1.20 evam ukte bhagavāṃś candraprabhaṃ kumārabhūtam etad avocat. ekadharmeṇa kumāra, samanvāgato bodhisattvo mahāsattva etān guṇān pratilabhate, kṣipraṃ cānuttarāṃ samyaksaṃbodhim abhisaṃbudhyate. kathamena kumāraikadharmeṇa samanvāgato bodhisattvo mahāsattva etān guṇān pratilabhate, kṣipraṃ cānuttarāṃ samyaksaṃbodhim abhisaṃbudhyate. yaduta sarvasattveṣu samacitto bhavati hitacitto dayācitto ’pratihatacitto ’viṣamacitto ’nena kumāraikadharmen a samanvāgato bodhisattvo mahāsattva etān guṇān pratilabhate, kṣipraṃ cānuttarāṃ samyaksaṃbodhim abhisaṃbudhyate.
atha khalu bhagavāṃs tasyāṃ velāyāṃ candraprabhaṃ kumārabhūtaṃ gāthābhir adhyabhāṣata.
1.21 ekadharmaṃ samādāya bodhisattvo ya vartate |
etān guṇān sa labhate kṣipraṃ bodhiṃ ca budhyate || v.1.11 1.22 na ca kvacit pratihanyate ’sya cittaṃ apratihatacittu yo bhoti bodhisattvaḥ |
na ca khilu janayāti na pradoṣaṃ, labhati yathāparikīrtitān viśeṣān || v.1.12 1.23 samaṃ cittaṃ niṣevitvā vipāko darśitaḥ samaḥ |
samā pādatalā bhonti samaś cācāragocaraḥ || v.1.13 1.24 samamaviṣamacittu bhāvayitvā apagatadoṣakhilaḥ prahīṇakāṅkṣaḥ |
caraṇavaratalā samā ’sya bhonti paramaprabhāsvaraśuddhadarśanīyā || v.1.14 1.25 daśadiśatu viroci bodhisattvaḥ sphurati śirīya prabhāya buddhakṣetraṃ |
yada bhavati sa labdhaśāntabhūmis tada bahusattva sthapeti buddhajñāne || v.1.15 1.26 tatra kumāra sarvasattveṣu samacitto bodhisattvo mahāsattvo hitacitto ’pratihatacitto ’viṣamacitta imaṃ sarvadharmasvabhāvasamatāvipañcitaṃ nāma samādhim pratilabhate. katamaś ca kumāra sarvadharmasvabhāvasamatāvipañcito nāma samādhiḥ.
1.27 yaduta kāyasaṃvaraḥ, vāksaṃvaraḥ, manaḥsaṃvaraḥ, karmapariśuddhiḥ, ālambanasamatikramaḥ, skandhaparijñā, dhātusamatā, āyatanāpakarṣaḥ, tṛṣṇāprahāṇaṃ, anutpādasākṣātkriyāvatāraḥ, hetudīpanā, karmaphalāvipraṇāśaḥ, dharmadarśanaṃ, mārgabhāvanā, tathāgatasamavadhānaṃ,
4.1 atha khalu candraprabhaḥ kumārabhūta utthāyāsanād ekāṃsam uttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhavagāṃs tenāṃjaliṃ praṇamya bhagavantam etad avocat. pṛccheyam ahaṃ bhagavantaṃ tathāgatam arhantaṃ samaksaṃbuddhaṃ kaṃ cid eva pradeśaṃ sacen me bhagavān avakāśaṃ kuryāt pṛṣṭapraśnavyākaraṇāya.
4.2 evam ukte bhagavāṃś candraprabhūtaṃ kumārabhūtam etad avocat. pṛccha tvaṃ kumāra, tathāgatam arhantaṃ samyaksaṃbuddhaṃ yad yad evākāṅkasi, nityakṛtas te kumāra, tathāgatenāvakāśaḥ.
4.3 evam ukte candraprabhaḥ kumārabhūto bhagavatā kṛtāvakāśo bhagavantam etad avocat. samādhiḥ samādhir iti bhagavann ucyate. katamasyaitad dharmasyādhivacanaṃ samādhir iti.
evam ukte bhagavāṃś candraprabhaṃ kumārabhūtam etad avocat. samādhiḥ samādhir iti kumārocyate yaduta cittasya nidhyāptiḥ,
4.4 anupapattiḥ, apratisandhijñānaṃ, apahṛtabhāratā, tathāgatajñānaṃ, buddhavṛṣabhitā, rāgacikitsā, doṣavyupaśamaḥ, mohasya prahāṇaṃ,
yuktayogitā, ayuktavivarjanatā, kuśaladharmacchandaḥ, saṃskārān mokṣakāmatā,
4.5 adhyāśayapratipattiḥ, jāgarikāyā āsevanam. prahāṇasyānutsargaḥ, ārakṣā śukladharmāṇām,
upapattiṣv aviśvāsaḥ, anabhisaṃskāraḥ karmaṇām, ādhy
4.6 ātmano ’nutkarṣaṇaṃ, pareṣām apaṃsanatā, kuśaleṣv anadhyavasānaṃ, pṛthagjaneṣv aviśvāsaḥ, śīlasya niṣyandaḥ, durāsadatā, mahaujaskatā, ātmajñānam,
4.7 acapalatā, īryāpathasaṃpadavasthānaṃ, avyāpādaḥ, apāruṣyaṃ, pareṣv anutpīḍā, mitrāṇām anurakṣaṇā, guhyamantrāṇām ārakṣaṇā, avihiṃsā, śīlavatām anutpīḍatā, sūkṣmavacanatā,
4.8 sarvatraidhātuke ’niḥśṛtatā, sarvadharmeṣu śūnyatānulomikī kṣāntiḥ, sarvajñajñāne tīvracchandatā,
4.9 samādhiḥ samādhir iti kumārocyate. yaiteṣv evaṃ rūpeṣu dharmeṣu pratipattir avipratipattir ayaṃ sa kumārocyate samādhir iti.
atha khalu bhagavān etam eva sarvadharmasvabhāvasamatāvipañcitaṃ samādhim udbhāvayaṃś candraprabhasya kumārabhūtasya tasyāṃ velāyām bhūyasyā mātrayā gāthābhigītena vistareṇa saṃprakāśāyati sma.
4.10 apāvṛtaṃ me amṛtasya dvāram ācakṣito dharmasvabhāvu yādṛśaḥ |nidarśitā me upapatti yādṛśī prakāśitā nirvṛti sānuśansā || 1 || 4.11 vaneṣu vastavyu gaṇān jahitvā maitraṃ ca cittaṃ sada bhāvanīyaṃ || 2 || 4.12 śuddhaṃ ca śīlaṃ sada rakṣitavyaṃ dhūteṣu tuṣṭiḥ sada vinditavyā |tyāgaś ca prajñā ca niṣevitavyā | na durlabho eṣa samādhi bheṣyati || 3 || 4.13 tato labhitvā ima śāntabhūmiṃ yasyām abhūmiḥ pṛthu śrāvakāṇāṃ |pratyakṣabhūtā sugatasya dharme pratilapsyathā buddhaguṇān acintiyān || 4 || 4.14 dṛṣṭvā narān bhājanabuddhimantān tān bodhicittasya samādapetha |anuttare jñāni pratiṣṭhahitvā na durlabho eṣa samādhirājaḥ || 5 || 4.15–4.22 …4.23 4.24 yo dharmakāye bhavati pratiṣṭhito abhāvu jānāti sa sarvabhāvaṃ |abhāvasaṃjñāya vibhāvitāya na rūpakāyena jinendru paśyati || 15 || 4.25–4.30 …4.31 4.32 tasmāc chruṇitvā imu ānuśaṃsāṃ janetha chandaṃ atulāya bodhaye |
mā paści kāle paritāpu bheṣyati, sudurlabhaṃ sugatavarāṇa darśanaṃ || 23 ||4.33 ahaṃ ca bhāṣeya praṇīta dharmaṃ yūyaṃ ca śrutvāna samācarethā |bhaiṣajyabhastrāṃ ca gṛhītva āturo apanetu vyādhiṃ na prabhoti ātmanaḥ || 24 || 4.34 …4.35 buddhānusmṛtiparivartaś caturthaḥ.
6.9 kiṃ kāraṇaṃ vuccati kṣānti nāma kathaṃ puno vuccati ānulomikī |avivarti sā vuccati kena hetunā kathaṃ puno vuccati bodhisattvaḥ || 5 || 6.10 kṣāntyasmi dharme prakṛtinirātmake nairātmyasaṃjñisya kileśu nāsti |khaṃ yādṛśaṃ jānati sarvadharmāṃs 6.11 anuloma sarveṣa jināna śikṣate na nyasya dharmaṃ carate vicakṣaṇaḥ |na buddhadharmeṣu janeti saṃśayān iyaṃ sa kṣāntir bhavatānulomikī || 7 || 6.12 evaṃ carantasya ya loki mārās te buddharūpeṇa bhaṇeya vācā |sudurlabhā bodhi bhavāhi śrāvako na gṛhṇātī vākyu na co vivartate || 8 || 6.13 bodheti sattvān viṣamātu dṛṣṭito na eṣa mārgo amṛtasya prāptaye |kumārgu varjitva pathe sthapeti taṃ kāraṇam ucyati bodhisattvaḥ || 9 || 6.14 kṣamiṣyanūlomapathe sthitasya nairātmyasaṃjñāya vibodhitasya |svapnāntare ’py asya na jātu bhoti astī naro pudgalu jīvu sattvaḥ || 10 || 6.15 saci mārakoṭyo yatha gaṅgavālikās bhaṇeyur abhyantarakāyu jīvo teṣāṃ vaden nāsti yūya buddhāḥ || 11 || 6.16 jñānena jānāmy ahu skandhaśūnyakaṃ jñātvā ca kleśehi na saṃvasāmi |vyāhāramātreṇa ca vyāharāmi parinirvṛto lokam imaṃ carāmi || 12 ||