MS London BL/IOLR Taylor 1842: Sūtrasthāna 12

1938 ed. 1.12.1 || athāto 'gnikarmavidhim adhyāyaṃ vyākhyāsyāmaḥ || 1938 ed. 1.12.3 kṣārād agnir garīyān kriyāsu vyākhyātaḥ || tad dagdhānāṃ rogāṇāṃm apunarbhavāt || bheṣaja śastrakṣārair aśakyānāṃ tatsādhyatvāc ca || 1938 ed. 1.12.4 athaimāni dahanopakaraṇāni || tad yathā || pippalyajāśakṛdgodaṃtaśaraśalākā jaṃābavauṣṭvetataralauhāḥ kṣaudraguḍasnehāś ca || tatra pippalyajāśakṛdgodaṃtaśaraśalākās tvaggatānāṃ || jāṃbavauṣṭhetaralauhā māṃsagatānāṃ || kṣaudraguḍasnehāḥ śirāsnāyusaṃdhyasthigatānāṃ || 1938 ed. 1.12.5 tatrāpyātyayike 'gnikarmasādhye vyādhau tatpratyanīkaṃ vidhikṛtveti || 1938 ed. 1.12.6 sarvavyādhiṣu ca pichalamannaṃ bhuktavataḥ || mūḍhagarbhāśmarībhagaṃdarodarārśomukharogeṣv abhuktavataḥ || 1938 ed. 1.12.7 tatra dvidham agnikarmāhureke tvagdagdhaṃ māṃsadagdhaṃ ca || iha tu sirāsnāyu saṃdhyasthiṣvapi na pratiṣiddho 'gniḥ || 1938 ed. 1.12.8 tatra śabdaprādurbhāvā durgandhatā tvagsaṃkocaś ca tvagdagdhe || kapotavarṇatā alpaśvayathuvedanatā śuṣkasaṃkucitavraṇatā māṃsadagdhe || kṛṣṇonnatavraṇatā srāvasaṃnirodhaś ca śirāsnāyudagdhe || rukṣāruṇatā karkkaśasthiravraṇatā ca saṃdhyasthidagdhe || 1938 ed. 1.12.9 tatra śirorogādhi akṣimaṃthayo bhrūlalāṭaśaṃkhapradeṣeśeṣu dahet || vartmarogeṣv ārdranaktakapratichannāṃ dṛṣṭiṃ kṛtvā varmaromakupān 1938 ed. 1.12.10 tvagmāṃsa śirāsnāyusaṃdhyasthisthite tyugraruji vāyāv uchritakaṭhinasuptamāṃse vra~~dra~~ṇe graṃthyarśorbudabhagaṃdarā pacīślīpadacarmakīlatilakālakāṃtravṛddhisaṃdhisirāchedanādiṣu nāḍaiīśoṇitātipravṛttiṣu cāgnikarma kuryāt || 1938 ed. 1.12.11 tatra valayabiṃduvilekhāpratisāraṇānīti dahanaviśeṣāḥ || 1938 ed. 1.12.12 bhavati cātra || rogasya saṃsthānam avekṣya samyak narmasya marmāṇi valāvalaṃ ca || vyādhiṃ tathārttuṃ ca samyak tatodhyavasyed bhiṣagnikarmaḥ || 1938 ed. 1.12.13 tatra samyagdagdhe madhyusarppibhyāṃm abhyaṃgaḥ || 1938 ed. 1.12.14 athemān agninā pariharet || pittaprakṛtim aṃtaḥśoṇitaṃ bhinnakoṣṭham anuddhṛtaśalyaṃ bālaṃ vṛddhaṃ bhīrum aneka vraṇa pīḍitam asvedyāṃś ceti || 1938 ed. 1.12.15 ata ūrdhvam itarathādagdhaṃ vakṣyāmaḥ || || tatra snigdhaṃ rukṣaṃ vāśrity a dravyam agni dahaṃti || agnisaṃtapto hi snehaḥ sūkṣmasirānusāritvāt tvagādīn anupraviśya āśu dahati ||tasmāt snehadagdhe dhikā rujo bhavataṃti || 1938 ed. 1.12.16 tatra pluṣṭaṃ durddagdhaṃ samyag dagaddham atidagdhaṃ ceti caturvidham agnidagdhaṃ || tatra yad vivarṇaṃ pluṣyate 'timātraṃ tad apluṣṭaṃ yatrottiṣṭhaṃti sphoṭās tīvrāś coṣadāharāgapākavedanāś cirāc copaśāmyaṃti || tad durddagdhaṃ || samyag dagdham anavagāḍhaṃ tālavarṇaṃ susaṃsthitaṃ || pūrvalakṣaṇayuktaṃ ca || atidagdhe māṃsāvalaṃbanaṃ gātraviśleṣaḥ sirāsnāyusaṃdhyasthivyāpādānam atimātraṃ jvaradāhapipā sāmūrchāś copadravā bhavaṃti || vraṇaś ca asya cireṇa rohati || ruḍhaś ca vivarṇo bhavati || 1938 ed. 1.12.17 bhavati cātra || agninā kopitaṃ raktaṃ bhṛśaṃ jaṃtoḥ prakupyati || tatas tenaiva vegena pittam asyābhyudīryate || 1938 ed. 1.12.18 tulyavīrye ubhe hy ete rasato dravyatas tathā || tenāsya vedanā tīvrā prakṛtyā ca vidahyate || 1938 ed. 1.12.19 sphoṭāḥ śīghraṃ prajāyaṃte jvaras tṛṣā ca bādhate || dagdhasyopaśamārthāya cikitsā saṃprakṣyate || 1938 ed. 1.12.20 pluṣṭasyāgnipratapanaṃ kāryam uṣṇa tathauṣadhaṃ || śarīre svinnabhūyiṣṭhe svinnaṃ bhavati śoṇitaṃ | 1938 ed. 1.12.21 prakṛtyā hyudakaṃ śītaṃ skaṃdayatyatiśoṇitaṃ || tasmāt sukhayati hyuṣṇaṃ ma tu śītaṃ kathaṃcana ||1|| 1938 ed. 1.12.22 śītām uṣṇāṃ ca durddagdhe kriyāṃ kuryāt bhiṣak punaḥ || ghṛtālepanasekāṃs tu śītām evāsya kārayet || ghṛtālepanasekāṃs tu śītānevāsya kārayet || 1938 ed. 1.12.23 samyak dagdhe tugākṣīrīplakṣacaṃdanagairikaiḥ || sāmṛtaiḥ sarpiṣā snigdhair ālepaṃ kārayed bhiṣak || 1938 ed. 1.12.24 grāmyānūpaudakaiś cainaṃ piṣṭair māsaiḥ pralepalayet || pittavidradhivac cainaṃ saṃtatoṣmāṇam ācaret || 1938 ed. 1.12.25 atidagdhe viśīrṇāni māṃsānudhṛtya śītalāṃ || kriyāṃ kuryād bhiṣak paś cāśālidatuṃdulakaṃḍanaiḥ || 1938 ed. 1.12.26 tiṃdukītvakkapālair vā ghṛtamiśraiḥ pralepayet || vraṇaṃ gaḍūcīpatrair vā chādayed athavaidakaiḥ || 1938 ed. 1.12.27 kriyāṃ ca kuryād akhilāṃ bhiṣak pittavisarppavat || madhuchiṣṭaṃ samadhukaṃ rodhraṃ sarjarasaṃ tathā || 1938 ed. 1.12.28 maṃjiṣṭhāṃ caṃdanaṃ mūrvāṃ piṣṭvā sarpir vipācayet || sarveṣām agnidagdhānām etad ropaṇam uttamaṃ || || 1938 ed. 1.12.29ab snehadagdhe kriyāṃ rūkṣāṃ viśeṣeṇāvacārayet || 1938 ed. 1.12.29cd ata urddhvaṃ pravakṣyāmi dhūmopahatalakṣaṇaṃ || 1938 ed. 1.12.30 śvasiti kṣauti cātyarthaṃm apy ādhamatikāśata || cakṣuṣoḥ paridāhaś ca rāgaś caivopajāyate || 1938 ed. 1.12.31 sadhūmakaṃ niḥśvasati ghreyam anyan na vetti ca || tathaiva ca rasānsarvān śrutiś cāsyopahanyate || 1938 ed. 1.12.32 tṛṣṇādāhajvarayutaḥ sīdaty atha ca mūrchati || || dhūmopahata ity eṣa || śṛṇu tasya cikitsitaṃ | 1938 ed. 1.12.33 sarpir ikṣurasaṃ drākṣāṃ payo vā śarkkarāṃbu vā || madhurāmlau rasau vāpi vamanāyaā pradāpayet || 1938 ed. 1.12.34 vamataḥ koṣṭhaśuddhiḥ syāt dhūmagaṃdhiś ca naśyati || vidhinānena śāmyaṃti sadanakṣavathujvarāḥ || 1938 ed. 1.12.35 dāha mūrchā tṛḍādhmānasvāsākāsāś ca dāruṇāḥ || madhurair lavaṇāmlaiś ca kaṭukaiḥ kvalagrahaiḥ || 1938 ed. 1.12.36ab samyag gṛhṇātīṃdriyārthān manaś cāsya prasīdati || 1938 ed. 1.12.36cd śirauvirecanaṃ cāsmai dadyād yogena śāstravit || 1938 ed. 1.12.37 dṛṣṭi viśudhyate cāsya śirogrīvaṃ ca dehinaḥ avidāhalaghusnigdham āhāraṃ cāsya kalpayet || 1938 ed. 1.12.38 uṣṇa vātātapair dagdhe śītaḥ kāryo vidhiḥ sadā || śītavarṣānilairdagdhe snigdham uṣṇaś ca śasyate || 1938 ed. 1.12.39 tathāpi tejasā dagdhe sidhir nāsti kathaṃcaneti || 1938 ed. 1.12.trailer iti sūtrasthānanibaṃdhasaṃgrahe dvādaśo 'dhyāyaḥ || ||12||