devatāabhiṣekapaṭalaṃ vyākhyāsyāmaḥ || svahṛdi svabīja niścārya kṛṣṇadīptinayāṃkuśākārarūpatā | traidhātukagatān buddhānām ākṛṣya aṣṭamātṛbhiḥ saṃpūjyānunāthyate || oṃ abhiṣicaṃtu māṃ sarvavajratathāgatā iti |

tair buddhair herukākārarūpaiḥ pañcāmṛtabhṛttapañcas tathāgatātmakaiḥ kalaśaiḥ pañcabhir abhiṣicyate | abhiṣiṃcyamāno puṣpavṛṣṭir bhavati | dundubhiśabdo bhavati | kuṅkumavṛṣṭir bhavati |

rūpavajrādibhiḥ pūjyate | vajragītyā locanādibhi gīyate | abhiṣicyamāno mūrdhnāyāṃ svakuleso bhavati | etena herukaniṣpannaḥ trisandhyādhiṣṭhānabhāvanāṃ vibhāvya uttiṣṭhet | devatāmūrttyā sthātavyaṃ || ||

abhiṣekapaṭalaś caturthaḥ || ||