devatābhiṣekapaṭalaṃ vyākhyāsyāmaḥ | svahṛdi svabījān niścārya kṛṣṇadīptarasmyāṃkuśākārayā traidhātukasthitān buddhān ākṛṣyāṣṭamātṛbhiḥ saṃpūjyānunāthyante | oṁ abhiṣiñcantu māṃ sarvvatathāgatā iti

tair buddhair herukākārarūpaiḥ | pañcāmṛtabhṛtapañcatathāgatātmakaiḥ kalaśair abhiṣicyate | abhiṣicyamānaḥ puṣpavṛṣṭir bhavati | dundubhiśabdocchalati | kuṃkumavṛṣṭir bhavati |

rūpavajrādibhis saṃpūjyate | vajragītyā locanādibhir gīyate | abhiṣicyamāno mūrddhāyāṃ svakuleśo bhavati | etena herukaniṣpannaḥ trisandhyādhiṣṭhānabhāvanāṃ bhāvya uttiṣṭhet | devatāmūrttyā sthātavyaṃ

abhiṣekapaṭalaś caturthaḥ || ||