Provisional edition The Hevajratantra, with special reference to Kamalanātha Ratnāvalī, edited by Ryan Conlon Ryan Conlon 2022 Universität EdC This is a provisionary critical edition of the text, currently still under active revision, based on five manuscript witnesses and two printed sources. Sanskrit in IAST transliteration. 2020 CE Germany Ryan Conlon

devatābhiṣekapaṭalaṃ vyākhyāsyāmaḥ | svahṛdi svabījān niścārya krṣṇadīptim āṅkuśākārayā traidhātukavasthitān buddhān ākṛṣyāṣṭamātṛbhiḥ saṃpūjyānunāthyate—oṁ abhiṣiñcantu māṃ sarvatathāgatā | iti || 1 ||

tair buddhair herukākārarūpaiḥ pañcāmṛtabhṛtapañcatathāgatātmakaiḥ kalaśaiḥ pañcabhir abhiṣicyate | abhiṣicyamānaḥ puṣpavṛṣṭir bhavati | dundubhiśabdo bhavati | kuṅkumavṛṣṭir bhavati || 2 ||

rūpavajrādibhiḥ saṃpūjyate | vajragītyā locanādibhir gīyate | abhiṣicyamāno mūrdhāyāṃ svakuleśo bhavati | etena herukaniṣpannaḥ trisandhyādhiṣṭhānabhāvanāṃ vibhāvyottiṣṭhet | devatāmūrtyā sthātavyam || 3 ||

abhiṣekapaṭalaś caturthaḥ |