Asiatic Society of Bengal MS G1114 Kolkata India Asiatic Society G1114 51 D 6 RASB VI 4320 F[5] B This manuscript, held at the Asiatic Society in Kolkata, extends from the beginning of the Jātisamuddeśa to the end of the Kriyāsamuddeśa. It is very closely correlated with the manuscript from Delhi University Library (D) — it incorporates a marginal gloss from D, āryā, into the body of the main text. Not much is known with regards to the provenance of the manuscript, which forms part of the Government Collection ― Haraprasāda Shāstrī, in the preface to the first volume of his manuscript catalogue, writes that the collection began under the order of Lord Lawrence's Government in 1808 (III). This transcription has been made from colour facsimiles, with the exception of folios 2v and 3r, which were made from monochrome black-and-white facsimiles. Bhartṛhari Helārāja Jātisamuddeśa Prakīrṇaprakāśa śrīyaśodānandanāya namaḥ yasmin mukhatāṃ prayāti ruciraṃ sāmānaviśesayoḥ ity aṃtabhedābhāvāt_ sakalaviśeṣarihāreṇa sāmānyarūpānupapatter iti sarvatra siddhiḥ iti śrībhūtirājatanayahelārājakṛte prakīrṇaprakāśe kriyāsamuddeśo ṣṭamaḥ 8 || Sanskrit in Devanāgarī script. 12.1 26.7 Devanāgarī numerals, mid-right margin, verso. Modern numerals, top margin, recto and verso. Complete, in good condition.

Triple black lines framing the left and right margins.

 stha sometimes written as scha.

Some inline corrections.

On the recto side of the first folio is written 1114. | prakīrṇaprakāśaḥ in Bengali script; underneath it is G. 1114. The title prakīrṇaprakāśaḥ as well as the number 1114 appear again on the verso side of the last folio.

The stamp of the Asiatic Society of Bengal appears on both the recto side of the first folio and the verso side of the last folio. It reads A.S.B., encircled by Gorvernment Sanscript MS.

Cardboard cover. A flysheet gives some information on the manuscript.

 19th century India Acquired by the Asiatic Society of Bengal. Descriptions of the manuscript Descriptions of the manuscript A Descriptive Catalogue of the Sanskrit Manuscripts in the Government collection under the care of the Royal Asiatic Society of Bengal, Vol. VI, Vyākaraṇa Haraprasāda Shāstrī Calcutta 1931 Charles Li

śrīyaśodānandanāya namaḥ

 yasmin saṃmukhatāṃ prayāti ruciraṃ ko 'py antarujjṛmbhate nedīyān mahimā manasy abhinavaḥ puṃsaḥ prakāśātmanaḥ tṛptiṃ yat_ paramāṃ tanoti viṣayāsvādaṃ vinā śāśvatīṃ dhāmā''nanda sadhā mayorjita vapus tat prātibhaṃ saṃstumaḥ 1 kāṇḍadvaye yathāvṛtti siddhāntārthasatattvataḥ | pravandho vihito smābhir āgamārthānusāribhiḥ taccheṣabhūte kāṇḍe smin saprapañce svarūpataḥ ślokārthadyotanaparaḥ prakāśo yaṃ vidhīyate |

iha padārthāṣṭakavicāraparatvād vākyapadīyasya prathamakāṃḍena prayojanādipadārthe nirṇīte 'naṃtarakāṃḍopapāditopapattibhiḥ vākyatadarthayor anvākhyeyaschitalakṣaṇadyoḥ padārthayor nnirṇītatvāt tadapoddhārakāpoddhārarūpapadavicāraḥ pra|kramyate | tatra niyatavikalpo yathābhiprāyam apoddhāra iti yathāsaṃbhavaṃ padabhedānuddiśati ||

| dvidhā kaiścit padaṃ bhinnaṃ caturdhā paṃcadhāpi ca | apoddhṛtyaiva vākyebhyaḥ prakṛtipratyayādivat |

vākyasyaiva niraṃśasya vācakatvād aṃtarā padapratipattir vibhrama iti kim asatyapadavyutpādanenety āśaṃkyāpoddhṛtyaiva vākye4bhya ity āha | apoddhṛtya kalpanābuddhyā pṛthak padaṃ niṣkṛṣyākhaṃḍavākyavyutpattāv upāyaḥ padavyutpattir vākyavādināṃ | akhaṃḍapadavyutpattāv iva parikalpitarūpaprakṛtipratyayāgamādeśādivyutpattiḥ padavādinām | ānaṃtyād dhi vā2kyākyānāṃ svālakṣyesvasvalakṣaṇenā 1 dviḥnāśakyā vyutpattiḥ kartum iti sadṛśapadadvārakaṃ tadupapattir ity arthaḥ |

ubhayor api cāpod_dhṛtasyāsatyatvaṃ samānaṃ | tathā hi | aniyatānupūrvīko yathārthaṃ kalpitānvayavyatirekanibaṃdhano vākyavādināṃ padāpoddhāraḥ | evaṃ padavādināṃ śāstre py anvayavyatirekanimittārthāpoddhāravaśaḥ prakṛtipratyayāpoddhāraḥ | yad āha vākyakāraḥ siddhaṃ tv anvayavyatirekābhyām iti | tatra bhinnatvaṃ sāmānyaṃ dvidhetyādiko viśeṣa iti vidhārthe dhāpratyayopapattiḥ | prakāro hi vidhārthaḥ | sa ca sāmānyasya bhedako viśeṣaḥ prakāraḥ | sādṛśyam eva sarvatra prakāraḥ kaiścid iṣyata ity ekīyamataṃ | kaiścid iti vacanāt_ bhede pi tu prakārākhyā kaiścid abhyupagamyata iti coktaṃ | yadi vātra buddhirūpaprakalpitaṃ sādṛśyam eva vidhārthaḥ | jñānapratibiṃbitasya hi bāhyānukāritvena sādṛśyaṃ sarvatra prakārārthaḥ | saṃkalpitasadṛśasyābāhyasyānirvartanāt_ vākyāc cāpoddhriyamāṇasya padasya vākyārthāṃtarāparikalpanayārthavata evāpoddhāro yuktaḥ | arthāpoddhāra eva hi padāpoddhārasya nimittaṃ | animitte hi tasmin varṇāpoddhārasyāpi prasaṃgāt teṣām api vyutpādyatā syāt_ samudāyasyārthe prayogād avayavānāṃm aprasiddhir iti pūrvapakśe idaṃ paṭhitaṃ arthavat sūtre bhāṣye || iha vṛkṣa ity ukte kaścit_ śabdaḥ śrūyate vṛkṣaśabda akārāṃtasakāraś ca pratyayaḥ artho pi kaścid gamyate mūlaskaṃdhaphalapakāśavān ekatvaṃ ca || vṛkśāv ity ukte kaścic chabdo hīyate kaścid upajāyate kaścid anvayī sakāro hīyate aukāra upajāyate vṛkṣaśabda akārāṃto nvayī | artho pi kaścit_ hīyate kaścid upajāyate kaścid anvayī ekatvaṃ ca hīyate dvitvam upajāyate mūlaskaṃdhapallāśavān_ anvayī | te manyāmahe yaḥ śabdo hīyate tasyāsāv artho yo 'rtho hīyate | yaḥ śabda upajāyate tasyāsāv artho yo rtha upajāyate | yaḥ śabdo nvayī tasyāsāv artho yo rtho nvayīti anvayavyatirekau bhagavatī pradarśitau

vākyārthaś ca schitalakṣaṇo niraṃśaḥ kārakotkalitaśarīrakriyāsvabhāvaḥ | tatraṃ cāṃśāṃśikalpanayāpoddhāre kārakātmā kriyātmāaṃśaḥ 3 ca pravibhāgārha iti siddhasādhyalakṣaṇāṃśadvayaviṣayaḥ padāpoddhāro dvividhaḥ | nāmākhyātarūpaḥ | prāthamakalpikaḥ śaktiśaktimator abhedāt_ kārakātmā siddharūpo ṃśaḥ | yady api ca nāmapadānāṃ pratyayārthasya saṃkhyādeḥ śābdaṃ prādhānyaṃ tathāpy arthataḥ prātipadikārthasya jātyādyaṃkuritasya dravyasyaiva prādhānyaṃ siddharūpasya | saṃkhyākārakaśaktīnāṃ tadāśrayatvā|d anayor eva ca nāmākhyātayor viśeṣatvān nipātopasargakarmapravacanīyalakṣaṇaḥ padabhedo 'ṃtarbhavati |

tathā hi | siddhārthābhidhāyi nāmapadam iti tadarthagataṃ viśeṣaṃ dyotayannipātaḥ tatraivāṃtarbhavati | siddhaṃ hy arthaṃ sākṣād vābhidadhātu tadgataṃ viśeṣaṃ vā prakāśayatu neyatā bhedaḥ | svarādayas tu kecit satvapradhānā eveti te pi nāmapadam eva | ye tu hirugādayaḥ kriyāpradhānāḥ teṣām ākhyāte ṃtarbhāvaḥ | na hi tiṅaṃtam evākhyātaṃ kriyāpradhānasya sarvasyaiva tallakṣaṇatvāt | ata evopasargakarmapravacanīyapadāny apy ākhyātapadam eva | sādhyārthaviśeṣadyotanāt_ | evaṃ nipāto pi | tadgatabhedāṃtaravivakṣāyāṃ tu nipātopasargayor api kaiścit pṛthakkaraṇaṃ | tathā hi asty evāpoddhāre rthamātrāviśeśeṣo nayoḥ | na hy etau sākṣād arthaṃ vadataḥ api tu tadgataviśeṣadyotakāv iti vācakābhyāṃ nāmākhyātābhyāṃ pravibhaktau siddhasādhyārthaviṣayaviśeṣadyotakatvān nipātānāṃ5 sādhyaikaniyatatvāc copasargāṇāṃ parasparato bhedaḥ | karmapravacanīyās tu kriyāviśeṣopajanitasaṃbaṃdhāvachedahetava iti saṃbaṃdhaviśeṣadyotanadvāreṇa kriyāviśeṣaprakāśanā upasargeṣv evāṃtarbhavaṃtīti caturdhaiva kaiścit padaṃ bhinnaṃ |

sākṣāt kriyāviśeṣaprakāśanābhāvāt tad api paṃcamaṃ padam iti kaiścit_ | tathā hi karma proktavaṃtaḥ karmapravacanīyā iti atikrāṃtakriyākhyānalakṣaṇasya vyāpārasyātra saṃbhavo na tu vartamānasyety upasargebhyo bheḥdaḥ |1 kriyāgataviśeṣadyotanapūrvakaṃ hi saṃbaṃdhāvachedanam atra vartamānaṃ | tathā hi | sarvaḥ saṃbaṃdhaḥ kriyākṛtaḥ | upakārakriyocitatvāt tasya | kriyāṃm aṃtareṇa upakārābhāvātt_ | tatra kvacit kriyāśabdaḥ śrūyate kvacin na yatra śrūya2te tatra śrauta eva saṃbaṃdhaviśeṣāvasāyaḥ | tad yathā | mātuḥ smarati mātuḥ smṛtaṃ sarpiṣo jānīta ityādau | kriyā hi svabhāvād eva kriyāṃtaravyavadhānam aṃtareṇa dravyaiḥ saṃyujyate | yaanye tuyasmād etasya sthāne anye tv iti pāṭhaḥsmān mātāpitṛviṣaye pravartate vatiṣṭhate vā | tasmān mātāpitṛsaṃbaṃdhīdaṃ smaraṇam iti kriyākārakabhāvapūrvaka evāyam api saṃbaṃdha iti varṇayaṃti |

aśrute tu kriyāpade dvayī gatiḥ kvacit saṃbaṃdhisvarūpamahimnaiva kriyākṣepasiddheḥ | pratiniyatakriyākārakabhāvapūrvakatvaṃ śeṣasaṃbaṃdhasya vinaiva karmapravacanīyam avagamyate | tad yathā | upagor apatyaṃ vṛkṣasya śākhetyādāv apatyāpatyavatsaṃbaṃdho janikriyānimitto 'vayavāvayavisaṃbaṃdhaś ca sthitikriyānimitta ityādi | kvacit tu saṃbaṃdhānāṃ pratiniyatakriyāpūrvakatvāvadhāraṇe | nāsti sāmarthyaṃ | tad yathā rājñaḥ puruṣa ity atra svasvāmibhāvo bharaṇādyanekakriyānimitta ity evāvagamyate | kriyāviśeṣo nāvadhāryate tannimittabhūtaḥ | tathā ca bhāṣyaṃ yad etat svaṃ nāma tac caturbhiḥ prakārair bhavati | bharaṇād apaharaṇāt krayaṇād yāñcayeti | dānādīnāṃ tv anyatamāvinābhāvāt kriyā numīyata eva | kvacit tv avinābhāvinī kriyāpi na pratīyate | tathā caivaṃ jātīyake viṣaye karmapravacanīyo niyataviśiṣṭakriyākṛtatvasaṃbaṃdhasya viśeṣam avagamayati | tad uktaṃ | janayitvā kriyā kācit saṃbaṃdhaṃ vinivarttate | śrūyamāṇe kriyāśabde saṃbaṃdho jāyate kvacit_ | sa copajātaḥ saṃbaṃdho vinivṛtte | kriyāpade | karmapravacanīyena tatra tatra niyamyate iti | niyamas tasya niyatakriyājanitaṃtvaṃ tathā hi śākalyasya saṃhitām anu prāvarṣat_ iti yo yaṃ saṃhitāpravarṣaṇayor hetuhetumadbhāvalakṣaṇaḥ saṃbaṃdhaḥ sa nipa4taniśamanayanakriyājanita ity anunā vedyate | anuniśamyety atrānor niśamayatikriyāsāhacaryopalabdhe|r iha saṃpāṭharūpatvāt saṃhitāyās tadanumānasyaucityā|t tatra kriyāvacanatvam asyānyatra dṛṣṭaśakter na kalpyaṃ |

dyotyārthaniṣṭhaṃ va dyotakatvam iti tad api kriyāpadāprayogād atra nāsti | na ca kriyāpadākṣepakatvaṃ | yathā prādeśaṃ viparilikhatīty atra ver lekhanāsamanvayānupapatter nirmātikriyākṣepakatvaṃ | kārakavibhaktir hy atra prādeśam iti dvitīyeti yuktas tatsamuccitakriyākṣepaḥ | iha tu saṃhitām iti śaiṣikīyaṃ vibhaktir iti kathaṃ kriyākṣepaḥ | kriyākārakayor eva parasparam ākṣepyākṣepakabhāvasyāvinābhāvena nyāyyatvāt_ | tad yathā | praviśa | piṃḍī|m ityādau | nāpi saṃbaṃdhavācitvam atrānoḥ || vibhaktyaiva tadabhidhānād iti saṃbaṃdhāvachedasya pratyāyako nānyaḥ saṃbhavatīti pāriśeṣyād anor atra sāmarthyam adhyavasīyate | tad uktaṃ kriyāyā dyotako nāyaṃ saṃbaṃdhasya na vācakaḥ | nāpi kriyāpadākṣepī saṃbaṃdhasya tu bhedaka iti | bhedako viśeṣako dyotaka ity arthaḥ | ayam atra bhāvaḥ | yad ananyathāsiddhaṃ tatrānor vyāpārakalpanā yuktā | yat punar anyathārthasāmarthyādinā sidhyati na tatra tasya śaktiḥ kalpayituṃ pāryate iti padāṃtarāṇām arthāṃtaraniveśāt saṃbaṃdhaviśeṣasya tato navagatasya karmapravacanīyaviṣayatā siddhā | nanu ca yad atrādhikyaṃ vākyārthaḥ sa iti kriyāviśeṣajanitatvalakṣaṇaḥ saṃbaṃdhasyāvachedo vākyārthaḥ ki4m iti na kathyate anos tu paścāt_bhāvamātravṛttitvam eveti ||

|| atrocyate || ihādhikyaṃ | vākyārthatvenocyamānaṃ padārthapṛṣṭhapātitvenaivānusaraṇīyaṃ na tu padārthollaṃghanena | tattadvākyopāttasya hi sādhyasya vā viśeṣyasya vopāttair eva sādhanair viśeṣaṇaiś ca saṃsargas tatrādhikyaṃ | tad yathā | gāṃ śuklām ānaya | nīlotpalam iti ca | ata evocyate | āśrayāśrayiṇor vākyān niyamas tv avatiṣṭhate iti | iyaṃ cānupāttasyaiva padārthasya vākyārthāt pratītir nāstīti na saṃbaṃdhāvachedo trāpadārtho vākyārthaḥ śakyate kalpayitum iti karmapravacanīyaviṣaya evāyaṃ | yad vakṣyati | nimittaniyamaḥ śabdāt saṃbaṃdhasya na gṛhyate | karmapravacanīyais tu svaviśeṣe varudhyate iti | atra ca darśanadvayaṃ | svarūpeṇaiva saṃbaṃdhāntaravilakṣaṇaḥ karmapravacanīyena saṃbaṃdho vachidyate kriyāviśeṣajanitatvena veti | tatra svarūpeṇāvachede viśiṣṭakriyājanitatvapratītiḥ saṃbaṃdhiviśeṣaparyālocanālabhyā | tathā hi | adhibrahmadatte paṃcālā iti svasvāmibhāvo yaṃ saṃbaṃdha ity adhinā vedyate | brahmadattaś ca svāmīśvaraḥ paṃcālāś ca janapadaḥ svam iti tayoḥ saṃbaṃdhinoḥ paripālanakarādānādikriyāprabhāvita eva saṃbaṃdho nyāyya ity avagamyate | eva|m abhimanyur arjunataḥ pratī|ti pratinā sādṛśyakalakṣaṇo yaṃ saṃbaṃdha iti dyotyate | sa punaḥ saṃbaṃdhisvarūpaparyālocanād atra saṃpraharaṇādikriyākṛta ity avagamyate | itthaṃ ca śākalyasaṃhitām anu prāvarṣad ity atrāpi hetuphalabhāvo nāmāyaṃ saṃbaṃdha ity etāvaty evāyam anur viśrāmyati pāṭhaviśeṣarūpatvāt saṃhitāyā niśamanakriyāvagatiḥ | śabdaśravaṇena hi devo varṣad iti | saṃdhimahimnā viśiṣṭakriyāprabhāvitatvam avasīyate | kecid iyān anor eva vyāpāra ity āhuḥ

svarūpāvachede pi ca kriyāyāḥ kāryabhūtasaṃbaṃdhāpekṣayā'tītatvā|t karma proktavaṃta ity arthas tamanvety eva | vastutaḥ kriyāphalasyaiva saṃbaṃdhasya prakāśanāt_ yathā tu tatrabhavat_bhartṛhares tatra tatrābhiprāyo lakṣyate tathā nimittaviśeṣāvacheda eva karmapravacanīyakṛta iti rāddhāṃtaḥ | adhibrahmadatte paṃcālā iti paripālanakriyāhitatvaṃ svasvāmibhāvasyādhinā vyajyate | abhimanyu4r arjunataḥ pratīty atra parājayādikṛto nukāryānukaraṇabhāvaḥ pratinā prakāśyata ityādi sarvatra yojyaṃ | sustuta|m atistuta|m ityādau tu suḥ pūjāyā|m atir atikramaṇe cetyādinā karmapravacanīyasaṃjñādhikārikī svārthanirapekṣaivopasargasaṃjñābādhanāya pravartate | yathoktaṃ karmapravacanīyasaṃjñādhikārikā svārthanirapekṣaivopasargasaṃjñātvaṃ kriyāyoge vidhīyate | ṣatvādivinivṛttyarthaṃ svatyādīnāṃ hi dharmiṇām iti | ārthena tu rūpeṇa vibhāge prastute kriyāviśeṣāvadyotakatvād upasargapade svatyādir aṃtarbhavatīti nāvyāptiḥ | tad evaṃ vākyād apoddhriyamāṇasya padasyāpoddhārārthaviśeṣāśrayeṇa yathāsaṃbhavaṃ bhedo niraṃśakavākyavyutpattyupāyabhūtaḥ pradarśitaḥ | ata eva svādipadaṃ vākyavyutpattyanaṃgatvāc__ chāstre saṃketitaṃsvādiṣv asarvanāmasthāne ity anenety arthaḥ 3 subaṃtapadaviśeṣavyutpattyupāyabhūtaṃ neha gaṇanārhaṃ | prakṛtipratyayavad iti dṛṣṭāṃtapakṣanikṣipram iti nāvyāptiḥ | padāt kilāsāv apoddhāro na vākyāt_ |

tad itthaṃ padāpoddhāre pradarśite tadarthasyāpoddhṛtasya siddhasādhyarūpadvayayoginomatabhedena svarūpena darśanārtham āha

padārthānām apoddhāro jātir vā dravyam eva vā | padārthau sarvaśabdānāṃnityāv evopavarṇitau ||

arthadvāreṇa padaṃ parīkṣyata iti darśanabhedena prathamam apoddhārapadārthavicāraḥ tathā hi |sarveṣām api śabdānāṃ padarūpāṇāṃ nāmākhyātādisvabhāvānāṃ jātivādimate jātir evārtho na dravyam | dravyavādimate tu dravyam eva na jātiḥ|dvitīyena vāśabdena padārthāṃtaraṃ sūcitaṃ jātiviśiya avyābhidhānam iti | ata eva tad eva saṃkalanārūpaṃ padārthāv iti sphuṭīkṛtam | anyathā cārthe prakrīte cārthopasaṃhāro ayaṃ nopadyate tadvad abhidhāne tv abhidhānaṃ tāvad dvayor api samānam viramya vyāpārābhāvāc chabdasya vārtha tu jātidravyayor guṇapradhānabhāvaḥ yad vā prādhādhānyenaiva bhinnaviṣayatayā pāṇinidarśane jātidravye śabdenābhidhīyete ity ayam atra pakṣaḥ padārthāv ity uktaḥ | tatra nāmapadasya gaur ity āder gotvādijātiḥ niyatakriyāviṣayasādhanaikā rthasamavetasaṃkhyājātiviśeṣanabhāvaksa āpannā abhidheyā |anāśrayāyā jāter anupapatteḥ sāmarthyāt pratītaṃ dra vyam|

evam ākhyātapadasyāpi vibhinnakriyākṣaṇasamavetābhinnābhidhānapratyayahetukriyā jātiviṣayā sākṣā d vācakaśaktiḥ kārakādijātis tv atra guṇabhūtā nāmapadagatayā ca kārakajātyā kriyājātir ākhyātapada gatā vyaktidvāreṇa samanvayam eti|dravyajātis tv ekārthasamavāyāt sādhanaśaktidvāreṇa kriyāyogam anubhavati saṃkhyājātir apy ekārthasamavāyāt svavyaktyātmanā śaktimukhenaiva kriyānvayam etīti sarvapadārthasamanvayopapattau kalpate vākyārthaḥ|yathā cotkṣepaṇādikṣaṇair asamasamayabhāvibhir apy āvṛttyotkṣepaṇatvādi jātir abhivyajyate| tathā'dhiśrayaṇādibhiḥ kriyākṣaṇaiḥ pacatyādikriyājātir iti vicārayiṣyate| vyakti dvārakaṃ cāsya nityāyā api sādhyatvam upapadyate |

upasargādir apy atra darśane nāmākhyātasahabhāvī tad arthasya viśeṣāvadyotakatvāj jātipadārtha eva|viśeṣasya viśiṣṭaviśrāntasyaivāvasāyāt karmapravaca nīyo 'pi saṃbandhajātiniṣṭha eva|guṇaśabdānām api śuklādīnāṃ guṇajātir vācyā|saṃjñāśabdānām api ḍitthādiśabdānāṃ jātivācitvaṃ samarthayiṣyate |

tad itthaṃ vājapyāyanācāryamatena sārvatrikī jātipadārthavyavasthopapadyate|vyāḍimate tu sarvaśabdānāṃ dravyam arthaḥ|tasyaiva sākṣāt kriyāsamanvayopapatter vākyārthāṅgatayā codanāviṣayatvāt|yathāha | codanāsu ca tasyārambhāt’ iti | ekabrahmasattājātisamanvayavaśena cātra saṃketopapattiḥ|anabhidhīyamānāpi jātir upalakṣaṇākriyate śabdārthe|yathā gṛhādau kākādiḥ | ākhyāte 'pi ca sādhanādhāradravyaprādhānyaṃ vyāḍimate|devadattaḥ pacatīti dravyeṇaiva sākṣāt sāmānādhikaraṇyopapatteḥ|kriyā tu guṇabhūtātra vyāpārāviṣṭaṃ hi dravyam ākhyātārthaḥ|idaṃ tad iti sarvanāmapratyavamarśayogyaṃ cātra dravyam iti sārvatrikīyaṃvyavasthā|tathā ca vakṣyati | dravyadharmā padārthe tu dravye sarvo 'rtha ucyate iti | ata eva śuklādīnām api dravyapadārthatā siddhā|tattadupādhivyavacchinnaṃ vā brahma dravyaśabdavācyaṃ sarvaśabdānāṃ viṣaya iti vakṣyata eva|vyaktiparyāyo vā dravyaśabda iti jātivyaktivikalpena sarvaśabdaviṣayaḥ|tathā ca sarvaśabdānām ity abhidhānāt padād apyapoddhāre prakṛtipratyayarūpasyāpi śabdasya yathāyogaṃ kriyākārakasaṃkhyādir apoddhārapadārtho jātivyaktibhedena samāmnātaḥ|ubhayasyāpi vā śabdāt_ pratīter ubhayaṃ padārthaḥ|guṇapradhānabhāvabhedāśrayas tu matavikalpaḥ|nityatvopavarṇanaṃ ‘ca siddhe ārthasaṃbandhe ity atra bhāṣye’ yasmiṃs tattvaṃ na vihanyate’ iti dravyasyāpi nityatvaṃ pravāhanityatayā śabdāt sadaiva pratīteḥ

tad evam etad anaṃtarakāṃḍe darśanadvayam upapāditam iti yathāsaṃbhavaṃ pratinidhiś ca ciṃtitaḥ || idānīṃ jātau śabdenābhidhāyamānāyāṃ tatra jātyaṃtarābhāvān nirnimittā śabdasya pravṛttir āyatety āśaṃkyopapādayitum āha ||

svā jātiḥ prathamaṃ śabdaiḥ sarvair evābhidhīyate | tato rthajātirūpeṣu tadadhyāropakalpanā |

svā asādhāraṇā ātmīyā gośabdatvādikā na tu sakalaśabdasādhāraṇī śabdatvādiḥ | evaṃ cāsādhāraṇatvena viśeṣaṇāt tayā saṃva_mdhāvyabhicāraḥ śabdasyārthajātyā saṃvaṃdhavyabhicāraḥ śabdasyārthajātyā saṃvaṃdhavyabhicāre pīti svā jātir eva mukhyam abhidheyam ity uktaṃ bhavati | tathā ca vākyakāraḥ na vā śabdapūrvako hy arthe saṃpratyaya iti ata evāvyabhicāriṇyā svarūpajāter arthajātyabhidhāne śabdasya nāṃtarīyakam abhidhānam iti prathamam ity āha yadabhedena yatpratipattiḥ tad avaśyaṃ tatra pratipattavyam ity etāvatātra prāthamyaṃ na tu krameṇābhidhānaṃ yad vā saṃvaṃdhavyutpattikālāpekṣaṃ prāthamyaṃ | tathā hi saṃvaṃdhavyutpattikāle rthajātyā nāsti saṃvadhaḥ tathātve vācakatvena tatra viniyogo narthakaḥ syāt | arthasya pratipannatvād iti so rthas tāvat tena śabdena na pratipannaḥ | yadi ca svajātyabhidhānaṃ tadānīṃ na syāt_ tadānarppakatvād vibhaktiyogo na syād iti prāk saṃjñinābhisaṃvaṃdhāt saṃjñā rūpapadārthikety uktaṃ | rūpaṃ hi svarūpaṃ svājātir vā darśanabhedena kathyate | sarvair iti | svarūpaparair arthadyaraiś ca tasyā eva svarūpatayā vyavahārāchabdasvarūpeṇāvasthitā jātiḥ pratipadyate | arthasya jhaṭity eva śabdasvarūpābhedenāvavodhe pi yathāpratipāditakramāśrayeṇa tataṃ svajātipratyāyanād anaṃtaraṃ arthajātīnāṃ gotvādīnām ātmasu tasyāḥ śabdajāteḥ samāropasya kalpanā na paramārthaḥ śabdavivartatenārthasya śabdāt tattvato bhedābhāvāt |

yad vā saṃvaṃdhavyutpattikāle gaur ayam artha ity arthajātyā śabdajāter atyaṃtabhedāt sāmānādhikaraṇyānyathānupapattyā'bhedādhyāropaḥ kalpyate yathā gaur vāhīka iti anyathā saṃketasyaiva kartum aśakyatvāt_ | yathā cāyam anādir apauruṣeyo vācyavācakabhāvaḥ tathādhyāropo pi anyathā vācyavācakabhāva eva na ghaṭeta | yathāo bauddhasya dṛśyavikalpārthaikīkāro bhedānadhyavasāyalakṣaṇaḥ | nanu yathā gaur vāhīka ity atra puruṣechayādhyāropaḥ vyavahāre śabdārthayoḥ sadaivābhedāvasāyāt katham iyaṃ prativarṇam anabhivyaktā sādhāraṇī jātir asamasamayabhāvibhir varṇair abhivyajyata iti cet_ | yathotkṣepaṇatvādijātir iti vrūmaḥ tathā hi pratyekaṃ karmakṣaṇānām upavyaṃjakatve pi ya prathama utkṣepaṇakṣaṇaḥ sa paramāṇumātradeśākramaṇamātrarūpatvāt_ bhramaṇakṣaṇāt_ sārūpyavaśād anavadhāvaryamāṇabheda ekaiko samartho niyatajātyabhivyaṃjana iti kṣaṇāṃtaram apekṣate | na ca tasya bhramaṇakṣaṇād viśeṣo nāsti upakrama evotkṣipāmīty evaṃ prayatnajanitatvāt | evaṃ gośabdam uccārayāmīty ayaṃ prayatno yady api |gā|na|ga|ganaśabdajanakāt prayatnād anya eva hetubhedāc ca gakārayor api bheda eva tathāpi sādṛśyād asau duravadhāra iti vyaṃjako pi san_ prathamo dhvanir asphuṭam abhivyanaktīty āvartamāno pi na viśadatarasāmānyaviśeṣābhivyaktau hatuḥ | yadā tv avayavapravaṃdhaḥ krameṇopalabdho bhavati | atha śabdajātiviśeṣopādhiyuktā vyavahārā avatiṣṭhaṃte tadānīṃ sāhacaryāt parasparāvachedavaśena vilakṣaṇatayā pratibhāsanāt_ yathā ca ślokaḥ sakṛt paṭhya3māno nāvadhāryate abhyāsena tu sphuṭāvabhāsaḥ tathā caramatvena sicakāsti ratnatattvavat sphoṭatatvaṃ | prathamākṣareṇa hi jāter ābhāsamātraṃ janyate taduttarottaravarṇakalāpena tu sphuṭatarasphuṭanaparichedādhānaṃ | samskāraviśeṣotpādanadvāreṇābhivyaktiviśeṣasya ratnabhatvādau dṛṣṭeḥ | tasmāchabdād arthe pratipadyāmaha iti vyavahārād varṇānām arthāvasāyajanakatvānupapatteḥ | prakriyābhaṃgasya prathamakāṃḍa eva vihitatvān niravayavaṃ pratyāyakaṃ śabdatatvaṃ jātivyaktibhedena bhinnaṃ sphoṭasvabhāvam evāṃgīkāryaṃ gaur ayam artha iti ca vācakābhedena vācyapratīteḥ tadadhyāsakhacitavapur vyavavahāryo rthaḥ tatra ca svarūpasya vācyatā prathamakāṃḍa eva nirṇītā iha tu saṃvaṃdhasamuddeśe pi nirṇeṣyate |

sarvaśabdaviṣayatvam evābhivyanakti|

tāṃ prātipadikārthaṃ ca dhātvarthaṃ ca pracakṣate || || sā nityā sā mahān ātmā tām āhus tvatalādayaḥ|

sarvabhāveṣu sadrūpaṃ sāmānyam anugataṃ abhāvasyāpi buddhyākāreṇa nirūpaṇāt_ mahāsattayā'nayā'viyogāt_ prātipadikamātravācyā sattā | tad uktaṃ prātipadikārthaḥ satteti | dhātubhir api sādhanādhīnalabdhajanmasu kriyāvyaktiṣu samavetā yathopādhyupagṛhītanānātvā sattaivābhidheyaka(yopadhād i(ti vuñm āpadyate siddhasādhyarūpārthadvayātmanā ca tasyā eva vyāvṛttes tadapararāśyabhāvāt_ sarvaśabdaviṣayatvaṃ sattāyāḥ | pratyayabhāgenāpy atra yathāyathaṃ saṃkhyākārakādyupādhiviśiṣṭā sattaivābhidhāyate sā codayavyayarahitatvān nityā satpratyayasya sarvadānuvṛtteḥ |

ete sattāmātrasyātmano mahataḥ ṣaḍ viśeṣapariṇāmāḥ yataḥ paraṃ viśeṣebhyo liṃgaṃmātraṃ mahattatvaṃ tasminn ete sattāmātre mahaty ātmany avasthāya vivṛddhikāṣṭhām anubhavaṃti | pratisaṃsṛjyamānāś ca tasmiṃś ca sattāmātre mahaty ātmany avasthāya yat tan niḥsattā'sattaṃ niḥsadasad avyaktam aliṃgaṃ tasmin pratiyaṃtīty evaṃ sāṃkhye buddhitatvaṃ mahachabdavācyam ādyaṃ jagatkāraṇaṃ nirdiṣṭam ity ato naṃtarasya vikāragrāmasya kāraṇarūpānugamāt sattārūpatvam aviruddham iti sattārūpaṃ saṃrvaṃ jagadākhyātaṃ bhavatīti sattādvaitavādaḥ sāṃkhyanayenābhyupavṛṃhitaḥ | evaṃ ca sarvaśabdavācyā sattā śabdapravṛ6ttinimittabhūteti yathāyathaṃ bhinnopādhibhāvapratyayābhidheyā saiva | nanv evaṃ gotvam iti prakṛtipratyayayor ekārthatāprasaṃgaḥ | naitat | upādhibhedena sattāyā bhedāt | prātipadikena gavāśrayāyās tasyā abhidhānaṃ pratyayena tu niṣkṛṣṭāśrayasya sāmānyasyābhidhety adoṣaḥ | prakṛtyarthanimittaś ca bhāvapratyayabheda iti na sāṃkaryaprasaṃgaḥ |