svasti || oṃ namo gaṇapataye || apaśabdas tv akṛta ity evaṃ yad bhavadbhir udghuṣṭaṃ tad eva tāvad vicāryate | katham ayam apaśabdaḥ kiṃ śabdalakṣaṇarahitatvāt āhosvid arthapratipattyasādhanatvād iti | kiṃ cātaḥ yadi tāvac chabdalakṣaṇarahitatvād ayam apaśabda ity evaṃ vaktum abhipretaṃ tad ayuktam śabdalakṣaṇopapannatvena pratīyamānatvāt tathā hi śrotragrahaṇalakṣaṇas sāmānyavān arthaś śabda iti śabdasadbhāvād bhāvaviśeṣajñāḥ tallakṣaṇopapannatvaṃ cāsya sakalajvarasākṣikatvena pratīyata eva | anyathā hi tatsadbhāvasiddhir eva na syāt na hy ayam apaśabdatvenābhimataś śabdaś śrotrād anyena pratipattuṃ śakyata iti | athaivaṃ kadācin nigadyate kila yad vyākaraṇapraṇetṛbhir ācāryaiḫ prāṇiniprabhṛtibhis sādhuśabdānāṃ lakṣaṇaṃ proktaṃ tadrahitatvenāyam apaśabda iti | tad etad apy asādhīyaḥ tathā hi vyākaraṇapraṇetṛbhir ācāryaiẖ kiṃ śabdānāṃ sāmānyalakṣaṇaṃ proktam āhosvid viśeṣalakṣaṇam ubhaye vā tan na tāvat sāmānyalakṣaṇaṃ praṇītaṃ śrotragrāhyatvavad apratibhāsanāt tad yathā | kaṇabhukpraṇītaṃ sāmānyavataḥ śrotragrāhyatvaṃ sarvaśabdānāṃ sāmānyalakṣaṇaṃ pramāṇenopalabhyate naivaṃ sādhuśabdānām apy aśeṣavyaktyanugataṃ kiṃcid ekaṃ sāmānyabhūtaṃ vyākaraṇapraṇetṛbhir ācāryaiḫ praṇītalakṣaṇam upalabdhigocaratām upagacchati tathā hi samāsalakṣaṇena vākyeṣv asti vākyalakṣaṇaṃ na ca samāseṣu tāthā kriyālakṣaṇaṃ na kārakeṣv asti kārakalakṣaṇaṃ na ca kriyāsv ity evaṃ sandhivigrahakṛttaddhitādilakṣaṇānām apy anyonyavargavyāpakatvenāsāmānyātmatā draṣṭavyeti etenobhayalakṣaṇapraṇetṛtvaṃ pratyuktaṃ sāmānyalakṣaṇasambhave ubhayalakṣaṇavyavahāro pi durghaṭa eveti || atha viśeṣaṇalakṣaṇam eva sādhuśabdānāṃ pāṇinibhṛtibhiḥ praṇītaṃ tadrahitatvenāyam apaśabdaḥ ity evaṃ kadācidvaṃ bhaṇīṣi tad atyanupapannam eva | yasmād viśeṣalakṣaṇarahitatvena viśeṣavyavahāra eva nivāryatāṃ na śabdatvaṃ sādhutvaṃ vā taddhitalakṣaṇarahitatvena ca kṛtsu taddhitavyavahāra eva na nivartate | śabdatvaṃ sādhutvaṃ veti | yathā vā pratyakṣalakṣaṇarahitatvenānumānādau pratyakṣavyavyahāra eva na yukto na tu pramāṇavyavahāro pīti | tasmād yathā pramāṇajñair nigaditaṃ pramāsādhanatvaṃ sakalapramāṇavyaktyanugatam apramāṇād vyāvṛttaṃ pramāṇasāmānyalakṣaṇaṃ yatsadbhāvāsadbhāvābhyāṃ pramāṇatadābhāsas tattvetaraviśeṣavyavasthāpanam upapadyate | tadvad aśeṣaśabdavyaktyanugatam apaśabdād vyāvṛttaṃ śabdasāmānyalakṣaṇaṃ vaktavyaṃ yat sadbhāvāsadbhāvātvāṃ śabdāpaśabdapravibhāgo vyavatiṣṭhate | na ca tathā lakṣaṇābhidhāyivyākaraṇaśāstrāntargataṃ kiṃ cid api sūtraṃ paśyāmas tatra vyākaraṇapraṇetṛpraṇītalakṣaṇāhitatvenāpy asyāpaśabdatvam iti | atha samastasādhuśabdānugatam apaśabdād vyāvṛttaṃ sādhutvaṃ nāma sāmānyam eva sādhuśabdānāṃ lakṣaṇaṃ kaś cid vyācakṣīta tad etad asya nirūpitārthābhidhānaṃ tat khalu sādhutvasaṃjñakaṃ sāmānyaṃ svayam asiddhamattārkaṃ katham anyasya vyavasthāpakaṃ syāt | na hi hi tadastitve pramāṇaṃ kiṃ cid utpaśyāmaḥ | tathā hi nā tāvad akṣavyāpāraje vijñāne sādhutvam ātmānaṃ prakaṭayati | yathā ca kṣurādijanite vijñāne ghaṭatvavṛkṣatvagotvādi nīlatvamadhuratvoṣṇatvādi ca sāmānyaṃ sajātīyeṣv avāṃtarabhedabhinneṣv apy anugataṃ vijātīyebhyo vyāvṛttaṃ ca pratibhāti naivaṃ sādhutvaṃ nāma sāmānyam anugatavyāvṛttapratyayārūḍham atiyatnavṛto pi cakāsti | yadi pratyakṣaṃ sādhutvaṃ sāmānyaṃ syāt tadā bhavatiśabde pṛcatiśabde vā sādhuśabdo yam ity evaṃ samayagraheṇa sati aprasiddheṣv api sādhuśabdeṣu śrūyamāṇeṣu sādhuśabdo yam iti pratītiḫ prādurbhaved ghavṛkṣagavādipratītivan na ca tathā bhavati tasmān na sādhutvaṃ nāma sāmānyaṃ pratyakṣagocaratām āpādya kadācid apy ātmānaṃ prakaṭayati | pratyakṣaniṣedhād anumānum api niṣiddhaṃ draṣṭavyam anavadhāritaliṅgasaṃbandhasyānumātum aśakyatvāt sāmānyato dṛṣṭam anumānam atra na saṃbhavaty eva | sāmānyenāpi tatpratibaddhakāryādiliṅgānupalabdherr iti | athācasādeva sādhutvam avagamyate ity evaṃ kadā cil lālapīpi tad etad api na pramāṇadṛṣṭim anusaradbhiḫ pramāṇīṃkriyate | na hy ubhayavādivipratipattyaviṣayaẖ kaś cid āgamo pi sādhutvasadbhāvāvedaka upalabhyate | yatas sādhutvaviniścayaḫ prādurbhāvam āsādayed vacanamātrasya ca sarvatra sulabhatvān na tato vivādagocarāpannārthaviniścayas saṃvatīti nāgamād api sādhutvādhigamaẖ kartuṃ yukta iti |