Nepalese manuscript B in edition of Nalinaksha Dutt, collected by Hodgson

Nepalese manuscript B in edition of Nalinaksha Dutt, collected by Hodgson 1941 Calcutta Oriental Press Srinagar – Kashmir H

This is a transcription from the 1941 edition by Nalinaksha Dutt. It is based on the two Nepalese manuscripts and the one from Gilgit. Manuscript A = Sastri, manuscript B = Hodgson (identical with the one edited by Dās and Vidyābhūshan in 1986, but copied from the manuscript and not from the unreliable edition), manuscript C = Gilgit.

Samādhirājasūtra Sanskrit in Devanāgarī script. 1941 CE India

IAST transliteration.

First version.

1.20evam ukte bhagavāṃś candraprabhaṃ kumārabhūtam etad avocat_ | ekadharmeṇa kumāra samanvāgato bodhisattvo mahāsattva etān_ guṇān_ pratilabhate kṣipraṃ cānuttarāṃ samyak_saṃbodhim abhisaṃbudhyate | katamenaikadharmeṇa | iha kumāra bodhisattvo mahāsattvaḥ sarvasattveṣu samacitto bhavati hitacitto ’pratihatacitto ’viṣamacittaḥ | anena kumāra ekadharmeṇa samanvāgato bodhisattvo mahāsattva etān_ guṇān_ pratilabhate kṣipraṃ cānuttarāṃ samyak_saṃbodhim abhisaṃbudhyate | atha khalu bhagavāṃs tasyāṃ velāyāṃ candraprabhaṃ kumārabhūtaṃ gāthābhir gītena pratyabhāṣata |

1.21ekadharmaṃ samādāya bodhisattvo ya vartate | etān_ guṇān_ sarva labhate kṣipraṃ bodhiṃ ca budhyate || ^v.1.11 1.22na ca kvacit_ pratihanyate ’sya cittam apratihatacinta yā bhoti bodhisattvaḥ | na ca khilu janayati na pradoṣaṃ labhati yathā parikīrtitān_ viśeṣān_ || ^v.1.12 1.23samaṃ cittaṃ niṣevitvā vipāko darśitaḥ samaḥ | samāḥ pādatalā bhonti samaścācāragocaraḥ || ^v.1.13 1.24samamaviṣamacittu bhāvayitvā apagatadoṣakhilaḥ prahīṇakāṅ_kṣaḥ | caraṇavaratalāḥ samāsya bhonti paramaprabhāsvara śuddhadarśanīyaḥ || ^v.1.14 1.25daśadiśata viroci bodhisattvaḥ sphurati śirīya prabhāya buddhakṣetram_ | yada bhavati sa labdhu śāntabhūmi tada bahusattva sthapeti buddhajñāne || ^v.1.15

1.26tatra kumāra sarvasattveṣu samacitto bodhisattvo mahāsattvo hitacitto ’pratihatacitto ’viṣamacitta imaṃ sarvadharmasvabhāvasamatāvipañcitasamādhināma pratilabhate | katamaś ca sa kumāra sa sarvadharmasvabhāvasamatāvipañcito nāma samādhiḥ

4.1atha khalu candraprabhaḥ kumārabhūta utthāyāsanād ekāṃsam uttarāsaṅgaṃ kṛtvā dakṣiṇaṃ jānumaṇḍalaṃ pṛthivyāṃ pratiṣṭhāpya yena bhavagāṃs tenāṃjaliṃ praṇamya bhagavantam etad avocat | pṛccheyam ahaṃ bhagavantaṃ tathāgatam arhantaṃ samaksaṃbuddhaṃ kañcid eva pradeśaṃ sacen me bhagavān avakāśaṃ kuryāt pṛṣṭapraśnavyākaraṇāya |

4.2evam ukte bhagavāṃś candraprabhūtaṃ kumārabhūtam etad avocat | pṛccha tvaṃ kumāra tathāgatam arhantaṃ samyaksaṃbuddhaṃ yad yad evākāṅkasi nityakṛtas te kumāra tathāgatenāvakāśaḥ

4.3evam ukte candraprabhaḥ kumārabhūto bhagavatā kṛtvāvakāśo bhagavantam etad avocat | samādhiḥ samādhir iti bhagavann ucyate | katamasyaitad dharmasyādhivacanaṃ samādhir iti | evam ukte bhagavāṃś candraprabhaṃ kumārabhūtam etad avocat | samādhiḥ samādhir iti kumāra ucyate | yaduta cittanidhyāptiḥ |

4.8sarvatraidhātuke aniḥśṛtatā | sarvadharmeṣu śūnyatā | ānulomikī kṣāntiḥ | sarvajñajñāne tīvracchandatā

4.9samādhiḥ samādhir iti kumāra ucyate | yā eteṣv evaṃrūpeṣu dharmeṣu pratipattir vipratipattiḥ | ayaṃ sa kumāra ucyate samādhir iti | atha khalu bhagavāṃs tam eva sarvadharmasamatāsvabhāvavipañcitaṃ samādhim udbhāvayan candrapabhasya kumārabhūtasya tasyāṃ velāyām bhūyas yā mātrayā gāthābhigītena vistareṇa samprakāśayati sma |

4.10apāvṛtaṃ me amṛtasya dvāram ācakṣito dharmasvabhāvu yādṛśā nidarśitā me upapatti yādṛśī prakāśitā nirvṛti sānuśaṃsā || 1 || 4.11vivarjanīyāḥ sada pāpamitrāḥ kalyāṇamitrāś ca niṣevitavyāḥ | vaneṣu vastavya gaṇān jahitvā maitraṃ ca cittaṃ sada bhāvanīyam || 2 || 4.12śuddhañ ca śīlaṃ sada rakṣitavyaṃ dhūteṣu puṣṭiḥ sada vinditavyā | tyāgaś ca prajñā ca niṣevitavyā | na durlabho eṣa samādhi bheṣyati || 3 || 4.13tato labhitvā ima śāntabhūmī yasyām abhūmiḥ pṛthu śrāvakāṇām | pratyakṣabhūtā sugatasya dharmā pratilapsyathā buddhaguṇān acintiyān || 4 || 4.14dṛṣṭvā narān bhājanabuddhimantān tān bodhicittasmi samādayaḥ | anuttare jñāni pratiṣṭhihitvā na durlabho eṣa samādhirājaḥ || 5 || 4.15–4.22… 4.23asaṃskṛtaṃ saṃskṛtu jñātva vijño nimittasaṃjñāya vibhātikāya | so ānimitte bhavati pratiṣṭhitaḥ prajānatī śūnyaka sarvadharmān || 14 || 4.24yo dharmakāye bhavati pratiṣṭhito abhāva jānāti sa sarvabhāvān | abhāvasaṃjñāya vibhāvitāya na rūpakāyena jinendru paśyati || 15 || 4.25–4.30… 4.31tathaiva tena vicinitva jñānā anāgatā āgata dharmaśūnyatā | so tādṛśe dharmanaye pratiṣṭhito na khidyate citta carantu cārikām || 22 || 4.32tasmāc chruṇitvā imu ānuśaṃsā janetha chandam atulāya bodhayet | mā paścakāle paritāpu bheṣyatī sudurlabhaṃ sugatavarāṇa darśanam || 23 || 4.33ahañ ca bhāṣeya praṇīta dharmaṃ yūyañ ca śrutvāna samācarethāḥ | bhaiṣajyavastrāñ ca gṛhītva āturo ’panetu vyādhiṃ na prabhoti ātmanaḥ || 24 || 4.34…

4.35samādhiparivartaś caturthaḥ || 4 ||

6.9kiṃ kāraṇaṃ vucyati kṣānti nāma kathaṃ puno vucyati ānulomikī | avivartiyo vucyati kena hetunā kathaṃ puno vucyati bodhisattvaḥ || 5 || 6.10kṣāntyasmi dharme prakṛtī nirātmake nairātmyasaṃjñisya kileśu nāsti | yādṛśaṃ jānati sarvadharmās tasmād iha syā kṛtu kṣānti nāma|| 6 || 6.11ānuloma sarveṣa jināna śikṣato na cāsti dharmaś carate vicakṣaṇaḥ | na buddhadharmeṣu jineti saṃśayāniyaṃ sa kṣāntir bhavatānulomikī || 7 || 6.12evaṃ carantasya ya loki mārās te buddharūpeṇa bhaṇeṣya vācā | sudurlabhā bhoti bhavāhi śrāvakā na gṛhṇotī vāk khuravo vivartate || 8 || 6.13bodheti sattvān viṣamātu dṛṣṭito na eṣa mārgo amṛtasya prāptaye | kumārga varjitva pathe sthapeti taṃ kāraṇam ucyati bodhisattvaḥ || 9 || 6.14kṣamiṣyanūlomapathe sthitasya nairātmyasaṅgāya vibodhitasya | svapnāntare ’py asya na jātu bhoti asti naro pudgala jīva sattvaḥ || 10 || 6.15na vimāra koṭyo yatha gaṅgavālikās te buddharūpeṇa upāgamitvā | bhaṇeyur abhyantarikāya jīvī teṣāñ cade nāsti na yūyavuḥ || 11 || 6.16jñānena jānāmy ahaṃ skandhaśūnyakaṃ jñātvā ca kleśehi na saṃvasāmi | vyāhāramātreṇa ca vyoharāmi parinirvṛto lokam imaṃ carāmi || 12 ||