oṃ śrīgaṇeśāya gajamukhāya namo namaḥ || oṃ namaḥ sarasvatyai || oṃ namaḥ śrīmadārādhyarājānakaśaṅkarakaṇṭhacaraṇasarojebhyaḥ || atha śrībālabodhinīnyāso likhyate ||

yo nirmāti bibharti saṃharati ca krīḍānukampādibhir nirdehas trijagatpramāṇapariṣatkhyāto yadicchāṃ vinā | dātuṃ śaknuvate kadā cana phalaṃ karmāṇi no kutra cid vikhyātaḥ parameśvaraḥ sa tanutād vāgvaibhavaṃ vo vibhuḥ || vidyātīrthavihāraśālini paraṃ śrīśāradāsaṃśraye kauberyā harito lalāṭatilake kaśmīradeśe 'bhaye yaśchrīpadmapuraṃ purandarapuraṃprodyatprabhaṃ bhāsate tatrācāryavaro babhūva bhagavān somaḥ nāmā sa somaprabhaḥ || yas siddhāmṛtaśambhudarśitamahāvidyaḥ satāṃ vismayaṃ śāpānugrahatasutānaparamaḥ somas tadīye nvaye | vidyāvān avanāmātārakaḥ samuditaḥ sūryodaye |'vodaye | dhenūnāṃ pradadau sahasram amalaṃ cakre yaśaś candrikām || tatputraḥ sa |manoharo nāmāguruvaro yajñair mahādakṣiṇair indratvagrahaśaṅkayā surapater bbhītiṃ tatāna sphuṭam tatputraḥ sa ca socakaḥ samabhavad vedāntasiddhāntavindhyāyaṃ dhyāyam iyāya devasadanaṃ devaṃ mṛḍānī patim || tasmād yodhanāmāgurur babhūva bhagavān saṃprāpya dīkṣāṃ yataḥ prājyaṃ rājyaṃm apāstavairinikarāś cakraś ciraṃ bhūbhujaḥ yadbhrātā sa babhūva sarvaviditaḥ śrīkaṇṭharājānakaḥ śāpānugrahakṛd|| dinaiḥ katipayair yaḥ siddhatāṃ śiśriye || yodhācāryasuto |'rjuno |'jani jagatkhyātair gariṣṭho guṇair yasmāś śrīśitikaṇṭha ity abhidhayā jāto smi vidyānidheḥ nānāśāstravinirṇayāya bahuśas tīrthāntarāṇy abhramaṃ pūjāṃ gūrjaranāthamahmadasuratrāṇād avāpaṃ parām || śrīgorakṣapure dhigamya vibudhāt tarkaṃ paraṃ karkaśaṃ | śrīnāthād ||'adhikāśi śeṣaracitaṃ mīmāṃsayā māṃsalam pūrṇaṃ | bhāṣyaṃ śrīvaradeśvarā||tdvavasatiṃ prāpto rthito haṃ rahaḥ śrīmaṇṇainanapeṇa so tra karavai vyākhyāṃ satāṃ satāṃ prītaye || yo bālabodhinyabhidhāṃ budhendro jagaddharo yāṃ vitatāna vṛttim tannaptṛkanyātanayātanūjo vyākhyāmi tāṃ śrīśitikaṇṭhako lpam || tatsaṃprārthanayā||nayā nayavidāṃ durge pi mārge mayā cāpalyaṃ yad akāri tatkṛtadhiyo yūyaṃ kṣamadhvaṃ budhāḥ hāraṃ hāram ahāryamohamahitaṃ śabdārthayoḥ saṅgatiṃ kāraṃ kāram idaṃ bhavadbhir abhito rakṣyaṃ gṛhītakṣaṇaiḥ || grāme grāme |'grahārān maṭhadharaṇiyutān karmaṭhebhyaḥ kaṭhebhyaḥ sabhyebho yo | vyatārīd ripugurunagarīr yo garīyān abhaitsīt akṣāṇyakṣīṇaśaktir vyavahṛticaturo yo vyajaiṣīc ca tasmin bhūjānau hassanākhye bhuva|m avati mayā |tanyate grantha eṣaḥ || sarvakṣmāpatimauli|'r āhitanavaprājyasvarājyaḥ paraṃ tattvātattvavicārakāridhiṣaṇo gāmbhīryaśauryānvitaḥ kaśmīrādhipatiḥ kṛpājalanidhi|r vikhyātakīrti|ś citaṃ jīyāt haidaraśāhisūnur anaghaḥ kandarpadarpāpahaḥ ||