Bhandarkar Oriental Institute MS 109 of 1881-82 Bhartṛhari Helārāja Bhandarkar Oriental Institute Pune Maharashtra India BORI 109 of 1881-82 P 22 MP This is a paper manuscript of third kāṇḍa of the Vākyapadīya with the commentary by Helārāja. It extends from the beginning until a few lines into the commentary on verse 51 (counted as 67 in the manuscript) of the Sādhanasamuddeśa. It is strongly correlated with the manuscript from the Bhau Dāji Memorial, which suggests that they descend from the same archetype. Bhartṛhari Helārāja Jātisamuddeśa Prakīrṇaprakāśa ||śrī gaṇeśāya namaḥ || oṃ namaḥ śrībhagavatpāṇinikātyāyanapataṃjalibhyaḥ || yasmin saṃmukhatāṃ prayāti ruciraḥ ko pyaṃtarujjṛṃbhate nedīyānmahimā manasy abhinavaḥ puṃsaḥ prakāśātmanaḥ darśanād anumānād vā tat prāpyam iti kathyate 67 nirvatyakarmaṇi nirvṛtir ātmalābha eva kriyākṛto viśeṣo darśanāt pratyakṣād evāvadhāryate vikārye tu bhasmakruṃmalādau vikāraḥ kviyākṛto viśeṣo vadhāryate pratyakṣeṇa kvacit Sanskrit. 76 ff. Devanāgarī numerals, top left and bottom right margins, verso. Complete, in good condition.

XX lines per page, approximately XX akṣaras per line.

 Devanāgari in black ink. Marginalia Some marginal corrections. Wood cover. On the front cover... . 19th century India , XX July XXXX. Descriptions of the manuscript Descriptions of the manuscript Manuscripts in the Bhandarkar Oriental Institute Poona List of the Sanskrit Manuscripts purchased for Government during the years 1877-78 and 1869-78 and a list of manuscripts purchased from May to November 1881 Franz Kielhorn Poona 1881 22 Charles Li

|| śrīgaṇeśāya namaḥ || oḿ namaḥ śrībhagavatpāṇinikātyāyanapataṃjalibhyaḥ ||

 yasmin saṃmukhatāṃ prayāti ruciraḥ ko py aṃtarujjṛṃbhate nedīyān mahimā manasy abhinavaḥ puṃsaḥ prakāśātmanaḥ tṛptiṃ yat paramāṃ tanoti viṣayāsvādaṃ vinā śāśvatīṃ dhāmānaṃda sudhā mayorjjita vapuḥ sat prātibhaṃ saṃstumaḥ 1 kāṇḍadvaye yathāvṛtti siddhāṃtārthasatatvataḥ prabaṃdho vihito smābhir āgamārthānusāribhiḥ 2 taccheṣabhūte kāṇḍe smin saṃprapaṃce svarūpataḥ ślokārthadyotanaparaḥ prakāśo yaṃ vidhīyate 3

iha padārthāṣṭakavicāraparatvād vākyapadīyasya prathamakāṃṇḍena prayojanādipadārtho nirṇīte 'naṃtarakāṃṇḍopapāditopapatibhir vākyatadarthayor anvākhyeyasthitalakṣaṇayoḥ padārthayor nirṇītatvād upakārakāpoddhārarūpaḥ padavicāraḥ prakramyate tatra niyatavikalpo yathābhiprāyam apoddhāra iti yathāsaṃbhavaṃ padabhedānupadiśati

dvidhā kaiścit padaṃ bhinnaṃ caturddhā paṃcadhā'pi vā āpodhṛtyaiva vākyebhyaḥ prakṛti

pratyayāgamādeśādivyuttpatiḥ padavādināṃ ānaṃtyād dhi vākyānāṃ svārasyenāśakyā vyutpatiḥ kartum iti sadṛśapadadvārakaṃ tadupapattir ity arthaḥ

ubhayor api cāpoddhṛtasyāsatyatvaṃ samānaṃ tathā hi aniyatānupūrvīke yathārtha kalpitānvayavyatirekanibaṃdhano vākyavādīnāṃ padāpoddhāraḥ evaṃ padavādīnāṃ śāstreṇānvayavyatirekanimitārthāpoddhāravaśaḥ prakṛtipratyayāpoddhāraḥ yad āha vākyakāraḥ siddhaṃ tānvayavyatirekābhyām iti tatra bhinnatvaṃ sāmānyaṃ dvithetyādiko viśeṣa iti vidhārthe dhāpratyayopapattiḥ prakāśo hi vidhārthaḥ sa ca sāmānyasya bhedako viśeṣaḥ sa ca sādṛśyam eva sarvatra prakāraḥ kaiścid iṣyata ity ekīyaṃmatam_ kaiścid iti vacanād bhede pi tu prakārākhyā kaiścid abhyupagamyata iti coktaṃ yadi cātra buddhirūpaprakalpitaṃ sādṛśyam eva vidhārthaḥ jñānapratibiṃbitasya hi bāṃhyād abhyupagamyānukāritvena sādṛśyaṃ sarvatra prakārārthaḥ saṃkalpitasadṛśasyābāhyasya nirvartanād vākyāc capodhriyamāṇasya vākyārthāṃtarāparikalpanayārthavata evāpoddhāro yuktaḥ arthāpoddhāra eva hi padāpoddhārasya nimitaṃ animite hi tasmin varṇāpoddhārasyāpi prasaṃgāt teṣām api vyutpādyatā syāt_

vākyārthaś ca sthitalakṣaṇo niraṃśaḥ kārakotkalīnaśarīrakriyāsvabhāvaḥ tatra cāṃśāṃśakalpanayāpoddhāre kārakātmā kriyātmā ca vibhāgārha iti siddhasādhyalakṣaṇāṃśadvayaviṣayaḥ padāpoddhāro dvividhaḥ nāmākhyātarūpaḥ prāthamakalpikaḥ śaktiśaktimator abhedāt kārakātmā siddharūpo ṃśaḥ yady api ca nāmapadānāṃ pratyayārthasya saṃkhyādeḥ śābda prādhānyaṃ tathāpy arthataḥ prātipadakārthasya jātyāṃkuritasyaiva dravyasyaiva prādhānyaṃ siddharūpasya saṃkhyākārakaśaktīnāṃ tadāśrayatvād anayor eva ca nāmākhyātayor viśeṣatvān nipātopasargakarmapravacanīyalakṣaṇaḥ padabhedo ṃtarbhavati

tathā hi siddhārthābhidhāyi nāmapadam iti tadarthagataṃ viśeṣaṃ dyotayannipātas tatraivāṃtarbhavati siddhaṃ hy arthaṃ sākṣād vābhidadhātu tadgataṃ viśeṣaṃ vā prakāśayatu siddhārthāt_ sākṣād vābhidadhā neyato bheda svarādayas tu kecit satvapradhānā eveti te pi nāmapadam eva ye tu hirugādayaḥ pṛthakriyāpradhānās teṣām ākhyāṃte ṃtarbhāvaḥ na hi tiṅ_tam evākhyātaṃ kriyāpradhānasya sarvasyaiva tallakṣaṇatvāt_ ata evopasargakarmapravacanīyapadāny apy ākhyātapadam eva sādhyārthaviśeṣadyotanāt_ evaṃ nipāto pi tadgatabhedāṃtaravivakṣāyāṃ tu nipātopasargayor api kaiścit pṛthak_karaṇaṃ tathā hi asty evāpoddhāre rthamātrādviśeṣo nayoḥ na hy etau sākṣād arthaṃ vadataḥ api tu tadgataviśeṣadyotakāv iti vācakābhyāṃ nāmākhyātābhyāṃ pravibhaktau siddhasādhyārthaviśeṣayaviśeṣadyotakatvān nipātānāṃ sādhyaikaniyatatvāc copasargāṇāṃ parasparato bhedaḥ karmapravacanīyās tu kriyāviśeṣopajanitasaṃbaṃdhāvachedahetava iti saṃbaṃdhaviśeṣadyotanadvāreṇa kriyāviśeṣaprakāśanād upasargeṣv evāṃtarabhavantīti catuddhaiva kaiścit padaṃ bhinnaṃ

sākṣāt kriyāviśeṣaprakāśanābhāvā tad api paṃcamaṃ padam iti kaiścit_ tathā hi karma proktavaṃtaḥ karmapravacanīyā iti atikrāṃtakriyākhyātalakṣaṇasya vyāpārasyātra saṃbhavo nanu varttamānasyety upasargebhyo bhedaḥ kriyāgataviśeṣadyotanapūrvakaṃ hi saṃbaṃdhāvachedanam atra vartamānam_ tathā hi sarvaḥ saṃbaṃdhaḥ kriyākṛta upakārakriyocitatvā tasya kriyām aṃtareṇa upakārābhāvāt_ tatra kvacit kriyāśabdaḥ śrūya kvacin na śrūyate tatra śrauta eva saṃbaṃdhaviśeṣāvasāyaḥ tad yathā mātuḥ smarati mātuḥ smṛtaṃ sarpiṣo jānīta ityādau kriyā hi svabhāvād eva kriyāṃtaravyavadhānam aṃtareṇa dravyaiḥ saṃyujyate yasmān mātāpitṛviṣaye pravarttate 'vatiṣṭhate vā tasmān mātāpitṛsaṃbaṃdhīdaṃ smaraṇam iti kriyākārakabhāvapūrvaka evāyam api saṃbaṃdha iti¦ varṇayaṃti

aśrute tu kriyāpade dvayī gatiḥ kvacit saṃbaṃdhasvarūpamahimnaiva kriyāpekṣasiddheḥ pratiniyatakriyākārakabhāvapūrvakatvaṃ śeṣasaṃbaṃdhasya vinaiva karmapravacanīyam avagamyate tad yathā upagor apatyaṃ vṛkṣasya śākhetyādāv apatyavatsaṃbaṃdho janikriyānimito vayavāvayavisaṃbaṃdhaś ca sthitikriyānimita ityādi kvacit saṃbaṃdhānāṃ pratiniyatakriyāpūrbakatvāvadhāraṇe nāsti sāmarthyaṃ tad yathā rājñaḥ puruṣa ity atra svasvāmibhāvo bharaṇādyanekakriyānimita ity evāvagamyate kriyāviśeṣo nāvadhāryate | tannimitabhūtaḥ tathā ca bhāṣyaṃ yad etat svaṃ nāma caturbhiḥ prakārair bhavatī bharaṇād apaharaṇāt krayaṇād yāñcayeti dānādīnāṃ tv ananyatayāvinābhāvāt kriyānumīyata eva kvacit tv avinābhāvinī kriyāpi na pratīyate tathā caivaṃ jātīyake viṣaye karmapravacanīyo niyataviśiṣṭakriyākṛtatvaṃ saṃbaṃdhasya viśeṣam avagamayati tad uktaṃ janayitvā kriyāṃ kāṃcit saṃbaṃdho vinivarttate śrūyamāṇe kriyāśabde saṃbaṃdho jñāyate kvacit_ sa copajātaḥ saṃbaṃdho vinivṛte kriyāpade karmapravacanīyena tatra tatra niyamyata iti niyamas tasya niyatakriyājanitatvaṃ tathā hi śākalasya saṃhitām anu prāvarṣad iti yo yaṃ saṃhitāprāvarṣaṇayor hetuhetumadbhāvalakṣaṇaḥ saṃbaṃdhaḥ sa niyatakriyājanita ity anunā vedyate anuniśamyety atrānor niśamayatikriyāsāhacaryopaladhber iha saṃpāṭharūpatvāt saṃhitāyāṃs tadanumānasyaucityāt_ tatra kriyāvacanatvam asyānyatra dṛṣṭaśakter na kalpyaṃ

dyotyārthaṃ niṣṭhaṃ ca dyotakatvam iti tad api kriyāpadāprayogād atra nāsti na ca kriyāpadākṣepakatvaṃ yathā prādeśaṃ viparilikhatīty a ca lekhanakriyānupapater mimātikriyākṣepakatvaṃ kārakavibhaktir hi yatra prādeśam iti dvitīyeti yuktas tatsamucitakriyākṣepaḥ iha tu saṃhitām iti śaiṣikī vibhaktir iti kathaṃ kriyākṣepaḥ kriyākārakayor eva parasparam ākṣepyākṣepakabhāvasyāvinābhāve nyāyyatvāt_ tad yathā praviśa piṃḍīm ityādau nāpi saṃbaṃdhavācitvam atrāmoḥ vibhaktyaiva tadabhidhānād iti saṃbaṃdhāvachedasya pratyāyako nānyaḥ saṃbhavatīti pāriśeṣyād anor atra sāmarthyam adhyavasīvyate tad uktaṃ kriyāyā dyotako nāyaṃ saṃbaṃdhasya na vācakaḥ nāpi kriyāpadākṣepī saṃbaṃdhasya tu bhedaka iti bhedako viśeṣako dyotaka ity arthaḥ ayam atra bhāvaḥ yad anyathāsiddhaṃ tatrāno vyāpārakalpanā yuktā yat punar anyathārthasāmarthyādinā sidhyati na tatra tasya śaktiḥ kalpayituṃ pāryata iti padāntarāṇām arthāṃtaraniveśat saṃbaṃdhaviśeṣasya tato navagatasya karmapravacanīyaviṣayatā siddhā nanu yad atrādhikyaṃ vākyārthaḥ sa iti kriyāviśeṣajanitatvalakṣaṇaḥ saṃbaṃdhasyāvachedo vākyārthaḥ kim iti na kathyate anos tu paścādbhāvamātravṛtitvam eveti

atrocyate ihādhikyaṃ vākyārthatvenocyamāna padārthapṛṣṭhapātitvenānusaraṇīyam na tu padārthollaṃghanena tattadvākyopātasya hi sādhyasya vā viśeṣyasya copāttair eva sādhanair viśeṣaiś ca saṃsargas tatrādhikyam_ tad yathā gāṃ śuklām ānaya nīlotpalam iti ca ata evocyate āśrayāśrayiṇor vākyān niyamas tavatiṣṭhata iti itthaṃ cānupātasyaiva padārthasya vākyārthāt pratītir nāstīti na saṃbaṃdhāvachedo trāpadārtho vākyārthaḥ śakyate kalpayitum iti karmapravacanīyaviṣaya evāyaṃ yad vakṣyati nimitaniyamaḥ śabdāt saṃbaṃdhasya na gṛhyate karmapravacanīyais tu svaviśeṣe varudhyate iti atra ca darśanadvayaṃ svarūpeṇaiva saṃbaṃdhāṃtaralakṣaṇaḥ karmapravacanīyena saṃbaṃdho vachidyate kriyāviśeṣajanitatvena veti tatra svarūpeṇāvachede viśeṣakriyājanitatvapratītiḥ saṃbaṃdhiviśeṣatāparyālocanālabhyā tathā hi adhibrahmadatte paṃcālā ity atra ti svasvāmibhāvo yaṃ saṃbaṃdha ity adhinā vedyate brahmadattaś ca svāmīśvaraḥ paṃcālāś ca janapadaḥ svam iti tayoḥ saṃbaṃdhinoḥ paripālanakarādānādikriyāprabhāvita eva saṃbaṃdho nyāyya ity avagamyate evam abhimanyur arjjunaḥ pratīti pratinā sādṛśyalakṣaṇo vyaṃ saṃbaṃdha iti dyotyate saṃbaṃdhisvarūpaparyālocanayād atra saṃpraharaṇāvikriyākṛta ity avagamyate itthaṃ ca śākalyasya saṃhitām anu prāvarṣad ity atrāpi hetuphalābhāvo nāmāyaṃ saṃbaṃdha ity etāvaty evāyam anur viśrāmyati pāṭaviśeṣarūpatvāt saṃhitāyā niśamanakriyāvagatiḥ śabdaśravaṇena hi devo varṣad iti saṃbaṃdhamahimno viśiṣṭakriyāprabhāvitvam avasīyate kecid iyān anor eva vyāpāra ity āhuḥ

svarūpāvachede pi ca kriyāyāḥ kāryabhūtasaṃbaṃdhāpekṣayātītakarmatvāt karma proktavaṃta ity arthaḥ samaṃ nety eva vastunaḥ kriyāphalasyaiva saṃbaṃdhasya prakāśanāt_ yathā tu tatrabhavat_bhartṛhares tatra tatrābhiprāyo lakṣyate tathā nimitaviśeṣāvacheda eva karmapravacanīyakṛta iti rāddhān_taḥ adhibrahmadatte paṃcālā iti paripālanakriyātirohitatvaṃ svasvāmibhāvasyādhinā vyajyate abhimanyur arjjunataḥ pratīty atra parājayakṛto nukāryānukaraṇabhāvaḥ pratinā prakāśyata iti sarvatra yojyaṃ sustutam atistutam ityādau tu suḥ pūjāyām atir atikramaṇe cetyādinā karmapravacanīyasaṃjñādhikārakī svārthanirapekṣaivopasargasaṃjñā varttate bādhanāya pravarttate yathoktaṃ karmapravacanīyatvaṃ kriyāyoge vidhīyate ṣatvādivinivṛtyarthaṃ svatyādīnāṃ hi dharmmiṇām iti arthena tu rūpeṇa vibhāge prastute kriyāviśeṣāvadyotakatvād upasargapade svatyādir āṃtarbhavatīti nāvyāptiḥ tad eva vākyād apoddhriyamāṇasya padasyāpoddhārārthaḥ viśeṣāśrayeṇa yathāsaṃbhavaṃ bhedo niraṃśakavākyavyutpatyupāyabhūtaḥ pradarśitāaḥ ata eva svādipadaṃ vākyavyutpatyanaṃtaratvāc chāstre saṃketitaṃ subaṃtaṃ padaṃ vyutpatyupāyabhūtaṃ neha gaṇanārhaṃ prakṛtipratyayavad iti dṛṣṭāṃtapakṣanikṣiptam iti nāvyāptiḥ padāt kilāsāv apoddhāro na vākyāt_

tad itthaṃ padāpoddhāre pradarśite tadarthasyāpoddhṛtasya siddhasādhyarūpadvayayogino matabhedena svarūpopadarśanārtham āha

padārthānām apoddhāri jātir vā dravyam eva vā | padārthau sarvaśabdānāṃ nityāv evopavarṇitau || 2 ||

arthadvāreṇa padaṃ parīkṣyata iti darśanabhedena prathamam apoddhārapadārthavicāraḥ tathā hi sarveṣām api śabdānāṃ padarūpāṇāṃ nāmākhyātādisvabhāvānāṃ jātivādimate jātir evārtho na dravyam dravyavādimate tu dravyam eva na jātiḥ dvitīyena vāśabdena padārthāntaraṃ sūcitaṃ jātiviśiṣṭadravyābhidhānam iti jata eva tad eva saṃkalanārūpaṃ padārthāv iti sphuṭīkṛtam anyathā vārthe prakrānte vārthopasaṃhāro nopapadyate tadvad abhidhāne tu anabhidhānaṃ tāvad dvayor api samānaviramya vyāpārābhāvāc chabdasya ārthas tu jātidravyayor guṇabhāvaḥ yad vā prādhānyenaiva bhinnaviṣayatayā pāṇinidarśane jātidravye śabdenābhidhīyate ity ayam atra pakṣaḥ padārthāv ity uktaḥ tatra nāmadasya gaur ity ādeḥ gotvādijātir niyatakriyāviṣayasādhanaikārthasamavetasaṃkhyājātir viśeṣaṇabhāvam āpannābhidheyā anāśrayādy anupapatteḥ sāmarthyāt pratītaṃ dravyam

evam ākhyātapadasyāpi vibhinnakriyākṣaṇasamavetābhinnābhidhānapratyayahetukriyā jātiviṣayā sākṣād vācakaśaktiḥ kārakādijātis tv atra guṇabhūtā nāmapadagatavacakakārakajātyā kriyājātir ākhyātapadagatā vyaktidvāreṇa samanvayam eti dravyajātis vaikārthasamavāyāt sādhanaśaktidvāreṇa kriyāyogam anubhavatisaṃkhyājātir apyekārthasamavāyāt svavyaktyātmanā śaktidvāreṇa kriyāmukhenaiva kriyānvayam etīti sarvapadārthasamanvayopapattau kalpate vākyārthaḥyathā cotkṣepaṇādikṣaṇair asamasamayabhāvibhir apy āvṛtyotkṣepaṇādijātir abhivyajyatetathādhiśrayaṇādibhiḥ kriyākṣaṇaiḥ pacatyādikriyājātir iti vicārayiṣyatevyaktidvārakaṃ vāsyā nityāyā api sādhyatvam ucyate

upasargādir apy atra darśane nāmākhyātasahabhāvī tadarthasya viśeṣāvadyotakatvāj jātipadārthaka eva viśeṣasya viśiṣṭaviśrāṃtasyaivāvasāyāt karmapravacanīyopi saṃbandho jātiniṣṭha eva guṇaśabdānām api śuklādīnāṃ guṇajātir vācyāsaṃjñāśabdānām api ḍitpādiśabdānāṃ jātiśabdatvaṃ samarthayiṣyate

tad itthaṃ vājapyāyanācāryamatena sārvatrikījātipadārthavyavasthopapadyatevyāḍimate tu sarvaśabdānāṃ dravyam arthas tasyaiva sākṣāt kriyāsamanvayopapatter vākyārthantargatatayā codanāviṣayatvāt yathāha— ‘codanāsu ca tasyārambhāt’ iti(vā॰ 1|2|64) ekajātisamanvayavaśena cātra saṃketopapattiḥ anabhidhīyamānāpi jātirūpalakṣaṇīkriyate śabdārthe yathā gṛhādau kākādiḥ ākhyāte 'pi ca sādhanādhāradravyaprādhānyaṃvyāḍimate devadattaḥ pacatīti dravyeṇaiva sākṣāt saṃbandhopapateḥ kriyā tu guṇabhūtātra vyāpārāviśiṣṭaṃ hi dravyam ākhyātārthaḥ idaṃ tad iti sarvanāmapratyavamarśayogyaṃ cātra dravyam iti sārvatrikīyaṃ vyavasthā tathā ca vakṣyati— ‘dravyadharmā padārthe tu dravye sarvo 'rtha ucyata iti | vā॰ kā॰ 3 jāti॰ 14) ata eva śuklādīnāmapi dravyapadārthanā siddhā tattadupādhivyavacchinnaṃ vā brahma dravyaṃ śācyaṃ sarvaśabdānāṃ viṣaya iti vakṣyata eva vyaktiparyāyo vā dravyaśabda iti jātivyaktivikalpena sarvaśabdaviṣaya tathā ca sarvaśabdānām ity abhidhānāt padād apy apoddhāre pratyayarūpasyāpi śabdasya yathāyogyaṃ kriyākārakasaṃkhyādi apoddhārapadārtho jātivyaktibhedena samāmnātaḥ ubhayasyāpi vā śabdāt pratīter ubhayaṃ padārthaḥ guṇapradhānabhāvabhedāśrayas tu matavikalpaḥ nityatvopavarṇanaṃ ca— ‘siddhe śabdārthasaṃbandhe’ (ma॰ bhā॰ paspaśa॰ 1|6) ity atra bhāṣye— ‘yasmin tattvaṃ na vihanyata’ (ma॰ bhā॰ 1|7) iti dravyasyāpi nityatvam pravāhanityatayā śabdāt sadaiva vā pratīteḥ

tad evam etad anaṃtaraṃ kāṃṇḍe darthanadvayam upapāditam iti yathāsaṃbhavaṃ pratinidhiś ciṃtitaḥ | idānīṃ jātau śabdenābhidhīyamānānāṃ tatra jātyaṃtarābhāvān nirmitā śabdasya pravṛtir āyetety āśaṃkyopapādayitum āha

svā jāti prathamaṃ śabdaiḥ sarvair evābhidhīyate tato rthajātirūpeṣu tadadhyāropakalpanā 5

svā āsārāraṇī ātmīyā gośarvavyāśabdatvādikā na tu sakalaśabdasādhāraṇī śabdatvādiḥ evaṃ vāsādhāraṇītvena viśeṣaṇatayā saṃbaṃdhāvyabhicāraḥ gośabdasyārthajātyā saṃbaṃdhavyabhicāre pīti sva jātir eva mukhyam abhidheyam ity uktaṃ bhavati tathā ca vākyakāraḥ na vā śabdapūrbako hy arthe saṃprakṣyaya iti ata eva vyabhicāriṇyāḥ svarūpajāter arthajāter abhidhāne pi śabdasya nāṃtarīyakam abhidhāyanam iti prathamam ity āha yadabhedena yatpratipatiḥ tad avaśyaṃ tatra pratipatavyam ity etāvatā tatra prāthamyaṃ na tu krameṇābhidhānāt_ yad vā saṃbaṃdhavyutpatikālo pekṣayā prāthamyaṃ tathā hi saṃbaṃdhavyutpatikāle rthajātya nāsti saṃbaṃdhaḥ tathātve vācakatvena tatra viniyogo 'narthakaḥ syāt_ arthasya pratipannatvād iti so rthas tāvatena śabdena na pratipannaḥ yadi tv asyajātyabhidhānaṃ tadānīṃ na syāt_ tadānarthakatvād vibhaktiḥ yogo na syād iti prāk_ saṃjñino bhisaṃbaṃdhāt_ saṃjñā rūpapadārthikety uktaṃ bhavati svarūpasvajātir vā darśane bhedena kathyate sarvair iti svarūpair arthaparaiś ca tasyā eva svarūpaparatayā vyavahārā tathāvyutpannair api śabdair avinābhāvāchabdasvarūpeṇāvasthitā jātiḥ pratipadyate arthasya kṛdity eva cchabdasvarūpābhedenāvabodhe pi yathāpratipāditakrameṇa śrayeṇa tataḥ svajātipratyāyanād anaṃtaram arthajātīnāṃ gotvādīnām ātmasu tasyā śabdatvajāteḥ samāropasya kalpanā na paramārthaḥ śabdavivartatvenārthasya śabdā tatvato bhedābhāvāt_

yad vā saṃbaṃdhavyutpatikāle gaur ayam artha ity arthajātyā śabdajāter atyaṃtabhedāt sāmānādhikaraṇānyathānupapatyābhedādhyāropaḥ kalpate yathā gaur vāhika iti anyathā saketasyaiva karttuṃ tu śakyatvāt_ tathā cāyam anādir apauruṣeyo vācyavācakabhāvaḥ tathādhyāroyo pi anyathā vācyavācakabhāva eva na ghaṭeta yathā bauddhasya dṛśyavikalpārthekākāro bhedānadhyadhyavasāyalakṣaṇaḥ na tu yathā gaur vāhīka ity atra puruṣechāyādhyāropaḥ vyavahāraśabdārthayoḥ sadaivābhedāvasāyāt katham iyaṃ prativarṇabhivyaktāsādhāraṇa jātir asamasamayabhāvibhir varṇaibhivyajyata iti cet_ yathotkṣapaṇātvādijātir iti vrūmaḥ tathā hi pratyekaṃ karmakṣaṇānām upavyaṃjakatve pi yat prathamo kṣepakṣaṇakṣaṇaḥ sa paramāṇumātravadeśākrameṇa mātmarūpatvāt_ bhramaṇāsārūpyavaśād anavadhāryamāṇa ekaiko bheda ekaiko samartho niyatajātyabhivyaṃjana iti kṣaṇāṃtaram apekṣate na ca tasya bhramaṇakṣaṇād viśeṣo nāsti upakramadyokṣipāmity evaṃ prayatnajanitatvāt_ evaṃ gośabdam uccārayāmīty evaṃ prayatno yady api gānaṃ gaganaśabdajanakāt prayatnād anya eva hetur bhedādyo gakāraṇayor api bheda eva tathāpi sādṛśyād asau duravadhāra iti vyaṃjako pi san prathamo dhvanisphuṭam abhivyanaktīty āvarttamāno pi viśadatarasāmānyaviśeṣābhivyakto hetuḥ yadāvayavaprakramabaṃdhaḥ prakrameṇopalakṣaṇa bhavati atha śabdajātiviśeṣādhiyuktā vyavahārā avatiṣṭhaṃte tadānīm asāhacaryāt parasparāvachedavaśena vilakṣaṇatayā pratibhāsanāt_ yathā ca ślokaḥ sakṛt pavyamāno nāvadhāryate abhyāsena tu phuṭyavabhāsaḥ tathā caramacetasi cakāsti ratatva sphoṭatvaṃ prathamākṣareṇa hi jāter ābhāsamātraṃ janyate taduttarotaravarṇakālāpenu tu sphuṭatarasphuṭatamaparichaṃdādhānaṃ saṃsmāraviśeṣotpādena dvāreṇābhivyaktiviśeṣa rabhatatvādau dṛṣṭeḥ tasmāc chabdād arthaṃ pratipadyāmaha iti vyavahārād varṇānom arthāvasāyajanakatvānupapatteḥ prakriyānaṃgasya prathamakāṃḍa eva vihitasvān nirayayavakaṃ pratyāyakaṃ śabdatatvaṃ jātivyaktibhedena bhinnasphoṭasvabhāvam evāṃgīkāryaṃ gaur ayam artha iti ca vācakābhedena vāpratīteḥ tadanudhyāsacarcitavapu vyavavahāryo rthaḥ tatra ca svarūpasya vācyatā prathamakāṇḍa eva nirṇītā iha tu saṃbaṃdhasamuddeśe pi nirṇeṣyate

abhidhālakṣaṇavyāpāratvam eva vyaktayati

jātau padārthe jātir vā viśeṣo vāpi jātivat_ śabdair apekṣyate yasmād atas te jātivācinaḥ 11

jāp__tau padārthe iti pakṣāvachedaṃ karoti atra hi pakṣe sa eva śabdo jātivācity abhyupagaṃtavyaṃ bhavatu vā mā bhūj jātiṣu jātiśabdes tu jātivyatiriktayā jātyaikasvabhāvaivāpekṣyate pratyāyyatvenāṃgīkriyate svālakṣaṇyena hi vastūnāṃ bhedaḥ spraṣṭuṃ na śakyate satve pi rūpāveśena saṃbaṃdhavyutpattau śabdasya vācakatvāt_ tathā ca jātīnām itaretarabhedo vastu satvābhidhīyate api tv abhedakalpanena tā abhidhīyaṃte abhedaś ca sāmānyam iti siddham ekaśabdatvaṃ jātaya iti

sarvaśabdaviṣayatvem avābhivyanaktiḥ

tāṃ pratipadikārthac ca dhātvarthaj ja pracakṣate sā nityā sā mahān ātmā tām āhus tvatalādayaḥ 33

sarvabhāveṣu sadrūpaṃ sāmānyam anugataṃ abhāvasyāpi budhyākāreṇa nirūpaṇān mahāsatāyāvinayāviyogāt matipadikamātravācyā satā tad uktaṃ prātipadikārthaḥ sateti dhātor api sādhanādhīnalabdho janmasu kriyāvyaktiṣu samavetā yathāpādhyupagṛhītanānātvāt sataivābhidheyadhāyakam āpadyate siddhasādhyarūpārthadvayātmanā ca tasyā eva vṛttes tadapararāśyabhāvāt sarvaśabdāviṣayātvaṃ satāyāḥ pratyayabhāgenāpy atra yathāyathaṃ saṃkhyākārakādyupādhiviśiṣṭā sataivābhidhīyate sa codayavyayarahitaṃtvān nityā satpratyayāsya sarvadānuvṛteḥ

ete satāmātrasyātmano mahataḥ tad viśeṣapariṇāmā yāt paraṃ viśeṣebhyo liṃgamātramahattattvaṃ tasminn ete satāmātre mahaty ātmany avasthāya vivṛddhikāṣṭhām anubhavati pratisaṃsṛjyamānāś ca tasminn eva satāmātre mahaty ātmany avasthāya vṛddhikāṣṭām anubhavati pratisaṃsṛjyamānāś ca tasminn eva satāmātre mahatātmany avasthāya yan niḥsaktāsatā saddaśasadd avyaktam aliṃgaṃ tasmin pratiyaṃtīty evaṃ buddhimatvaṃ mahacchabdavācyam ādyaṃ jagatkāraṇaṃ nirdiṣṭam ity ato naṃtarasyāvikāraṇagrāmasya kāraṇarūpānugamāt satārūpatvam aviruddhasatārūpaṃ sarvajagadākhyātaṃ bhavatīti satādvaitavādaḥ sāṃkhyanayenāpy upavṛṃhitaḥ evaṃ sarvaśabdavācyā satā śabdapravṛtinimitabhūteti yathāyathaṃ bhinnopādhibhāvapratyayābhidheyā saiva nanv evaṃ gotvam iti pratyayor ekārthatāprasaktāḥ naitat_ upādhibhedena satāyā bhedāt_ prātipadikena gavāśraye nayās tasyā abhidhānaṃ pratyayena tu niṣkṛṣṭāśrayasya sāmānyasyābhidhety adoṣaḥ prakṛtyarthanimitaś ca bhāvapratyayabheda iti na sāṃkarye prasaṃgaḥ