Rasendramangalam project at Saktumiva.org: chapter 1
Edmonton[region]CanadaUniversity of Alberta[repository][collection][manuscript identifier][NCC identifier]DW-Ed-ch1[description of manuscript]Nāgārjuna Siddha[commentator]Rasendramaṅgala[title of commentary]|| śrīvardhamānajineśvarāya namaḥ ||
śrīgurubhyo namaḥ ||natvā sureṃdraṃ śivasaukhyadāyakaṃ
kārakaṃ apārasaṃsārasamudratārakaṃśrīr astuḥ kalyāṇam astuḥ śubhaṃ
bhavatuḥ śreyo stuḥ sakalasajjanasya śrīr astuḥ[Sanskrit in Devanāgarī script.][height][width][height][width]Scribal foliation 1-25.Modern numerals written in pencil, centre-right margin, recto
and verso.[whether the manuscript is complete, description of wear and damage]
[description of marginal frame lines, etc.]
Copied by the scribe Ratnavimala, pupil of Varddhamāna Vimalagaṇi.
[description of another hand]
[description of another hand]
Marginal annotations and corrections throughout.
Marginal illustration of alchemical apparatus on leaf 2r, and 27 fuller illustrations on
leaves 24v-25v.
[description of cover, binding, and/or stringholes]
Vikrama Saṃvat 1737 (AD 1681).[place of production][record of ownership][how it was acquired][name of editor]
natvā rasendraṃ śivasaukhyakārakaṃ
apārasaṃsārasamudratārakaṃ|
sarvārthasiddhipradamukhyamaṅgalaṃ
granthaṃ pravakṣyāmi rasendramaṅgalam| 1|rasendramaṅgalaṃ śrutvā yaś cikitsec cikitsakaḥ
tasya siddhir na sandeho svayaṃ nāgārjuno'bravīt| 2|rasoparasalohānāṃ rasādau śodhanaṃ tathā
vajrādau māraṇaṃ vakṣye drāvaṇaṃ sarvadhātuṣu| 3|tṛtīye rasabandhaṃ <ca> caturthe guṭikāvidhiḥ
vātādau sarvarogeṣu cikitsā pañcamo mataḥ| 4|citragandhakayuktyādi añjanaṃ ṣaṣṭham eva ca
saptame viṣatantraṃ tu aṣṭame guṇasañjñakam| 5|aṣṭādhyāyam iti proktaṃ śāstre'smin rasamaṅgale
tatrādau maṅgalaṃ kṛtvā maṅgalaṃ maṅgalāyate| 6|aṇimādyaṣṭaguṇair vibhūtido
ghanasaṃsāram apārapāradaḥ
muktaikaṃ rasarājabhūtale
ko'nyo'py asti ca jarāpaho'paraḥ| 7|baddhaṃ khecaratāṃ padaṃ nayet
harate vyādhisamūhamūrcchitaḥ
jārīto janmavināśano
kramito rañjitabhuktimuktidaḥ| 8| yadi pañcatvagati hi sūtakam
asitam syād amaratvakārakaṃ
jalukākāranibaddhasarvajo
granthito manmatharūpadāyakaḥ| 9|bhasmākāragataṃ girīśajam
asitaṃ bhūcarabhūtasiddhidaṃ
pārāvāram apārapāradaṃ
tasmāt kaḥ karuṇāparoparaḥ| 10|brahmamūrtir abaddhaś ca baddhaś cātha janārdanaḥ
rañjitaḥ krāmitaḥ sūtaḥ sākṣāt pratyakṣam īśvaraḥ| 11|tasmāt sevaya bhūpāla rasarājaṃ mahītale
nirujatvaṃ mahāsattvaṃ yadīcchet siddihim ātmanaḥ| 12|śatāśvamedhena kṛtena puṇyaṃ
gokoṭidānenagajendrakoṭibhiḥ
suvarṇadānena samānadharmaṃ
nṛṇāṃ labhet sūtakadarśanena| 13|yat sarvatīrtheṣu kṛtābhiṣekaṃ
puṇyair avāpyas tridaśeṃdranāthaḥ
tad apy avighnaṃ labhate manuṣyaḥ
sākṣādrasasparśanasevanena| 14|kāruṇyapuñjaṃ harim īśarūpaṃ
sākṣādrasendraṃ prathitampṛthivyāṃ
ye vai na jānanti rasendrakarmāṇy
asyāṃ pṛthivyāṃ ca kathaṃ sa vaidyaḥ| 15|kiṃ challapallair varavaidyarājaḥ
sa rājate bhūpatim agratasya
na vetti yo vai rasarājaveśanaṃ
kāruṇyakīrttiṃ sa kathaṃ hi lebhe| 16| sarvoṣadhānāṃ kriyayopayogataḥ
sa challapallair varayogaratnaiḥ
nāyāti tulyaṃ varayogibhūtale
rasendrayogāc chatakoṭir aṃśataḥ| 17| malaṃ viṣaṃ vahnigurutvacāpalaṃ
naisārgikaṃ doṣam uśaṃti tajjñāḥ
utpāditau dvau trapunāgasaṃbhavau
raseṃdrarājo sa kathayanti vaidyāḥ| 18|[ṃS Bom begins]malena mūrchā śiṣinā ca doṣaṃ
viṣeṇa mṛtyuṃ pravadaṃti saṃtaḥ
gurutvadoṣeṇa karoti śūlaṃ
na tiṣṭhate tac capalatvadoṣāt| 19|dvau nāgavaṃgau pravalau ca doṣau
syus tatprabhāvād galagaṃḍagulmāḥ
aśuddhasūtaṃ lihitaṃ pramādāt
karoti kruṣṭaṃ pravalaṃ raseṃdraḥ| 20|tasmād ādau saṃproktā karmāṇy aṣṭādaśaiva tu
pūrvācāryai raseṃdrasya jñātavyāni prayatnataḥ| 21|saṃsvedanaṃ marddanamūrchanaṃ syād
utthāpanaṃ pātanadīpanaṃ ca
niyāmanaṃ ruṃdhanacaraṇaṃ ca
dvaṃdvaṃ hutīnāṃ dravagarbha jāraṇaṃ| 22|grāsapramāṇaṃ vidhir aṃ[[ca]]janaṃ ca
saṃsāraṇaṃ krāmaṇavedhayogaṃ
na vetti yo vai vapuṣiprayuṃjanaṃ
raseṃdrarājasya karoti nāśaṃ| 23|tasmāt sūtavidā sārddhaṃ sahāyair nipuṇair yutaḥ
sarvopaskaram ādāya rasakarma samārabhet| 24|dve sahasropalānāṃ tu sahasraṃ śatam eva ca
aṣṭāviṃśatpalāny eva daśapaṃcaikam eva vā| 25|[henceforth based on L.]palārddhena ca saṃskārā kartavyaṃ sūtakasya tu
sudine śubhanakṣatre rasaśodhanam ārabhet| 26|phalatrayaṃ citra karatka sarṣapāḥ
kumārikānyā brhatī kaṣāyaiḥ
vimardya sūtaṃ tridināni yāvat
vimucyate paṃcamalādidoṣaiḥ| 27|saptavārasaptamūrddhapātanaṃ tām
akṣamiśritarasendrapiṣṭikāṃ|
mucyate sa gatidoṣasūtakaṃ
nāgavaṃgakagurutvāpi cāpalaṃ| 28|nāgabalātibalā varṣabhūmeṣaviṣāṇimulaṃghananādaṃ
ebhi rasair mathitaṃ navasāraṃ svedam idaṃ tridinaṃ rasarāje| 29|rasasya ṣoḍaśāṃśena uṣṇaṃ paṭurājikā
arddhasaṃkhyātrayaṃ caiva āranālaṃ samānayet| 30|sarvadhānyasaṃdhānaṃ tuṣavarjaṃ tu kārayet|
tatas tatraiva saṃdhāne nikṣiped oṣadhai rasaiḥ| 31| girikarṇā ca mītākṣī sahadevī punarnavā
uragā triphalā krāntā laghuparṇā śatāvarī| [31a]|tena yuktaṃ rasaṃ svinnaṃ tridinaṃ mṛduvahninā
dolāyantreṇa tīvreṇa marddayitvā punaḥ punaḥ| 32| urṇā haridrāḥ paṭur iṣṭikāmlaiḥ
samāranālai grahadhūmamiśraiḥ
siddhārtharāji tridināni svalpe
saṃmardanaṃ sūtam u saṃti saṃtaḥ| 33| rājikārkapayakā ca māvikā
meṣaśṛṅgīrasakṛṣṇahemajam
āranālasahitaṃ sutāpācitaṃ
saptavārarasarājamūrcchanaṃ| 34|kaṃcukī ca gurujīva rāhikā
naṃdinīśvarabalā ca sūlinī
sarpavallī rasarājamarditaṃ
mūrcchati bhramati yāti paṃcatāṃ| 35|
utthāpanaṃ pātanaṃ pūrvavat
adhordhvāpātanāyantre pātayitvā niyojayet
kṣodrāmlalavaṇakṣāra māranālena saṃyutaḥ| 36|dāpayet trīṇi vārāṇi ahorātraṃ tu sūtakam
sṛṣṭyāṃbujair yuto rodho hy agninā sūtakasya ca| 37|karkoṭikaṃcukīyogā yogayet tu niyāmake
nirmalas te javān sūto jāyate nātra saṃśayaḥ | 38| karatu ḍa garuḍī ṛṣichadā
kanyakumārikā ca vāyasī
āsurī ca vijayā jayā tathā
vahnidīpanakarā ca sūtake| 39|