṇaṃ sukṛtaṃ yāvad etat | 1938 ed., 4.25.29 tāvān deyaḥ kardamaḥ paṅkaṣaṇḍāt | paktañcaitat sthāpayellohakumbhyāṃ | paced etat tilatailena sārdhaṃ datvā kvāthaṃ triphalāmārkavābhyāṃ | 1938 ed., 4.25.30 māsādūrdhvaṃ mrakṣaṇenaiva tailaṃ kuryād etat palitaṃ snigdhanīlaṃ || jamvūpuṣpakārśmarīpārthivañ ca sairīyakaṃ tri 1938 ed., 4.25.31 dvauvarṣābhūśārivākaṇṭakāryau nīlāstilāsrotajañcotpalañ ca | āyaścūrṇṇañcūtapakvasya majjā yaṣṭyāhvāyaṃ mārkavo modayantī | 1938 ed., 4.25.32 kāsīsamagryaṃ sāraś cāsanasya varāhasāhvasya phalañ ca pāṇḍūṃ | bhāgān etāṃ kārṣikāṃ pīṣayitvā sārodakenāsanasyaiva vidvān | 1938 ed., 4.25.33 kalkānetāṃ saptasaptāḍhakeṣu kṣārodakasyākṣatailasya bhāgaṃ | datvā samyagcellohapātre sthitaṃ pūrvaṃ lohapātre daśāvahaṃ | 1938 ed., 4.25.34 mṛdupākaṃ sādhitaṃ cāvatārya set pātre bījake vāyase vā | naraḥ śuddho nasyam etat prayujyāt yathā vatsyāt saṃyato māsamekaṃ | 1938 ed., 4.25.35 bhavec ca nityaṃ kṛsaropasevī bhuñjīta cānnaṃ māṣayūṣeṇa cāpi | 1938 ed., 4.25.36 māsādūrdhvaṃ tasya keśā bhavanti yāvajjīvaṃ mṛduvat svañjanābhaṃ | bhavanty ete nendralupte ca keśāḥ | jarā cainaṃ sahasā nābhyapaiti | 1938 ed., 4.25.37 balaṃ paraṃ cendriyāṇāṃ labheta sañjāyante nirvalīkañ ca vaktraṃ | etat tailaṃ nāpriyāya pradeyaṃ rājñā deyaṃ kṛṣṇatailaṃ pradhāṇaṃ | 1938 ed., 4.25.38 maniḥśilā haritālaṃ haridre lākṣārodhraṃ gairiko varṇṇakaś ca | surāṣṭrajākuṣṭhamañjiṣṭhakalkāḥ sapattaṅgārocanā kuṅkumaś ca | 1938 ed., 4.25.39 suvarṇṇāhvāpāṇḍupatraṃ vaṭasya kāleyakaṃ padmakaṃ padmamadhyaṃ | kūcandanaṃ candanaṃ pāratañ ca kākolyādiḥkṣīrapiṣṭaś ca sarvaḥ 1938 ed., 4.25.40 vasāmajjā madhūṃcchiṣṭaṃ ghṛtañ ca dugdhaṃ kvāthaḥ kṣīriṇāñ ca drumāṇāṃ | etat sarvam pakvam ekadhyatas tu mukhābhyaṅge sarpir uktaṃ pradhānaṃ | 1938 ed., 4.25.41 hanyād vyaṅgaṃ nīlikāṃ ca pravṛddhāṃ vaktrejātāḥ piṭakāyāś ca kāścit | padmākāraṃ nirvalīkañ ca vaktraṃ kuryād etat pīnagaṇḍaṃ manojñaṃ | 1938 ed., 4.25.42 rājñāmetad yoṣitān cāpi teṣāṃ kuryād vaidyas tat samānāñ ca nityam

iti cikitsāsthāna || ❈ ||

[Adhyāya 26] 1938 ed., 4.26.1 athātaḥ kṣīṇavalīyaṃ vyājīkaraṇacikitsitaṃ vyākhyāsyāmaḥ || 1938 ed., 4.26.3 kalasyodagravayaso vyājīkaraṇasevinaḥ | sarveṣv ṛtuṣv aharahaḥ vyavāyo na nivāritaḥ | 1938 ed., 4.26.4 strīṣv akṣaryyaṃ mṛgayatāṃ vṛddhānāñ ca riraṃsatāṃ | klīvāṇām alpaśukrāṇāṃ strīṣu kṣīṇāś ca ye narāḥ || 1938 ed., 4.26.5 vilāsinām arthavatāṃ rūpayauvanaśālināṃ | nṛṇām vahvīpatīnāñ ca yogā vyajīkaro hitāḥ | 1938 ed., 4.26.7 bhojanāni ca citrāṇi pānāni vividhāni ca | vācaḥ srotro nugāminyas tvaksukhasparśanāni ca | 1938 ed., 4.26.9 gandhān manojñaṃ rūpāṇi citrāṇy upavanāni ca | manasaś cāpratīvāto vyājīkurvanti mānavaṃ | tais tair bhāvair ahṛdyais tu riraṃsor manasi kṣate | 1938 ed., 4.26.10 dhvajaḥ pataty adho nṛṇāṃ klaivyaṃ samupajāyate | annair amlvauṣṇalavaṇair atimātropasevitaiḥ | 1938 ed., 4.26.11 saumyadhātukṣayo dṛṣṭaḥ klaivyaṃ tad aparaṃ smṛtaṃ | ativyavāyaśīlo vā na ca vyājīkriyārataḥ | 1938 ed., 4.26.12 dhvajabhaṅgam avāpnoti saśukrakṣayahetukaṃ | meḍhrarogeṇa mahatā marmcachedena vā punaḥ | 1938 ed., 4.26.13 klivyaṃ caturtham bhavati nṛṇāṃ puṃstvopaghātajaṃ | 1938 ed., 4.26.15 asādhyaṃ sahajaṃ klaivyaṃ marmacchedāc ca yad bhavet | sādhyānām avaśiṣṭānāṃ kāryo vyājīkaro vidhiḥ | 1938 ed., 4.26.16 tilamāṣavidārīṇāṃ śālīnāṃ cūrṇṇam eva ca | 1938 ed., 4.26.17 rasair ikṣurasair vāpi marditaṃ saindhavānvita | varāhamedasā yuktaṃ ghṛtenotkārikāṃ pacet | 1938 ed., 4.26.18 tāṃ bhakṣayitvā gaccheyuḥ puruṣaḥ ṣaṣṭhim aṅganāṃ || vastrāṇḍasiddhapayasi bhāvitā na sakṛt tilāṃ | 1938 ed., 4.26.19 śiśumāravasāpakvā tais tilaiḥ śaṣkulīśubhāṃ | yaḥ khādet sa pumāṃ gacchet strīṇāṃ śatam apūrvavat || 1938 ed., 4.26.20 pippalīlavaṇaupetau vastāṇḍau kṣīrasarpiṣi | sādhitau bhakṣayed yas tu sa gacchet pramadāśataṃ || 1938 ed., 4.26.21 māṣapippaliśālīnāṃ yavagodhūmayos tathā | cūrṇṇabhāgaiḥ samais tais tu ghṛte pūpalikāṃ pacet | 1938 ed., 4.26.22 tāṃ bhakṣayitvā pītvā ca śarkarāmadhuram payaḥ | naraś caṭakavad gacched daśavārān nirantaraṃ || 1938 ed., 4.26.23 cūrṇṇaṃ vidāryāḥ sakṛtaṃ svarasenaiva bhāvitaṃ | sarpiḥkṣaudrayutaṃ līḍhvā daśanāryodhirohita || 1938 ed., 4.26.24 evam āmalakaṃ cūrṇṇaṃ svarasenaiva bhāvitaṃ | śarkarāmadhusarpirbhir yuktaṃ līḍhvā payaḥ pivet | 1938 ed., 4.26.25 etenāśītivarṣo pi yuveva parihṛṣyati || pippalīlavaṇaupetau vastāṇḍau ghṛtasādhitau | 1938 ed., 4.26.26 śiśumārasya vā khādet tau tu vyājīkarau bhṛśaṃ || kulīrakūrmanakrāṇām aṇḍāny evaṃ tu bhakṣayet | 1938 ed., 4.26.27 mahiṣarṣabhavastānām pivec chukrāṇi vānaraḥ || aśvatthaphalamūlatvaṃ chuṅgasiddham payo 'pi vā | 1938 ed., 4.26.28 pītvā saśarkkarākṣaudraṃ kuliṅga iva hṛṣyati || vidārīmūlakalkan tu sritena payasā naraḥ | 1938 ed., 4.26.29 udumvararasam pītvā vṛddho 'pi taruṇāyate || māṣāṇām palam ekan tu saṃyuktam madhusarppiṣā | 1938 ed., 4.26.30 tiṃ līḍhvānupivet kṣīraṃ tena vyājībhavet naraḥ || 1938 ed., 4.26.31 nakramūṣikamaṇḍūkacaṭakāṇḍakṛtaṃ ghṛtaṃ | 1938 ed., 4.26.32 pādābhyaṅgena kurute vyājībhūmin tu na spṛśet || yāvan na spṛśate bhūmin tāvad gacchen nirantaraṃ | 1938 ed., 4.26.33 svayaṃ guptekṣurakayor vījapūrṇṇaṃ saśarkkaraṃ || dhāroṣṇena nara payaḥ pītvā payasā na kṣayaṃ vrajet | 1938 ed., 4.26.34 uccaṭācūrṇṇam apy eva kṣīreṇottamam ucyate || śatāvary uccaṭācūrṇṇam payaḥ medo sukhārthinā | svayaṃguptāphalayutaṃ māṣayūṣam pivet naraḥ || 1938 ed., 4.26.37 gṛṣṭīnāṃ vṛddhavatsānāṃ māṣacūrṇṇabhṛtāṅgavāṃ | yat kṣīran tat praśansanti balakāmeṣu jantuṣu || 1938 ed., 4.26.39 ete vyājīkarā yogāḥ prītyapatyabalapradāḥ | sevyā viśuddhāpacita viśuddhā paricita dehaiḥ kālādy apekṣayeti ||

Adhyāya 27 (draft based on MS H) 1938 ed., 4.27.1 athātaḥ sarvvāvādhasaṃśamanīyaṃ rasāyanam vyākhyāsyāmaḥ || 1938 ed., 4.27.3 pūrvve vayasi madhye vā manuṣyasya rasāyanaṃ | prayuñjīta bhiṣak prājñaḥ snigdhaśuddhatanoḥ sadā || 1938 ed., 4.27.4 aviśuddhaśarīrasya yukto rāsāyano vidhiḥ | na bhāti vāsasi kliṣṭe raṅgayoga ivāhitaḥ || 1938 ed., 4.27.5 śarīrasyopaghātāya doṣajā mānasās tathā | upadiṣṭopadeśena teṣāṃ vakṣyāmi vāraṇaṃ || 1938 ed., 4.27.6 śītodakam payaḥ kṣaudraṃ ghṛtamekaikaśo dviśaḥ | triśaḥ samastam athavā prāk pītaṃ sthāpayed vayaḥ || 1938 ed., 4.27.7 tatra viḍaṅgataṇḍulam āhṛtya yaṣṭīmadhukamadhuyuktaṃ yathābalaṃ śītatoyena upayuñjīta śītatoyaṃ cānupivet | aharahar mmāsan tad eva madhuyuktaṃ bhallātakakvāthena | drākṣākvāthena vā madhusaṃyuktaṃ | madhvāmalakarasābhyām vā | guḍūcīkvāthena vā | evam ete pañcaprayogā bhavanti | jīrṇṇe mudgayūṣeṇālavaṇena ghṛtaṃntam odanam aśnīyād iti ghṛtavantam odanam aśnīyāt | etaiḥ khalu durnnāmānaḥ kṣayaṃ yāntikrimayaś copaśāmyanti | grahaṇadhāraṇaśaktiś ca bhavati | māsi māsi ca prayoge varṣaśataṃ varṣaśataṃ āyuṣo 'bhivṛddhir vbhavati || 1938 ed., 4.27.8 viḍaṅgataṇḍuladroṇaṃ piṣṭapavanapiṣṭavadusvedya vigatakaṣāyaṃ susvinnam avatārya dṛśadi prapiṣṭamāyasyāṃ kumbhyāṃ madhūttarodakaṅ kṛtvā | bhasmarāśau prāvṛṣyabhyatarataś ca catu ro māsānnidadhyāt | varṣāvyavāye coddhṛtyopasaṃskṛtaśarīraḥ sahasrasampātābhihutaṃ kṛtvā prātaḥ prātaryathābalam upayuñjīta | jīrṇṇe mudgayūṣeṇa ghṛtam odanam aśnīyāt | pāṃśuśayyāyāṃ śāyayīta | tasya māsādūrddhaṃ sarvvāṅgebhyaḥ krimayo niḥkrāmanti | tān anutailenābhyaktasya vidalenāpaharet | dvitīye pipīlikās tṛtīye yūkānān tathaivāpaharet | caturthe dantanakharomāṇyavasīryante | pañcame praśasta guṇalakṣaṇāni jāyante | amānuṣañcādityaprakāśam vapuradhigacchati | dūrācchravaṇa darśanāni cāsya bhavati | rajastamasī cāpohya satvamadhitiṣṭhate | śrutanigādī | apūrvvotpādī puṣṭo vṛṣabhavalo 'śvajavaḥ punaryuvāṣṭau varṣaśatānyāyuravāpnoti | tasyānutailamabhyaṅgārthe | kaṣāyamājakarṇṇamutsādanārthe | sauśīraṃ kūnūpodakaṃ snānārthe | candanamanulepanārthe | bhallātataka vidhānavadupayogaḥ parihāraś ca | 1938 ed., 4.27.9 kāśmarīṇānniṣkulīkṛtānāmeṣa eva kalpaḥ | pāṃśuśayyābhojanavarjyaṃ | tatrāpi payasā śritena bhoktavyaṃ | āśiṣaś ca samānāḥ pūrvveṇa | śoṇitapittanimitteṣu vikāreṣveteṣām upayogaḥ | 1938 ed., 4.27.10 yathoktamāgāram praviśya balāmūlārddhapalam palam vā payasyāloḍya pibet | jīrṇṇe payaḥ sarppirodana ity āhāraḥ | evaṃ dvādaśarātram upayuñjīta tato varṣaśatam vayastiṣṭhati | eṣa eva balātibalānāgabalāvidārīśa tāvarīṇām upayogaḥ | viśeṣatas tu atibalām udakena | nāgabalācūrṇṇaṃ madhukṣīreṇa | śatāvarīmapyevaṃ | pūrvveṇāśiṣaś ca samānāḥ | ete hy auṣadhaprayogāḥ | balakāmānāṃ śoṣiṇāṃ raktapittopasṛṣṭānāṃ śoṇitañccharddayatām viricyamānānāñ copadiśyante || 1938 ed., 4.27.11 vārāhīmūlan tulācūrṇṇaṅ kṛtvā tato mātrām madhuyuktam payasāloḍya pibet | jīrṇṇe payaḥ sarppirodana ity āhāraḥ | prayogam imam upayevamāno varṣaśatam āyur avāpnoti || strīṣu cākṣayatā | etenaiva cūrṇṇaena payovacūrṇṇāśritaśritaśītam abhimathyājyam utpādya | madhuyuktam upayuñjīta | jīrṇṇe payaḥ sarppirodana ity āhāraḥ || 1938 ed., 4.27.12 cakṣuḥ kāmaḥ prāṇakāmo vā jīvavījakasārāgnimanthamūlāni kvāthairmmāṣaprasthaṃ sādhayet | tasmin sidhyati citrakamūlānāmakṣamātraṃ kalkan dadyāt | āmalakarasacaturvbhāgan tataḥ susvinnam avatārya śītībhūtam madhusarppirbbhyāṃ saṃsṛjyopayuñjīta | jīrṇṇe mudgayūṣeṇā lavaṇena ghṛtavantamodanam aśnīyāt | māsamātramevam anena prayogena ca kṣuḥ sauparṇṇam bhavati | alpabalābalāṃ strīṣu cākṣyyo varṣaśatāyurbbhavati || ||

cikitsā tha

Adhyāya 28 (draft based on MS H) athāto medhāyuḥkāmīyaṃ rasāyanam vyākhyāsyāmaḥ || medhāyuḥkāmaḥ śvetāvalgujaphalādy ātapaśuṣkāṇyādāya cūrṇāni kṛtvā guḍena sahāloḍya snehakumbhe nidadhyāt | tataḥ saptarātrād uddhṛtya hṛtadoṣasya yathābalaṃ piṇḍaṃ prayacchet | anuditsūrye, uṣṇodakañ cānupibet | bhallātakavidhānavac cāgārapraveśaḥ | jīrṇauṣadhaś cāparāhṇe vihimābhir adbhiḥ | pariṣiktagātraḥ śālīnāṃ ṣaṣṭikānām vā payasā śarkarāmadhureṇaudanam aśnīyāt | evaṃ ṣaṇmāsān upayuñjya vigatapāpmā valopetaḥ śrutanigādī bhavati | kuṣṭharogiṇām udariṇām vā kṛṣṇāni gomūtrāloḍyārddhapalikaṃ piṇḍam udite sūrye pāyayet | sāyāhne cālavaṇenāmalakayūṣeṇa sarpiṣmantam odanam aśnīyāt | evaṃ māsam upayujya smṛtimān arogo varṣaśatāyur bhavati | eṣa evopayogaś citrakamūlānāṃ rajanyāś ca | hṛtadoṣa evāgāram praviśya maṇḍūkaparṇīsvarasam ādāya sahasrasampātābhihutaṃ kṛtvā yathābalam payasāloḍya pibet | tilair vā saha bhakṣayet | payo 'nupānaṃ | jīrṇe payaḥ sarpirodana ity āhāraḥ | bilvamātram vā pi piṇḍam payasāloḍya pibet | evan daśarātram upayujya medhāvī varṣaśatāyur bhavati || hṛtadoṣa evāgāram praviśya pratisaṃsṛṣṭabhakto brāhmīsvarasamādāya sahasrasampātābhihutaṃ kṛtvā yathābalam prayuñjītau | jīrṇauṣadhaś cāparāhṇe yavāgūmalavaṇam pibet || kṣīrasātmyo 'thavā payasā bhuñjīta || evaṃ saptarātram upayujya vrahmavarccasī medhāvī bhavati | dvitīyaṃ saptarātram upayujya grantham īpsitam utpādayati naṣṭañ cāsya prādur bhavati | tṛtīyam uccāritaṃ śatam apy avadhārayati | evam ekaviṃśatirātram upayujya lakṣmīr apakrāmati | śarīrāt mūrttimatī cainam vāgdevīm anupraviśati | sarvāś cainaṃ śrutayo 'vatiṣṭhate | śrutidharaḥ pañcavarṣaśatāyur bhavati ||

vrahmīsvarasaprasthadvaye ghṛtaprastham viḍaṅgataṇḍulānāṅ kuḍavam vacābhṛ vṛtayoḥ | dvādaśa dvādaśa ca harītakyāmalakavibhītakāni kalkapiṣṭānyavāpyaikadhyaṃ sādhayitvā svanuguptan nidadhyāt | tataḥ pūrvvavad yathābalam upayuñjīta | jīrṇṇapūrvvavad āhāraḥ parihāraś ca | etenordhvam adhaś ca krimayogacchanti | alakṣmīra apakrāmati | puṣkaravarṇṇaḥ śrutanigādī trivarṣaśatāyur bhavati | etad eva viṣakuṣṭhaviṣamajvaram apasmāronmādabhūtagraheṣu saṃśodhanam upadiśanti |

hṛtadoṣa evāgāram praviśya haimavatyā vacāyāḥ piṇḍam āmalakamātram abhihutan kṛtvā payasālo pivet | jīrṇṇe payaḥ sarppirodana ity āhāraḥ | evaṃ dvādaśarātram upayuṃjīta | tato 'sya śrotraṃ vidhiyate | dvirabhyāsāt smṛtimān bhavati | trirabhyasya śrutam ādhatte | caturdvādaśarātram abhyasya tatas tārkṣyan darśanam utpadyate | śatāyuś ca bhavati | dve pale itasyā vacāyāḥ kvāthyam pivet payasā pūrvvaśāśiṣaś ca samānāḥ |

vacāśatapākam vā sarppir droṇam upayñjya pañcavarṣaśatāyur bhavati | galagaṇḍāpacīślīpadasvararabhedāṃś cāpahanti || bhavanti ||

pāpmānam upahanty etāḥ śriyaṃ dadyut tathāuṣadhīḥ | kuryun nāgabalam vāpi manuṣyam amaropamaṃ || satatādhyayanam vādaḥ paratantrāvalokanaṃ | tad vidyācāryasevā ca buddhimedhākarāḥ gaṇaḥ | āyuṣyaṃ bhojanañ jīrṇṇe vegānāñ ca vidhāraṇaṃ | vrahmacaryam ahiṃsā ca sāhasānāñ ca varjjanam iti || ||

sā tha || ||

Adhyāya 29 (draft based on MS H) 1938 ed., 4.29.1 athātaḥ svabhāvavyādhipratiṣedhanīyaṃ rasāyanam vyākhyāsyāmaḥ || 1938 ed., 4.29.3 vrahmā yadajṛt pūrvvamamṛtaṃ somasaṃjñitaṃ | jarāmṛtyuvināśāya vidhānan tasya vakṣyate|| 1938 ed., 4.29.4 eka eva khalu bhagavān somaḥ sthānānām ākṛtir vviśeṣaiś caturvviṃṅśatidhā bhidyate || 1938 ed., 4.29.5 tadyathā || aṃśumān mūñjavām̐ś caiva candramārajataprabhaḥ | 1938 ed., 4.29.6 pratānavām̐s tālavṛntaḥ karavīrāṅśusannibhāḥ || svayamprabho mahāsomo yaś cāpi garuḍāhṛtaḥ | 1938 ed., 4.29.7 gāyatryas traiṣṭubhaḥ pāṃktyo jāgrataḥ sātkaras tathā || agniṣṭomo revataś ca yaś coktha iti saṃjñitaḥ | 1938 ed., 4.29.8 gāyatryā tripadā yukto yaś coḍupatir ucyate || ete somāḥ samākhyātā vedoktair nnāmabhiḥ śubhaiḥ | 1938 ed., 4.29.9 sarvveṣām eva caiteṣāmeko vidhir upāsane || sarvve tulyaguṇāś caiva vidhānaṃ sampravakṣyate || 1938 ed., 4.29.10 atho nyatama somam upayuyuṃkṣuḥ sarvvopakaraṇaparicārakopetaḥ | praśaste deśe trivṛtamagāraṅkārayitvā hṛtadoṣaḥ pratisaṃsṛṣṭabhaktaḥ praśaste tithikaraṇamuhūrttaṅaaśumantam ādāyādhvarakalpenābhiṣṭutya yathoktāgāraskṛtamaṅgalaḥ | somacandraṃkandaṃsuvarṇṇasūcyā vidārya payo gṛhṇīyāt | sauvarṇṇe rājate pātreñjalimātraṃ tato sakṛdevopa yuñjīto nāsvādayamānas ta upaspṛśya śeṣam apsv astv avasādya yam aniyamābhyāmātmānaṃ saṃyojya vāgyato 'bhyantaraḥ | suhṛdbhir anvāsyamāno viharet | 1938 ed., 4.29.11 rasāyanam pītavāṃs tu nirvvāte niyatātmanā śucirāsītastiṣṭheccaṃkrampānna kathañcana samviśet | 1938 ed., 4.29.12 na cātmānam ādarśe syu vā nirīkṣeta | rūpaśālitvāt tato nyaddaśarātraṃ krodhādīn parihared eṣa sarveṣām upayogaḥ | viśeṣatas tu vallīpratānakṣupādayaḥ somā bhakṣayitavyāḥ | bhavanti teṣāṃmavacaturtho muṣṭayaḥ | 1938 ed., 4.29.13 aṅśumantaṃ sauvarṇṇo pātrebhiṣuśayāc candramasaṃ rājate | tāvupayojyāṣṭaguṇam aiśvaryam avāpyaiśānaṃ devaṃ paśyati | śeṣāṃs tu tāmramaye mṛnmaye vā śūdravarjyañ ca tribhir varṇṇaiḥ soma upayoktavyaḥ | tataś caturthe māsi paurṇṇamāsyāṃ vrāhmaṇamarcayitvā kṛtamaṅgalā niḥkramya yatheṣṭaṃ vrajediti || 1938 ed., 4.29.14 oṣadhīnāṃ patiṃ somam upayujyaivam akṣata | daśavarṣasahasrāṇi navān dhārayate tanuṃ | 1938 ed., 4.29.15 nāgnir na tejaṃ na viṣaṃ na śastraṃ nāśastram eva ca | tasyālamāyuḥ kṣapaṇe samarthāni bhavanti hi | 1938 ed., 4.29.16 bhadrāṇāṃ ṣaṣṭivarṣāṇāṃ prasūtānāmanekadhā | kuñjarāṇāṃ sahasrasya balaṃ samadhigacchati || 1938 ed., 4.29.17 kṣīrodaṃ śakrasadanaṃ uttarāṃś ca kurūn api yatrecchati sa gantuṃ vai tatrāsyāpratighāsatiḥ | 1938 ed., 4.29.18 kaṃdarpa iva rūpeṇa kantyā candra ivāparaḥ | prahlādayati bhūtānāṃ manāṃsi sa mahādyutiḥ | 1938 ed., 4.29.19 sāṃgopāṃgāṃś ca nikhilāṃ vedāṃ viṃdati tatvataḥ | caraty amoghasaṅkalpo devavaccākhilaṃ jagat || 1938 ed., 4.29.20 sarveṣām eva somānāṃ patrāṇi daśa pañca ca | tāni śukle ca kṛṣṇe ca jāyante ca patanti ca | 1938 ed., 4.29.21 ekaikaṃ jāyate patraṃ somasyāharahas tathā | śuklasya pūrṇṇamāsyān tu bhavet pañcadaśacchadaḥ | 1938 ed., 4.29.22 divase divase patramekaikaṃ śīryate punaḥ | kṛṣṇe kṛṣṇadvayaṃ cāpi latā bhavati kevalā || 1938 ed., 4.29.23 aṃśumānājyagandhas tu kandavān rajataprabhaḥ | kadalyākārakandas tu muñjavān laśunacchadaḥ | 1938 ed., 4.29.24 candramā rajatābhāso jale carati sarvadā | garuḍāhṛtanāmā ca śyenākhyau cāpi pāṇḍurau | 1938 ed., 4.29.25 sarpanirmokasadṛśau tau vṛkṣā grāvalamvinau | athānye maṇḍalaiś citraiś citritā iva bhānti te | 1938 ed., 4.29.26 kṣīrakandalatāvantaḥ patrairnānāvidhairvṛtā | 1938 ed., 4.29.27 himavaty arvude sahye mahendre malaye tathā | 1938 ed., 4.29.28 pāriyātre ca vindhye ca devasūte hṛde tathā | uttareṇa vitastāyāḥ prabhavasya mahīdharāḥ | 1938 ed., 4.29.28.1 pañca teṣām ato madhye sindhur nāma mahāhradaḥ | 1938 ed., 4.29.29 haṭhavat plavate tatra candramā somasattamaḥ | tasyoddeśeṣu cāpy asti muñjavān aṃśumān api | 1938 ed., 4.29.30 kaśmīre ca saro yantu nāmnā kṣudrakamānasaṃ | 1938 ed., 4.29.31 gāyatryaśtraiṣṭubhaś cāpi jāgrataḥ satkaras tathā | tatra santyapare cāpi somāḥ somasamaprabhāḥ || 1938 ed., 4.29.32 na tāṃ paśyanty adharmiṣṭhāḥ kṛtaghnāś cāpi ye narāḥ | bheṣajadveṣiṇaś cāpi vrāhmaṇadveṣiṇas tatheti ||

[Adhyāya 30] 1938 ed., 4.30.1 athāto nivṛttasantāpīyaṃ rasāyanaṃ vyākhyāsyāmaḥ || 1938 ed., 4.30.3 yathā nivṛttasantāpā modantedivi devatāḥ | tathauṣadhyastvimāḥ prāpya modante bhuvi mānavāḥ || 1938 ed., 4.30.4 atha khalu saptavidhāḥ puruṣā rasāyanaṃ nopayuñjīran | tad yathā | anātmavānalaso daridraḥ pramādī vyasanī pāpiṣṭho bheṣajāpamānī ceti || saptabhiḥ kāraṇair na saṃpadyante | tad yathā | ajñānādarambhādasthiracittatvād dāridrādanāyatanādāyāsādauṣadhālābhācceti || 1938 ed., 4.30.5 athauṣadhīn vakṣyāmaḥ | tatrājagarī svetakāpotī gonasī kṛṣṇakāpotī vārāhī cchatrāticchatrā kanyā kareṇu ajā takrakād ity aparṇṇinī vrahmasuvarcalā mahāsrāvaṇī golāmī mahāvegavatī cetyaṣṭādaśa somasamavīryāmahauṣadhayo vyākhyāḥ || tatra tāsāṃ somavat kriyāsīstutatayaḥ śāstrebhihitāḥ | tāsāmagārebhihitānāṃ yāḥ kṣīravatyastāsāṃ kṣīrakuḍavaṃ sakṛdevopuyañjīta | yāstvakṣīrāmūlavatyastāsāṃ pradeśinī pramāṇānī trīṇi kāṇḍāni pramāṇam upayoge | svetakāpotī samūlavṛttā bhakṣayitavyā | gonasyājagarī kṛṣṇakāpotīnāṃ sanakhaṃ muṣṭiṃ kāṇḍasaḥ kalpayitvā kṣīreṇa visrāvya pratisāritamabhighāritamabhihutañ ca sakṛdevopayuñjīta | tatastāsāṃ yānyāpayasā sakṛdeva vrahmasuvarcalā saptarātram upayoktavyā | bhakṣakalpena | śeṣāṇāṃ pañca pañca palāni kṣīrāḍhakakathitāni prasthevaśiṣṭe parisrāvya sakṛdevopayuñjīta | somena cāhāravihārāḥ vyākhyātāḥ | kevalaṃ tu navanītamabhyaṃ gārthe | śeṣaṃ somavadānirgamāditi || 1938 ed., 4.30.6 bha || yuvānaṃ sihaṃvikrāntaṃ sakṛcchrubhanigāditaṃ | kuryuretāḥ krameṇaivaṃ dvisahasrāyuṣaṃ naraṃ || 1938 ed., 4.30.7 aṅgadī kuṇḍalī maulī divyasrakcandanāmvaraḥ caratyamoghasaṅkalpo nabhasyaṃrvudanirgame | 1938 ed., 4.30.8 vrajanti pakṣiṇo yena jalalamvāś ca toyadāḥ | gatistvauṣadhasiddhasya somasiddhigatiḥ parāḥ || > 1938 ed., 4.30.9 atha vakṣyāmi vijñānamauṣadhīnāṃ pṛthak pṛthak | maṇḍalaiḥ kapilaiścitrā sarpābhā pañcaparṇṇinī | 1938 ed., 4.30.10 pañcārannipramāṇā ca vijñeyājagarīrvudhaiḥ || niḥpatrāḥ kanakābhāśā mūlinyaṅguṣṭhasammitā | 1938 ed., 4.30.11 sarpākārā lohitākṣī svetakāpotir ucyate || dviparṇṇinī mūlabhavāmaruṇāṃ kṛṣṇamaṇḍalā | 1938 ed., 4.30.12 dvirannipramāṇāñjānīyād gonasīṃ gonasākṛtiṃ || sakṣīrāṃ romasāṃ mṛdvī rasecekṣurasopamāṃ | 1938 ed., 4.30.13 evaṃ rūparasāṃ cāpi kṛṣṇakāpotim ādiśet || kṛṣṇasarpasyarūpeṇa vārāhī kandasambhavā | 1938 ed., 4.30.14 ekapatryā mahāvīryā bhinnāñjanasamaprabhā | cchatrāticchatrike vidyādrakṣoghnā kandasambhave || 1938 ed., 4.30.15 jarāmṛtyunivāriṇyau svetakāpotisaṃsthite | kāntair dvādaśabhiḥ patrai mayūravarahopamaiḥ | 1938 ed., 4.30.16 kandajā kāñcanakṣīrī kanyā nāma mahauṣadhī | kareṇuḥ suvahukṣīrā kandena gajarūpiṇāṃ | 1938 ed., 4.30.17 hastikarṇṇapalāśasyāt tūlyapatrādviparṇṇinī | ajānanābhakandā tu sakṣīrākṣuparūpiṇī | 1938 ed., 4.30.18 ajā mahauṣadhī jñeyā śaṅkhakundendu pāṇḍurā | svetā vicitrakusumā kākādani samacchadāḥ 1938 ed., 4.30.19 takrakāmauṣadhīṃ vidyājjarāmṛtyuvināśanī | mūlinīṃ pañcabhiḥ patraiḥ suraktāṃśukakomalaiḥ | 1938 ed., 4.30.20 ādity aparṇṇinī jñeyā sadād ity ānuvarttinī | kanakābhā jalānteṣu sarvataḥ parisarpati | 1938 ed., 4.30.21 sakṣīrā padminīprakhyā devīvrahmasuvarcalā | rannipramāṇākṣupavat patrair dvyaṃgulasammitaiḥ | 1938 ed., 4.30.22 puṣpai nīlotpalākāraiḥ phalaiś cāñjanasaprabhai || srāvaṇī mahatī jñeyā kanakābhā payasvinī | 1938 ed., 4.30.23 srāvaṇīpāṇḍurā tu syāt mahāsrāvaṇilakṣaṇā | golomī cājalomī ca romaśe kandasambhave | 1938 ed., 4.30.24 haṃsapādī ca vicchinnaiḥ patrair mūlasamudbhavaiḥ | athavā śaṃkhapuṣpāyāḥ samānāḥ sarvarūpataḥ | 1938 ed., 4.30.25 vegena mahatāviṣṭā sarpanirmokasannibhā | eṣā vegavatī nāma jāyate hy amvudakṣaye | 1938 ed., 4.30.26 saptādau sarparūpiṇyau yastvauṣadhyaḥ prakīrttitā | tāsāmuddharaṇaṃ kāryaṃ mantreṇānena sarvadā || 1938 ed., 4.30.27 mahendararāmakṛṣṇānāṃ vrāvām api | tapasā tejasā caiva praśāmyadhvaṃ śivāya vai || 1938 ed., 4.30.28 anena mantreṇa sarva bheṣajāni parijapediti | aśraddadhānairalasaiḥ kṛtaghnaiḥ pāpakartṛbhiḥ | 1938 ed., 4.30.29 na śakyamāsādayituṃ somāḥ somāsamās tathā | pītāvaśeṣamamṛtaṃ devair vrahmapurogamaiḥ | 1938 ed., 4.30.30 nihitaṃ somavīryāsu some cātī || devasūtre hradavare tathā sindhu mahānade | 1938 ed., 4.30.31 dṛśyate ca jalānteṣu devī vrahmasurvarcalā | ādityaparṇṇinī caiva tathaiva himasaṃ kṣaye | 1938 ed., 4.30.32 dṛśyatejagarī nityaṃ gonasī cāmvudāgameḥ | kaśmīre tu sadā yantramānasaṃ nāmaviśrutaṃ | 1938 ed., 4.30.33 kareṇus tatra kanyā ca cchatrāticchatrike tathā | golomī cājalomī ca mahatī śrāvaṇī tathā | 1938 ed., 4.30.34 hemante kṛṣṇasarpābhā vasante cātra dṛśyate | nadīṃ kauśikīm uttīrya saṃjayantyās tu pūrvataḥ | 1938 ed., 4.30.35 kṣitipradeśo valmīkair āvṛto yojanatrayaṃ || vidheyā tatra kāpotī svetā valmīkamūdhasu | 1938 ed., 4.30.36 malaye nalasetau ca vegavatyauṣadhī dhruvā | kārttikyāṃ paurṇṇamāsyān tu dṛśyate nātra saṃśayaḥ | 1938 ed., 4.30.37 somavaccātra vartteta vidhirānirgamāditi || sarvā vidheyās tv auṣadhyaḥ somaś cāpy arvude girau | 1938 ed., 4.30.38 sa śṛṅgair devacaritair amvudānīkabhedibhiḥ | vyāptastīthaiś ca vikhyātaiḥ siddharṣisurasevitaiḥ | 1938 ed., 4.30.39 guhābhir bhīmarūpābhiḥ siṃhonnāditanādibhiḥ | gajāloḍitatoyābhir āpagābhiḥ samantataḥ | vividhair dhātubhiś citrais sarvatraivopaśobhitaḥ | 1938 ed., 4.30.40 nadīṣu śaileṣu sarassu cāpi puṇyeṣv araṇyeṣu tathāśrameṣu | sarvatra sarvāḥ parimārgitavyāḥ sarvatra bhūmir hi vasūn nidhatta iti || cila 0 || ❈ || 1938 ed., 4.30.40.1 śukraṃ mukhaṃ śophamanāgatañ ca miśran tathākṣīṇavalendriyañ ca | āvādhasarva pratiṣedhamedhā svabhāvantāpanivṛttakañ ca ||

cikitsiteṣu tṛtīyo daśaḥ || 0 ||

[Adhyāya 31] 1938 ed., 4.31.1 athātaḥ snehopayogacikitsitaṃ vyākhyāsyāmaḥ 1938 ed., 4.31.4 dviyoniścaturvikalpobhihitaḥ snehaḥ snehaguṇāś ca | tatra jaṅgamebhyo gavyaṃ snehaṃ pradhāṇatamaṃ sthāvarebhyas tilasneha iti || 1938 ed., 4.31.5 ata ūrdhvaṃ yathāprayojanato yathāpradhānataś ca | sthāvarasnehāṃ vakṣyāmaḥ | tatra tilvakairaṇḍakuśāmradantīpalāśaśaṅkhinīviṣāṇigavākṣīkampilyakaśampākanīlinīsnehā virecayanti |. jīmūtakakūṭajakṛtavedhanekṣvākumadanasnehā vāmayanti |. viḍaṅgasthū lamañjarīmadhuśigrusūryavallīpīlusiddhārthakajyotiṣmatīsnehāḥ śiro virecayanti | karañjapūtīkalavaṇamātuluṅgeṅgudīkirātatiktakasnehāḥ duṣṭavraṇeṣūpayojyāḥ |. turuvakakapitthabhallātakapaṭolasnehāḥ mahāvyādhiṣu |. trapusatvārukerkāratumvurukaṣmāṇḍasnehāḥ mūtrasaṅgeṣu ||kapotavaṅkaharītakīsnehāḥ śarkarārśmariṣu |. kusumbhasarṣapātasīpicumardātimuktakakāṇḍīrasnehāḥ prameheṣu |. nāḍīkerapanasapiyālavilvamadhūka śleeṣmātakasnehāḥ pittasaṃsṛṣṭe vāyau || vibhītakapiṇḍītakabhallātakasnehāḥ kṛṣṇīkaraṇeṣu |. śravaṇakaṃgukasnehāḥ pāṇḍūkaraneṣu | saralāpītadāruśiṃśapāsanasārasnehāḥ dardrukiṭibheṣu | sarva eva snehā vātam upahanti | tailaguṇāḥ samāsena vyākhyātāḥ || 1938 ed., 4.31.6 ata ūrdhvaṃ kaṣāyapākakramam upadekṣyāmaḥ || tatra kecidāhus tvak patrapuṣpaphalādīnāṃ bhāgastaccaturguṇamudakaṃ caturthāṃśāvaśeṣitaṃ kvāthyāvatārayed ity eṣa kaṣāyakalpaḥ | tat tu na samyak kasmād āgamasiddhatvāt 1938 ed., 4.31.7 palakuḍavādīnām ity etac copadekṣyāmaḥ | tatra dvādaśadhānyamāṣā madhyamā suvarṇṇamāṣakaste śoḍaṣasuvarṇṇāḥ | ataścordhvaṃ caturguṇamabhivardhayataḥ palakuḍavaprasthāḍhakadroṇā abhiniṣpadyante | tulā punaḥ palaśataṃ tābhir viṃśatir bhāraḥ śuṣkāṇām ārdrāṇāṃ dravāṇāṃ ca dviguṇam iti | 1938 ed., 4.31.8 snehakukuḍavesāṇyakvāthyadravyadurvyaprastho vidheyas taccaturguṇamudakaṃ caturthāṅgāvaśeṣitaṃ kvāthyāvatārayed ity eṣa kaṣāyakalpaḥ | snehakuḍavesāṇya bheṣajapalaṃ kalkam iṣṭaṃ caturguṇañ ca kaṣāyam āvāpya vipaced ity eṣa snehapākakalpa iti || 1938 ed., 4.31.9 bha |. snehabheṣajatoyānāṃ mānaṃ yatra tu neritaṃ | tatrāyaṃ vidhir āstheyo nirdiṣṭe tadvad eva tu || 1938 ed., 4.31.10 anukte dravakārye tu sarvatra salilaṃ smṛtaṃ | kalkakvāthāvanirdeśe gaṇāt tasmāt samādhayet || 1938 ed., 4.31.11 ata ūrdhvaṃ snehapākakramam upadekṣyāmaḥ | sa tu pākas tṛvidho mṛduścikkanaḥ kharacikkaṇa iti | dhavivekamātraṃ yatra bheṣajaṃ sa mṛduḥ | madhūcchiṣṭamivalepayati yatra bheṣajaṃ sa cikkaṇaḥ | phenāni mātra vailasya śeṣaṃ ghṛtavadādiśet kṛṣṇamavasannamīṣadviśadaṃ cikkaṇaṃ ca yatra sa kharacikkaṇa iti |. ata ūrdhvaṃ pradagdhasneha bhavati | taṃ punaḥ sādhayet | tatra pānābhya va nasyābhyañjanīyaś cikkaṇaḥ | vastisnehāḥ kharacikkaṇa iti || 1938 ed., 4.31.12 śabdasyoparame prāpte phenasyoparame tathā |. gandhavarṇṇarasānāñ ca sampattau siddham ādiśet || 1938 ed., 4.31.14 ataḥ snehapānakramam upadekṣyāmaḥ | atha laghukoṣṭhāyāturāya kṛtamaṃgalāyodayagiriśikharaprasthite prataptakanakapītalohite savitari yathābalaṃ tailasya ghṛtasya vā mātraṃ prayacchet | 1938 ed., 4.31.19 kevalaṃ paittike sarpir vātike lavaṇānvitaṃ | deyaṃ vahukaphe tailaṃ savyoṣakṣārasaṃyutaṃ | 1938 ed., 4.31.21 snehasātmyaḥ kleśasaho dṛḍhaḥ kāle ca śītale acchamevapivet sneham acchapānaṃ hi śobhaṇaṃ | 1938 ed., 4.31.22 śīte kāle divāsnehamuṣṇe kāle pivenniśi | vātapittādhiko rātrau | vātaśleṣmādhiko divā | 1938 ed., 4.31.23 vātapitthādhikasyoṣṇe mūrcchonmāda tṛṣāvahaḥ | śīte vātakaphārttasya gauravāruca śūlakṛt | 1938 ed., 4.31.24 snehapītas tu tṛṣṇāyāṃ piveduṣṇodakannaraṃ | evañ cānupaśāmyantī snehamuṣṇāmbunoddharet | 1938 ed., 4.31.25cd yā mātrā parijīryeta caturbhāgagate na hi 1938 ed., 4.31.26 sā mātrā dīpayatyagnim alpadoṣe ca pūjitā | yā mātrā parijīryeta tatrārdhadivase gate 1938 ed., 4.31.27 sā vṛṣyāvṛṃhaṇīyā ca madhyadoṣe ca pūjitā | yā mātrā parijīryeta caturbhāgāvaśeṣite 1938 ed., 4.31.28 snehanīyā ca sā mātrā vahudoṣe ca śasyate | yā snehamātrājīryeta jantoḥ pariṇatehani 1938 ed., 4.31.29 glānimūrcchāmadāṃ hitvā sā mātrā snehanī matā | ahorātrādasaṃduṣṭā yā mātrā parijīryati 1938 ed., 4.31.30 sā tu kuṣṭhaviṣonmādagrahāpasmāranāśanī | yathāgniṃ pratimāṃ mātrāṃ pāyayeta vicakṣaṇaḥ | 1938 ed., 4.31.31 pīto hy ativahusneho janayet prāṇasaṃśayaṃ | mithyācārādvahutvād vā yasya sneho na jīryati | 1938 ed., 4.31.32 viṣṭabhya vāpi jīryeta vāriṇauṣṇena vāmayet | tataḥ snehaṃ punardadyāllaghukoṣṭhāya dehine | jīrṇṇājīrṇṇaviśaṃkāyāṃ piveduṣṇodakaṃ naraḥ | 1938 ed., 4.31.33ab tenodgāro bhavet chuddho ruciś cānnaṃ bhavet prati | 1938 ed., 4.31.34 pariṣicyādbhir uṣṇābhiḥ jīrṇṇasnehe tatonaraṃ | yavāgū pāyayed uṣṇāṃ suklinnāmalpataṇḍulāṃ | 1938 ed., 4.31.35 deyau yuṣaraso syātām akṛtau saindhavānvitau | kṛtau cāpy alpasarpiṣkau vilepītā vidhīyate | 1938 ed., 4.31.36 pived dvyahaṃ tryahaṃ vāpi pañcāhaṃ ṣaḍahāni vā | saptarātrāt paraṃ snehaḥ sātmībhāvāya kalpate | 1938 ed., 4.31.37 snehadviṣaḥ kṛṣāṃ vṛddhāṃ sukumāraṃ śiśūnapi | tṛṣṇālūñcoṣṇakāle ca saha bhaktena pāyayet || 1938 ed., 4.31.38 pippalyo lavaṇaṃ snehāś catvāro dadhimas tu ca | pītamekadhyametat tu sadya snehanamucyate | 1938 ed., 4.31.39" met="hypermetrical bhṛṣṭamāṃsarase snigdhā yavāgū sūpalpitā | sakṣaudrāḥ pīyamānā tu sadyasnehanamucyate || 1938 ed., 4.31.42 śarkarāghṛtasaṃsṛṣṭe duhyād gāṃkalaśetha tat | pāyayed ṛkṣametad hi sadya snehanamucyate || 1938 ed., 4.31.43 yavakolakulatthānāṃ kvātho māgadhikā yutāḥ | payo dadhi surā ceti ghṛtam apy aṣṭamaṃ bhavet | 1938 ed., 4.31.44 siddhametad ghṛtaṃ pītaṃ sadyasnehanamucyate |. nṛpāṇāṃ tat samānānāṃ deyametad ghṛtottamaṃ | 1938 ed., 4.31.45 balahīneṣu vṛddheṣu mṛdvagnistrī mahātmani | alpadoṣeṣu yojyā syu ye yogāḥ samyagīritāḥ || 1938 ed., 4.31.46 vivarjayet snehapānamajīrṇṇī taruṇajvarī | durvalārocakī sthūlo mūrcchārtto madapīḍitaḥ | 1938 ed., 4.31.47 chardyābhibhūtastṛṣitaḥ śrāntaḥ pānaklamānvitaḥ | vastidatto viriktaś ca vānto yaś cāpi mānavaḥ | 1938 ed., 4.31.48cd akāle ca prasūtā strī snehapānaṃ vivarjayet | 1938 ed., 4.31.49 snehapānād bhaved nṝṇāṃ nānāvidhā gadāḥ | gadā vā kṛcchratāṃ yānti na sidhyantyatra vā yataḥ || 1938 ed., 4.31.51cd rūkṣaṃ purīśaṃ grathitaṃ bhuktaṃ kṛcchreṇa pacyate | 1938 ed., 4.31.52cd durvarṇṇo durbalaś caiva rūkṣo bhavati mānavaḥ || 1938 ed., 4.31.53 glāniḥ sadanamaṅgānām adhastāt snehadarśanaṃ | samyak snigdhasya liṅgāni snehodvegas tathaiva ca || 1938 ed., 4.31.54 bhaktadveṣo mukhāsrāvo gudadāha pravāhikā | purīśātipravṛttiś ca tadatisnigdhalakṣaṇaṃ || 1938 ed., 4.31.55 rūkṣasya snehanaṃ snehairatisnigdhasya rūkṣaṇaṃ | śyāmākakoradūṣānnatakrapiṇyākaśaktubhiḥ || 1938 ed., 4.31.56 dīptāntaragniḥ pariśuddhakoṣṭhaḥ pratyagradhāturbalavarṇṇayuktaḥ | dṛḍhendriyo mandarajāḥ śatāyuḥ snehopasevī puruṣo bhaved hi | 1938 ed., 4.31.57 sneho hito durbalavahnidehesandhukṣaṇe vyādhinipīḍitasya | valānvito bhojanadoṣajātaiḥ pramardituṃ tau sahasā na śakyāviti ||

la la..❈||

[Adhyāya 32] 1938 ed., 4.32.1 athātaḥ svedāvacāraṇīyaṃ cikitsitaṃ vyākhyāsyāmaḥ|| 1938 ed., 4.32.3 tatra caturvidhaḥ svedā bhavati |. tad yathā tāpasvedo bāṣpasvedaḥ |upanāhasvedo dravasvedaś ceti | tatra svedavikalpāvarodhaḥ | 1938 ed., 4.32.4 tatra tāpasvedo nāmapālikāṃ sakandaphalavāṃlikāvastraiḥ prayujyate śayānasya bāṣpatāpoṅgāraiḥ || 1938 ed., 4.32.5 bāṣpasvedas tu kapālapāṣāṇoṣṭakalohapiṇḍān agnivarṇān adbhir āsicyatairārdravastrapariveṣṭitaiḥ | svedayed aṅgapradeśā evaṃ māṃsarasapayodadhisnehadhānyāmvlavātaharapatrabhaṃgakvāthapūrṇṇam vā kumbhīm abhiprataptāṃ prāvṛtyoṣmāṇaṃ gṛhṇīyāt | pārśvacchidreṇa vā kumbhena tasyāḥ kumbhyāmukhena mukhamabhis andhāya tasminañchidrehastiśuṇḍākāraṃ nāḍīṃ praṇidhāya śayānaṃ svedayet 1938 ed., 4.32.6 sukhopaviṣṭaṃ svabhyaktaṃ prāvṛtam vā |. bha || hastiśuṇḍikayā nāḍyā svedayed vātarogiṇaṃ | sukhaṃ sarvānugā hyeṣā na ca saṃkleṣayen naraṃ || 1938 ed., 4.32.7 vyāmārdhamātratrivakrahastihastasamākṛtiḥ | svedanārthe hitā nāḍī kailiñjī hastiśuṇḍikā || 1938 ed., 4.32.8ab puruṣāyāmamātram vā bhūmim utkīrya khādiraiḥ 1938 ed., 4.32.8cd kāṣṭair avadāhyābhyukṣya vātahara 1938 ed., 4.32.9" met="hypermetrical patrabhaṅgairavacchādya śayānaṃ svedayet | śilātalamavadāhyāpohya bhasmaṃ ca pūrvavat | 1938 ed., 4.32.10 kuṭīm vā caturdvārāṃ kṛtvā tasyām upaviṣṭasyāntaś caturvāṃgārān anuparidhāya svedayet | 1938 ed., 4.32.11 kāśadhānyāni vā samyagusvedyāstīrya kiliñjenyasmiṃ vā tatpratirūpake śayānaṃ svedayed evaṃ pāṃśu gośakṛttuṣapa lāloṣmabhiḥ svedayed iti || 1938 ed., 4.32.12 upanāhasvedas tu vātaharadravyakalkair amvlapiṣṭair lavaṇapragāḍhaiḥ susnigdhaiḥ sukhoṣṇaiś ca pradihya svedayed evaṃ kākolyādirelāsu rasādim āhṛtya tilātasīsarṣapakalkair vā kṛsaraveśavārapāyasotkārikābhir vā etābhir eva vāyo dūlikāṃ vadhvā svedayet || 1938 ed., 4.32.13 dravasvedas tu vātaharadravyakvāthapūrṇṇakoṣṭakaṭāhe droṇyām vāvagāhya svedayet | evaṃ payomāṃsarasayūṣatailaghṛtadhānyāmvlamūtreṣvetair eva sukhoṣṇaiḥ pariṣiñcediti || 1938 ed., 4.32.14 tatra tāpoṣmāsvede viśeṣataḥ śleṣmaghnau | upanāhasvedo vātaghnaḥ | anyatarasmiṃ pittasaṃsṛṣṭadravasveda iti || 1938 ed., 4.32.16 caturvidho yo 'bhihito dvādhā svedaḥ prayujyate | svasminn eva dehe tu dehasyāvayave tathā | 1938 ed., 4.32.17 yeṣān nasyaṃ vidhātavyaṃ bastiś cāpi hi dehināṃ | śodhanīyāś ca ye kecit pūrvaṃ svedyās tu me matāḥ || 1938 ed., 4.32.18 paś cāt svedyāhṛte śalye mūḍhagarbhānupadravā | samyak prajātā kāle ca paś cāt svedyaiva jānatāṃ || 1938 ed., 4.32.19 pūrvāṃ svedyā paś cāc ca bhagandaryarśaśas tathā | aśmaryāṃ cāturo jantu śeṣāñcāstre pravakṣyate || 1938 ed., 4.32.20 nānabhyakte nāpi cā snigdhadehe yojyaḥ svedyaḥ svedavidbhiḥ kathañcit | dṛṣṭaṃ loke kāṣṭham asnigdhamāśur yāyāt bhaṅgaṃ svedayogair gṛhītaṃ || 1938 ed., 4.32.21 svedaklinnā dhātusaṃsthā tu doṣāḥ svasthānasthā ye ca mārgeṣu līnāḥ | samyak svedair yojitais te dravatvaṃ prāptāḥ koṣṭhaṃ śodhanair yātyaśeṣāḥ || 1938 ed., 4.32.22 agne dīptin mārdavaṃ tvakprasādaṃ bhaktaśraddhāṃ srotasāṃ nirmalatvaṃ | kuryāt svedas tandrīnidre ca hanyāt | sandhīm katvāṃśceṣṭayed āśuyuktaḥ | 1938 ed., 4.32.23 svedāsrāvo vyādhihānirlaghutvaṃ śītārthitvaṃ mārdavaṃ cāturasya | samyaksvinne lakṣaṇaṃ prāhuretat | mithyāsvinne viparītaṃ tad eva || 1938 ed., 4.32.24 sphoṭotpattiḥ pittaraktaprakopo madāmūrcchābhramadāho klamaś ca | atisvinne sandhipīḍā ca tṛṭca śītā kriyās tatra kuryād vidhijñaḥ || 1938 ed., 4.32.25 pāṇḍumehī raktapittī tṛṣārttaḥ kṣutakṣīṇo durvalo jīrṇṇabhaktaḥ || dakodarīgarbhiṇī pānapañca naite svedyā yaścamartyotisārī | svedād eṣā yāṃti dehāvināśaṃ asādhyatvaṃ yānti caiṣāṃ vikārāḥ | svedaiḥ sādhyo durvalojīrṇṇabhaktā yadi syātāṃ svedanīyau tatastau | 1938 ed., 4.32.27 sarvasvedāṃ nivāte tu jīrṇṇānne cāvacārayet | snehābhyaktaśarīrasya śītair ācchādya cakṣuṣī | 1938 ed., 4.32.28 atisvinnam athāsvābhya śītāṃbutrāsanaṃ hitaṃ | snānam uṣṇāmbunā caiva nivatañcālayayet | 1938 ed., 4.32.29cd bhojayec cānabhiṣyandi sarvaṃ vācāram ādiśed iti ||

ci|| ❈||

[Adhyāya 33] 1938 ed., 4.33.1 athāto vamanavirecanasādhyopakramacikitsitaṃ vyākhyāsyāmaḥ 1938 ed., 4.33.3 doṣāḥ kṣīṇā bṛṃhayitavyāḥ calitāḥ praśamayitavyāḥ pravṛddhā nirhattavyāḥ svasthānasthārakṣyā iti siddhāntaḥ || 1938 ed., 4.33.4 prādhānyena vamanavirecanenirharaṇe varttate | tasmāt tayor vidhānam ucyamānam upadhārayasva | 1938 ed., 4.33.5 tad yathāturaṃ snigdhasvinnam anabhiṣyandibhir āhārair anavabaddhadoṣam ālocya svo vamanaṃ pāyayitāsmīti saṃbhojayet | saṃbhojyas tu tīkṣṇāgnir balavān bahudoṣo mahāvyādhiparigṛhīto vamanasātmyaś ca || 1938 ed., 4.33.6 peśalair vividhairannair doṣamutkliśya dehinaḥ | snigdhasvinnāya vamanaṃ dattaṃ samyak pravarttate | 1938 ed., 4.33.7 athāparedyuḥ pūrvāhṇe sādhāraṇe kāle vamanadravyakaṣāyakalkacūrṇṇasnehanānyatamasya mātrāṃ pāyayitvā vāmayet | asātmyabībhatsadudarśanadurgandhāni vāmanīyāni vidadhyād ato viparītāni |. tatra sukumārāṃ kṛśaṃ bālaṃ vṛddhāṃ bhīrum vā vamanasādhyavikāreṣu kṣīradadhitakrayavāgūnāmanyatamamākaṇṭhaṃ pāyayitvā vāmayet | pītauṣadhañcapāṇibhir agnitaptair upaspṛśyamānaṃ muhūrttam upekṣeta | tatra pravṛttahṛllāsaṃ jñātvā jānumātrāsanopaviṣṭam anyena hṛtpṛṣṭhayoḥ pāṇibhyāṃ uparigṛhītam aṅguligandharvahastapatravṛttotpalanālānām anyatamena kaṇṭhamanabhis pṛśan vāmayet yāvat samyag vāntalakṣaṇāni bhavanti || 1938 ed., 4.33.8 kaphaprasekaṃ hṛdayāviśuddhiṃ kaṇḍūñ ca duścharditaliṅgam āhuḥ | pittātiyogañ ca visaṅjñatāñ ca hṛtkaṇṭhapīḍām api cātivānte | 1938 ed., 4.33.9 pitte kaphasyāndramukhaṃ pravṛtte śuddheṣu hṛtkaṇṭhaśirassu cāpi | laghau ca dehe kaphasaṃsrave ca sthite suvāntaṃ puruṣaṃ vyavavasyet | 1938 ed., 4.33.10 samyagvāntaṃ cainam abhis amīkṣya snaihikavairecanikopaśamanīyānāṃ dhūmānām anyataṃ sāmarthyataḥ pāyayitvā cārikam upadiśet || 1938 ed., 4.33.11 tato parāhṇe suvibhaktadeham uṣṇābhir ahniḥ pariṣiktagātraṃ | kulattham udgaḍhakijāṅgalānāṃ yuṣai rasair vāpy upabhojayīta | 1938 ed., 4.33.12 kaphaprasekaḥ svarabhedatandrā nidrāsyadaurgandhyaviṣopasargāḥ | gurutvakaṇḍūgrahaṇīpradoṣā na santijantorvamataḥ kadācit | 1938 ed., 4.33.13 chinne tarau puṣpaphalaprarohā yathāvināśaṃ sahasā vrajanti | tathāhṛte śleṣmaṇi ccharddanena tajjā vikārā vilayaṃ vrajanti || 1938 ed., 4.33.14 na vāmayet taimirikannagulminaṃ na caivapāṇḍūdararogapīḍitaṃ | sthūlakṣatakṣīṇakṛśātivṛddhā narśorditā kṣepakapīḍitāṃś ca | 1938 ed., 4.33.15 rūkṣaṃ pramehe taraṇe ca garbhe gacchatyadhordhvaṃ rudhire ca tīvre | tuṣṭe ca koṣṭhe krimibhir manuṣyaṃ na vāmayed varcasi cātivṛddhe || 1938 ed., 4.33.17 ete py ajīrṇṇavyathitā vāmyā ye ca viṣāturāḥ | atīvacolbaṇakaphās te ca syur madhukāmbunā || 1938 ed., 4.33.19 virecanam api snigdhasvinnāya ca deyaṃ | avāntasya hi samyagviriktasyāpi satovasrastaḥ śleṣmāgra haṇīñ chādayati | gauravam āpādayati pravāhikām vā kurute | tasmāt snigdhasvinnāya vāntāya ca deyam | 1938 ed., 4.33.20 athāturaṃ svo virecanaṃ pāyayitāsmīti pūrvāhṇe laghubhojayet | phalāmvlamuṣṇodakaścainamanupāyayet | athāparehani vigataśleṣmadhātāvāt uropakramaṇīyād apekṣyāturam athāsmai virecanaṃ mātrāṃ prayacchet | 1938 ed., 4.33.21 tatra mṛduḥ krūro madhya iti trividhaḥ koṣṭho bhavati | tatra bahupitto mṛduḥ sa dugdhenā viricyate | bahuvātaśleṣmā krūro durvirecyaḥ | sagadoṣo madhyaḥ sādhāraṇa iti | tatra mṛdau mṛdvī mātrā | tīkṣṇakrūre | madhye madhyā karttavyeti | pītauṣadhaś ca tanmanāḥ śayyābhyāse viricyeta | na prāptavegaṃ vidhārayet | na cāprāptaṃ prāṇenākāṃkṣeta | 1938 ed., 4.33.23 yathā ca vamane krameṇa prasekauṣadhaḥ pittānilāgacchanty evaṃ virecane vātamūtrapurīṣapittakaphā iti || 1938 ed., 4.33.24 bha ||hṛtkukṣyaśuddhiḥ paridāhakaṇḍūviṇmūtrasaṃgaś ca na sadvirikte | mūrcchāgudabhraṃśakaphātiyogāḥ śūlodgamāś cātiviriktaliṅgaṃ || 1938 ed., 4.33.25 gateṣu doṣeṣu kaphāntakeṣu glānyelaghutve manasaś ca tuṣṭau | gatenile cāpy anulomabhāvaṃ samyagviriktaṃ puruṣaṃ vyavasyet | 1938 ed., 4.33.26 mandāgnimakṣīṇamasadviriktaṃ na pāyayet tad divasaṃ yavāgūṃ | kṣīṇaṃ tṛṣārttaṃ suvirecitaś ca tanvī sukhoṣṇaṃ laghu pāyayīta | 1938 ed., 4.33.27 buddheḥ prasādaṃ balamindriyāṇāṃ dhātusthiratvaṃ jvalanābhivṛddhiṃ cirāc ca pākaṃ vayasaḥ karoti virecanaṃ samyagupāsyamānaṃ | 1938 ed., 4.33.28 yathodakānāṃ tu vijaṅgamānāṃ rodhevadīrṇṇe dhruva eva nāśaḥ | pitte hṛtendhevam upadravāṇāṃ pittātmikākānāṃ vihito vināśaḥ || 1938 ed., 4.33.29 kṣīṇāḥkṛśārūkṣitabālavṛddhādīnotha śoṣī bhayaśokataptaḥ | śāntas tṛṣārtto parijīrṇṇabhakto garbhiṇyadho gacchati yasya cāsṛk | 1938 ed., 4.33.30 navapratiśyāyaparītadeho navajvarīyā ca navaprasūtā | kaṣāyan ity āna virecanīyā snehādibhir ye tv anupaskṛtāś ca | 1938 ed., 4.33.31 atyarthapittābhiparītadehāṃ virecayet tān api mandamandaṃ | virecanair yāṃti narā vināśam ajñaprayuktair avirecanīyā || 1938 ed., 4.33.33 saratvasaukṣmyataikṣṇyoṣṇe vikāśitvād virecanaṃ | vamanaṃ tu hareddoṣāṃ samyaguktaṃ vṛthānyathā | 1938 ed., 4.33.34 mādāya pyamānaṃ virecanaṃ | guṇodrekād vrajedūrdhvam apakvaṃ vamanaṃ punaḥ | 1938 ed., 4.33.35 mṛdukoṣṭhasya dīptāgner dattaṃ tīkṣṇaṃ virecanaṃ | na samyag nirhared doṣān ativegapradhāvitaṃ | 1938 ed., 4.33.36" met="hypermetrical prātar yad auṣadhaṃ pītaṃ bhaktapākasame kṣaṇe | paktaṃ gacchati doṣāṃs tu nirharen niravaśeṣataḥ || 1938 ed., 4.33.37 durbalasya naḥ punaḥ | haret prabhūtānalpāṃs tu samayet pracyutānatha | 1938 ed., 4.33.38 hareddoṣāṃ calān pakvaṃ balino durbalasya vā | calā hy upekṣitā doṣāḥ kleśayeyuś ciran naraṃ | 1938 ed., 4.33.39 mandāgniṃ krūrakoṣṭhañ ca sakṣāralavaṇairghṛtaiḥ | sandhukṣitāgni snigdhañ ca svinnañcaiva viśodhayet | 1938 ed., 4.33.40 snigdhasvinnasya bhaiṣajyair doṣas tu kleśito bhavet | na cālīyeta mārgeṣu snigdhe bhāṇḍa ivodakaṃ | 1938 ed., 4.33.41 na cātisnigdhakāyāya dadyāt snerhavirecanaṃ | doṣāḥ pracyāvitā bhūyo līyante tena vartmasu | 1938 ed., 4.33.43 virūkṣya snehasātmyantu bhūyaḥ saṃsnehya recayet | tena doṣā hṛtās tasya bhavanti snehabandhanāḥ | 1938 ed., 4.33.44 prāgadhītauṣadhaṃ śodhya pāyayet mṛduśodhaṇaṃ | tato vijñātakoṣṭhasya kāryaṃ saṃśodhaṇaṃ punaḥ | 1938 ed., 4.33.45 sukhaṃ dṛḍhaphalaṃ hṛdyam alpamātraṃ mahāguṇaṃ | vyāpat svalpātyayañ cāpi piben nṛpatir auṣadhaṃ || 1938 ed., 4.33.46 snehasvedāvakṛtvāgre yas tu saṃśodhanaṃ pibet | dāru śuṣkamivānāme dehas tasya viśīryate || 1938 ed., 4.33.47 snehasvedapracalito rasaiḥ snigdhair udīritā | doṣāḥ koṣṭhagatā jantoḥ sukhaṃ hartuṃ virecanair iti ||

Adhyāya 34 (draft based on MS H) 1938 ed., 4.34.1 athāto vamanavirekavyāpaccikitsitam vyākhyāsyāmaḥ | 1938 ed., 4.34.3 vaidyāturanimittam vamanam virecanañ ca || pañcadaśadhā vyāpadyate tatra vamanasyādho gacchaty ūrddhvam virecanasya | sāmānyam ubhayoḥ sāvaśeṣauṣadhatvam alpadoṣahṛtatvaṃ jīrṇṇauṣadham vātaśūlam ayogātiyogau jīvādānamādhmānam parikarttaḥ parisrāvaḥ pravāhikā hṛdayasaraṇa vibandha iti | 1938 ed., 4.34.4 tatra bubhukṣāpīḍitasya tīkṣṇāgner mmṛdukoṣṭhasya vāvatiṣṭhamānaṃ durvvāntasya vā guṇasāmānyād vamanam adho gacchati | tatrepsitān avāptir ddoṣo kleśaś ca tam āśusnehayitvā bhūyastīkṣṇatarair vvāmayet iti || 1938 ed., 4.34.5 apariśuddhāmāśayasyotkliṣṭaśleṣmaṇaḥ sāvaśeṣān nasya vā'hṛdyam bahudhāvacāritam vā virecanam ūrddham tiṣṭhati tatrepsitān avāptibastidoṣān kleśatamulbaṇaśleṣmāṇamāśu || 1|| vāmayitvā bhūyas tīkṣṇatarair vvirecayet iti | āmāśaye tvāmavat samvidhānaṃ | ahṛdyetiprabhūte ca hṛdyam pramāṇayuktañ ca | tathā tathāpy uttiṣṭhati tṛtīye nna pāyayet ataś cainam madhughṛtaphāṇitayuktairllehayitvā virecayet iti | 1938 ed., 4.34.6 doṣavigrathitamalpamauṣadham avasthitamūrddhabhāgikam adhobhāgikam vā na sraṃsayatidoṣān | tatra tṛṣṇāpārśvaśūlañccharddimūrcchāparvvabhedohṛllāsorucirudgarāviśuddhiś ca bhavati | tam uṣṇābhir adbhir āśu vāmayet | ūrddhvabhāgikam adhobhāgikam vā sāvaśeṣauṣadham apradhāvitadoṣam atibalamasamyag viriktalakṣaṇam upayuktam alpam apy evam vāmayet iti || 1938 ed., 4.34.7 krūrakoṣṭhasyātitīkṣṇāgner alpamapyauṣadham alpaguṇam vā bhaktavat pākam upaiti | tatra samudīrṇṇa doṣāḥ | yathākālam anirhriyamāṇā vibhramaṃ kurvvanti | tamanalpamamandañcauṣadham pāyayet | 1938 ed., 4.34.8 snigdhasvinnenālpam alpaguṇam vā bheṣajam upayuktam alpān doṣān harati | taddoṣaśeṣam vamanagauravam upakleśa hṛdayāṃ viśuddhiṃ vyādhivivṛddhiñ ca karoti roga)| tatra yathāyogam pāyayitvā vāmayed dṛḍhataraṃ | virecanadoṣaśeṣaṃ gudaparikarttam ādhmānaṃ gauravamanisaraṇam vāyor vvyādhivivṛddhiñ ca karoti | tam upapādya snehasvedābhyāṃ bhūyo virecayed dṛḍhataraṃ | dṛḍhaṃ pracalitadoṣam vā tṛtīye divasa iti | 1938 ed., 4.34.9 asnigdhasvinne rūkṣamauṣadham upayuktamabrahmacāriṇā vā vāyuṃ kopayati | tatra vāyuḥ prakupitaḥ pārśvapṛṣṭhaśoṇitamanyāmarmma muśūlaṃ mūrcchā bhrama saṃjñānāśañ ca karoti | tadvātaśūlam ity ācakṣate | tamabhyajya dhānyasvedena svedayitvā yaṣṭīmadhukasiddhena tailenānu vā vāmayed iti pāṭhaḥ |sayati | 1938 ed., 4.34.10 snehasvedābhyām avibhāvita śarīreṇauṣadhamalpaguṇam vā pītamūrddhamadho vā nābhyeti doṣām̐ścopakleśya taiḥ saha balakṣayamāpādayati | tatrādhmānaṃ hṛdayagrahastṛṣṇāmūrcchādāhaś ca bhavati | tam ayogam ity ācakṣate |tam āśu vāmayed virecayed vā durvvāntasya tu samutkliṣṭā doṣāḥ | vyāpyaśarīraṃ kaṇḍūśvayathukoṭhapiṭakajvarāṅgasādanāni kurvvanti tatas tān aśeṣān sahauṣadhenāpaharet | durvviriktasya tu stabdhapūrṇṇodaratā bastiśūlomeḍhratodo vātamūtrapurīṣasaṅgaśaḥ kaṇḍūrmaṇḍalaprādurbbhāvaś ca bhavati | tamāsthapya punaḥ snehayitvā virecayet tīkṣṇeneti | nātipravarttamāne tiṣṭhati vā duṣṭasaṃśodhane tatsantejanārtham uṣṇodakam pāyayet | pāṇitāpaiś ca pārśvodaram upasvedayet tataḥ pravarttate doṣāḥ | anupravṛtte 'lpe doṣe jīrṇṇecauṣadhe ca bahudoṣam antaḥ śailam balañ cāvekṣya bhūyo mātrāṃ~~ñ ca~~ vidadhyād anupravṛtta bhenyūbhaṃ vā daśajātrādūrddham upasthitadehaṃ bhūyaḥ śodhayed durvviriktamāsthāpya punaḥ snehayitvā virecayet | hrībhayalobhaiś ca vegāghātaśīlāḥ prāyaśaḥstriyo rājasamīpasthā vaṇijaḥ śrotriyāś ca bhavanti | tasmād etair ddurvvirecyāḥ | bahuvātatvāt | ataścaināṃ susvinnasnigdhān virecayed iti || 1938 ed., 4.34.11 snigdhasvinnasyātimātramatimṛdukoṣṭhasyātitīkṣṇamadhikam vābheṣajamatiyogaṅ kuryāt | tatra vamanātiyoge pittātipravṛttir bbalavisraṃso vātakopo balavām̐ś ca bhavati | tamabhyajyāvagāhya ca śītā svapsu śītaiḥ śarkkarāmiśrair llehair upacared iti | virecanātiyoge kaphātipravṛttiruttarakālañ ca saraktasya tatrāpi balavisraṃsā vātakopo balavām̐ś ca bhavati | tamabhyajya śītābhir adbhiḥ pariṣicyāvagāhya śītais taṇḍulāmbubhir mmadhumiśrair vvāmayet | picchābastiñcāsmai dadyāt | kṣīrarasayoścainam anyatamena bhojayet kṣīrasarppiṣā cainam anuvāsayet | priyaṅgvādiñcāsmai taṇḍulāmbunā pātum prayacchet | 1938 ed., 4.34.12 tasmin eva ca vamanotiyoge tipravṛtte śoṇitaṃ ṣṭhīvati ccharddayati vā raktaṃ tatra jihvāniḥsaraṇam avasarppaṇañ cākṣṇor vvyāvṛttihanusaṃhananaṃ tṛṣṇā hikkāṅgarau visaṃ jñatvam ity upadravā bhavanti | tam ativisrutaśoṇitavidhānena nopacaret | jihvānniḥsarppitāntrikaṭukalavaṇacūrṇṇapraghṛṣṭāmantaḥ pīḍayet praviṣṭāyām anyemlamasya purastāt khādeyuḥ | vyāvṛtte cākṣiṇī ghṛtābhyaktaiḥ pīḍayet | hanusaṃhanane vātaśleṣmaharan nasyaṃ svedañ ca vidadhyāt | tṛṣṇādiṣu ca yathāsvaṃ pratikurvvīta | visaṃjñam vā veṇuvīṇāgītasv enaṃ srāvayed iti | 1938 ed., 4.34.13 virecanātiyoge sacandrakaṃsalilam adhaḥ sravati tato māṃsadhāvanaprakāśamuttarakālaṃ jīvaśoṇitañ ca | tatra gudaniḥsaraṇaṃ vepathur vvamanātiyogopadravāś ca bhavanti | tam atisrutavidhānenaivopacaret | niḥsarppitaṅ gudam abhyajya parisvedyān pīḍayet | kṣudrarogacikitsite gudasraṃsacikitsitañ cāvekṣyeta | vepathau vātavyādhividhānaṅ kurvvīta | jihvāniḥsarppaṇādiṣūktaḥ pratīkāraḥ | atipravṛtte vā nyagrodhādikaṣā yakṣīrekṣurasaghṛtasaṃsṛṣṭaiś cainaṃ bastir upācaret | śoṇitaniṣṭhīvane raktātisāraraktapittakriyāś cānyasya vidadhyān nyagrodhādiñ cāsya pānabhojaneṣūpayuñjīta | 1938 ed., 4.34.14 jīvaśoṇitaraktapittayo jijñāsārtham picu plotam vātra prakṣipet tad uṣṇodakaprakṣālitam avarajyeta taj jīvaśoṇita m ity avagantavyam amṛgbhoktum vā śune dadyāt sa yady upayuñjyāt taj jīvaśoṇitam ity avagantavyam iti | tayoś ca raktipittātīsārakriyām vidadhīta | 1938 ed., 4.34.15 sa śeṣānnenānilaprāyakoṣṭhenāsnigdhena vā pītamauṣadham ādhmāpayati | tatrānilamūtrapurīṣasaṅgaḥ | samunnaddhodaratā pārśvabhaṅgo gudabastitudanañ ca bhavati | tamādhmānam ity ācakṣate | tam upasvedyānāha varttidīpanabastikriyābhir yojyā iti | 1938 ed., 4.34.16 kṣāmeṇātimṛdukoṣṭhena tīkṣṇamatyuṣṇam atilavaṇ atirūkṣam vā bheṣajam upayuktam pittānilau pradūṣya nātibastigudaparikarttanam āpādayati | tām parikarttiketyācakṣate || taṃ yaṣṭīmadhukakṛṣṇatilamadhughṛtayuktaiḥ picchābastibhir āsthāpayet | śītāmbupariṣiktañcainaṃ payasā bhuktavantaṃ ghṛtam aṇḍanayaṣṭīmadhukasiddhena vā tailenānuvāsayed iti | 1938 ed., 4.34.17 krūrakoṣṭhasyātiprabhūtadoṣasya vā mṛdvalpamauṣadhamavacāritaṃ samutkleśya doṣānna niḥśeṣān apaharati | pākañcopaiti | tatra daurbbalyodaraviṣṭambhārucirggātrasadanāni bhavanti | sa vedanau cāsyapittaśleṣmāṇau sravatas tam parisrāvam iti ācakṣate | tamajakarṇṇadhavatiniśa palāsakaṣāyair mmadhuyuktair āsthāpayet | upaśāntadoṣam bhūyaḥ saṃśodhayed 1938 ed., 4.34.18 atirūkṣetisnigdhe vā bheṣajam avacāritam aprāptaṃ purīṣam udīrayato vigevighātena pravāhikā bhavati | tatra sadāha śūlaṃ svetaṃ kṛṣṇaṃ raktam vā bhṛśaṃ pravāhamāṇaḥ kapham upaviśati | tam pratisrāvavidhānenopacaret 1938 ed., 4.34.19 yastūrddhamadhovā bheṣajaṃ vegapravṛttamajñānād vinihanti tasyopasaraṇaṃ hṛdi kurvvanti doṣas tatra pradhānamarmmasantāpād vedanābhir atyartham pīḍyamādantāṃ kaṭakaṭāyatyudvṛttākṣo jihvāṃ khādati pratāmyamānacetā ca bhavati | tamabhyajya dhānasvedena svedayitvā tīkṣṇena dviśiro virecanenopacared yaṣṭīmadhukamiśreṇa cainan taṇḍulāmbunā vāmayed yathā doṣaguṇocchreyaścainam bastibhir upācared iti | 1938 ed., 4.34.20 yastūrddhamadhovā pravṛttadoṣaḥ śītāṅgāram udakam anilam anyad vā seveta tasya doṣāḥ srotaḥ svavalīyamānā ghanībhāvam āpannā vātamūtrapurīṣagrahamāpādya vibadhyante || tasyāṭopo jvaro dāho vedanā ca tīvrā bhavati | tamāśu vāmayitvā prāptayitvā prāptakālaṃ kriyāṃ yojayed iti || adho bhāgetvabhāgaharadravye saindhavāmlalavaṇa mūtrasaṃsṛṣṭaṃ pāyayed āsthāpanamanuvāsanañ ca yathādoṣam vidadhyād yathādoṣamāhārakramaś ca | ūrddhvabhāge tu upadravaviśeṣāt yathāsvaṃ pratikurvvīta | 1938 ed., 4.34.21 yā tu virecane gudaparikīrttitā tad vamāne kañcakaṣaṇaṃ yadadhaḥ parisravaṇaṃ sa ūrddhaṅ kaphaprasekaḥ | yā tvadhaḥ pravāhikā sa ūrddhaṅ śuṣkoṅkādgāra iti || 1938 ed., 4.34.22 bha || yāstvetā vyāpadaḥ proktā daśapañca ca tatvataḥ | etā virekāti yogā duryogā yogajāḥ smṛtāḥ ||

|| cikitsā lahya ||

Adhyāya 35 (draft based on MS H) 1938 ed., 4.35.1 || athāto neetrabastipramāṇavibhāgacikitsitam vyākhyāsyāmaḥ || 1938 ed., 4.35.3 atra snehādīnāṅkarmmaṇām bastikarmmapradhānatamam ācakṣate | kasmād anekakarmmaprakāratvāt | ba stirihakhalu nānāvidhadravyasaṃyogād doṣāṇāṃ saṃśodhanaṃ saṃśamanasaṅgrahaṇāni karoti | kṣīṇam vyājīkaroti | kṛśaṃ bṛṃhayati | sthūlaṃ karṣayati | cakṣuḥ prīṇayati | balīpalitam upahanti | vayaḥ sthāpayati iti | 1938 ed., 4.35.4 śarīropacayaṃ varṇṇabalamārogyamāyuṣaḥ parivṛddhiñ ca karoti basti samyagupāsitāḥ | 1938 ed., 4.35.5 tathā jvarātīsāratimirapratiśyāyaśirorogādhimanthārdditā kṣepakāghātaikāṅgasarvvāṅgarogādhmānodaraśūlavṛddhyupadaṃśānāhamūtrakṛcchragulmavātaśoṇitavātamūtrapurīṣasaṅgaśukrodāvarttaśukrārttabas tanyanāśahṛddhanumanyāgrahaṇaśarkkarāśmarimūḍhagarbbhaprabhṛtiṣu ca vikāreṣv atyartham upayujyata iti || 1938 ed., 4.35.6 bastirvvāte ca pitte ca kaphe rakte ca pūryate | saṃsargge sannipāte ca bastir eva sadā hitaḥ || 1938 ed., 4.35.7 tatra samvatsarikāṣṭadviraṣṭavarṣāṇāṃ ṣaḍaṣṭadaśāṅgulapramāṇāni kanīnikānāmikāmadhyamāṅgulipariṇāhāni agreṅgulādhyarddhāṅguladhyarddhāṅgulatryaṅgulasanniviṣṭakarṇṇikāni śyenabarhikaṅka~~gṛdhra~~patranāḍītulya praveśānāni mudgamāṣaka lāyamātrāsrotāṃsi vidadhyān netrāṇīti | teṣu cāsthāpanadravyapramāṇam āturahastasammitausanmiśrau prasṛtau dvau catvārāṣṭau vidheyā | 1938 ed., 4.35.8 varṣāntareṣu netrāṇāṃ bastimānasya cāpy atha | vayo balaśarīrāṇi samīkṣyotkarṣayed vidhiṃ || 1938 ed., 4.35.9 pañcaviṃśativarṣādūrddhvan dvādaśāṅgulalapramāṇam aṃguṣṭhodarapariṇāham agre tryaṅgulasanniviṣṭakarṇṇikaṃ gṛdhra patranāḍītulyapraveśaṃ kolāsthimātraṃ cchidraṃ klinnakalāyamātracchidram ity eke || āsthāpanamātrapramāṇaṃ dvādaśaprasṛtā iti | saptasaptyānyās tu ūrddhannetrapramāṇam etad eva | āsthāpanamātrāpramāṇan tu dviraṣṭavarṣavad iti || 1938 ed., 4.35.10 mṛdurbbastiprayoktavyā viśeṣād bālavṛddhayoḥ | tayostīkṣṇaḥ prayuktas tu bastihiṃsyādbalaujasī || 1938 ed., 4.35.11 vraṇanetrāṅgulaṃ suṅgatulyasroto vā hi vraṇam avekṣya ca snehakaṣāyo vidadhīta iti | 1938 ed., 4.35.12 tatra netrāṇi suvarṇṇarajatatāmrāyasadantaśṛṃgamaṇisāramayāṇi ślakṣṇāni dṛḍhāni gopucchākṛtīni | guṭikāmukhāni ceti | 1938 ed., 4.35.13 bastayaś cātrāvabandhyā mṛdavo nātibahalā dṛḍhāḥ pramāṇavanto mahiṣagovarāhāḍorabhrāṇāmanyatamam āsādyeti || 1938 ed., 4.35.14 netrālābhe hitā nāḍī nalavelvasthisambhavā | bastyālābhe hitaścarmma śūkṣmam vā tāntavaṃ ghanaṃ || 1938 ed., 4.35.18 tatra dvividho bastir nnairūhikaḥ snehikaś ca || āsthāpano nirūha ityanarthāntaraṃ | tasya vikalpo mādhutailikaḥ | tasya paryāyaśabdo yuktarathaḥ siddhabastiriti | sarvvadoṣanirharaṇāccharīrarohaṇādvā nirūhaḥ sthāpanādāyuḥ sthānād vā āsthāpana iti | paś cāt mādhutailikavikalpān upadekṣyāmaḥ || tatra yathā pramāṇaguṇavihitaḥ snehabastiḥ pādāpakṛṣṭaḥ | snehabasti vikalporddhamātrāpakṛṣṭonuvāsanaḥ| anavasannapi na duṣyata ityanudivasam vā dīyata ityanuvāsanaḥ | tasyātivikalpo ' rddharthamātrāpakṛṣṭo 'pahāryo mātrābastiriti || 1938 ed., 4.35.19 nirūhaḥ śodhano lekhaḥ snaihiko vṛṣyabṛṃhaṇaḥ | nirūhaśodhitair mmārggaiḥ samyak sneho visarppati || 1938 ed., 4.35.21 tatronmāda bhaya śoka pipāsārocakājīrṇṇa pāṇḍuroga bhramamada mūrcchā ccharddi kuṣṭha mehodarasthaulya kāsa śvāsa śoṣa śophopasṛṣṭa kṣata kṣīṇa nyūna trimāsagarbbhiṇī durvvalāgnyasahavātarogadṛte ca kṣīṇā nānuvāsyānāsthāpyāś ca bhavanti iti || 1938 ed., 4.35.22 udarī ca pramehī ca kuṣṭhī sthūlaś ca mānavaḥ | avasthāsthāpanīyā~~śca~~ste nānuvāsyāḥ kathañcana || 1938 ed., 4.35.23" met="ab is hypermetrical anuvāsanād bhavanty eṣām vikārāṇām asādhyatā | asādhyatve pi bhūyiṣṭhaṃ gātrāṇām avasādanaṃ || 1938 ed., 4.35.25 pakvāsayādbastivīryaṃ khairddehamanusarppati || vṛkṣamūle niṣiktānām apām vīryam iva drumaḥ || 1938 ed., 4.35.26 sarvvāpi bastiḥ sahasā kevalaḥ samalo pi vā || pratyeti vīryantvanilair apānādyaiḥ praṇīyate || 1938 ed., 4.35.27 vīryeṇa bastirādatte doṣānāpādamastakān | pakvāsayasthaḥkhastho 'rkka apo yadvat mahītalāt || 1938 ed., 4.35.28 sa kaṭīpṛṣṭhakoṣṭhasthān vīryeṇāloḍya sañcayān | utkhātamūlān harati doṣānvai sādhuyojitaḥ || 1938 ed., 4.35.30 vāyor vviṣahate vegān nānyā bastimṛte kriyā | pavanāviddhatoyasya velām iva mahodadheḥ ||

|| cikitsā lahṛ

Adhyāya 36 (draft based on MS H) 1938 ed., 4.36.1 athāto netrabastivyāpaccikitsitam vyākhyāsyāmaḥ || 1938 ed., 4.36.2.1 tatra netrañ calitam vivarttitam pārśvāvapīḍitam atyuttkṣiptam avasannan tiryakkṣiptam iti ṣaghraṇidhānadoṣāḥ | atisthūlaṅ karkkaśāgram avanatam anubhinnasannikṛṣṭakarṇṇikaṃ śūkṣmātimajacchidram alpam atidīrgham atihrasvam ity ekādaśanetradoṣāḥ || bahalatālpatā cchidratā prastdhānatā durbbaladurbbaddheti tveti pañca bastidoṣāḥ | atipīḍitatā śithilapīḍitatā bhūyo vapīḍitatā kālātikramateti catvāraḥ pīḍanadoṣāḥ | āmaṃ hīnam atimātram atiśītam atyuṣṇam atitīkṣṇaṇ ativṛddham atisnigdham atirūkṣm atisāndram atidravam ity ekādaśadravyadoṣāḥ | avāṅcīrṣo cchīrṣony ubjauttānasaṅkucitotthitasatthitādadakṣiṇapārśvaśāyinam avanatapratānam ity aṣṭau śayyādoṣāḥ | evam etāḥ pañcacatvāriṃśad vyāpado vaidyanimattā bhavanti |āturanimittās tu pañcadaśa āturopadravīye vakṣyante | snehastvaṣṭābhiḥ kāraṇaiḥ praṇihito na pratyāgacchati | tad yathā tribhir doṣai rasanābhibhūto malavyāmiśro dūrānupraviṣṭo svinnasyānuṣṇolpaṃ bhuktavato lpāṃśaś cetyetāḥ | vaidyāturanimittā bhavanti | ubhayor bbastyor ayogaḥ | ādhmānaṃ parikarttaḥ parisrāvaḥpravāhikā hṛdayopasaraṇam aṅgapragraho tiyogo jīvādānam ity etān avavyāpado vaidyanimittā eva bhavanti || ṣaṭsaptabhiḥ samāsena vyāpadaḥ parikīrttitāḥ |tāsāṃ vakṣyāmi vijñānaṃ siddhiñ ca tadanantaraṃ || 1938 ed., 4.36.3 netre vicalite cāpi varttite gudaveṣṭanaṃ | rukkṣatam vā bhavet tatra vidhiḥ pittakṣatāpahaḥ || 1938 ed., 4.36.4 atyutkṣipte 'vasanne ca netre pāyau ca vedanā | bhavatyatrāpi pittaghno vidhiḥ snehaiś ca sevanaṃ || 1938 ed., 4.36.5 pārśvāvapīḍe tiryak ca kṣipte netre mukhāvṛte | bastir nna kramate rukcagude siddhiś ca pūrvvavat || 1938 ed., 4.36.6 atisthūle karkkaśe ca tathāśrimatigharṣaṇaṃ | pāyau tato rukkṣatañ ca siddhis tatrāpi pūrvavat || 1938 ed., 4.36.7 nikṛṣṭakarṇṇike netre bhinnenau vāpyapārthakaḥ | avaseko bhavedbastes tān doṣān parivarjjayet || 1938 ed., 4.36.8 prakṛṣṭakarṇṇike raktaṃ gudamarmmaprapīḍanāt | kṣaraty atrāpi pittaghno vidhir bbastiś ca picchilaḥ || 1938 ed., 4.36.9 hrasve tvaṇusrotasi ca kleśo bastiś ca pūrvvaśaḥ | pratyāgacchannataḥ kuryād ghorān rogān vighātajān || 1938 ed., 4.36.10 dīrghe mahāsrotasi ca jñeyam atyavapīḍavat | prastyāne bahale cāpi bastau durvvaddhadoṣavat || 1938 ed., 4.36.11 jñeyam alpolpatā cāpi dravyasyātmaguṇā matā | durvvaddhe caiva cchidre ca vijñeyam bhinnanetravat || 1938 ed., 4.36.12 atiprapīḍito bastiḥ prayātyāmāśayaṃ tataḥ || vāterito nāsikābhyāṃ mukhato vā pravarttate || At this point, a folio in H was not photographed. It would be ff. 305v-306r, covering 4.36.12-29ab. 1938 ed., 4.36.12ef cchardir mūrcchā sahṛllāsa pipisā dāha śoṣakṛt 1938 ed., 4.36.13 tatra tūrṇagalāpīḍaṃ kuryāc cāpi vidhūnanaṃ | śiraḥ kāyavirekau ca tīkṣṇau sekāṃś ca śītalāṃ | 1938 ed., 4.36.14 mṛdunā cāvapīḍena pakvādhānaṃ ca gacchati | bastir nārthakaraḥ prokta tasmād yuktyā prapīḍayet || 1938 ed., 4.36.15 bhūyo bhūyovapīḍena vāyur antaḥ prapadyate | tenādhmānaṃ rujaś cogrā yathāsvaṃ tatra bastayaḥ | 1938 ed., 4.36.16 kālātikramaṇāt kleśo vyādhiś cābhipravarttate | tatra vyādhi balaghnaṃ tu bhūyo bastiṃ nidhāpayet | 1938 ed., 4.36.17 gudopadehaśophau tu snehopakvaḥ karoti hi | tatra saṃśodhano bastir hitañ cāpi virecanaṃ | 1938 ed., 4.36.18 hīnamātrāv ubhau bastī hīnakāryakarau matau | atimātrau samunnāhaklamātīsārakārakau | 1938 ed., 4.36.19 tīkṣṇāṣṇau pittalau mūrcchā dāhātīsārakārakau | mṛduśītāvubhau vātavibandhādhmānakārakau | 1938 ed., 4.36.20 tatrahīnādiṣu hitaḥ pratyanīka kriyāvidhiḥ | 1938 ed., 4.36.22 snigdhotijāḍyakṛdrukṣaḥ stambhādhmānakṛducyate || basti rukṣamatisnigdhe snigdhaṃ rūkṣe prayojayet | 1938 ed., 4.36.22.1 bastir gudopalepaṃ tu kuryāt sāndro nirūhaṇaḥ | pravāhikām vā janayet tanur alpaguṇāvahaḥ | tatra sāndre tanum bastiṃ tanau sāndraṃ ca dāpayet | 1938 ed., 4.36.23 atipīḍanavaddoṣāṃ viddhi cāpy avaśīrṣake | atipīḍita siddhiñ ca yathāprāptāṃ prayojayet | ucchīrṣakasamunnāho bastaḥ kṛcchrāc ca mehanaṃ | 1938 ed., 4.36.24 tatrottaro hito basti susvinnasya sukhāvahaḥ | nyubjasya bastir nāpnoti pakvādhāṇaṃ virnirgataḥ | 1938 ed., 4.36.25 hṛdgude bādhate cātra vāyuḥ pṛṣṭham athāpi ca | uttānasyāvṛte mārge bastiḥ prastheti dehinaḥ | 1938 ed., 4.36.26 kuñcitaḥ sakthadehasya yat kamayam asaṃprāpya | bastir nivartate kṛcchrād anya tatra niyojayet | 1938 ed., 4.36.27cd sthitasya bastir dattas tu kṣipram āyāty avāṅmukhaḥ | 1938 ed., 4.36.28 na cāśayaṃ tarpayati tasmānnārthakaro mataḥ | nāpnotibastir dattas tu kṛtsnaṃ pakvāśayaṃ punaḥ | 1938 ed., 4.36.29 dakṣiṇāśritapārśvasya vāmapārśvānugo hi saḥ | nyubjādīnāṃ yathādānaṃ tadvadbastir na śasyate || 1938 ed., 4.36.30 yaś cāpy anilakopo tra yathāsvaṃ tatra siddhayaḥ | snehabastinimittās tu vakṣyante vyāpadaḥ purā | 1938 ed., 4.36.31 snehabastividhāv eva salakṣaṇacikitsitāḥ | anuṣṇolpauṣadhī hīno bastir nneti prayojitaḥ || 1938 ed., 4.36.32 viṣṭambhādhmānaśūlaiś ca tam ayogam pracakṣate | tatra tīkṣṇo hito bastis tīkṣṇañ cāpi virecanaṃ || 1938 ed., 4.36.33 hṛtadoṣapramāṇena saṃsarggaś ca vidhīyate || atyāsitañ cātibahur bbastir mmandoṣṇa eva ca || 1938 ed., 4.36.34cd tathā bahupurīśañ ca kṣipram ādhmāpayen naraṃ | 1938 ed., 4.36.35 hṛtkaṭīpṛṣṭhapārśveṣu śūlās tatrātidāruṇāḥ || tatra tīkṣṇataro bastir hitañ cāpy anuvāsanaṃ | 1938 ed., 4.36.36 atitīkṣṇoṣṇalavaṇo rūkṣo bastiḥ prayojitaḥ || sapittaṃ kopayed vāyuṅ kuryāt saparikarttikān | 1938 ed., 4.36.37 nābhibastir ggudan tatra kṛtyanta iti dehinaḥ || picchābastir hitas tatra snehaś ca madhuraiḥ śritaḥ | 1938 ed., 4.36.38 atyuṣṇatīkṣṇalavaṇaḥ parisrāvāya kalpate | daurbbalyam aṅgasādañ ca jāyate tatra dehinaḥ || 1938 ed., 4.36.39 parisravatyadhaḥ pittaṃ dāhaḥ sañjanayed gude || picchābastir hitas tatra bastiḥ kṣīraghṛtasya ca | 1938 ed., 4.36.40 pravāhikā bhavettīkṣṇā nirūhāt sānuvāsanāt || sadāhaśūlaṃṃ kṛcchreṇa kaphantatropaveśyate | 1938 ed., 4.36.41 picchābastir hitas tatra payasā caiva bhojanaṃ || sarppir madhukasiddhañ ca tailam vāpy anuvāsanaṃ | 1938 ed., 4.36.42 atitīkṣṇo nirūho vā satatam vānuvāsanaṃ || hṛdayasyopasaraṇaṃ kurute 'thāṅgasādanaṃ | 1938 ed., 4.36.43 doṣais tatra rujāstīvrā mado mūrcchāṃ sagauravaṃ || sarvvadoṣaharaṃ bastiṃ śodhanaṃ tatra dāpayet | 1938 ed., 4.36.44 rūkṣasya bahuvātasya syād duḥkhaṃ śayitasya vā || bastipragraham aṅgānāṃ kuryād rukṣo lpabheṣajāḥ | 1938 ed., 4.36.45 tatrāṅgasādaprastambha jṛmbhodveṣṭanavepakāḥ || sarvvabhedaś ca tatreṣṭāḥ svedābhyañjanabastayaḥ | 1938 ed., 4.36.46 atyuṣṇatīkṣṇo 'tibahur ddattātisveditasya vā || alpadoṣasya vā bastir atiyogāya kalpate | 1938 ed., 4.36.47 virecanātiyogena samānan tatra lakṣaṇaṃ || picchābastiḥ samābhyāsaḥs tasya śītaḥ sukhāvahaḥ | 1938 ed., 4.36.48 atiyogāt paraṃ hanti jīvādānam viriktavat || dehaṃ deyāṃs tatra hitānāhuḥ picchābastiṃ saśoṇitaṃ | 1938 ed., 4.36.51 pakṣād vireko vāntasya nirūhahyaś cānuvāsitaḥ || sadyo niruho 'nuvāsasya saptarātrād virecita iti ||

o || cikitsā lamtra||

Adhyāya 37 (draft based on MS H) 1938 ed., 4.37.1 athāto 'nuvāsanottarabasticikitsitaṃ vyākhyāsyāmaḥ || 1938 ed., 4.37.3 virecanāt saptarātre gate jātabalāya vai | kṛtāhārāya sā yāhne bastir ddeyo nuvāsanaḥ || 1938 ed., 4.37.4 yathāvayo nirūhāṇāṃ yā mātrāsamprakīrttitāḥ || pādāpakṛṣṭās tāḥ kāryāḥ snehabastiṣu dedehināṃ || 1938 ed., 4.37.5 utsṛṣṭānilaviṇmūtre nare bastin nidhāpayet | etair hi vihito bastir nnaiva cāntaḥ prapadyate || 1938 ed., 4.37.6 snehabastir vidheyaś ca nāviśuddhasya dehinaḥ | snehavīryaṃ yathā datte dehenānuvisarppati || 1938 ed., 4.37.43 aśuddham api vātena kevalenātipīḍitaṃ | ahorātrasya kāleṣu sarvveṣv evānuvāsayet || 1938 ed., 4.37.44 rūkṣasya bahuvātasyadvau trīnvāpy anuvāsanāt | datvā snigdhatanuṃ jñātvā tataḥ paścān nirūhayet || 1938 ed., 4.37.45 asnigdham api vātena kevalenātipīḍitaṃ | snehapragāḍhair mmatimān nirūhaiḥ samupācaret || 1938 ed., 4.37.46 atha samyaṅ nirūḍhañ ca vātādiṣv anuvāsanāt | bilvayaṣṭyāhvamadanaphalatailair yathākramaṃ || 1938 ed., 4.37.47 rātrau bastir nna dadyāc ca doṣotkleśo hi rātrijaḥ | snehavīryayutaḥ kuryād ādhmānaṃ gauravaṃ jvaraṃ || 1938 ed., 4.37.48 agnisthānagate doṣe vahnau cānurasenvite | sphuṭasrotomukhandehaṃ snehaujaḥ parisarppati || 1938 ed., 4.37.49 pitte 'dhike kaphe kṣīṇe rūkṣe vātarujārdite | rātrāv api tu dātavyaṃ kāle coṣṇe 'nuvāsanaṃ || 1938 ed., 4.37.50 uṣṇe pittedhikevāpi divādāhādayo gadāḥ | sambhavanti tadā stvenam pradoṣe yojayed bhiṣak || 1938 ed., 4.37.52 ahorātrasya kāleṣu sarvveṣv evānilocchrayāt | tīvrāyāṃ rucijīrṇṇānnam bhojayitvānuvāsayet || 1938 ed., 4.37.53 na cābhuktavataḥ snehaḥ praṇidheyaḥ kathañcana | sūkṣmatvāc chūnyakoṣṭhasya kṣipram ūrddham athotpatet || 1938 ed., 4.37.54 sadānuvāsayedbhuktam ārdrapāṇin naram bhiṣak | jvaram vidagdhabhuktasya kuryāt snehaḥ prayojitaḥ || 1938 ed., 4.37.55 na cātisnigdham aśanaṃ bhojayitvānuvāsayet | madaṃ mūrcchāñ ca janayed dvidhā snehaḥ prayojitaḥ || 1938 ed., 4.37.56 rūkṣam bhuktavato hy annam balam varṇṇañ ca hīyate | yuktasnehavato jantum bhojayitvānuvāsayet || 1938 ed., 4.37.57 yūṣakṣīrarasais tasmād yathāvyādhim avekṣya hi | yathocitāt pādahīnam bhojayitvānuvāsayet || 1938 ed., 4.37.57.1 na tu bhuktavato deyam āsthāpanam iti sthitiḥ | viśūcikāṃ sañjanayecccharddim vāpi sudāruṇāṃ || 1938 ed., 4.37.57.2 niḥśeṣāḥ sukhamāyānti bhojanenā prapīḍitāḥ || na cāsthāpanavikṣiptam annam agniḥ pradhāvati | tasmād āsthāpanan deyan nirāhārāya jānatā || 1938 ed., 4.37.58 athānuvāsyaṃ svabhyaktaṃ snānam uṣṇāmbubhiḥ śanaiḥ | bhojayitvā yathoddiṣṭaṃ kṛtañ caṅkramaṇan tataḥ || 1938 ed., 4.37.59 visṛjya ca śakṛnmūtre yojayet snehabastinā | praṇidhānavidhānantu nirūhe sampravakṣyate || 1938 ed., 4.37.60 tataḥ praṇihitaḥ snehas tūttāno vākchatam bhavet | prasāritaiḥ sarvvagātrais tathā vīryam visarppati || 1938 ed., 4.37.61 tāḍayet talayor evaṃ trīm̐strīn vārām̐śchanaiḥ śanaiḥ | sphijoś cainan tataḥ śayyān trīn vārān utkṣipet punaḥ || 1938 ed., 4.37.62 evam praṇihite bastau mandāyāmo 'tha mandavāk | svāstīrṇṇo śayane kāmam āsītācārike tataḥ || 1938 ed., 4.37.63 tatra saindhavacūrṇṇena śatāhvena ca saṃyutaḥ | bhavet sukhoṣṇaś ca tathā nirati sahasā sukhaṃ || 1938 ed., 4.37.64 yasyānuvāsano dattaḥ sakṛd anvakṣamāvrajet | atyauṣṇād atitaikṣṇād vā vāyunā vā prapīḍitāḥ ||' | 1938 ed., 4.37.65 savātodhikamātro vā gurutvād vā'tibheṣajaḥ | tasyātyalpataro deyo na hi snihyati tiṣṭhati || 1938 ed., 4.37.66 viṣṭabdhānilaviṇmūtrasnehahīnenuvāsane | dāhaḥ klamaḥ pravāhārtti karaś cātyanuvāsane || 1938 ed., 4.37.67 sānilaṃ sapurīṣañ ca snehapratyeti yasya tu | oṣācoṣau vināśīghran na samyag anuvāsitaṃ || 1938 ed., 4.37.68 jīrṇṇānnam atha sāyāṃhne snehe pratyāgate punaḥ | laghvannam bhojayet kāman dīptāgnin tu naro yadi || 1938 ed., 4.37.70 snehabastikraman tv etad evam āhur mmanīṣiṇaḥ | anena vidhinā yadvā sapta vāṣṭau pareṇa vā || 1938 ed., 4.37.71 vidheyā bastayo nṛṇām antarā tu nirūhaṇāt | dattas tu prathamo bastiḥ snehayed bastivaṃkṣaṇau || 1938 ed., 4.37.72 samyag datte dvitīyas tu koṣṭhastham anilaṃ jayet | balam varṇṇañ ca janayet tṛtīyas tu niṣevitaḥ || 1938 ed., 4.37.73 caturthaḥ snehanirasaṃ raktaṃ snehati pañcamaḥ | ṣaṣṭhas tu snehayet māṃsaṃ medaḥ snehati saptamaḥ || 1938 ed., 4.37.74 aṣṭamo navamaś caiva sārammajjārasāmajjanamevame ca evaṃ śukragatān doṣān dviguṇenātha sādhayet || 1938 ed., 4.37.75 aṣṭādaśāṣṭādaśakān bastīs tu yo nisevate | yathoktena vidhānena parihārakrameṇa ca || 1938 ed., 4.37.76 sakuñjarabalo 'śvasya jave tulyo 'maraprabhaḥ | vītapāpmāśrutadharaḥ sahasrāyur nnaro bhavet || 1938 ed., 4.37.77 snehabastin nirūham vā nābhyased eka eva tu | snehātpittakaphotkleśo nirūhāt pavanādbhayaṃ || 1938 ed., 4.37.78 tasmānnirūḍho 'nuvāsyo nirūḍhaś cānuvāsitaḥ | naiva pittakaphotkleśo syātān na pavanāvanādbhayaṃ || 1938 ed., 4.37.79 rūkṣasya bahuvātasya snehabastin dine dine | dadyādvaidyas tato 'nyeṣāṃ magnyābādhabhayātryahāt || 1938 ed., 4.37.80 sneholpamātro rūkṣāṇān dīrghakālamananyayaḥ | tathā nirūhaḥ snigdhānām alpamātraḥ praśasyate || 1938 ed., 4.37.81 ata ūrddhvam pravakṣyāmi vyāpadaḥ snehabastijaḥ | balavanto yadā doṣāḥ koṣṭhāḥ syuranilādayaḥ || 1938 ed., 4.37.82 alpavīryan tadā snehām abhibhūya pṛthagvidhāḥ | kurvvantyupadravān snehaḥ sa cāpi na nivarttate || 1938 ed., 4.37.83 tatra vātābhibhūte tu snehavaktrakaṣāyatā | jṛmbho vātarujastāstā vepathur vviṣamajvaraḥ || 1938 ed., 4.37.84 pittābhibhūte snehe tu mukhyasya kaṭutā bhavet | jvaradāhaḥ s tathā svedo netramūtrāṅgapītatā || 1938 ed., 4.37.85 śleṣmābhibhūte snehe tu praseko madhurāsyatā | gauravaccharddirucchvāsaḥ kṛcchrāc chītajvaro ruciḥ || 1938 ed., 4.37.86 tatra doṣābhibhūte tu snehabastin nidhāpayet | yathāsvan doṣaśam anānyupayojyāni yāni ca || 1938 ed., 4.37.87 atyāsitetvānābhibhavāt sneho naiti yadā tadā | gururāmāśayaḥ śūlo vāyoś cāpratisañcaraḥ || 1938 ed., 4.37.88 hṛtpīḍāmukhavairasyaṃ śvāso mūrcchājvaro 'ruciḥ | tatrāpatarppitasyānte dīpano vidhiriṣyate || 1938 ed., 4.37.89 aśuddhasya malonmiśraḥ sneho naiti yadā punaḥ | tadāṅgasadanādhmāne śūlaḥ śvāśaś ca jāyate || 1938 ed., 4.37.90 pakvāśayagurutvañ ca tatra dadyān nirūhaṇaṃ | tīkṣṇātīkṣṇauṣadhair eva siddhañ cāpy anuvāsanaṃ || 1938 ed., 4.37.91 śuddhasya dūrānusṛte snehe snehonudarśanaṃ | gātre sarvvendriyāṇāñ cāpy anulepo 'vapīḍanaṃ || 1938 ed., 4.37.92 snehasandhimukhañ cāpi kāsaśvāsāvarocakaḥ | atipīḍitavat tatra siddhirāsthāpanan tathā | 1938 ed., 4.37.93 asvinnasyāviśuddhasya sneho 'lpas tu prayojitaḥ | śīto mṛduś ca nābhyeti tato mandam pravāhati || 1938 ed., 4.37.94 vibandhagauravādhmānaśūlaiḥ pakvāśayam prati | tatrāsthāpanam evāśu prayojyaṃ sānuvāsanaṃ || 1938 ed., 4.37.95 alpam bhuktavatolpāśaḥ sneho mandaguṇas tathā | datto naiti klamotkleśo bhṛśañ cāritam āvahet || 1938 ed., 4.37.96" met="hypermetrical tatrāpyāsthāpanaṃ kāryaṃ śodhanīyena bastinā | anuvāsanañ ca snehena śodhane naiva śasyate || 1938 ed., 4.37.97 ahorātrād api snehaḥ pratyāgacchan na duṣyati | kuryād bastiguṇām̐ś cāpi jīrṇṇasvalpaguṇo bhavet || 1938 ed., 4.37.99 anāyāntam ahorātrāt snehāṃ śaṃśodhanair haret | snehabastāvanāyāte nānyasneho vidhīyate || 1938 ed., 4.37.100 ity ukto vyāpadaḥ sarvvāḥ salakṣaṇacikitsitāḥ || o || basteruttarasaṃjñasya śṛṇu vakṣyāmyataḥ paraṃ | 1938 ed., 4.37.101 caturddaśāṅgulan netraṃ kāryam vaidyena jānatā || mālatīpuṣpavṛntābhan taccchidrañ cchidram eva ca | 1938 ed., 4.37.104 meḍhrayāmasamaṃ kecid icchanti khalu tadvidaḥ || snehapramāṇaṃ paramam prasṛtaś cātra kīrttitaḥ | pañcaviṃśati varṣāṇāṃ sa vāgbuddhivikalpitaṃ nikṛṣṭakarṇṇikāṃ madhye nārīṇāñ caturaṅgulaṃ | mūtrasrotaparīṇāhaṃ muṅgavāhi daśāṅgulaṃ || tāsāmapatyamārggeṣu nidadhyāc caturaṅgulaṃ | 1938 ed., 4.37.105 dvyaṅgulam mūtramārgge tu kanyānāṃ karṇṇikāṅgule || 1938 ed., 4.37.106 snehasya prasṛtaś cātra svāṃgulīmūlasammitaḥ | param pramāṇam vihitam avāgbuddhivikalpitaṃ || 1938 ed., 4.37.107 aurabhraḥ saukarovāpi bastirājaś ca pūjatiḥ | 1938 ed., 4.37.108 tasyālābhe dṛteḥ pādo mṛducarmma kṛto pi vā || athāturam upasnigdhasvinnam praśithilāśayaṃ | 1938 ed., 4.37.109 yavāgūṃ saghṛtakṣīrām pītavantaṃ yathābalaṃ || niṣaṇṇamājānusame pīṭhe sāpāśraye samaṃ | 1938 ed., 4.37.110 svabhyaktabastiśirasaṃ tailanoṣṇena pūjitaḥ || tataḥ samaṃ sthāpayitvā nāla~~masya~~masya praharṣitaṃ | 1938 ed., 4.37.111 pūrvvaṃ salākayānvisya mārggannetram anantaraṃ || śanaiḥ śanair ghṛtābhyaktaṃ nidadhyādaṅgulāni ṣaṭ | 1938 ed., 4.37.112 tato 'vapīḍayed bastiḥ śanair nnetrañ ca nirharet || 1938 ed., 4.37.113 tataḥ pratyāgatasneham aparāhne vicakṣaṇaḥ | bhojayet payasāmātrā yūṣeṇātharasena vā | 1938 ed., 4.37.114 anena vidhinā dadyād bastīm̐strīn caturo 'pi vā | anuvāsanasiddhiñ ca vīkṣya karmma prayojayet || uttānāyai striyai dadyād ūrdhvajātvai samāhitaḥ | 1938 ed., 4.37.115 kanyetarasyai kanyāyai dadyāt sumṛdupīḍitaṃ || vikarṇṇikena netreṇa dadyādyonimukham prati | 1938 ed., 4.37.116 garbbhāśayaviśuddhyarthaṃ snehane dviguṇena tu || 1938 ed., 4.37.117 apratyāgacchati bhiṣag bastāvuttarasaṃjñite | 1938 ed., 4.37.118 bhūyo bastin nidadhyāc ca saṃyutaṃ śodhanauṣadhaiḥ || pāyau varttiḥ nidadhyād vā proktaṅgulma cikitsite | 1938 ed., 4.37.119 praveśayed vā matimān nābastidvārameṣaṇīṃ || pīḍayed vāpyadho nābher bbaster upari muṣṭinā | 1938 ed., 4.37.120 āragvadhasya patreṣu nirgguṇḍyāḥ surasasya ca || kāryā gomūtrapiṣṭeṣu varttir vvā saindhavena vā | 1938 ed., 4.37.121 mudgailāsarṣapasamā pravibhajya vayāṃsi ca || basternnāgamanārthāya tān nidadhyācchalākayā | 1938 ed., 4.37.122 agāradhūmabṛhatī phalapippalīsaindhavaiḥ || kṛtā vā śuktagomūtrasurāpiṣṭaiḥ sanāgaraiḥ | 1938 ed., 4.37.123 This hemistich is given at 114cd śarkkarāmadhumiśreṇa śītena madhukāmbunā || 1938 ed., 4.37.124 bastau dahyati vā bāḍhaṃ pāyau bastim pradāpayet || 1938 ed., 4.37.125 śukran duṣṭaṃ śoṇitañcāṅganānām asṛgdarantasya nāśañ ca kaṣṭaṃ | mūtrāghātam mūtradoṣān pravṛddhān yonau rogān aparāyāś ca saṅgāṃ || 1938 ed., 4.37.126 śukrāghātaṃ śarkkarām aśmarīñ ca śukraṃ bastau vaṃkṣaṇe mehane ca | ghorān anyān bastijām̐ś cāpirogān mehodṛte tūttarau hanti bastiḥ || 1938 ed., 4.37.127 samyag dattasya vijñānam vyāpadaḥ krama eva ca | baster uttarasaṃjñasya samānaṃ snehabastineti || o ||

cikitsālañ ||

Adhyāya 38 (draft based on MS H) 1938 ed., 4.38.1 athāto nirūhakramacikitsitaṃ vyākhyāsyāmaḥ || 1938 ed., 4.38a dhanvantarirddharmmabhṛtām variṣṭham amṛtodbhavaṃ | caraṇāvupasaṃṅgṛhya suśrutaḥ paripṛcchati || 1938 ed., 4.38b bhagavaṃ snehavastes tu tathaivāsthāpanasya ca | pramāṇaṅkalpanaṅ kālam mātrāñ cāpi bravīhi me || tasya tadvacanaṃ śrutvā prābravīd bhiṣajām varaḥ || 1938 ed., 4.38c śuddhe muhūrtte karaṇe dine ca nakṣatrayoge ca tathānukūle | viviktasaṃsṛṣṭamṛdāvalipte vicitrapuṣpāstṛtabhūpradeśe || 1938 ed., 4.38d suvarṇṇarūpyāya satāmrajo vā mṛdūdbhavo vā kalaśo 'mbupūrṇṇaḥ | sadhānyaratnādi samālyagandhair vastrādibhiś cāpy atha svastikaiś ca || 1938 ed., 4.38e taccāmṛtasthānam ato 'rccanīyaṃ pūrvvāt tatonyaddhṛṣayaḥ sadevāḥ | saṃspṛśya ratnāni tathauṣadhīm̐ś ca devān dvijān pūjya ca dakṣiṇābhiḥ || 1938 ed., 4.38f dravāṇi sarvvāṇi tu vāmapārśve cūrṇṇāni kalkān atha dakṣiṇe tu | tanmadhya saṃsthāyabhiṣak prasanna iti pāṭhaḥ |bhiṣag apramattaḥ sunirmmale syāt sudṛḍho viśāle || suvarṇṇalohādi mṛdūdbhavo vā pragṛhyakāṃse 'py atha rājate vā || 1938 ed., 4.38g datvād au saindhavasyākṣaṃ madhunaḥ prasṛtam mitaṃ | pātre talena mathnīyāt tadvat snehaṃ śanaiḥ śanaiḥ || 1938 ed., 4.38h gūḍhasneham viditvā tu vinītaḥ kalkamāvapet | datvā samyak sumathite phalakalkamataḥ paraṃ || 1938 ed., 4.38i tato yathocitāñ ceṣān kārṣikān ślakṣṇapeṣimān | gambhīre bhojane nyasya khajenābhimathet tataḥ || 1938 ed., 4.38j yathā ca sādhu manyeta na sāndro na tanuḥ samaḥ | kaṣāyaḥ prasṛtāt pañca supūrṇṇāt tatra dāpayet || 1938 ed., 4.38k rasakṣīrāmlamūtrāṇān doṣāvasthām avekṣya ca | evam añjalayaḥ ṣaḍtaiḥ kuryād vyādhitapāṇinā || 1938 ed., 4.38l dvādaśaprasṛtaṃ kecid viṅśatiḥ palikan tathā | dvātriṅśat palikāṃś caiva triṃśad aṣṭau tathaiva ca || evam bhinneṣu śāstreṣu saṃśayaḥ sumahānabhūt || o || 1938 ed., 4.38.3 āturam anuvāsitam āsthāpayet | svabhyaktaṃ svinnaśarīram utsṛṣṭa bahirbbhāgamapravāte śucau deśe samavinyastāyāṃ śayyāyām adhaḥ | sapratigrahāyām āśroṇīpradeśe suvyūhāyāṃ śayānam vāmapārśve neti || bhavati cātra ślokaḥ || savyam prasārayet sakthi dakṣiṇaṃ cāpasaṃharet | madhyāhne sumanājīrṇṇe niranno vāgyatonaraḥyataḥ || tato vāmapādopari netraṃ kṛtvetarapādāṅguṣṭhāṅgulībhyāṅ karṇṇikopari nipīḍya bastāv auṣadhamāsicyocchrāsyauṣadhānte cāvavadhya mūtreṇa samyag baddhañ cāturā ya ghṛtābhyaktanetrāgraṃ ghṛtābhyakta gudāya praṇayed anutsṛjannanupṛṣṭhavaṃśam anusukham ākarṇṇikam iti || 1938 ed., 4.38.4 bastiṃ savye kare kṛtvā dakṣiṇena avapīḍayet | ekenaiva ca pīḍena na drutan na vilambitaṃ || 1938 ed., 4.38.5 tato netram apanīya triṃśan mātrāpīḍanakālād upetyottiṣṭhetyāturam brūyāt | utkuṭukobhavatasterāgamanāyeti | 1938 ed., 4.38.6 anena vidhinā dadyād bastiṃ bastiviśāradaḥ || dvitīyam vā tṛtīyam vā caturtham vā yathārthataḥ || 1938 ed., 4.38.7 samyaṅ nirūḍhaliṅge tu prāptabastin nivārayet | 1938 ed., 4.38.8 api hīnaṃ kramaṅ kuryān na ca kuryād atikramaṃ || viśeṣāt sukumārāṇāṃ hīna eva kramo hitaḥ alpālpavego vinvāta hīnohīno nirūhaṇaḥ || 1938 ed., 4.38.8.1 mūrcchāśūlakaphaprāyo mahāvegātiśabditaḥ | yasya mūtrapurīṣañ ca kaphavāyuś ca gacchati || 1938 ed., 4.38.8.2 krameṇa laghutā caiva sunirūhaḥ samānavaḥ | sunirūḍhantato jantuṃ snātaṃ bhuktarasodanaṃ || 1938 ed., 4.38.8.3 yathoktena vidhānena yojayet snehabastinā | tadahas tasya pavanād bhayam balavad iṣyate || 1938 ed., 4.38.8.4 rasodanastena śastas tadahaś cānuvāsanaṃ | paś cādagnibalam matvā pavanasya ca veṣṭitaṃ || 1938 ed., 4.38.8.5 annopastambhite kāṣṭhe snehabastirvvidhīyate || o || 1938 ed., 4.38.8.6 viviktatāmanastuṣṭi snigdhatā vyādhinigrahaḥ || āsthāpanasnehabastyoḥ samyagdāne tu lakṣaṇaṃ || 1938 ed., 4.38.17 anāyāntam muhūrttāt tu nirūhaṃ śodhanair haret | 1938 ed., 4.38.18 nirūhair eva matimān kṣāramūtrāmlasaṃyutaiḥ || viguṇānilaviṣṭabdhaś ciran tiṣṭhan nirūhaṇaḥ | 1938 ed., 4.38.19 śūlāratijvarāṭopāt maraṇam vā pravarttayet || na tu bhuktavate deyam āsthāpanam iti sthitiḥ | 1938 ed., 4.38.20 āmaṃ hi tad haredbhuktaṃ ccharddim vā janayed bhṛśaṃ || kopayet sarvvadoṣān vā tasmād dadyād anāsite | 1938 ed., 4.38.23 āvasthikān kramān vāpi matvā kāryan nirūhaṇaṃ || malepahṛtadoṣāṇām balavattvanna vidyate | 1938 ed., 4.38.24 kṣīrāṇyamlāni mūtrāṇi snehāḥ kvāthā rasās tathā || lavaṇāni tathā kṣaudraṃ śatāhvā sarṣapā vacā | 1938 ed., 4.38.25 kuṣṭan trikaṭakaṃ rāsnā saralā suradāru ca || rajane madhukaṃ hiṅgu elā saṃśodhanāni ca | 1938 ed., 4.38.26 kaṭukāṃ śarkkarāṃ mustām uśīrañ candanaṃ śaṭhīṃ || mañjiṣṭhām madanañ caṇḍāṃ trāyamāṇāṃ rasāñjanaṃ | 1938 ed., 4.38.27 bilvamadhyaṃ yavānīñ caphalinī śakrajā yavān || kākolī kṣīrakākolī jīvakarṣabhakau tathā | 1938 ed., 4.38.28 medā caiva mahāmedā ṛddhi vṛddhir madhūlikā || nirūheṣu yathālābham eṣa varggo vidhīyate | 1938 ed., 4.38.29 kvāthasya bhāgāś catvāraḥ snehabhāgaś ca pañcamaḥ || svasthe 'nile caturthas tu kupitenyataroṣṭamaḥ | 1938 ed., 4.38.30 sarvveṣu cāṣṭamo bhāgaḥ kalkānāṃlavaṇam punaḥ || kṣaudramūlaghṛtakṣīram amlamāṃsarasastathā | 1938 ed., 4.38.31 yuktyā pradāpayed dhīmān nirūhe kalpanātviyaṃ || 1938 ed., 4.38.32 klakasnehakaṣāyāṇāṃ mavivekād bhiṣagvaraiḥ | bastis tu kalpitaḥ proktas tasya dānaṃ yathārthavakṛt 1938 ed., 4.38.77 vātaghnauṣadhaniḥkvāthāḥ saindhavatrivṛtā yutāḥ | sāmlāḥ sukhoṣṇā deyāḥ syur bbastayaḥ kupitenile || 1938 ed., 4.38.78 nyagrodhādigaṇaḥ kvāthāḥ kākolyādi samāyutā | vidheyā bastayaḥ pitte sakṣaudraghṛtaśarkkarāḥ || 1938 ed., 4.38.79 āragvadhagaṇakvāthāḥ pippalyādi samāyutāḥ | sakṣaudramūtrā deyāḥ syur bbastayaḥ kupite kaphe || 1938 ed., 4.38.80 śarkkarekṣurasakṣīraghṛtayuktāḥ suśītalāḥ | kṣīravṛkṣakaṣāyādyāḥ bastayaḥ śoṇite hitāḥ || 1938 ed., 4.38.81 śodhanadravyaniḥkvāthās tatkalkasnehasaṃyutāḥ | khajena mathitā deyā bastayaḥ śodhane matāḥ || 1938 ed., 4.38.87 priyaṃgvādigaṇakvāthāḥ piṣṭāmbasṣṭādisaṃyutāḥ | sakṣaudrāḥ saghṛtāś cāpi bastayo grāhiṇo matāḥ || 1938 ed., 4.38.87.1 triphalākalkagomūtrakṣaudrakṣārasamanvitāḥ | ūṣakādisamāvāpā bastayo lekhanā matāḥ || 1938 ed., 4.38.87.2 bṛṃhaṇadravyaniḥkvāthāḥkalkair mmadhurasaṃyutāḥ | sarppir mmāṃsarasopetā bastayo bṛṃhaṇā matāḥ || 1938 ed., 4.38.87.3 caṭakāṇḍoccaṭakvāthāḥ sakṣīraghṛtaśarkkarāḥ | ātmaguptaphalāvāpāḥ smṛtā vyājīkarā nṛṇāṃ || 1938 ed., 4.38.87.4 badaryairāvatīśelū śālmalī dhanvanāṅkurāḥ | kṣīrasiddhās tu śītāsṛk saṃyuktaḥ picchilā matāḥ || 1938 ed., 4.38.88 eteṣveva ca yogeṣu snehaḥ siddhāḥ pṛthak pṛthak | tatkarmmasādhanā vaidyair vvidheyā snehabastiṣu || 1938 ed., 4.38.89 vandhyānāṃ śatapākeśo śodhitānāṃ yathākramaṃ | balātelaina deyāḥ syur bbastayas traivṛtena vā || o || 1938 ed., 4.38.89.1 siddhān ataḥ pravakṣyāmi bastīn nānāgadāpahān | daśamūlājamāṃsasya kvāthamaṣṭāṃśaśeṣitaṃ || 1938 ed., 4.38.89.2 siddhān ataḥ pravakṣyāmi bastīn nānāgadāpahān | daśamūlājamāṃsasya kvāthamaṣṭāṃśaśeṣitaṃ || 1938 ed., 4.38.89.3 phalaṃ saindhavam amlañ ca saṃyojya khajamūrcchitaṃ | sukhoṣṇam vātarogaghnam balavarṇṇakaramparaṃ || 1938 ed., 4.38.89.4 bastirnniratyayamimaṃ vidadhyād daśamūlikaṃ | trāyamāṇāpaṭolañ ca pañcamūlatrikaṇṭake || 1938 ed., 4.38.89.5 balāyavaiś ca niḥkvāthya pādaśeṣañjalāḍhakaṃ | chāgamāṃsarasārddhena yojitam vipacet punaḥ || 1938 ed., 4.38.89.6 prasthaśeṣan tataḥ piṣṭaiḥ kāntākṛṣṇādyanair yutaṃ | sarppistailasamākṣīrasaindhavair mmadanena ca || 1938 ed., 4.38.89.7 cakṣuṣyan dīpanam bastin dadyāt māṃsabalapradaṃ | eraṇḍan triphalāṃmūlād bṛhatyau pragrahaṃ sthire || 1938 ed., 4.38.89.8 aśvagandhāmṛtā gandhā palāśāsuradāru ca | rāsnā punarnnavabalāśvadaṃṣṭrā capalonmitāḥ || 1938 ed., 4.38.89.9 paktvā jalāḍhakaṃ cāmladvyāḍhake pādaśoṣite | piṣṭaiḥ śatāhvāhapuṣā kāntā kṛṣṇā rasāñjanaiḥ || 1938 ed., 4.38.89.10 mustendrayavaṣaḍgranthā madhukaiś cākṣabhāgikaiḥ | sasaindhavaghṛtakṣaudratailamūtraiś ca yojitaḥ || 1938 ed., 4.38.89.11 sandhyasthipārśvajaṃghoru pādapṛṣṭhatrikāśritaṃ | śūlaṃ kaphāvṛtam vātaviṇmūtragrahaṇaṃ saruk || 1938 ed., 4.38.89.12 aśmarīśarkkarādhmānagrahaṇyarśogadān api | eraṇḍādirayaṃ hanyād bastilekhanadīpanaḥ || 1938 ed., 4.38.89.13 mustā pāṭhāmṛtātiktā balā rāsnā punarnnavā | mañjiṣṭhāragvadhośīra trāyamāṇākṣagokṣurān || 1938 ed., 4.38.89.14 sahālpapañcamūlena palikāṃ madanāṣṭakāṃ | jaladroṇe pacet kvātham pādaśeṣam punaḥ pacet || 1938 ed., 4.38.89.15 kṣīraprasthena saṃyuktaṃ kṣīrapiṣṭam pariśrutaṃ | jaṅgalānurasotpādaḥ sarppiṣo madanas tathā || 1938 ed., 4.38.89.16 śatāhvāphalinīyaṣṭīvatsakaiḥ sarasāñjanaiḥ | kārṣikaiḥ saindhavayutaiḥ kalkair bbastiḥ suyojitaḥ || 1938 ed., 4.38.89.17 vātāsṛkmohaśophārśo gulmamūtravibandhanut | visarppajvaraviḍbhaṅga raktapittavināśanaḥ || 1938 ed., 4.38.89.20 valyaḥ sandīpanovṛṣyaś cakṣuṣyaḥ śūlanāśanaḥ | yāyanānānayaṃ rājā bastimustādiko mataḥ || 1938 ed., 4.38.90 narasyottamasatvasya tīkṣṇaṃ bastīn pradāpayet | madhyam madhyamasatvasya hīnasatvasya vā mṛduṃ || 1938 ed., 4.38.91 evaṅ kālam balandoṣam vikārañ ca vikāravit | bastidravyabalañ caiva vīkṣya bastim prayojayet || 1938 ed., 4.38.92 dadyādutkleśanaṃ pūrvvam madhye doṣaharaṃ punaḥ | paś cāt saṃśamanīyañ ca bastiṃ bastiviśāradaḥ || 1938 ed., 4.38.96 || nṛpāṇāṃ tat samānānāṃ tathā vasumatām api | nārīṇāṃ sukumārāṇān tathaiva śiśuvṛddhayoḥ || 1938 ed., 4.38.97 doṣanirharaṇārthāya balavarṇṇodayāya ca | samāsenopadekṣyāmi vidhānam mādhutailikaṃ || 1938 ed., 4.38.98 yānastrīpānabhojyeṣu parihāro na rocyate | phalañ ca vipulan dṛṣṭaṃ vyāpadañ cāpy asambhavaḥ || 1938 ed., 4.38.99 yadicchati tadaiveṣa nirūhakramam arhati | 1938 ed., 4.38.100 madhutaile same syātāṃ kvāthaścairaṇḍamūlajaḥ || karṣaś ca śatapuṣpāṇān tato 'rddhaṃ saindhavasya ca | 1938 ed., 4.38.101 phalanaikena saṃyuktaḥ khajena suviloḍitaḥ || deyaḥ sukhoṣṇo bhiṣajā mādhutailikasaṃyutaḥ | 1938 ed., 4.38.102 vacā madhu ca tailañ ca kvāthaḥ sacasasaindhavaḥ || phalapippalisaṃyukte vastir yuktarathaḥ smṛtaḥ | 1938 ed., 4.38.103 suradāru vacā rāsnā śatapuṣpā tathaiva ca || hiṃgusaindhavasaṃyuktobastirddoṣaharaḥ smṛtaḥ | 1938 ed., 4.38.104 pañcamūlīkaṣāyantu tailam māgadhikā madhuḥ || bastireṣa vidhātavyaḥ saśatāhvaḥ sasaindhavaḥ | 1938 ed., 4.38.105 yavakolakulatthānāṃ kvātho māgadhikāyutaḥ || sasaindhavaḥ samadhukaḥ siddhabastir iti smṛtaḥ | 1938 ed., 4.38.112 avekṣya bheṣajam buddhyā vikārañ ca vikāravit || bījenānena matimān kuryād bastiśatānyapi | 1938 ed., 4.38.113 ajīrṇṇena prayuñjīta divāsvapnañ ca varjjayet || āhārañ cārikaṃ śeṣam anyat kāmaṃ samācaret | 1938 ed., 4.38.114 yasmāt madhu ca tailañ ca prādhānyenātra varttate || mādhutailika ity eṣa saṃjñito basticintakaiḥ | 1938 ed., 4.38.115 ratheṣv api ca yukteṣu hastyaśve vāpi kalpite || yasmānna pratiṣiddheyamato yuktarathaḥ smṛtaḥ | 1938 ed., 4.38.116 bastau yuktarathe yasmād dhruvāsiddhiḥ prakīrttitāḥ || siddhabastiriti proktā munibhir nnaigamaiṣibhiḥ | 1938 ed., 4.38.117 sukhinām alpadoṣāṇān nityasnigdhāś ca ye narāḥ || mṛdukoṣṭhāś ca ye teṣāṃ vidheyā mādhutailikaḥ | 1938 ed., 4.38.118 mṛdutvāt pādahīnatvād akṛtsnavidhisevanāt || ekabastipradānāc ca siddhabastiṣv ayantra ṇeti ||

|| cikitsāsthānam aṣṭatriṃśattamo 'dhyāyaḥ ||

[Adhyāya 39] 1938 ed., 4.39.1 athāta āturopadravakitsitaṃ vyākhyāsyāmaḥ || 1938 ed., 4.39.3 snehapīsya vāntasya viriktasyāśrutāsṛjaḥ | nirūḍhasya ca kāyāgnir mando bhavati dehinaḥ | 1938 ed., 4.39.4 so nnair atyarthagurubhir upayuktaiḥ praśāmyati | alpo mahadbhir bahudhā chādite gnir ivendhanaiḥ | 1938 ed., 4.39.5 sa cālpair laghubhiś cānnair upayuktair vivardhate | kāṣṭhair aṇubhir alpaiś ca sandhukṣita ivānalaḥ | 1938 ed., 4.39.6 hṛtadoṣapramāṇena sa cāhāravidhiḥ smṛtaḥ | trīṇi cātra pramāṇāni prastho rdhāḍhakam āḍhakam || 1938 ed., 4.39.7 tatrāvaraṃ prasthamātraṃ dve śeṣe madhyamottame | prasthe tv eke gate deyā yavāgūsvalpatāṇḍulā | 1938 ed., 4.39.8 dve caivārdhāḍhake deye tisraś cāpy āḍhake gate | vilepīmucitādbhaktāc caturthāṃśakṛtām bhiṣak | dadyāt klinnan tataḥ paścāt mudgayūṣeṇa bhojanaṃ | tribhāgakalitaṃ samyag akṛtenārddhasammitaṃ | 1938 ed., 4.39.10b tatas tu kṛtasaṃjñena hṛdyenendriyabodhinā | 1938 ed., 4.39.11 trīn aṅśād vitare bhoktum āturāyonaṃ prati | tato yathocitaṃ bhaktaṃ bhoktum asmai vicakṣaṇaḥ | 1938 ed., 4.39.12 lāvainahariṇādīnāṃ rasair dadyāt susaṃskṛtaiḥ | hīnamadhyottameṣv eṣu virekeṣu prakīrttitaḥ | 1938 ed., 4.39.13a ekadvitriguṇaḥ samyag āhārasya kramo hitaḥ | 1938 ed., 4.39.14b vedanālābhaniyam aśokavaicityahetubhiḥ | 1938 ed., 4.39.15 narān upoṣitaṃś cāpi viriktavad upācaret | āḍhakārdhāḍhakaprasthasaṃkhyā hy eṣā virecane | 1938 ed., 4.39.16 śleṣmānto hi virekaḥ syād etad icchanti kecanaḥ | eko virekaḥ śleṣmānto na dvitīyaḥ kadācanaḥ | 1938 ed., 4.39.17 balaṃ yat trividhaṃ proktam atas tatra kramas tridhā | tatrānukramam ekan tu balasthe sakṛd ācaret | 1938 ed., 4.39.18 madhyame dvau kramau kuryāt trīn vārān durbale tathā | kecid evaṃ kramaṃ prāhur mandamadhyottamāgniṣu 1938 ed., 4.39.21 kevalaṃ snehapītto vā vānto yaś cāpi kevalaṃ | sa saptarātraṃ manujo bhuñjīta laghu bhojanaṃ | 1938 ed., 4.39.22 sirāvedhakṛto yaś ca virikto yaś ca mānavaḥ | māsam parihared agnir yāvan na balavāṃ bhavet | 1938 ed., 4.39.23 tryahaṃ tryahaṃ parihared ekaikam bastim āturaḥ | tṛtīye parihāre tu yathāyogaṃ samācaret | 1938 ed., 4.39.24 tailapātrāmamṛdbhāṇḍasadharmāṇo vraṇāturāḥ | snigdhaśuddhāgnirogārttā jvarātīsāriṇaś ca ye | 1938 ed., 4.39.25 krudhyataḥ kupitaḥ pittaṃ kuryāns tāns tān upadravān | āyāsyataḥ śocato vā cittaṃ vibhramam arcchati | 1938 ed., 4.39.26 maithunopagamād ghorāṃ vyādhīn arcchati durmatiḥ | ākṣepakaṃ pakṣāghātam aṅgapragraham eva ca | 1938 ed., 4.39.27 guhyapradeśe śvayathuṃ kāśaśvāsau ca dāruṇau | śukravac cāsya rudhiraṃ sarujaṃ sampravarttate | 1938 ed., 4.39.28 divāsvapnāt tu labhate tāṃs tā vyādhīn kaphātmakāṃ | pratiśyāyaṃ jvaraṃ śophaṃ pāṇḍurogaṃ plihodaraṃ | 1938 ed., 4.39.29 mohaṃ sadanam aṅgānāṃ sāvipākam arocakaṃ | tamasā cābhibhūtaś ca svapnam evābhinandati | 1938 ed., 4.39.30 uccaiḥ sambhāṣaṇād vāyuḥ śirasy āpādayed rujaṃ | āndhyam vādhiryamaghratvaṃ mūkatā jaḍatām api | 1938 ed., 4.39.31a arditaṃ sahanum mokṣam adhīmantha dāruṇaṃ | 1938 ed., 4.39.32 labhate dantacālañ ca tāṃs tāṃś cānyān upadravān | yānayānāt tu labhate cchardiṃ mūrcchā bhramaṃ klamaṃ | 1938 ed., 4.39.33 tathāṅgapragrahaṃ ghoram indriyāṇāñ ca vibhramaṃ | cirāsanāt tathā sthānāc chroṇyāṃ bhavati vedanā || 1938 ed., 4.39.34 aticaṅkramaṇād vāyur jaṃghorvvoḥ kurute rujaḥ | sakthnoḥ praśoṣaṃ śopham vā pādaharṣam athāpi vā | 1938 ed., 4.39.35a śītasambhogatoyānāṃ sevā mārutavṛddhaye | 1938 ed., 4.39.36 vātātapābhyām vaivarṇyaṃ jvaraṃ vāpi nigacchati || viruddhādhyaśanān mṛtyuṃ vyādhiṃ vā ghoram arcchati | 1938 ed., 4.39.37 asātmyabhojanād dhanyād balavarṇṇāvasaṃśayaṃ | anātmavantaḥ paśuvad bhuñjate ye pramāṇataḥ | rogānīkasya te mūlam ajīrṇṇāt prāpnuvanti haḥ | 1938 ed., 4.39.38 vyāpadāṃ kāraṇaṃ vīkṣya vyāpatsv eteṣu buddhimān | prayatetāturārogyai pratyanīkena hetunā | 1938 ed., 4.39.39 viriktavāntair hariṇaiṇalāvakāḥ śaśāś ca sevyāḥ samayūratittirāḥ | saṣaṣṭikāś cāpi purāṇaśālayas tathaiva mudgā laghu yac ca kīrttitam iti ||

|| ci 39 || ❈ ||

[Adhyāya 40] 1938 ed., 4.40.1 athāto dhūmanastaḥ kavalacikitsitaṃ vyākhyāsyāmaḥ || 1938 ed., 4.40.3 pañcavidho dhūmo bhavati | tad yathā | prāyogikaḥ snaihiko vairecanikaḥ kāsaghno vāmanīya iti || 1938 ed., 4.40.4 tatrailādinā kuṣṭhatagaravarjyena ślakṣṇapiṣṭena dvādaśāṅgulaṃ śarakāṇḍaṃ daśāṅgulagarbham aṅgula m aṅguṣṭhodara pariṇāhaṃ kṣaumeṇāṣṭāṅgulam pariveṣṭyālepayed eṣā varttiḥ prāyogikaḥ || snehaphalasāramadhūcchiṣṭasarjarasagugguluprabhṛtibhiś ca snehamiśraiḥ snaihikaiḥ || śirovirecanadravyair vairecanikaiḥ || bṛhatīkaṇṭakārikātrikaṭukakāsamardahiṃgviṅgudītvaṅmanaḥśilācchinnaruhākarkaṭakasṛṅgīprabhṛtibhiḥ kāsaharaiḥ kāsaghnaiḥ | snāyucarmakhuraśṛṅgakarkaṭāsthiśuṣkamatsyavallūrakrimibhir vāmanīyaiś ca vāmanīya iti || 1938 ed., 4.40.5 tatra bastinetravyavyair dūmanetradravyāni vyākhyātāni bhavanti || dhūmanetraṃ tu kanīnikāpariṇāham agre kalāyamātrasroto mūle ṅguṣṭhapariṇāhaṃ dhūmavarttipraveśasroto ṅgulāni catuścatvāriṃśat prāyogike | dvātriṃśat snaihike | caturviṃśati vairecanike | ṣoḍaśakāsaghne | daśa vāmanīya iti || 1938 ed., 4.40.6 atha sukhopaviṣṭaḥ sumanā ṛjvadhodṛṣṭir atandritaḥ | snehapradīptāgrām varttinetrasrotasi praṇidhāya dhūmam pibed iti || 1938 ed., 4.40.7 mukhena tam pibet pūrvaṃ nāsikābhyān tataḥ pibet | mukhapītaṃ mukhenaiva vamet pītañ ca nas tataḥ | 1938 ed., 4.40.8 yo vamen nastato dhūman nastapītaṃ mukhena vā | sa netrakarṇṇanāsāsyasaṃśrayāl labhate gadān || 1938 ed., 4.40.9 viśeṣatas tu prāyogikaṃ ghrāṇenādadyāt | snaihikaṃ mukhanāsābhyāṃ | nāsikābhyāṃ vairecanikaṃ | mukhenaivetarāv iti || 1938 ed., 4.40.11 tatra śramabhayāmarṣoṣṇaviṣaraktapittamadamūrcchāpipāsātāluśoṣamūrdhābhighātodgāratimiramehodarādhmānordhvavātontravṛddhibālavṛddhadurbalaviraktāsthāpitajāgaritagarbhiṇīrūkṣakṣatakṣīṇoraskāḥ madhughṛtadadhidugdhamadyayavāgūpītāḥ svalpakaphāś ca dhūman na severann iti || 1938 ed., 4.40.12 akālapīto bhramarī śirorogaṃ karoti ca | nāsāsrotokṣijihvānāṃm upaghātañ ca dāruṇaṃ || 1938 ed., 4.40.13 dhūmaḥ snaihiko vairecanikaḥ prāyogiko dvādaśasu kāleṣūpayogo bhavati || tad yathā kṣutadantaprakṣālananasyasnānabhojanādivāsvapnamaithunacchardanamūtroccārābhir uṣitaśastrakarmānteṣv iti || tasya vibhāgo mūtroccārakṣavathuruṣitamaithunānteṣu snaihikaḥ | divāsvapnacchardanāntayor vairecanikaḥ | dantaprakṣālanasya snānabhojanaśastrakarmānteṣu prāyogika iti || 1938 ed., 4.40.14 tatra snaihiko vātaṃ śamayati | snehād upalepitvāc ca | vairecanikaḥ śleṣmāṇam utkliśyāpakarṣati raukṣyāt taikṣṇyād auṣṇyād vaiṣadyāc ca | prāyogikaḥ śleṣmāṇam utkleśayaty utkliṣṭaṃ cāpakarṣayati śamayati vā sādhāraṇatvāt pūrvābhyām iti || 1938 ed., 4.40.15 dhūmaprayogāt puruṣaḥ prasannendriyavāṅmanā | dṛḍhakeśadvijaḥ śmaśrusugandhiviśadānanaḥ | 1938 ed., 4.40.16 tathā kāsaśvāsārocakāsyapralepasvarabhedamukhāsrāvakṣavathuvamathukrāthatandrīhanumanyāstambhapīnasaśirorogalocanaśūlāvātakaphanimittāś cāsya mukharogā na bhavanti | 1938 ed., 4.40.17 tasya yogāyogātiyogā vijñātavyā bhavanti | yogas tu dṛṣṭaphalārthaḥ | ayogo rogānirjayaḥ | atiyogas tāluśoṣaparidāhapipāsābhramamadamūrcchākarṇṇakṣveladṛṣṭirogādaurbalyayutam iti || 1938 ed., 4.40.18 tatra prāyogikas trīṃs trīn ucchvāsān ādadyāt paryāgatāns trīns trīṃś caturo veti || snaihikaṃ yāvad asrupravṛttiḥ || vairecanikam ādoṣadarśanāt || grāsāntareṣu kāsaharaṃ || vairecanikavat tilataṇḍulayavāgūpīto vāmanīyaṃ yathāyoga iti || 1938 ed., 4.40.19 tatra vraṇabastinetreṇa vraṇadhūmanetraṃ vyākhyātam bhavati || śarāvasampuṭayutaṃ vraṇadhūman nayed vraṇaṃ | dhūmanetreṇa matimān vedanāsrāvaśāntaye || 1938 ed., 4.40.20 vidhir eṣa samāsena dhūmasyābhihito mayā || nasyasyātaḥ pravakṣyāmi vidhiṃ kuśalasammitaṃ | 1938 ed., 4.40.21 auṣadhapakvo vā sneho nāsikābhyāṃ pradīyate | nasyan tatpañcavikalpam bhavati | tad yathā | nasyaṃ śirovirecanaṃ pratimarśo vapīḍaḥ pradhamanam iti | teṣān nasyam pradhāṇaṃ śirovirecanaṃ yena nasya vikalpaḥ pratimarśaḥ | śirovirecanavikalpo vapīḍaḥ pradhamanañ ceti | tato nastaśabdaḥ pañcavidhā ṇipatati | 1938 ed., 4.40.22 tatra yaḥ snehārthaṃ śūnyaśirasāṃ grīvāskandhorasāṃ balajananārthaṃ dṛṣṭiprasādajananārtham vā sneha upādīyate tasmin vaiśeṣike nastaśabdaḥ | tat tu deyam vātābhipanne śirasi tathā dantakeśaśmasruṇātadāruṇakarṇṇakṣvelatimirasvaropaghātanāsārogamukharogaśoṣāvabāhukākālajavalīpalitaprabodheṣu vātapaittikeṣu ca mukharogeṣu vātapittaharadravyasiddhena sneheneti || 1938 ed., 4.40.23 śirovirecanam api śleṣmaṇābhivyāptatālugataśirasāṃ tathā rocakaśirogauravaśūlapīnasāvabhedakakrimipratiśyāyāpasmāraghrāṇājñāneṣv anyeṣu cordhvajatrugateṣu vikāreṣu śirovirecanadravyasiddhena sneheneti | 1938 ed., 4.40.24 tat tv etad dvividham apy uktaṃ || 1938 ed., 4.40.25 tatroccāritavātamūtrapurīṣāya bhuktavate vyabhre kāle pāṇitāpopasveditagalakapolalalāṭapradeśāya vātātaparajohīne veśmany uttānaśāyine kiñcit pravilambitaśirase vastrāvacchāditanetrāya vāmahastapradeśinyagronnāmitanāsāgrāya viśuddhasrotase dakṣiṇahastena śuktyā picunā vā sukhoṣṇam adrutam avicchinnadhārām āsiñced iti | yathā ca netreṇa prāpnoti || 1938 ed., 4.40.26 snehe vasicyati śiro na kathañ cana kampayet | na bhāṣen na ca kupyec ca na kṣuyān na hased api | 1938 ed., 4.40.27 etair hi vihataḥ sneho na samyak pratipadyate | tataḥ kāsaḥ pratiśyāyaḥ śirokṣigadasambhavaḥ | 1938 ed., 4.40.28 tasya pramāṇan tv aṣṭau bindavaḥ pradeśinīparvadvayaniḥsrutāḥ | eṣā mātrā prathamā | dvitīyā śuktiḥ tṛtīyā pāṇiśuktir ity etās tisro mānāḥ yathābalam prayojyā bhavantīti || 1938 ed., 4.40.30 śṛṅgāṭakam abhiplāvya nireti vadanād yathā | kaphotkleśabhayāccainan niṣṭhīved avidhārayan || 1938 ed., 4.40.31 dante punar api saṃsvedya galakapolādīn dhūmam āseveta | bhojayec cainam anabhiṣyanti | athāsyācārikam upadiśet | krodhādim pariharec ca | rajodhūmamanastāpadravapānaśirasnānādīni | 1938 ed., 4.40.32 tasya yogāyogātiyogavijñānaṃ bhavati | 1938 ed., 4.40.33 lāghavaṃ śiraso yoge sukhasvapnaprabodhaṇaṃ | vikāropaśamaḥ śuddhir indriyāṇām paraṃ sukhaṃ || 1938 ed., 4.40.34 ayoge rogānirjayaḥ kaphaprasekaḥ śiraso gurutendriyavibhramaḥ | k> atiyoge tāluśoṣapipāsābhramamadamūrcchā ceti lakṣaṇam mūrdhny atisnigdhe rūkṣaṃ tatrāvacārayet | 1938 ed., 4.40.36 śirovirecanasyāpi catvāro bindavaḥ ṣaḍ vā tathāṣṭau vā yathābalam śirovicakasnehasya pramāṇam abhinirdiśet | 1938 ed., 4.40.37 tasya trīṇy abhivarṇṇyante lakṣaṇāni prayogataḥ | śuddhihīnātisañjñāni viśeṣāc chāstracintakaiḥ | 1938 ed., 4.40.38 lāghavaṃ śirasaḥ śuddhiḥ srotasāṃ vyādhinirjayaḥ | cittendriyaprasādaś ca śirasaḥ śuddhilakṣaṇaṃ || 1938 ed., 4.40.39 kaṇḍūpade gurutā srotasāṃ kaphasambhavaḥ | hīnāviśuddhe śirasi lakṣaṇam parikīrttitam || 1938 ed., 4.40.40 mastuluṅgāgamo vā tad dṛṣṭir indriyavibhramaḥ | śūnyatā śirasaś cāpi mūrdhni gāḍhavirecite || 1938 ed., 4.40.41 hīnātiśuddhe śirasi kaphavātaghnam ācaret | samyag virecite cāpi sarpir naste nuṣecayet || 1938 ed., 4.40.42 nasye tu parirharttavyā bhavanti | tad yathā 1938 ed., 4.40.47 bhuktavān apatarpitotyarthaṃ taruṇapratiśyāyī garbhinī madyadravapīḍito jīrṇṇīvastidantaḥ kruddho rāgārttaḥ tṛṣṇābhibhūto bālo vṛddhaḥ śrānto vegāvarodharataḥ śirasnātukāmaś ceti || 1938 ed., 4.40.49 nasye śirovireke ca vyāpado dvividhāḥ smṛtāḥ | doṣotkleśakṣayāc caiva vijñeyā ca yathākramaṃ | 1938 ed., 4.40.50 tatrotkleśanimittāsu yuñjyāc chamanaśodhaṇe | atha kṣayanimittāsu yathāsvaṃ bṛṃhaṇaṃ hitaṃ || 1938 ed., 4.40.51 pratimarśes tu caturdaśasu kāleṣūpadeyo bhavati | tad yathā | kālyotthitena | prakṣālitadantena | gṛhān nirgacchatā | vyāyāmavyavāyapariśrātena | mūtroccārakavalāñjanān te bhuktavatā | charditavatā | divāsvapnotthitena sāyañ ceti || 1938 ed., 4.40.52 tatra kālyotthitenāsevitaḥ pratimarśo rātrāv upacitaṃ nāsāsrotogataṃ malam apahanti | prakṣālitadantena dantānāṃ dṛḍhatā vadanasaugandhyañ cāpādayati | gṛhān nirgacchatā nāsāsrotaso snehaklinnatayā | rajodhūmo vā na prabādhate | vyāyāmavyavāyapariśrāntena śramam apahanti | mūtroccārānte dṛṣṭigurutvam apanayati | kavalāñjanānte dṛṣṭiṃ prasādayati | bhuktavatā sroto viśuddhiṃ laghutvaṃ cāpādayati | charditavatā srotovilagnaṃ śleṣmāṇam apohya bhaktacchaṃdaṃ kurute | divāsvapnotthitena nidrāśeṣaṃ gauravañ cāpahatya cittaikāgryaṃ janayati | sāyaṃ sukhanidrāprabodham āpādayatīti || 1938 ed., 4.40.53 īṣad ucchiṃghaṇāt sneho yadā vaktum prapadyate | naste niśiktaṃ taṃ vidyāt pratimarśaṃ pramāṇataḥ || 1938 ed., 4.40.54 tena rogāḥ praśāmyanti narāṇām ūrdhvajatrujāḥ | indriyāṇāñ ca vaimalyaṃ kuryād āsyasugandhi ca || 1938 ed., 4.40.55 hanudantaśirogrīvātrikabāhūrasāṃ balaṃ | valīpalitakhālityavyaṃgānāñ cāpy asambhavaḥ || 1938 ed., 4.40.56 tailaṃ kaphe ca vāte ca kevalaṃ pavane vasāṃ | dadyān nastaḥ sadā pitte sarpirmajjāsamārute || 1938 ed., 4.40.57 caturvidhasya snehasya vidhir eṣa prakīrttitaḥ | śleṣmasthānāvirodhitvāt teṣu tailaṃ viśiṣyate || 1938 ed., 4.40.44 avapīḍan tu śirovirecanavad abhiṣyaṇṇasarpadaṣṭamūrcchitavisaṃjñebhyo dadyāc chirovirecanadravyāṇām anyatamam āsādyāvapīḍam iṣyateti || 1938 ed., 4.40.46 cetovikārakrimiviṣād iti || 1938 ed., 4.40.44a śarkarekṣurasakṣīrā ghṛtamāṃsarasāṃ pṛthak kṣīṇānāṃ nastato dadyādd raktapittagadeṣu ca || 1938 ed., 4.40.58 ataḥ param pravakṣyāmi kavaḍagrahaṇe vidhiṃ | caturdhā kavaḍasnehī prasādī śodhiropaṇau | 1938 ed., 4.40.59 sngidhoṣṇaiḥ snaihiko vāte svāduśītaiḥ prasādanaḥ pitte kaṭvamblalavaṇai rūkṣaiḥ saṃśodhaṇaḥ kaphe | 1938 ed., 4.40.60 kaṣāyatiktamadhuraiḥ kaṭūṣṇo ropaṇo vraṇe | 1938 ed., 4.40.61 tatra trikaṭukāśitasarṣapasiddhārthakakalkam āloḍya tailamūtrakṣārasurāśuktamadhūnām anyatamena salavaṇam abhiprataptam upasvinnamṛditagalakapolalalāṭapradeśe dhārayet || 1938 ed., 4.40.62 sukhaṃ sañcāryate yā tu mātrā sā kavalaḥ smṛtāḥ | asañcāryā tu yā mātrā gaṇḍūṣaḥ sā prakīrttitāḥ || 1938 ed., 4.40.63 tāvac ca dhārayitavyo nanyamanasānunnatadehena yāvad doṣapratipūrṇṇagalakapolatvaṃ nāsāsrotonayanapariplavaś ca bhavati tadā vimoktavyaḥ | punaś cānyo grahītavyaḥ || 1938 ed., 4.40.64 evaṃ snehapayaḥkṣaudrarasamūtrāmblasambhṛtāḥ | kasāyoṣṇodakābhyāñ ca kavaḍā doṣato hitāḥ || 1938 ed., 4.40.65 vyādher apacayas tuṣṭir viṣadaṃ vaktralāghavaṃ | indriyāṇām prasādaś ca kavaḍe śuddhilakṣaṇaṃ | 1938 ed., 4.40.66 hīne jāḍyakaphotkleśā varasajñānam eva ca | atiyogāt mukhe pākaḥ śoṣas tṛṣṇāruciklamaḥ | 1938 ed., 4.40.67 śodhanīye viśeṣeṇa bhavaty etat tu lakṣaṇaṃ || tilāṃ nīlotpalaṃ sarpiḥ śarkarā kṣīram eva ca | 1938 ed., 4.40.68 sakṣaudro dagdhavarktrasya gaṇḍūṣo dāhanāśanaḥ | kavalasya samāsena vidhir eṣaḥ prakīrttitaḥ | 1938 ed., 4.40.69 vibhajya bheṣajaṃ budhyā kurvīta pratisāraṇaṃ || kalko rasakriyā kṣaudraṃ cūrṇṇañ ceti caturvidhaṃ || 1938 ed., 4.40.70 aṅgulyagrapraṇītan tu yathāsvam mukharogiṇāṃ || tasya yogam ayogañ ca kavaloktaṃ vibhāvayet | 1938 ed., 4.40.71 bhojayet cānabhiṣyandi doṣaghnam aśanaṃ naram iti || || ci 40 || 0 || 1938 ed., 4.40.72 sneha svedo vamanaṃ virekaṃ vyāpadaṃ tathā | netre pramāṇa vyāpac cānuvāsanasahottaraṃ | 1938 ed., 4.40.73 nirūhottarapīḍā ca dhūmanastena vai daśa || ❈ || 1938 ed., 4.40.74 yad uktañ catvāriṃśac cikitsitānīti tat sarvaṃ samāptam iti || ❈ ||