[Prathamaḥ Pādaḥ] ||1.1.1|| siddho varṇasamāmnāyaḥ || ||1.1.2|| tatra caturdaśādau svarāḥ || ||1.1.3|| daśa samānāḥ || ||1.1.4|| teṣāṃ dvau dvāv anyonyasya savarṇau || ||1.1.5|| pūrvo hrasvaḥ || ||1.1.6|| paro dīrghaḥ || ||1.1.7|| svaro 'varṇavarjo nāmī || ||1.1.8|| ekārādīni sandhyakṣarāṇi || ||1.1.9|| kādīni vyañjanāni || ||1.1.10|| te vargāḥ pañca pañca pañca || ||1.1.11|| vargāṇāṃ prathamadvitīyāḥ śaṣasāś cāghoṣāḥ || ||1.1.12|| ghoṣavanto 'nye || ||1.1.13|| anunāsikā ṅañaṇanamāḥ || ||1.1.14|| antaḥsthā yaralavāḥ || ||1.1.15|| ūṣmāṇaḥ śaṣasahāḥ || ||1.1.16|| aḥ iti visarjanīyaḥ || ||1.1.17|| ẖka iti jihvāmūlīyaḥ || ||1.1.18|| ḫpa iti upadhmānīyaḥ || ||1.1.19|| aṃ ity anusvāraḥ || ||1.1.20|| pūrvaparayor arthopalabdhau padam || ||1.1.21|| vyañjanam asvaraṃ paraṃ varṇaṃ nayet || ||1.1.22|| anatikramayan viśleṣayet || ||1.1.23|| lokopacārād grahaṇasiddhiḥ ||

[dvitīyaḥ pādaḥ] ||1.2.1|| samānaḥ savarṇe dīrghībhavati paraś ca lopam || ||1.2.2|| avarṇa ivarṇe e || ||1.2.3|| uvarṇe o || ||1.2.4|| ṛvarṇe ar || ||1.2.5|| ḷvarṇe al || ||1.2.6|| ekāre ai aikāre ca || ||1.2.7|| okāre au aukāre ca || ||1.2.8|| ivarṇo yam asavarṇe na ca paro lopyaḥ || ||1.2.9|| vam uvarṇaḥ || ||1.2.10|| ram ṛvarṇaḥ || ||1.2.11|| lam ḷvarṇaḥ || ||1.2.12|| e ay || ||1.2.13|| ai āy || ||1.2.14|| o av || ||1.2.15|| au āv || ||1.2.16|| ayādīnāṃ yavalopaḥ padānte na vā lope tu prakṛtiḥ || ||1.2.17|| edotparaḥ padānte lopam akāraḥ || ||1.2.18|| na vyañjane svarāḥ sandheyāḥ ||

[tṛtīyaḥ pādaḥ] ||1.3.1|| odantā a i u ā nipātāḥ svare prakṛtyā || ||1.3.2|| dvivacanam anau || ||1.3.3|| bahuvacanam amī || ||1.3.4|| anupadiṣṭāś ca ||

[caturthaḥ pādaḥ] ||1.4.1||vargaprathamāḥ padāntāḥ svaraghoṣavatsu tṛtīyān || ||1.4.2|| pañcame pañcamāṃs tṛtīyān na vā || ||1.4.3|| vargaprathamebhyaḥ śakāraḥ svarayavaraparaś chakāraṃ na vā || ||1.4.4|| tebhya eva hakāraḥ pūrvacaturthaṃ na vā || ||1.4.5|| pararūpaṃ takāro lacaṭavargeṣu || ||1.4.6|| caṃ śe || ||1.4.7|| ṅaṇanā hrasvopadhāḥ svare dviḥ || ||1.4.8|| no 'ntaś cachayoḥ śakāram anusvārapūrvam || ||1.4.9|| ṭaṭhayoḥ ṣakāram || ||1.4.10|| tathayoḥ sakāram || ||1.4.11|| le lam || ||1.4.12|| jajhañaśakāreṣu ñakāram || ||1.4.13|| śi cnau vā || ||1.4.14|| ḍaḍhaṇaparas tu ṇakāram || ||1.4.15|| mo 'nusvāraṃ vyañjane || ||1.4.16|| varge tadvargapañcamaṃ vā ||

[pañcamaḥ pādaḥ] ||1.5.1|| visarjanīyaś ce che vā śam || ||1.5.2|| ṭe ṭhe vā ṣam || ||1.5.3|| te the vā sam || ||1.5.4|| kakhayor jihvāmūlīyaṃ na vā || ||1.5.5|| paphayor upadhmānīyaṃ na vā || ||1.5.6|| śe ṣe se vā vā pararūpam || ||1.5.7|| um akārayormadhye || ||1.5.8|| aghoṣavatoś ca || ||1.5.9|| aparo lopyo 'nyasvare yaṃ vā || ||1.5.10|| ābhobhyām evam eva svare || ||1.5.11|| ghoṣavati lopam || ||1.5.12|| nāmiparo ram || ||1.5.13|| ghoṣavatsvaraparaḥ || ||1.5.14|| raprakṛtir anāmiparo 'pi || ||1.5.15|| eṣasaparo vyañjane lopyaḥ || ||1.5.16|| na visarjanīyalope punaḥ sandhiḥ || ||1.5.17|| ro re lopaṃ svaraś ca pūrvo dīrghaḥ || ||1.5.18|| dvirbhāvaṃ svaraparaś chakāraḥ ||

[prathamaḥ pādaḥ] ||2.1.1|| dhātuvibhaktivarjam arthaval liṅgam || ||2.1.2|| tasmāt parā vibhaktayaḥ || ||2.1.3|| pañcādau ghuṭ || ||2.1.4|| jasśasau napuṃsake || ||2.1.5|| āmantrite siḥ sambuddhiḥ || ||2.1.6|| āgama udanubandhaḥ svarād anyāt paraḥ || ||2.1.7|| tṛtīyādau tu parādiḥ || ||2.1.8|| idud agniḥ || ||2.1.9|| īdūt stryākhyau nadī || ||2.1.10|| ā śraddhā || ||2.1.11|| antyāt pūrva upadhā || ||2.1.12|| vyañjanān no 'nuṣaṅgaḥ || ||2.1.13|| dhuḍ vyañjanam antaḥsthānunāsikam || ||2.1.14|| akāro dīrghaṃ ghoṣavati || ||2.1.15|| jasi || ||2.1.16|| śasi sasya ca naḥ || ||2.1.17|| akāre lopam || ||2.1.18|| bhis ais vā || ||2.1.19|| dhuṭi bahutve tve || ||2.1.20|| osi ca || ||2.1.21|| ṅasir āt || ||2.1.22|| ṅas sya || ||2.1.23|| ina ṭā || ||2.1.24|| ṅer yaḥ || ||2.1.25|| smai sarvanāmnaḥ || ||2.1.26|| ṅasiḥ smāt || ||2.1.27|| ṅiḥ smin || ||2.1.28|| vibhāṣyete pūrvādeḥ || ||2.1.29|| sur āmi sarvataḥ || ||2.1.30|| jas sarva iḥ || ||2.1.31|| alpāder vā || ||2.1.32|| dvandvasthāc ca || ||2.1.33|| nānyat sārvanāmikam || ||2.1.34|| tṛtīyāsamāse ca || ||2.1.35|| bahuvrīhau || ||2.1.36|| diśāṃ vā || ||2.1.37|| śraddhāyāḥ sir lopam || ||2.1.38|| ṭausor e || ||2.1.39|| sambuddhau ca || ||2.1.40|| hrasvo 'mbārthānām || ||2.1.41|| aur īm || ||2.1.42|| ṅavanti yai yās yās yām || ||2.1.43|| sarvanāmnas tu sasavo hrasvapūrvāś ca || ||2.1.44|| dvitīyātṛtīyābhyāṃ vā || ||2.1.45|| nadyā ai ās ās ām || ||2.1.46|| sambuddhau hrasvaḥ || ||2.1.47|| amśasor ādir lopam || ||2.1.48|| īkārāntāt siḥ || ||2.1.49|| vyañjanāc ca || ||2.1.50|| agner amo 'kāraḥ || ||2.1.51|| aukāraḥ pūrvam || ||2.1.52|| śaso 'kāraḥ saś ca no 'striyām || ||2.1.53|| ṭā nā || ||2.1.54|| ado 'muś ca || ||2.1.55|| ir edur oj jasi || ||2.1.56|| sambuddhau ca || ||2.1.57|| ṅe || ||2.1.58|| ṅasiṅasor alopaś ca || ||2.1.59|| goś ca || ||2.1.60|| ṅir au sapūrvaḥ || ||2.1.61|| sakhipatyor ṅiḥ || ||2.1.62|| ṅasiṅasor umaḥ || ||2.1.63|| ṛdantāt sapūrvaḥ || ||2.1.64|| ā sau silopaś ca || ||2.1.65|| agnivac chasi || ||2.1.66|| ar ṅau || ||2.1.67|| ghuṭi ca || ||2.1.68|| dhātos tṛśabdasyār || ||2.1.69|| svasrādīnāṃ ca || ||2.1.70|| ā ca na sambuddhau || ||2.1.71|| hrasvanadīśraddhābhyaḥ sir lopam || ||2.1.72|| āmi ca nuḥ || ||2.1.73|| tres trayaś ca || ||2.1.74|| caturaḥ || ||2.1.75|| saṅkhyāyāḥ ṣnāntāyāḥ || ||2.1.76|| kateś ca jasśasor luk || ||2.1.77|| niyo ṅir ām ||

[dvitīyaḥ pādaḥ] ||2.2.1|| na sakhiṣ ṭādāv agniḥ || ||2.2.2|| patir asamāse || ||2.2.3|| strī nadīvat || ||2.2.4|| stryākhyāv iyuvau vāmi || ||2.2.5|| hrasvaś ca ṅavati || ||2.2.6|| napuṃsakāt syamor lopo na ca tad uktam || ||2.2.7|| akārād asambuddhau muś ca || ||2.2.8|| anyādes tu tuḥ || ||2.2.9|| aur īm || ||2.2.10|| jasśasoḥ śiḥ || ||2.2.11|| dhuṭsvarād ghuṭi nuḥ || ||2.2.12|| nāminaḥ svare || ||2.2.13|| asthidadhisakthyakṣṇām annantaṣ ṭādau || ||2.2.14|| bhāṣitapuṃskaṃ puṃvad vā || ||2.2.15|| dīrgham āmi sanau || ||2.2.16|| nāntasya copadhāyāḥ || ||2.2.17|| ghuṭi cāsambuddhau || ||2.2.18|| sāntamahator nopadhāyāḥ || ||2.2.19|| apaś ca || ||2.2.20|| antvasantasya cādhātoḥ sau || ||2.2.21|| inhanpūṣāryamṇāṃ śau ca || ||2.2.22|| uśanaḫpurudaṃśo'nehasāṃ sāv anantaḥ || ||2.2.23|| sakhyuś ca || ||2.2.24|| ghuṭi tvai || ||2.2.25|| diva ud vyañjane || ||2.2.26|| au sau || ||2.2.27|| vāmyā || ||2.2.28|| yujer asamāse nur ghuṭi || ||2.2.29|| abhyastād antir anakāraḥ || ||2.2.30|| vā napuṃsake || ||2.2.31|| tudabhādihya īkāre || ||2.2.32|| haner hedhir upadhālope || ||2.2.33|| gorau ghuṭi || ||2.2.34|| amśasor ā || ||2.2.35|| panthimanthyṛbhukṣīṇāṃ sau || ||2.2.36|| ananto ghuṭi || ||2.2.37|| aghuṭsvare lopam || ||2.2.38|| vyañjane caiṣāṃ niḥ || ||2.2.39|| anuṣaṅgaś cākruñcet || ||2.2.40|| puṃso 'nśabdalopaḥ || ||2.2.41|| caturo vāśabasyotvam || ||2.2.42|| anaḍuhaś ca || ||2.2.43|| sau nuḥ || ||2.2.44|| sambuddhāv ubhayor hrasvaḥ || ||2.2.45|| adasaḥ pade maḥ || ||2.2.46|| aghuṭsvarādau seṭkasyāpi vanser vaśabdasyotvam || ||2.2.47|| śvayuvamaghonāṃ ca || ||2.2.48|| vāher vāśabdasyau || ||2.2.49|| ancer alopaḥ pūrvasya ca dīrghaḥ || ||2.2.50|| tiryaṅ tiraściḥ || ||2.2.51|| udaṅ udīciḥ || ||2.2.52|| pāt padaṃ samāsāntaḥ || ||2.2.53|| avam asaṃyogād ano 'lopo 'luptavac ca pūrvavidhau || ||2.2.54|| īṅyor vā || ||2.2.55|| ā dhātor aghuṭsvare || ||2.2.56|| īdūtor iyuvau svare || ||2.2.57|| sudhīḥ || ||2.2.58|| bhūr avarṣābhur apunarbhūḥ || ||2.2.59|| anekākṣarayos tv asaṃyogād yavau || ||2.2.60|| bhrūr dhātuvat || ||2.2.61|| strī ca || ||2.2.62|| vāmśasoḥ || ||2.2.63|| bhavato vāder utvaṃ sambuddhau || ||2.2.64|| avyayasarvanāmnaḥ svarād antyāt pūrvo 'k kaḥ || ||2.2.65|| ke pratyaye strīkṛtākārapare pūrvo 'kāra ikāram ||

[tṛtīyaḥ pādaḥ] ||2.3.1|| yuṣmadasmadoḥ padaṃ padāt ṣaṣṭhīcaturthīdvitīyāsu vasnasau || ||2.3.2|| vāṃ nau dvitve || ||2.3.3|| tvanmador ekatve te me tvā mā tu dvitīyāyām || ||2.3.4|| na pādādau || ||2.3.5|| cādiyoge ca || ||2.3.6|| eṣaṃ vibhaktāv antalopaḥ || ||2.3.7|| yuvāvau dvivāciṣu || ||2.3.8|| amau cām || ||2.3.9|| ām śas || Eggeling provides another manuscript reading as ān śasaḥ, which is identical with the reading of the Kashmiri recension. ||2.3.10|| tvam ahaṃ sau savibhaktyoḥ || ||2.3.11|| yūyaṃ vayaṃ jasi || ||2.3.12|| tubhyaṃ mahyaṃ ṅayi || ||2.3.13|| tava mama ṅasi || ||2.3.14|| at pañcamy advitve || ||2.3.15|| bhyas abhyam || ||2.3.16|| sāmākam || ||2.3.17|| etvam asthānini || ||2.3.18|| ātvaṃ vyañjanādau || ||2.3.19|| raiḥ || ||2.3.20|| aṣṭanaḥ sarvāsu || ||2.3.21|| au tasmāj jasśasoḥ || ||2.3.22|| arvann arvantir asāv anañ || ||2.3.23|| sau ca maghavān maghavā vā || ||2.3.24|| jarā jaras svare vā || ||2.3.25|| tricaturoḥ striyāṃ tisṛ catasṛ vibhaktau || ||2.3.26|| tau raṃ svare || ||2.3.27|| na nāmi dīrgham || ||2.3.28|| nṛ vā || ||2.3.29|| tyadādīnām a vibhaktau || ||2.3.30|| kiṃ kaḥ || ||2.3.31|| do 'dver maḥ || ||2.3.32|| sau saḥ || ||2.3.33|| tasya ca || ||2.3.34|| idam iyam ayaṃ puṃsi || ||2.3.35|| ad vyañjane 'nak || ||2.3.36|| ṭausor anaḥ || ||2.3.37|| etasya cānvādeśe dvitīyāyāṃ cainaḥ || ||2.3.38|| tasmād bhis bhir || ||2.3.39|| adasaś ca || ||2.3.40|| sāvau silopaś ca || ||2.3.41|| utvaṃ māt || ||2.3.42|| ed bahutve tv ī || ||2.3.43|| apāṃ bhe daḥ || ||2.3.44|| virāmavyañjanādiṣv anaḍunnahivansīnāṃ ca || ||2.3.45|| srasidhvasoś ca || ||2.3.46|| haśaṣachāntejādīnāṃ ḍaḥ || ||2.3.47|| dāder hasya gaḥ || ||2.3.48|| cavargadṛgādīnāṃ ca || ||2.3.49|| muhādīnāṃ vā || ||2.3.50|| hacaturthāntasya dhātos tṛtīyāder ādicaturthatvam akṛtavat || ||2.3.51|| sajuṣāśiṣo raḥ || ||2.3.52|| iruror īrūra || ||2.3.53|| ahnaḥ saḥ || ||2.3.54|| saṃyogāntasya lopaḥ || ||2.3.55|| saṃyogāder dhuṭaḥ || ||2.3.56|| liṅgāntanakārasya || ||2.3.57|| na sambuddhau || ||2.3.58|| na saṃyogāntāvaluptavac ca pūrvavidhau || ||2.3.59|| isusdoṣāṃ ghoṣavati raḥ || ||2.3.60|| dhuṭāṃ tṛtīyaḥ || ||2.3.61|| aghoṣe prathamaḥ || ||2.3.62|| vā virāme || ||2.3.63|| rephasor visarjanīyaḥ || ||2.3.64|| virāmavyañjanādāv uktaṃ napuṃsakāt syamor lope 'pi ||

[caturthaḥ pādaḥ] ||2.4.1|| avyavyībhāvād akārāntād vibhaktīnām am apañcamyāḥ || ||2.4.2|| vā tṛtīyāsaptamyoḥ || ||2.4.3|| anyasmāl luk || ||2.4.4|| avyayāc ca || ||2.4.5|| rūḍhānāṃ bahutve 'striyām apatyapratyayasya || ||2.4.6|| gargayaskavidādīnāṃ ca || ||2.4.7|| bhṛgvatryaṅgiraskutsavasiṣṭhagotamebhyaś ca || ||2.4.8|| yato 'paiti bhayam ādatte vā tad apādānam || ||2.4.9|| īpsitaṃ ca rakṣārthānām || ||2.4.10|| yasmai ditsā rocate dhārayate vā tat sampradānam || ||2.4.11|| ya ādhāras tad adhikaraṇam || ||2.4.12|| yena kriyate tat karaṇam || ||2.4.13|| yat kriyate tat karma || ||2.4.15|| kārayati yaḥ sa hetuś ca || ||2.4.16|| teṣāṃ param ubhayaprāptau || ||2.4.17|| prathamā vibhaktir liṅgārthavacane || ||2.4.18|| āmantraṇe ca || ||2.4.19|| śeṣāḥ karmakaraṇasampradānāpādānasvāmyādyadhikaraṇeṣu || ||2.4.20|| paryapāṅyoge pañcamī || ||2.4.21|| digitararte 'nyaiś ca || ||2.4.22|| dvitīyainena || ||2.4.23|| karmapravacanīyaiś ca || ||2.4.24|| gatyarthakarmaṇi dvitīyācaturthyau ceṣṭāyām anadhvani || ||2.4.25|| manyakarmaṇi cānādare 'prāṇini || ||2.4.26|| namassvastisvāhāsvadhālaṃvaṣaḍyoge caturthī || ||2.4.27|| tādarthye || ||2.4.28|| tumarthāc ca bhāvavācinaḥ || ||2.4.29|| tṛtīyā sahayoge || ||2.4.30|| hetvarthe || ||2.4.31|| kutsite 'ṅge || ||2.4.32|| viśeṣaṇe || ||2.4.33|| kartari ca || ||2.4.34|| kālabhāvayoḥ saptamī || ||2.4.35|| svāmīśvarādhipatidāyādasākṣipratibhūprasūtaiḥ ṣaṣṭhī ca || ||2.4.36|| nirdhāraṇe ca || ||2.4.37|| ṣaṣṭhī hetuprayoge || ||2.4.38|| smṛtyarthakarmaṇi || ||2.4.39|| karoteḥ pratiyatne || ||2.4.40|| hiṃsārthānām ajvare || ||2.4.41|| kartṛkarmaṇoḥ kṛti nityam || ||2.4.42|| na niṣṭhādiṣu || ||2.4.43|| ṣaḍo ṇo ne || ||2.4.44|| manor anusvāro ghuṭi || ||2.4.45|| varge vargāntaḥ || ||2.4.46|| tavargaś caṭavargayoge caṭavargau || ||2.4.47|| nāmikaparaḥ pratyayavikārāgamasthaḥ siḥ ṣaṃ nuvisarjanīyaṣāntaro 'pi || ||2.4.48|| raṣṛvarṇebhyo no ṇam anantyaḥ svarahayavakavargāntaro 'pi || ||2.4.49|| striyām ād ā || ||2.4.50|| nadādyancivāhvyansyantṛsakhināntebhya ī || ||2.4.51|| īkāre strīkṛte 'lopyaḥ || ||2.4.52|| svaro hrasvo napuṃsake ||

[pañcamaḥ pādaḥ] ||2.5.1|| nāmnāṃ samāso yuktārthaḥ || ||2.5.2|| tatsthā lopyā vibhaktayaḥ || ||2.5.3|| prakṛtiś ca svarāntasya || ||2.5.4|| vyañjanāntasya yat subhoḥ || ||2.5.5|| pade tulyādhikaraṇe vijñeyaḥ karmadhārayaḥ || ||2.5.6|| saṅkhyāpūrvo dvigur iti jñeyaḥ || ||2.5.7|| tatpuruṣāv ubhau || ||2.5.8|| vibhaktayo dvitīyādyā nāmnā parapadena tu | samasyante samāso hi jñeyas tatpuruṣaḥ sa ca || ||2.5.9|| syātāṃ yadi pade dve tu yadi vā syur bahūny api | tāny anyasya padasyārthe bahuvrīhiḥ || ||2.5.10|| vidik tathā || ||2.5.11|| dvandvaḥ samuccayo nāmnor bahūnāṃ vāpi yo bhavet || ||2.5.12|| alpasvarataraṃ tatra pūrvam || ||2.5.13|| yac cārcitaṃ dvayoḥ || ||2.5.14|| pūrvaṃ vācyaṃ bhaved yasya so 'vyayībhāva iṣyate || ||2.5.15|| sa napuṃsakaliṅgaṃ syāt || ||2.5.16|| dvandvaikatvam || ||2.5.17|| tathā dvigoḥ || ||2.5.18|| puṃvad bhāṣitapuṃskānūṅpūraṇyādiṣu striyāṃ tulyādhikaraṇe || ||2.5.19|| saṃjñāpūraṇīkopadhās tu na || ||2.5.20|| karmadhārayasaṃjñe tu puṃvadbhāvo vidhīyate || ||2.5.21|| ākāro mahataḥ kāryas tulyādhikaraṇe pade || ||2.5.22|| nasya tatpuruṣe lopyaḥ || ||2.5.23|| svare 'kṣaraviparyayaḥ || ||2.5.24|| koḥ kat || ||2.5.25|| kā tv īṣadarthe 'kṣe || ||2.5.26|| puruṣe tu vibhāṣayā || ||2.5.27|| yākārau strīkṛtau hrasvau kvacit || ||2.5.28|| hrasvasya dīrghatā || ||2.5.29|| anavyayavisṛṣṭas tu sakāraṃ kapavargayoḥ ||

[ṣaṣṭhaḥ pādaḥ] ||2.6.1|| vāṇapatye || ||2.6.2|| ṇya gargādeḥ || ||2.6.3|| kuñjāder āyanaṇ smṛtaḥ || ||2.6.4|| stryatryāder eyaṇ || ||2.6.5|| iṇ ataḥ || ||2.6.6|| bāhvādeś ca vidhīyate || ||2.6.7|| rāgān nakṣatrayogāc ca samūhāt sā 'sya devatā | tad vetty adhīte tasyedam evamāder aṇ iṣyate || ||2.6.8|| tena dīvyati saṃsṛṣṭaṃ taratīkaṇ caraty api | paṇyāc chilpān niyogāc ca krītāder āyudhād api || ||2.6.9|| nāvas tārye viṣād vadhye tulayā sammite 'pi ca | tatra sādhau yaḥ || ||2.6.10|| īyas tu hite || ||2.6.11|| yad ugavāditaḥ || ||2.6.12|| upamāne vatiḥ || ||2.6.13|| tatvau bhāve || ||2.6.14|| yaṇ ca prakīrtitaḥ || ||2.6.15|| tad asyāstīti mantvantvīn || ||2.6.16|| saṅkhyāyāḥ pūraṇe ḍamau || ||2.6.17|| dves tīyaḥ || ||2.6.18|| tres tṛ ca || ||2.6.19|| antas tho ḍe rṣoḥ || ||2.6.20|| katipayāt kateḥ || ||2.6.21|| viṃśatyādes tamaṭ || ||2.6.22|| nityaṃ śatādeḥ || ||2.6.23|| ṣaṣṭhyādy atatparāt || ||2.6.24|| vibhaktisaṃjñā vijñeyā vakṣyante 'taḥ paraṃ tu ye | advyādeḥ sarvanāmnas te bahoś caiva parāḥ smṛtāḥ || ||2.6.25|| tatredam iḥ || ||2.6.26|| rathor etet || ||2.6.27|| teṣu tv etad akāratām || ||2.6.28|| pañcamyās tas || ||2.6.29|| tra saptamyāḥ || ||2.6.30|| idamo haḥ || ||2.6.31|| kimaḥ || ||2.6.32|| at kva ca || ||2.6.33|| tahoḥ kuḥ || ||2.6.34|| kāle kiṃsarvayadekānyabhya eva dā || ||2.6.35|| idamo rhy adhunā dānīm || ||2.6.36|| dādānīmau tadaḥ smṛtau || ||2.6.37|| sadyaādyā nipātyante || ||2.6.38|| prakāravacane tu thā || ||2.6.39|| idamkimbhyāṃ thamuḥ kāryaḥ || ||2.6.40|| ākhyātāc ca tamādayaḥ || ||2.6.41|| samāsāntagatānāṃ vā rājādīnām adantatā || ||2.6.42|| ḍānubandhye 'ntyasvarāder lopaḥ || ||2.6.43|| ter viṃśater api || ||2.6.44|| ivarṇāvarṇayor lopaḥ svare ye ca || ||2.6.45|| nas tu kvacit || ||2.6.46|| uvarṇas tv otvam āpādyaḥ || ||2.6.47|| eye 'kadrvās tu lupyate || ||2.6.48|| kāryāv avāvāvādeśāv okāraukārayor api || ||2.6.49|| vṛddhir ādau saṇe || ||2.6.50|| na yvoḥ padādyor vṛddhir āgamaḥ ||

[Prathamaḥ Pādaḥ] ||3.1.1|| atha parasmaipadāni || ||3.1.2|| nava parāṇy ātmane || ||3.1.3|| trīṇi trīṇi prathamamadhyamottamāḥ || ||3.1.4|| yugapadvacane paraḥ puruṣāṇām || ||3.1.5|| nāmni prayujyamāne 'pi prathamaḥ || ||3.1.5|| yuṣmadi madhyamaḥ || ||3.1.7|| asmady uttamaḥ || ||3.1.8|| adāb dādhau dā || ||3.1.9|| kriyābhāvo dhātuḥ || ||3.1.10|| kāle || ||3.1.11|| samprati vartamānā || ||3.1.12|| smenātīte || ||3.1.13|| parokṣā || ||3.1.14|| bhūtakaraṇavatyaś ca || ||3.1.15|| bhaviṣyati bhaviṣyantyāśīśśvastanyaḥ || ||3.1.16|| tāsāṃ svasaṃjñābhiḥ kālaviśeṣaḥ || ||3.1.17|| prayogataś ca || ||3.1.18|| pañcamy anumatau || ||3.1.19|| samarthanāśiṣoś ca || ||3.1.20|| vidhyādiṣu saptamī ca || ||3.1.21|| kriyāsamabhivyāhāre sarvakāleṣu madhyamaikavacanaṃ pañcamyāḥ || ||3.1.22|| māyoge 'dyatanī || ||3.1.23|| māsmayoge hyastanī ca || ||3.1.24|| vartamānā || ||3.1.25|| saptamī || ||3.1.26|| pañcamī || ||3.1.27|| hyastanī || ||3.1.28|| evam evādyatanī || ||3.1.29|| parokṣā || ||3.1.30|| śvastanī || ||3.1.31|| āśīḥ || ||3.1.32|| syasaṃhitāni tyādīni bhaviṣyantī || ||3.1.33|| dyādīni kriyātipattiḥ || ||3.1.34|| ṣaḍ ādyāḥ sārvadhātukam ||

[Dvitīyaḥ Pādaḥ] ||3.2.1|| pratyayaḥ paraḥ || ||3.2.2|| guptijkidbhyaḥ san || ||3.2.3|| mānbadhdānśānbhyo dīrghaś cābhyāsasya || ||3.2.4|| dhātor vā tumantād icchatinaikakartṛkāt || ||3.2.5|| nāmna ātmecchāyāṃ yin || ||3.2.6|| kāmya ca || ||3.2.7|| upamānād ācāre || ||3.2.8|| kartur āyiḥ salopaś ca || ||3.2.9|| in kāritaṃ dhātvarthe || ||3.2.10|| dhātoś ca hetau || ||3.2.11|| curādeś ca || ||3.2.12|| ini liṅgasyānekākṣarasyāntyasvarāder lopaḥ || ||3.2.13|| raśabda ṛto laghor vyañjanādeḥ || ||3.2.14|| dhātor yaśabdaś cekrīyitaṃ kriyāsamabhihāre || ||3.2.15|| gupūdhūvicchipaṇipaner āyaḥ || ||3.2.16|| te dhātavaḥ || ||3.2.17|| cakāsakāsapratyayāntebhya ām parokṣāyām || ||3.2.18|| dayayāsaś ca || ||3.2.19|| nāmyāder gurumato 'nṛcchaḥ || ||3.2.20|| uṣavidajāgṛbhyo vā || ||3.2.21|| bhīhrībhṛhuvāṃ tivac ca || ||3.2.22|| āmaḥ kṛñ anuprayujyate || ||3.2.23|| asbhuvau ca parasmai || ||3.2.24|| sij adyatanyām || ||3.2.25|| saṇ aniṭaḥ śiḍantān nāmyupadhād adṛśaḥ || ||3.2.26|| śridrusrukamikāritānāntebhyaś caṇ kartari || ||3.2.27|| aṇ asuvacikhyātilipisicihvaḥ || ||3.2.28|| puṣādidyutādyḷkārānubandhārtisartiśāstibhyaś ca parasmai || ||3.2.29|| ijātmane padeḥ prathamaikavacane || ||3.2.30|| bhāvakarmaṇoś ca || ||3.2.31|| sārvadhātuke yaṇ || ||3.2.32|| an vikaraṇaḥ kartari || ||3.2.33|| divāder yan || ||3.2.34|| nuḥ svādeḥ || ||3.2.35|| śruvaḥ śṛ ca || ||3.2.36|| svarād rudhādeḥ paro naśabdaḥ || ||3.2.37|| tanāder uḥ || ||3.2.38|| nā kryādeḥ || ||3.2.39|| āna vyañjanāntād dhau || ||3.2.40|| ātmanepadāni bhāvakarmaṇoḥ || ||3.2.41|| karmavat karmakartā || ||3.2.42|| kartari rucādiṅānubandhebhyaḥ || ||3.2.43|| cekrīyitāntāt || ||3.2.44|| āyyantāc ca || ||3.2.45|| inñyajāder ubhayam || ||3.2.46|| pūrvavat sanantāt || ||3.2.47|| śeṣāt kartari parasmaipadam ||

[Tṛtīyaḥ Pādaḥ] ||3.3.1|| dvirvacanam anabhyāsasyaikasvarasyādyasya || ||3.3.2|| svarāder dvitīyasya || ||3.3.3|| na nabadarāḥ saṃyogādayo 'ye || ||3.3.4|| pūrvo 'bhyāsaḥ || ||3.3.5|| dvayam abhyastam || ||3.3.6|| jakṣādiś ca || ||3.3.7|| caṇparokṣācekrīyitasananteṣu || ||3.3.8|| juhotyādīnāṃ sārvadhātuke || ||3.3.9|| abhyāsasyādir vyañjanam avaśeṣyam || ||3.3.10|| śiṭparo 'ghoṣaḥ || ||3.3.11|| dvitīyacaturthayoḥ prathamatṛtīyau || ||3.3.12|| ho jaḥ || ||3.3.13|| kavargasya cavargaḥ || ||3.3.14|| na kavateś cekrīyite || ||3.3.15|| hrasvaḥ || ||3.3.16|| ṛvarṇasyākāraḥ || ||3.3.17|| dīrgha iṇaḥ parokṣāyām aguṇe || ||3.3.18|| asyādeḥ sarvatra || ||3.3.19|| tasmān nāgamaḥ parādir antaś cet saṃyogaḥ || ||3.3.20|| ṛkāre ca || ||3.3.21|| aśnoteś ca || ||3.3.22|| bhavater aḥ || ||3.3.23|| nijivijiviṣāṃ guṇaḥ sārvadhātuke || ||3.3.24|| bhṛñhāṅmāṅām it || ||3.3.25|| artipipartyoś ca || ||3.3.26|| sany avarṇasya || ||3.3.27|| uvarṇasya jāntassthāpavargaparasyāvarṇe || ||3.3.28|| guṇaś cekrīyite || ||3.3.29|| dīrgho 'nāgamasya || ||3.3.30|| vancisransidhvansibhransikasipatipadiskandām anto nī || ||3.3.31|| ato 'nto 'nusvāro 'nunāsikāntasya || ||3.3.32|| japādīnāṃ ca || ||3.3.33|| caraphalor uc ca parasyāsya || ||3.3.34|| ṛmato rīḥ || ||3.3.35|| alope samānasya sanval laghunīni caṇpare || ||3.3.36|| dīrgho laghoḥ || ||3.3.37|| at tvarādīnāṃ ca || ||3.3.38|| ito lopo 'bhyāsasya || ||3.3.39|| sani mimīmādārabhalabhaśakapatapadām is svarasya || ||3.3.40|| āpnoter īḥ || ||3.3.41|| danbher ic ca || ||3.3.42|| digi dayateḥ parokṣāyām ||

[Caturthaḥ Pādaḥ] ||3.4.1|| saparasvarāyāḥ samprasāraṇam antassthāyāḥ || ||3.4.2|| grahijyāvayivyadhivaṣṭivyacipracchivraścibhrasjīnām aguṇe || ||3.4.3|| svapivaciyajādīnāṃ yaṇparokṣāśīṣṣu || ||3.4.4|| parokṣāyām abhyāsasyobhayeṣām || ||3.4.5|| vyatheś ca || ||3.4.6|| na vāśvyor aguṇe || ||3.4.7|| svapisyamivyeñāṃ cekrīyite || ||3.4.8|| svāpeś caṇi || ||3.4.9|| grahisvapipracchāṃ sani || ||3.4.10|| cāyaḥ kiś cekrīyite || ||3.4.11|| pyāyaḥ piḥ parokṣāyām || ||3.4.12|| śvayater vā || ||3.4.13|| kārite ca saṃścaṇoḥ || ||3.4.14|| hvayater nityam || ||3.4.15|| abhyastasya ca || ||3.4.16|| dyutisvāpyor abhyāsasya || ||3.4.17|| na samprasāraṇe || ||3.4.18|| vaśeś cekrīyite || ||3.4.19|| pracchādīnāṃ parokṣāyām || ||3.4.20|| sandhyakṣarāntānām ākāro 'vikaraṇe || ||3.4.21|| na vyayateḥ parokṣāyām || ||3.4.22|| mīnātiminotidīṅāṃ guṇavṛddhisthāne || ||3.4.23|| sani dīṅaḥ || ||3.4.24|| smijikrīṅām ini || ||3.4.25|| sṛjidṛśor āgamo 'kāraḥ svarāt paro dhuṭi guṇavṛddhisthāne || ||3.4.26|| dīṅo 'nto yakāraḥ svarādāv aguṇe || ||3.4.27|| ālopo 'sārvadhātuke || ||3.4.28|| iṭi ca || ||3.4.29|| dāmāgāyatipibatisthāsyatijahātīnām īkāro vyañjanādau || ||3.4.30|| āśiṣy ekāraḥ || ||3.4.31|| ana us sijabhyastavidādibhyo 'bhuvaḥ || ||3.4.32|| icas talopaḥ || ||3.4.33|| her akārād ahanteḥ || ||3.4.34|| noś ca vikaraṇād asaṃyogāt || ||3.4.35|| ukārāc ca || ||3.4.36|| ukāralopo vamor vā || ||3.4.37|| karoter nityam || ||3.4.38|| ye ca || ||3.4.39|| asyokāraḥ sārvadhātuke 'guṇe || ||3.4.40|| rudhāder vikaraṇāntasya lopaḥ || ||3.4.41|| aster ādeḥ || ||3.4.42|| abhyastānām ākārasya || ||3.4.43|| kryādīnāṃ vikaraṇasya || ||3.4.44|| ubhayeṣām īkāro vyañjanādāv adaḥ || ||3.4.45|| ikāro daridrāteḥ || ||3.4.46|| lopaḥ saptamyāṃ jahāteḥ || ||3.4.47|| dhuṭi hanteḥ sārvadhātuke || ||3.4.48|| śaser idupadhāyā aṇvyañjanayoḥ || ||3.4.49|| hanter ja hau || ||3.4.50|| dāstyor e 'bhyāsalopaś ca || ||3.4.51|| asyaikavyañjanamadhye 'nādeśādeḥ parokṣāyām || ||3.4.52|| thali ca seṭi || ||3.4.53|| tṝphalabhajatrapaśranthigranthidanbhīnāṃ ca || ||3.4.54|| na śasadadavādiguṇinām || ||3.4.55|| svarādāv ivarṇo varṇāntasya dhātor iyuvau || ||3.4.56|| abhyāsasyāsavarṇe || ||3.4.57|| nor vikaraṇasya || ||3.4.58|| ya ivarṇasyāsaṃyogapūrvasyānekākṣarasya || ||3.4.59|| iṇaś ca || ||3.4.60|| nor vakāro vikaraṇasya || ||3.4.61|| juhoteḥ sārvadhātuke || ||3.4.62|| bhuvo vo 'ntaḥ parokṣādyatanyoḥ || ||3.4.63|| goher ūd upadhāyāḥ || ||3.4.64|| duṣeḥ kārite || ||3.4.65|| mānubandhānāṃ hrasvaḥ || ||3.4.66|| ici vā || ||3.4.67|| janivadhyoś ca || ||3.4.68|| oto yinnāyī svaravat || ||3.4.69|| autaś ca || ||3.4.70|| nāmyantānāṃ yaṇāyiyinnāśīś cvicekrīyiteṣu ye dīrghaḥ || ||3.4.71|| iṇo 'nupasṛṣṭasya || ||3.4.72|| ṛta īdantaś cvicekrīyitayinnāyiṣu || ||3.4.73|| ir anyaguṇe || ||3.4.74|| yaṇāśiṣor ye || ||3.4.75|| guṇo 'rtisaṃyogādyoḥ || ||3.4.76|| cekrīyite ca || ||3.4.77|| ghrādhmor ī || ||3.4.78|| yiny avarṇasya || ||3.4.79|| ader ghasḷ sanadyatanyoḥ || ||3.4.80|| vā parokṣāyām || ||3.4.81|| veñaś ca vayiḥ || ||3.4.82|| hanter vadhir āśiṣi || ||3.4.83|| adyatanyāṃ ca || ||3.4.84|| iṇo gā || ||3.4.85|| iṅaḥ parokṣāyām || ||3.4.86|| sanīṇiṅor gamiḥ || ||3.4.87|| aster bhūr asārvadhātuke || ||3.4.88|| bruvo vaciḥ || ||3.4.89|| cakṣiṅaḥ khyāñ || ||3.4.90|| vā parokṣāyām || ||3.4.91|| ajer vī || ||3.4.92|| adāder lug vikaraṇasya || ||3.4.93|| iṇsthādāpibatibhūbhyaḥ sicaḥ parasmai ||

[Pañcamaḥ Pādaḥ] ||3.5.1|| nāmyantayor dhātuvikaraṇayor guṇaḥ || ||3.5.2|| nāminaś copadhāyā laghoḥ || ||3.5.3|| ani ca vikaraṇe || ||3.5.4|| karoteḥ || ||3.5.5|| mideḥ || ||3.5.6|| abhyastānām usi || ||3.5.7|| na ṇakārānubandhacekrīyitayoḥ || ||3.5.8|| abhyastasya copadhāyā nāminaḥ svare guṇini sārvadhātuke || ||3.5.9|| sani cāniṭi || ||3.5.10|| sijāśiṣoś cātmane || ||3.5.11|| ṛdantānāṃ ca || ||3.5.12|| sthādoś ca || ||3.5.13|| bhuvaḥ sijluk || ||3.5.14|| sūteḥ pañcamyām || ||3.5.15|| dīdhīvevyoś ca || ||3.5.16|| rudavidamuṣāṃ sani || ||3.5.17|| nāmyantānām aniṭām || ||3.5.18|| sarveṣām ātmane sārvadhātuke 'nuttame pañcamyāḥ || ||3.5.19|| dvitvabahutvayoś ca parasmai || ||3.5.20|| parokṣāyāṃ ca || ||3.5.21|| sarvatrātmane || ||3.5.22|| āśiṣi ca parasmai || ||3.5.23|| saptamyāṃ ca || ||3.5.24|| hau ca || ||3.5.25|| tudāder an || ||3.5.26|| āmi vider eva || ||3.5.27|| kuṭāder aninicaṭsu || ||3.5.28|| vijer iṭi || ||3.5.29|| sthādor ir adyatanyām ātmane || ||3.5.30|| mucāder āgamo nakāraḥ svarād ani vikaraṇe || ||3.5.31|| masjinaśor dhuṭi || ||3.5.32|| radhijabhoḥ svare || ||3.5.33|| neṭi radher aparokṣāyām || ||3.5.34|| rabhilabhor avikaraṇaparokṣayoḥ || ||3.5.35|| hudhuḍbhyāṃ her dhiḥ || ||3.5.36|| asteḥ || ||3.5.37|| śā śāsteś ca || ||3.5.38|| lopo 'bhyastād antinaḥ || ||3.5.39|| ātmane cānakārāt || ||3.5.40|| śete rir anter ādiḥ || ||3.5.41|| ākārād aṭa au || ||3.5.42|| ṝdantasyer aguṇe || ||3.5.43|| ur oṣṭhyopadhasya ca || ||3.5.44|| iny asamānalopopadhāyā hrasvaś caṇi || ||3.5.45|| na śāsvṛdanubandhānām || ||3.5.46|| lopaḥ pibater īc cābhyāsasya || ||3.5.47|| tiṣṭhater it || ||3.5.48|| jighrater vā ||

[Ṣaṣṭhaḥ Pādaḥ] ||3.6.1|| anidanubandhānām aguṇe 'nuṣaṅgalopaḥ || ||3.6.2|| naśabdāc ca vikaraṇāt || ||3.6.3|| parokṣāyām indhiśranthigranthidanbhīnām aguṇe || ||3.6.4|| danśisanjisvanjiranjīnām ani || ||3.6.5|| asyopadhāyā dīrgho vṛddhir nāminām inicaṭsu || ||3.6.6|| sici parasmai svarāntānām || ||3.6.7|| vyañjanāntānām aniṭām || ||3.6.8|| asya ca dīrghaḥ || ||3.6.9|| vadavrajaralantānām || ||3.6.10|| śvijāgror guṇaḥ || ||3.6.11|| artisartyor aṇi || ||3.6.12|| jāgarteḥ kārite || ||3.6.13|| yaṇāśiṣor ye || ||3.6.14|| parokṣāyām aguṇe || ||3.6.15|| ṛtaś ca saṃyogādeḥ || ||3.6.16|| ṝdantānāṃ ca || ||3.6.17|| ṛccha ṛtaḥ || ||3.6.18|| śīṅaḥ sārvadhātuke || ||3.6.19|| ay īr ye || ||3.6.20|| āyir icy ādantānām || ||3.6.21|| śāchāsāhvāvyāvepām ini || ||3.6.22|| artihrīblīrīknūyīkṣmāyyādantānām antaḥ po yalopo guṇaś ca nāminām || ||3.6.23|| pāter lo 'ntaḥ || ||3.6.24|| dhūñprīṇātyor naḥ || ||3.6.25|| sphāyer vādeśaḥ || ||3.6.26|| śader agatau taḥ || ||3.6.27|| hantes taḥ || ||3.6.28|| hasya hanter ghir ini coḥ || ||3.6.29|| luptopadhasya ca || ||3.6.30|| abhyāsāc ca || ||3.6.31|| jer giḥ sanparokṣayoḥ || ||3.6.32|| ceḥ ki vā || ||3.6.33|| saṇo 'lopaḥ svare 'bahutve || ||3.6.34|| daridrāter asārvadhātuke || ||3.6.35|| vraścimasjor dhuṭi || ||3.6.36|| yany okārasya || ||3.6.37|| ākārasyosi || ||3.6.38|| sandhyakṣare ca || ||3.6.39|| asteḥ sau || ||3.6.40|| asandhyakṣarayor asya tau tallopaś ca || ||3.6.41|| dīdhīvevyor ivarṇayakārayoḥ || ||3.6.42|| nāmivyañjanāntād āyer ādeḥ || ||3.6.43|| gamahanajanakhanaghasām upadhāyāḥ svarādāv anaṇy aguṇe || ||3.6.44|| kāritasyānāmiḍvikaraṇe || ||3.6.45|| yasyāpatyapratyayasyāsvarapūrvasya yin_āyiṣu || ||3.6.46|| nalopaś ca || ||3.6.47|| vyañjanād disyoḥ || ||3.6.48|| yasyānani || ||3.6.49|| asya ca lopaḥ || ||3.6.50|| sico dhakāre || ||3.6.51|| dhuṭaś ca dhuṭi || ||3.6.52|| hrasvāc cāniṭaḥ || ||3.6.53|| iṭaś ceṭi || ||3.6.54|| skoḥ saṃyogādyor ante ca || ||3.6.55|| cavargasya kir asavarṇe || ||3.6.56|| ho ḍhaḥ || ||3.6.57|| dāder ghaḥ || ||3.6.58|| naher dhaḥ || ||3.6.59|| bhṛjādīnāṃ ṣaḥ || ||3.6.60|| chaśoś ca || ||3.6.61|| bhāṣitapuṃskaṃ puṃvad āyau || ||3.6.62|| ād ātāmāthām āder iḥ || ||3.6.63|| āte āthe iti ca || ||3.6.64|| yāśabdasya ca saptamyāḥ || ||3.6.65|| yām_yusor iyamiyusau || ||3.6.66|| śamādīnāṃ dīrgho yani || ||3.6.67|| ṣṭhivuklamvācamām ani || ||3.6.68|| kramaḥ parasmai || ||3.6.69|| gamiṣyamāṃ chaḥ || ||3.6.70|| paḥ pibaḥ || ||3.6.71|| ghro jighraḥ || ||3.6.72|| dhmo dhamaḥ || ||3.6.73|| sthas tiṣṭhaḥ || ||3.6.74|| mno manaḥ || ||3.6.75|| dāṇo yacchaḥ || ||3.6.76|| dṛśeḥ paśyaḥ || ||3.6.77|| arter ṛcchaḥ || ||3.6.78|| sarter dhāvaḥ || ||3.6.79|| śadeḥ śīyaḥ || ||3.6.80|| sadeḥ sīdaḥ || ||3.6.81|| jā janer vikaraṇe || ||3.6.82|| jñaś ca || ||3.6.83|| pvādīnāṃ hrasvaḥ || ||3.6.84|| uto vṛddhir vyañjanādau guṇini sārvadhātuke || ||3.6.85|| ūrṇoter guṇaḥ || ||3.6.86|| hyastanyāṃ ca || ||3.6.87|| tṛher iḍ vikaraṇāt || ||3.6.88|| bruva īḍ vacanādiḥ || ||3.6.89|| aster disyoḥ || ||3.6.90|| sicaḥ || ||3.6.91|| rudādibhyaś ca || ||3.6.92|| ado 'ṭ || ||3.6.93|| sasya se 'sārvadhātuke taḥ || ||3.6.94|| aṇi vacer od upadhāyāḥ || ||3.6.95|| asyateḥ stho 'ntaḥ || ||3.6.96|| pateḥ paptiḥ || ||3.6.97|| kṛpe ro laḥ || ||3.6.98|| girateś cekrīyite || ||3.6.99|| vā svare || ||3.6.100|| tṛtīyāder ghaḍhadhabhāntasya dhātor ādicaturthatvaṃ sadhvoḥ || ||3.6.101|| lope ca disyoḥ || ||3.6.102|| tathoś ca dadhāteḥ ||

[Saptamaḥ Pādaḥ] ||3.7.1|| iḍāgamo 'sārvadhātukasyādir vyañjanāder ayakārādeḥ || ||3.7.2|| snukramibhyāṃ parasmai || ||3.7.3|| rudādeḥ sārvadhātuke || ||3.7.4|| īśaḥ se || ||3.7.5|| īḍjanoḥ sadhve ca || ||3.7.6|| se gamaḥ parasmai || ||3.7.7|| hanṛdantāt sye || ||3.7.8|| anjeḥ sici || ||3.7.9|| stusudhūñbhyaḥ parasmai || ||3.7.10|| yamiraminamyādantānāṃ sir antaś ca || ||3.7.11|| smiṅpūṅranjvaśūkṝgṝdṛdhṛpracchāṃ sani || ||3.7.12|| iṭo dīrgho graher aparokṣāyām || ||3.7.13|| aniḍ ekasvarād ātaḥ || ||3.7.14|| ivarṇād aśviśriḍīṅśīṅaḥ || ||3.7.15|| uto 'yuruṇusnukṣukṣnuvaḥ || ||3.7.16|| ṛto 'vṛṅvṛñaḥ || ||3.7.17|| śakeḥ kāt || ||3.7.18|| pacivacisiciricimuceś cāt || ||3.7.19|| praccheś chāt || ||3.7.20|| yujirujiranjibhujibhajibhanjisanjityajibhrasjiyajimasjisṛjinijivijisvanjer jāt || ||3.7.21|| aditudinudikṣudisvidyatividyativindativinattichidibhidihadiśadisadipadiskandikhider dāt || ||3.7.22|| rādhirudhikrudhikṣudhibandhiśudhisidhyatibudhyatiyudhivyadhisādher dhāt || ||3.7.23|| hanimanyater nāt || ||3.7.24|| āpitapitipisvapivapiśapichupikṣipilipilupisṛpeḥ pāt || ||3.7.25|| yabhirabhilabher bhāt || ||3.7.26|| yamiraminamigamer māt || ||3.7.27|| riśiruśikruśiliśiviśidiśidṛśispṛśimṛśidanśeḥ śāt || ||3.7.28|| dviṣipuṣyatikṛṣiśliṣyatitviṣipiṣiviṣiśiṣiśuṣituṣiduṣeḥ ṣāt || ||3.7.29|| vasatighaseḥ sāt || ||3.7.30|| dahidihiduhimihirihiruhilihiluhinahivaher hāt || ||3.7.31|| grahaguhoḥ sani || ||3.7.32|| uvarṇāntāc ca || ||3.7.33|| ivantardhabhrasjadanbhuśryūrṇubharajñapisanitanipatidaridrāṃ vā || ||3.7.34|| bhuvaḥ sijluki || ||3.7.35|| sṛvṛbhṛstudrusruśruva eva parokṣāyām || ||3.7.36|| thaly ṛkārāt || ||3.7.37|| kṛño 'suṭaḥ || ||3.7.38|| suḍ bhūṣaṇe samparyupāt ||

[Aṣṭamaḥ Pādaḥ] ||3.8.1|| padānte dhuṭāṃ prathamaḥ || ||3.8.2|| rasakārayor visṛṣṭaḥ || ||3.8.3|| ghaḍhadhabhebhyas tathordho 'dhaḥ || ||3.8.4|| ṣaḍhoḥ kaḥ se || ||3.8.5|| tavargasya ṣaṭavargāṭ ṭavargaḥ || ||3.8.6|| ḍhe ḍhalopo dīrghaś copadhāyāḥ || ||3.8.7|| sahivahor od avarṇasya || ||3.8.8|| dhuṭāṃ tṛtīyaś caturtheṣu || ||3.8.9|| aghoṣeṣv aśiṭāṃ prathamaḥ || ||3.8.10|| bhṛjaḥ svarāt svare dviḥ || ||3.8.11|| asya vamor dīrghaḥ || ||3.8.12|| svarāntānāṃ sani || ||3.8.13|| haniṅgamor upadhāyāḥ || ||3.8.14|| nāmino rvor akurchuror vyañjane || ||3.8.15|| sasya hyastanyāṃ dau taḥ || ||3.8.16|| aḍ dhātvādir hyastanyadyatanīkriyātipattiṣu || ||3.8.17|| svarādīnāṃ vṛddhir ādeḥ || ||3.8.18|| avarṇasyākāraḥ || ||3.8.19|| asteḥ || ||3.8.20|| eter ye || ||3.8.21|| na māmāsmayoge || ||3.8.22|| nāmyantād dhātor āśīradyatanīparokṣāsu dho ḍhaḥ || ||3.8.23|| marjo mārjiḥ || ||3.8.24|| dhātvādeḥ ṣaḥ saḥ || ||3.8.25|| ṇo naḥ || ||3.8.26|| nimittāt pratyayavikārāgamasthaḥ saḥ ṣatvam || ||3.8.27|| śāsivasighasīnāṃ ca || ||3.8.28|| stautīnantayor eva sani || ||3.8.29|| luglope na pratyayakṛtam || ||3.8.30|| svaravidhiḥ svare dvirvacananimitte kṛte dvirvacane || ||3.8.31|| yo 'nubandhao 'prayogī || ||3.8.32|| śiḍ iti śādayaḥ || ||3.8.33|| samprasāraṇaṃ yvṛto 'ntassthānimittāḥ || ||3.8.34|| ar pūrve dve sandhyakṣare ca guṇaḥ || ||3.8.35|| āruttare ca vṛddhiḥ ||